مصير القضية
Share |
<< السابق | التالي >>
مصير القضية
2008-02-07 أرسل هذا الكاريكاتير إلى صديقك عماد حجاج
Follow mahjoobcom on Twitter
تعليقات:
إذا وجدت أيّ تعليق غير ملائم، الرجاء عدم التردد في إبلاغ المشرف.
زيـــــــن سنتـــــــو ... دبــي 2008-02-07 10:53:26 GMT

بصراحـــة ما فهمت الكاريكاتيـــــر
في حدا يفهمنـــــا؟؟
هل قصدو انو مصير القضيـــه ارتبط مصيرها بصواريخ المقاومـــه الحمساويــــة؟؟


ماء السماء 2008-02-07 11:00:48 GMT
ما فهمت شو قصدوا ب هاد الدخان الابيض؟؟ و على العموم حماس هي السبب بكل مشاكل فلسطين اول شي بتشاطروا على جماعة فتح و بصيروا يقتلوا فيهم .... تاني شي هلا و غزة محاصرة عم بزيدوا الطين بلة يسكتوا بكون احسن لانه خطايا اهل غزة برقبتهم...
عبودي 2008-02-07 11:02:25 GMT
كركاتير عبثي لأبعد الحدود مع احترامي الكبير للاخ عماد
وكأن المقاومة اصبحت تفريط في القضية
والافضل الجلوس عنها

عندي بس سؤال واحد اخي عماد
هل الجلوس على طاولة المفاوضات افضل
من مقاومة هذا المحتل بشتى الطرق

همسة هذه الصواريخ وهذه المقاومة هي من اخرجت الاحتلال من غزة
قسامي 2008-02-07 11:16:56 GMT
فشرت يا حجاج و فشر كل من يدور في فلك الصهيونية الامريكية..

صواريخ القسام لن تقود القضية الى مصير مجهول كما يصور رسمك العبثي.. بل ستقود الى نصر من الله قريب و يومئذ يفرح المؤمنون و يذل و ينقلب على عقبيه كل ذنب للصهيونية
زيـــــــن سنتـــــــو ... دبــي 2008-02-07 11:19:52 GMT

موقف السلطه الفلسطينيه غريب وصرت احتار فيه ..ففي حصار غزه ظلت اول الساكتين واخر المتكلمين ...انتظرت السلطه الفلسطينيه ردود الدول العربيه وغيرها والتي نددت علي استحياء وخجل وطاطاه راس بحصار اسرائيل لغزه وجاءت السلطه لرفع العتب والعيب عنها وقالت ونحن ايضا نندد بحصار غزه ونطالب المجتمع الدولي بالتدخل لرفع معاناه اخواننا !!.ولكن مع ذلك ادمغتها بعباره مرافقه وهي وايضا اننا ضدنندد اطلاق الصواريخ علي المدن الاسرائيليه ( مع انه في يومها مافي حدا اطلق صاروخ او حتي رمانه علي اسرائيل )!!!بعباره تصحيحيه حتي ماتزعل اسرائيل وتعتب على السلطه فحبت ايضا تكحل عيون اسرائيل !!!..وفي اطلاق كتائب ام علي او ابوعلي لافرق صواريخ علي مدينه فلسطينيه تحت الاحتلال الاسرائيلي ..سارعت السلطه قبل غيرها (حتي لايسبقها احد ) ..الي التنديد بالعمليه واعتبر من اطلقوها خارجين عن القانون وارهابيين ويستحقون اقسى انواع العقاب وطالبت السلطه الشرطه الفلسطينيه بملاحقه واعتقال منفذي العمليه الجبانه !!كما قدمت خالص عزائها ومواساتها الي الجنود الاسرائيليين الذين قتلوا في القصف الصاروخي والي اهاليهم وطلبهم بالتحلي بالصبر وكسب الاجر من الله العلي العظيم ... (وانا احمد الله ان السلطه انتبهت الي حالها ولم تقول بعد كل هذا ( ولاتحسبن الذين قتلوا في سبيل الله امواتا بل احياء عند ربهم يرزقون ) !!!!!

وحداني يا ليل 2008-02-07 11:20:59 GMT
يجوز قصدو غير ما فهمتوه !!!

يعني قصدو استمرارية اطلاق الصواريخ والجهاد

يذكي نار المقاومة :idk:
قسامي 2008-02-07 11:28:38 GMT
قصده واضح و هذه ليست اول مرة يهاجم فيها حجاج صواريخ المقاومة

رسم الصاروخ الاول يدل على انه انطلق الى مكان مجهول
رسم الصاروخ الثاني يحمل مصير القضية و يتبع الصاروخ الاول
مطلق الصواريخ يدير ظهره للصاروخ و يغلق اذنيه

اذا كان مجاهدو القسام و المقاومة بشكل عام يديرون ظهورهم للقضية فمن يناضل لاجلها؟ انت يا حجاج؟ خليك على ابو محجوب و دع فلسطين لرجالها فهي منك براء
وحداني يا ليل 2008-02-07 11:32:24 GMT
ع العموم احنا مع المقاومة حتى النخاع

الله ينصرهم ويقويهم ويعز بيهم الإسلام

امين يا رب
محايد 2008-02-07 11:49:16 GMT
الرسمة مخزية جدا ومهينة للمقاومة , تصورهم كأنهم مجموعة ارهابيين او همجيين يقتلون لمجرد القتل , ويضربون الصواريخ لمجرد العبث واللهو ..لكن حاشا والله فهم أسود المقاومة وشتان بينك وبينهم يا عماد يوم القيامة ..

واضح جدا من الرسم تحميلهم مسؤولية القضية , وكأن المجاهد ينسف آخر أمل لحل القضية لأنه هو السبب ..

ياعماد بالله عليك ما بتفكر بعواقب بعض رسومك ؟! خاصة اللي بتتجرأ فيها على كلام القرآن او الدين وهلأ المجاهدين ؟؟ يازلمة قلنالك ألف مرة خليك بأبو محجوب هو اللي نجحك و وصلك لهالمستوى , دخلات اليمين والشمال ابعد عنها عشان ما تفقد معجبينك , نصيحة لوجه الله بنصحك اياها يا أخي !
ME ;p 2008-02-07 12:30:03 GMT
يعني صراحة انا مو شايف معنى كبير بالكاريكاتير على حد فهمي (فهمي انا مو حسين فهمي)

بس اظن انه ما كان قصد عماد متل ما فهمتوا
يعني ما اظن انه رح يهاجم المقاومة بهالشكل

لان المقاومة وين ما كانت و تحت اي مسمى اذا كانت تقاوم استعمار فهي مقدسة

و سلامتكم
tareq 2008-02-07 12:42:44 GMT
يعني واضح جداً انو الأخ عماد فتحاوي
وأنا سعيد جداً اني بهل الرسمة تبينلي انو أكتر الناس المثقفة مع حماس أو مع المقاومة بشكل عام ... يعني جماعة فتح فوق مالهم مستسلمين
وخانعين للاحتلال كمان بدهم يجرحوا بجماعة حماس
أنا سوري مالي فلسطيني بس موقف حماس صحيح 100 % وفتح هي اللي طلعت عن جادة الصواب . أنا بعذرهم يمكن يكونوا ملو من المقاومة
بس يقعدو ببيتوهم وبس مو يحبطو ويحاربو اللي لسى في عندهم نخوة وشرف وإباء
أي روح انكلع يا عماد (The LandLover) 2008-02-07 12:46:39 GMT
يعني كاريكاتير فاااااشل بأعلى المقاييس يعني لا معنى ولا جوهر ولا شطارة في الرسم

يعني فوك مهو بخخخخخخزيوكمان جايب المقاومة بالعاطل والله عيب عليك




ملاحظة...
وين أيام ما كنت تنحبس يا( أخ) عماد مشان قضايا الامة والا شو شكلهم هالمرة رشولك مليح صح!!!


يا عيب العيب بس
عزمي بشارة 2008-02-07 12:51:12 GMT
فكرت حالي بتفرج على كاريكاتير في صحيفة معاريف او هارتس الاسرائيلية

شو هاد يا عماد هاد اللي طلع معك يا زلمة انا توقعت ترسملك شغله عن العمليات البفدائية او عن استشهاد التنفيذية بغزة بس يا خسارة
Ahmad Omar 2008-02-07 12:59:06 GMT
بصراحة أنا كنت بحترمك و بحترم رسومك .. بس بعد رسمة اليوم تغيرت نظرتي 180 درجة ..
هذه الرسومات المهينة للمقاومة ستبقى وصمة عار في تاريخك ، كان حري بك أن تتبع نهج ناجي العلي أو أمية جحا فهؤلاء الفنانين يرسخون في الذاكرة لأنهم رفضوا أن يتاجروا بأقلاهم بأسعار بخسة..
مصبح ممسي 2008-02-07 13:08:23 GMT
أخ عزمي ما تقول عمليات إستشهاديه عشان عماد يفهم، هذي بمصطلحات تبعون فتح اسمها عمليات انتحاريه
ابو محمد 2008-02-07 13:17:53 GMT
انا لا ادري يا اخ عماد ما هذا الرسم الوضيع واعذروني على هذا اللفظ الا تعلم ان" سباب المسلم فسق" والعلماء اجمعوا وذكروا ان سبابه سواء كان بالقول او الفعل فما بالك بسباب المجاهدين اللذين يربطون على الثغور يذودون عن شرف هذه الامة الفاسدة
انظر الى التعليقات وستعلم كم انت اسأت لهذه الثلة الصادقة.
فعفوط 2008-02-07 13:19:02 GMT
اللهم سدد رميهم


امين

افعط
^_^
عزمي بشارة 2008-02-07 13:19:51 GMT
الى مصبح ممسي
وكمان تعديل عشان عماد بن الي عيزر يفهم
عمليات ارهابية خيك منيح يا عماد احنا بنموت على الارهاب وتخلفين ومتقوقعين وعقول متحجرة يا اخي ما الك دخل فينا
ووالله شغلة هاي قال راحت القضية
اهلين
بندورة 2008-02-07 13:28:00 GMT
تحية لشباب في البداية و اعذروني على التأخير بس عشان كان عندي meeting ...
المهم
باعتقادي يا عماد حجاج انك لم تسيء للمقاومة لان المقاومة ما بتنظر لهاي الرسومات ال"سخيفة" والمقاومة موجودة في داخل الكل لا انت ولا غيرك بقدر برسومات او بكلام ساقط يقنعنا بعبثية المقاومة
فقط انت اسأت لتصويرك المقاومة فلا تفكرلي حالك حدق وابص شو !!!!!!!
ابو جهاد 2008-02-07 13:30:51 GMT
فتوي ابا العينين

0يا با العينين.... ما فتواك في هذا الغلام ؟
-هل دعا - في قلبه - إلي قلب النظام ؟
0لا...
- وهل جاهر بالتكفير أثناء الصيام ؟
0لا....
- وهل شوهد للأمام ؟
0لا ...
- إذن صلي صلاة الشا فعيه.
0لا ...
-إذن أنكر أن الارض ليست كرويه.
0لا ..

...........................................

-ألا يبدوا مصابا بالزكام ؟
0لا ....
-لنفرض أنه نام
وفي النوم رأي حلما
وفي الحلم أراد الإيتام.
0 لم ينم منذ اعتقلناه..
- إذن.. متهم دون اتهام !
بدعة وا ضحه مثل الظلام.
إقطعوا رأسه.
0لكنه قام يصلي..
- هل سنلغي الشرع
-من أجل صلاة ابن الحرام ؟ !
كل شئ وله شئ..
- تمام.
صدرت فتوي الإمام :
( يقطع الر أس
وتبقي جثة الوغد تصلي
آه... يا للي.
والسلام) !

احمد مطر






حتى لو عملت حماس(لاقدر الله) كل ما طلبه الاحتلال والعملاء سيخرج لهم شروط اخرى وكما قال الله تعالى(لا يستوي القاعدون غير اولي الضرر منكم والمجاهدون في سبيل الله) صدق الله وصدقت صواريخ المقاومين
حزين 2008-02-07 13:34:24 GMT
قبل ما الاخ عماد يرسم الكاريكاتير وهو اعلامي وبحسب رأيي المفروض انو يكون محايد كان لازم يراعي الله في رسوماته واثنين يحترم كل شخص مسلم وعربي وفلسطيني بحب هالأمه وبغار على مصلحتها الله يهديك يا عماد ويهدي كل اللي مثلك
حزين 2008-02-07 13:44:24 GMT
وبعدين يا أخ عماد خليك في الكاركاتير الاجتماعي وعبر عن مشاكل هالناس احسنلك من أن تتدخل وتفتي في أشياء بتقلل من قيمتك وقدرك عند متابعينك ارجو انك تفكر في الموضوع
mahmoud 2008-02-07 13:54:14 GMT
قبل ما اعلق عالرسم حابب اقول للكنترول الله يعينك اليوم و أحسن لو تسكرو التعليقات لحتى ينزل كاريكاتير جديد و يهدى الوضع

أما بالنسبة للكاريكاتير فيا جماعة و الله أول ما شفتو فهمت غير الكلام اللي بتحكو في و هو فعلا ممكن ينفهم زي ما بتقولو لكن خلينا نحسن الظن بالأخ عماد، أنا اللي فهمتو إنو قصدو القضية مرتبطة بالصواريخ الجهادية. و كثير منكو بعرف إنو الزلمة أكثر من مرة تبهدل مع الحكومة من ورا رسوماتة اللاذعة فمش معقول يقلب مرو واحدة. و فهمكم كفاية
HASKOUR 2008-02-07 14:00:40 GMT
وسع .... وسع .... وسع .... اجى الزعيم ؟
... واحد بهزلي دنب ؟
مرحبا شله و رب الكون الي ساعتين بدور على الكاريكاتير و حابب اشوفه و ادور و ادور و انهلكت و انا بدور و لقيتكم الحمد لله مش قصده عماد الي قرأته منكم بس يمكن كان مبارح شارب فودكا اسرائيلي و بقيت خرمانه معاه للصبح ونشر بالغلط بس سامحوه هاي المرة مش منه من الي بدمه و الحدق يفهم شو في بدمه ؟؟؟؟؟
يا حيف على الرجال يوم تندش خشومها يا عوعو ياحيف ؟
مش عيب مش عيب هاد الحكي ؟ يا عو عو سلامي للجميع و عيب علي ازا بقعد ع النت اليوم لأجلك يا ابو ابو شو اه ابو محجوب ؟؟؟؟
حزين 2008-02-07 14:03:04 GMT
انت معك حق يا أخ محمود بس برضوا احنا بنفترض من الأخ عماد كون الجميع بيحترموه انه يكون أكثر حرص ودقه في اختيار موضوعاته وزي ما عودنا دايما واحنا لو مش مهتمين فيه كان ما لقيتنا هون وشكرا أخي الكريم
nly 2008-02-07 14:06:15 GMT
على اأقل إستطاعوا من تصنيع صوارخ محلية بمكونات ضئيلة و متوفرة عندهم من أجل تحقيق الهدف الأسمى
عند الصهاينة الصواريخ و المعدات التي تفوق أي تكنولوجيا عسكرية في الوطن العربي
مع هذا فهم يهابون هذه الصواريخ التي هي مصنوعة باليد بالمنازل "صواريخ منزلية"
وليس عندهم أي جهاز عنده المقدرة لإكتشاف أو رادار لرصد هذه الصوارخ البسيطة

طبعا هم الذين يقررون مصير القضية
وبطريقتهم ستعلو القضية و ننتصر لأن الله معهم
لأن الله مع القضية و المجاهدين
لأن النصر حق لعباده المؤمنين
حاربتم المقاومة وشاركتم بالقضاء عليها و حصارها و خنقها وقطع المعونات عنها
والآن تحاربوها بالإعلام
اللذي يشيب الرأس
الن اليد التي تطعنك هي يد أخوك
فما أصلك يا عماد
mahmoud 2008-02-07 14:13:56 GMT
أخ حزين في منطق بكلامك ولكن دايما بفضل نحسن الظن
على كل بتوقع بس ينزل الكاريكاتير بالجريدة و اللي بعلقو بالغد يعملو شوية ضجة مثل ما هو حاصل هون و زي ما صار بكاريكاتير إنحباس المطر بتنزل الغد تبرير و إعتذار
حزين 2008-02-07 14:15:23 GMT
انا برأيي يا أخ عماد يفضل انك توضح الكاريكاتير للناس حتى ما تسقط من عين محبيك
Ismael 2008-02-07 14:42:16 GMT
أظن أن التعليقات المستنكرة جميعها مخطئة، عماد لا يرسم ليرضيكم، إن كان إرضاؤكم ممكن من الأساس... عماد يرسم رأيه
إن أعجبكم أهلا وسهلا، ما عجبكم الله يسهل عليكم... إقلب الصفحة
لا أحد يملك حق اتهامه، خصوصا من يؤلف الأقوال وكأنها قرآن أو سنة... شو مجاهد وقاعد يا محترم، حضرتك كمان قاعد في حين عماد ينشر الوعي في الرسومات بشكل عام (يللا إنكر هاي كمان)

وعماد ليس مدينا لأحد بتفسير، إسمو كاريكاتير يعني مش لازم معاه كتالوج شرح

أنا عجبني الكاريكاتير، أرى أنه يشرح الواقع... وإن كان أعضاء حماس ملتزمين دينيا فالله يجزيهم الخير والجنة... وإن كانوا جهلة في التخطيط والتوقيت وبناء التأييد في العمق العربي أو العالمي فهذا عيب يجب أن يصلحوه ويجب انتقاده واستقباله بصدر رحب وتفهم

لكن شكلو من التعليقات إنو على الله تعود بهجتنا - يعني حتى الشعب ديكتاتوري وغير مؤدب في الاختلاف مع نفسه

حماس ليست الله وليست محمد - لهم أجرهم في الصواب والخطأ، وعليهم إثم ما اقترفوا إن وقع - عند ربهم مش عند حضراتكم

حتى ذلك الحين يحق لمن يرى عيبا أن يشير إليه
" قسام " هو نفسه "حجاج" 2008-02-07 14:42:38 GMT
بالله يا " قسام " ما انت حجاج نفسك؟؟؟ لانك اعطيت شرح كامل و وافي عن الكاريكاتور !!!
حزين 2008-02-07 14:53:30 GMT
يا أخ اسماعيل معنى كلامك انو احنا كمتلقيين ما نرد على أي شي بيطرحو الاعلام سواء كان جيد أو مضلل ومثير للفتن وعليه كل كليبات العري اللي بنشوفها احنا ما النا دخل فيها والفنانات الله بيحاسبهم وهكذا .... واحنا واولادنا اللي بنتلقى هالاشياء الله يعيننا وعليه ما بيصير اي حد ينتقد أو يتسائل بالاضافه انه اذا خلينا كل واحد اله رأي سواء كان خطأ أو صح يقولوا على الملأ وما حد ير عليه ..........ز يا ساتر ( مع كل التقدير للاخ عماد حجاج )
MAS-JO 2008-02-07 14:55:31 GMT
"دعوهافإنهامنتنة" اتمنى ان نتقي الله وان ندع العنصرية والإقليمية جانباً، يعني الناس وصلت القمر وبعدنا بتخلفنا بنحكي فلسطيني أردني، يا عيب الشوم!
amal 2008-02-07 15:00:37 GMT
مش فاهمة يا عماد شو قصدك يعني المقاومة
ضيعت القضية ، عم ترسم كاريكاتيرات ما الها معنى .
HASKOUR 2008-02-07 15:17:24 GMT
نداء الى السيد عماد حجاج ارجو القيام بوضع شرح تفصيلي لرسم يا سيدي و انا بصراحة من المعجبين برسمك و لكن لم احتمل مدى الكلام الذي تطاول به هؤلاء الناس عليك و ارجو رد الاعتبار لنفسك و لمحبيك بشرحك عن رسومك التي تحمل اكثر من معنى فنحن نسير على اننا ... الكاظمين الغيظ ونحن العافين عن الناس ... فهل من مؤيد لكلامي يا جماعة ؟
عزمي بشارة 2008-02-07 15:28:38 GMT
الى PHELLASTINE

سيدي اقرأ التاريخ راح تكتشف انه اكبر قيادات المقاومة اللبنانية تدربت في معسكرات فتح

واسأل يا سيدي
charmy man 2008-02-07 15:33:54 GMT
حكاها الاخ الطفيلي من الاول و انا رح احكيلك اياها يا عماد

"" لا يفـــــــــــــــــــــــــــــــــــــتي قــــــــــــــــــــــــــــــــــــــــــــــــاعد لمجـــــــــــــــــــــــــــــــــــاهد""

وخليك بابو محجوب وغلا الاسعار لانو بصراحة طلعت هاد اللي بتفهم فيه
PHELLASTINE 2008-02-07 15:36:49 GMT
ممتاز ازا هيك
يعني لازم نكون فخورين ب الي كنا فيه و نشتغل مع بعض لنرجع متل زمان
وين المشكلة !؟
كاميليا 2008-02-07 15:37:18 GMT
الرسم لا يحتاج اي توضيح ... الحقيقة واضحة ف "العنترة" و الغوغائية التي تتميز بهما حماس لن تغني و لن تسمن من جوع.
ما الفائدة من اطلاق الصواريخ دون تخطيط.. هذا ابعد ما يمكن عن المقاومة الواعية... مجرد رأي
عزمي بشارة 2008-02-07 15:58:56 GMT
للسيد منفوخ ابو دية

اولاً فتح هي اللي قدرت توصل اسم فلسطين للعالم (انا مش فتحاوي) بس الحق يقال .عملت هادا الاشي قبل ما تنولد حماس اصلاً

ثانياً انشاء منظمة التحرير جمعت اهل فلسطين في الشتات وانا اتحداك اذا انت هسة بتقدر تجمع الفلسطيني بس اللي بيدخلو على موقع حجاج

ثالثاً شالت رقابنا من ايادي الحكومات العربية وجعلت الكلمة للفلسطيني فقط ولا انكر انه يوجد تاثيرات خارجية زخمة على معظم ارائهم الان بس انا بحكي عن فتح التاريجية

راجع حالك وشوف
mu3jab 2008-02-07 16:02:50 GMT
ما تزعل ياعماد وحياتك انك فنان رائع بس بدك مين يقدرك ويقدر جهودك من اجل ابعاد الكشره عن وجوه هالشعب النكد ....
رائع دائما انت يا عماد .والى الامام دائما على الصعيد المحلي والعربي..
1900 2008-02-07 16:34:07 GMT
طاحو في بعض الجماعة
اذا بالتعليقات قطعتو بعض كيف هناك راح يكون فيه اتفاق .
دخنه دخنه دخنه (هاي دخنه مرته ل دخان )
منفوخ أبو دبة 2008-02-07 16:39:34 GMT
للأخ عزمي بشارة
أول شي انا مش حمساوي ولا فتحاوي ولا يحزنون .. وأستذكر كاريكاتير ناجي العلي عندما سُألت امرأة لأي تنظيم هي تنتمي .. فقالت انا مع اللي لسه بيطخوا على اليهود ..
ثانيا الفلسطيني يا أخ عزمي سواء حمساوي ولا فتحاوي ولا جهاد .. هو أخي اما بالدم أولا أو بالدين أو بالآنسانية ..
انا ما عندي مشكلة مع أي فتحاوي .. ولكن انا عندي مشكلة كبيرة مع فتح فكرا وتنظيما وان كان هنالك في الافق متسع نستطيع ان نذكر ماذا حققت فتح بشكل موضوعي على مدى تاريخها ..
ولكن يحضرني الآن ايلول الأسود وترك المخيمات الفلسطينية في لبنان لمصيرها بضمانات نظام دق عالصدر والكارثة الكبرى اتفاقية اوسلو ..
بموضوعية.. فتح حملت التاريخ الثوري للفضية الفلسطينية .. وهذا شيء رائع وجميل .. طيب وبعدين .. انتهت بدحلان ومحمود عباس .. وبممقاربة تاريخية ..
وبعدين في مثال كثير بسمعه اللي هو انه عندما كانت فتح تناضل كانت حماس غير مولودة .. مش فاهم .. هذا هو الخلاف بين فتح وحماس .. انه ليش تقاوم حماس وتشوش على مقاومة فتح ..
سيدي العزيز .. سواء كان المقاومون من فتح او من حماس .. أو من الجهاد او من الجبهة .. كلهم مقاومون والفرز ينبغي ان يقوم بين من ترك السلاح وحمل غصن الزيتون (والله صرت أكره هاي النبتة) وبين من قال لا..
أبو علي 2008-02-07 16:44:17 GMT
السلام عليكم يا جماعة

بصراحة صاروخ جميل جدا من حيث التصميم والشكل والألوان. (أنا منذ زمن لم أعد أتابع الأخبار على التلفاز، فهل يا ترى أصبحت صواريخ المقاومة بهذا الشكل فعلا؟ أم أن هذا التصميم هو من خيال الأخ عماد فقط؟ لأنني في آخر مرة رأيت فيها صاروح مقاومة كان شكله مختلف: رفيع وطويل) يبدو أن هذا هو الجيل الثاني من صواريخ المقاومة، وهذا يعني أن المقاومين لديهم روح التطوير والتحسين، وهذا أمر يبشر بالخير إن شاء الله.

على كل حال سواء كان هذا الكاريكاتير مع أو ضد صواريخ المقاومة، فهذا لن يغير من الواقع شيء، فالحمد لله أن المجاهدين لا ينتظرون ولا يريدون منا شيء، فمن يتوكل على الله فهو حسبه. والسلام عليكم.
الصياد 2008-02-07 16:47:12 GMT
حبذا لو انك كنت محايدا يا أخ عماد و كما اظهرت في الرسم طريقة حماس في المقاومة و النتائج المتوقعة ( من وجهة نظرك طبعا)، ايضا اظهر لنا الطريقة الاخرى في المقاومة و النتائج التي تتوقعها و بعدها دعنا نكون وجهة نظرنا،
على اية حال ، فأنا لست من هؤلاء ولا هؤلاء ولكن من وجهة نظري فان من من أهم فوائد وجود حماس انها جمعت (بتشديد الميم مع الفتح) الفتحاويين، لآن فتح كانت دائما خليط من وجهات النظر غير المتجانسة، و اتمنى على الفتحاويين ان يمارسوا ما يسمى بنقد الذات و ان يتخلصوا من العناصر التي اساءت الى تاريخ فتح و النضال الفلسطيني بشكل عام. (واللي بفهم عالطاير بعرف شو صار)
مزراب 2008-02-07 18:22:24 GMT
يعني عامل الصاروخ على شكل فلسطين .. وانه فلسطين المجاهدين ابصر لوين حيروحو بالقضية .. تزكرت محمود عباس وعبثيته
lemonade maker 2008-02-07 18:43:09 GMT
salam to all, HAMAS, ruined all our years of struggle and is using religion as a hijab.
مراق طريق 2008-02-07 18:49:25 GMT
To lemonade maker:
Hamas ruined your years of struggle?
دخلك شو ال سترغل تبعك اللي عملته؟
خليك في الليمون أحسنلك
الغالي للغالي 2008-02-07 20:04:13 GMT
الصراحه انه لو اي واحد فيكم عاش في فلسطين وعنده في عيلته شهيد وشهيدين وتلاته كان ما كتبتوا اللي بتكتبوه . بتعرفوا ليش عدد العمليات الاستشهاديه قليل ؟ لانه قليل جدا من الشباب بيقدر يوصل لدرجه انه ينهي حياته بكبسه زر او سحب خيط.وكل واحد بيقرا هاي الرساله قاعد مرتاح دفيان شبعان ومش محتاج اشي وقاعد بينظر على حماس وفتح . اسالوا حالكم في واحد بيقدر يترك امه او ابنه وزوجته وينزل على الساحه ؟؟؟ اكيد لا
اذا بلاش كتره حكي يمكن لو ندعي ربنا يخفف عن اهلنا في غزه بكون افضل
فكركم لو شهدائنا بيطلعوا علينا هلا شو بكون تصرفهم ؟؟؟ بيدعوا ربنا انه يرجعوا احياء ليقتلونا احنا
أبو علي 2008-02-07 20:08:42 GMT
يا أخ الغالي للغالي

والله لقد أخجلتنا من أنفسنا
لاجئ 2008-02-07 21:33:38 GMT
ترى هل عماد حجاج هو ذاته في هذا الرسم أم هو عماد حجاج آخر ؟؟
هل تتكرم يا أخ عماد وتخبرنا بالضبط ما هو المطلوب من المقاومة ؟؟
وهل المقاومة هي من يعبث بمصير القضية , وهل كانت القضية ومصيرها على شط الآمان يوما حتى تؤشر أن المقاومة تعبث بمصير القضية وتصم آذنانها عن القذف بمصير القضية للمجهول ؟؟
ابو راس 2008-02-07 21:59:00 GMT
انا بلاحظ انه كل واحد على ما أظن بيتأثر بالتعليق من أي شخص قبل ما يكتب رأيه ,,يعني اذا حدا قال انه الكاريكاتير يغلط بالمقاومه و بحماس كأنه أعطى الشرح الكامل وبين الصوره فيتبعه كل المعلقين..(.يا اخوان طولوا بالكم )
فلو نحسن الظن بالأخ عماد بكون أفضل ..
يعني لو بدنا نفسر الكاريكاتير منطقيا يا ريت مثلا لو نأخذ الناحية الايجابية ,يعني ما ادرانا انه الصاروخ منطلق بشكل عبثي وكمان عم بيصور انه القضية مربوطة بالمقاومةوانها الحل والخيار الاكيد ان شاء الله .
وما نقعد نعمل الزلمة فتحاوي او حمساوي .....
وانا متابع لعماد من بداياته ايام الأبيض والاسود وطول عمره مع القضية والمقاومة وان شاء الله ما يتغير ..
تحية الى Ismael
رسام باع كرامته مثل عماد حجاج 2008-02-07 22:07:14 GMT
كاريكاتير تافه من رسام كاريكاتير باع كرامته مؤخرا
و تخلى عن نسقه الابداعي المحايد لصالح ارضاء اصحاب القرار

ابتعد عن القضية يا "عماد فجاج
مازن 2008-02-07 22:41:30 GMT
والله حيرتونا بعماد حجاج هو يوم بصير محترم ويوم بصير ابصر شو

فعلا صواريخ عبثية لا تقرب ولا تاخر في حل اي شي بل على العكس زادت وسوف تزيد من الحصار المفروض على قطاع غزة
اذا كان اهل غزة لا يجدون الطعام ايام الحصار فمن اين يجد هؤلاء المواد للصناعة الصواريخ
مع العلم ان تكلفة صناعة الصواريخ تحتاج لماكنات واجهزة ليست رخيصة ولا السهلة
ولا متوفرة في السوق

بعدين الصاروخ لازم يضرب بالشخص مباشرة لحتى يقتل
Anti zain santo dubai 2008-02-08 01:33:00 GMT
ana ya jama3a ra2yey enno 3emad 2asad men hada elkarekatair attali
enno a5er taree2a lamoqawamet el 3ado essahyoni heya essawaree5 elmosanna3a ma7aleyyan
o la7etho berrasem enno hada a5er saroo5
o enno eljamee3 metkaleb 7atta yeqdi 3ala hay elmoqawameh
fa yeslamo ya 7ajjaj
o alla ybarek feek
واحد 2008-02-08 02:15:55 GMT
روحوا ناموا بكفي مشاكل
شو جوعانين مشاكل و بهادل انتو
!!!!!!!!!!!!!!!11
إلى محشش 2008-02-08 02:27:49 GMT
يا محشش

مهاوش لم يقل أن النكتة هي قضية الجيوسي وإنما قال أنها قضية المومني والزواهرة. يعني القضيتان مختلفتان، فلماذا تخلط بينهما؟!

تحياتي
meteb alhathal 2008-02-08 06:19:04 GMT
ALas.
a·las [ə láss]
interj
expressing sorrow: used to express sorrow or pity
alas if what I understood is what you meant.
are you trying to say that the armed resistance is worthless?or the self defence is pointless?or may be the the palistinian struggle is a child play?
are you calling for the normalization with israel?
I remember the cartoon that came up with right after oslo! do you remeber that one?????????
{a reminder from that cartoon a (frensh word) and (PLO declaration)}
take a look at that cartoon and at this one !and try to convince your self that both of them from the same person.
it doesn't matter who you trying to portrait here,hamas or fatteh.
you have to answer !!!!!!!
I have a lot of respect for you.don't disappoint me by ignoring the matter.
it is verey important to hear your side of the story.
if you didn't answer .I promise you that I will burn all your cartoons that I've been collecting .


sincerely
meteb alhathal
قب من قبالي 2008-02-08 07:37:25 GMT
و الله مبين انه الزلمه الي برمي بالصاروخ مش عربي,لانه لابس بنطلون امريكي , و عماد عمره ما رسم حدى من المقاومه لابس بهل الطريقه , و لا اني غلطان ؟
BUSH 2008-02-08 07:44:17 GMT
I recommend that Emad stics himslef to the "Gaz issue" and not try to touch something higher than his aspirations.
ابن ابي الهيجاء 2008-02-08 08:00:30 GMT
والله يا عماد هذه الصفات لن تتخلص منها في اعمالك الكاريكاتورية, واقول لك بكل صراحة انك ستخسر الكثير من معجبيك بهذه الطريقة, فانا الاحظ في رسوماتك امرين يجب التخلص منها:

1) اقحام الايات القرانية في رسوماتك والادعية التي تقال في خطبة الجمعة

2) التهكم على المقاومة او على الاقل نقد بعض تصرفاتها

واقول لك ان هذه الرسومات هي التي ستكسر ظهرك

الا تعرف يا عماد ان المجاهد القسامي يأكل التراب حتى يدافع عن كرامتك وكرامة امتك, وبعد ذلك هذا ما يناله منك

ويبدو ان قلمك الذي خط هذه الصورة اصبح يحتسي خمرا.

ومع ذلك سابقى متابعا لاعمالك وساجتاز هذه الصورة ومثيلاتها بالحذاء العتيق

واشكر كل من تهكم على هذه الصورة المخزية التي من العيب ان تكون بقلم عربي مسلم
محمد عبدالله 2008-02-08 08:10:07 GMT
ربما هذه أول مرة أعلق فيها في هذا الموقع ولكن هذه الرسمة يبدو أن فيها سخرية كبيرة من الوحيدين الذين يحملون السلاح اليوم في فلسطين في مواجهة الاحتلال . فلنقل عنهم مجانين ،ولكن كم من فئة قليلة غلبت فئة كبيرة بإذن الله .
لم تنفع المفاوضات في استرداد حق ضائع ، بل كلنا يعرف أنه بعد اتفاقيات أوسلو خسر الشعب الفلسطيني أكثر مما خسره قبل "السلام" المزعوم . لا طريق للحرية في فلسطين إلا بالسلاح وبالمفرقعات شاء من شاء وأبى من أبى .
جرة غاز......... الى مازن 2008-02-08 09:00:37 GMT
شو عمو انتا عمرك صنعت صواريخ روح تفلسف عمو بمكان ثاني او زي ما قلك مهاجر روح اقعد جمب دحلان وابو مازن
انتا عايش مرتاح مش داري بالدنيا والله لو انك بغزة ما حكيت هالكلام

ام علي 2008-02-08 13:30:47 GMT
يا ابو علي قصدي حماس ما بتقصر بالفتحاوية و كلنا بنعرف هاد الشي و على مستوى الشهيد ازا كان فتحاوي ما بصلوا عليه...
المهم المنسف صار جاهز و الجميد كركي ... و ما تنسى تجيب معك كنافة عشان علي نجح ب التوجيهي و جاب 95.... متلك.
نابلسي بجد 2008-02-08 13:47:08 GMT
الله عليك يا عماد! بجد كاريكاتير على الوجع... للأسف فرط البعض بالقضية الفلسطينية و صار هدفهم تحويلها -بقصد أو بسذاجة- إلى قضية شعب لاجئين... يعني يرجعونا لقبل منظمة التحرير... و هذا خطأ تاريخي كبير... لن يغفره أحد لهم
أبو علي 2008-02-08 13:47:25 GMT
يا ام علي

والله هذا كلام خطير .. إنو إذا الشهيد فتحاوي ما بصلوا عليه .. على كل حال يجب أن نتأكد من هذه الأشياء قبل نشرها. والله أعلم.

مشكورة يا ام علي على المنسف .. الله يعطيكي العافية. هيني رايح أجيب الكنافة. بدكم إياها خشنة وإلا ناعمة؟ يللا خليها خشنة زي هالأحداث الخشنة إللي عم بنمُر فيها. الله يفرجها علينا.

آه .. نسيت أحكي مبروك لعلي .. عشان جاب 95. يللا إن شاء بطلعلوا جغرافيا أو تاريخ على هالمعدل .. ترى غالبية المقاعد في الطب والهندسة معروف لمين رايحة ;-)
ahmad 2008-02-08 13:49:29 GMT
شكلو بدينا نصدق عنجد انو المقاومة بتضر القضية!! شو في؟
حماسي .فتحاوي .....مهما كان التعبير او الانتماء تبقى قضية مقاومة العدو الصهيوني شرعية و موضوع المفاوضات فقط موضوع وقت وهذا لا يلغي فائدة المفاوضات "لفرة محدده "اهو بكلمات ثانية فترة ترتيب صفوف الانه معروف للجميع بانهاية ما اخذ بالقوه لا يسترد الا بالقوه
أبو علي 2008-02-08 13:49:34 GMT
تصحيح

إن شاء = إن شاء الله
shuaib 2008-02-08 14:09:25 GMT
والله يا عماد اني بحسك مرات بتشلف كثير زي ما بتبدع كثير بس هالمرة زايده عن الحد ولاتعمل اشياء ممكن انها تسيْ فكر في العواقب اول.
ام علي 2008-02-08 14:48:32 GMT
ياااااا ابو علي
انا متاكدة من هاد الكلام و ارجع لارشيف الاخبار باي مكان رح بتلاقي هالشي . عموما الله يصبر الناس و يفتحها عالجميع.
و ابني علي ما بدخل الا طب عشان يصير دكتور قد الدنيا و نشوف حالنا فيه قدام الناس اه وللاا... . ابو علي تئبرني ابن عمي جيبله هدية نجاح جرة غاز حرام بنفسه.
ABU TAYEH 2008-02-08 16:37:22 GMT
اعتبرت حركة “حماس”، أمس، استمرار استهداف “إسرائيل” مواقع الشرطة الفلسطينية بمثابة تأكيد جديد على صواب منهج وخيار أجهزة “حماس”. وقالت الحركة في بيان لها “إننا نعتبر عمليات الاستهداف إشارة واضحة لأحلام الاحتلال في القضاء على هذه الأجهزة الأمنية الشريفة التي ترفض أن تكون جزءا من المنظومة التي تديرها أدوات صهيونية وأمريكية

أبو علي 2008-02-08 17:15:46 GMT
يا ام علي

شو جرة غاز؟! شو شايفاني قاعد على بنك؟!

أكثر من كومة حطب ما في. بس بعدين لما علي يتخرج من كلية الطب ويصير دكتور قد الدنيا .. ساعتها بجيبلو جرة غاز .. من عيوني ههههههه
غسان عباس 2008-02-08 17:51:26 GMT
أنا مش راح اتخبى تحت اسم مستعار وفلسطين مش وطن لشعب لكن لامة وانا مبسوط جدا من تعليق الاخ طفيلي يا حجاج زلم فتح وابو عمار اغتالو ناجي العلي لانه فضحهم برسوماته وكان شعاره كامل التراب الوطني الفلسطيني اما انت وطمليه ابن قريتي عنابة بدكم كامل الاوصاف عريقات بعدين اذا كان الصاروخ وهم او خيال بالنسبة الك شوف اخوانك اليهود شو عمل فيه حزب الله الرسول عليه السلام قاوم الحصار بالايمان بالله ونصره وهذه طريق كل مسلم آمين ولا تحاول انت والي زيك تظهروا ان الشباب المسلم ضايع وهامل بآذن الله قادمون قادمون قادمون مسلمون مسلمون مسلمون
محمد صالح 2008-02-08 18:27:28 GMT
أنا متفاجىء من انه الأخ عماد حجاج وصل لهاي الدرجة من الإنحطاط اللي يرسم فيها زي هاذا الكاريكاتير ...
بس بحكيلو فشرت و ما تغلب حالك كل رسمات اللي ما بتعجب الشعب ما راح تأثر فيه
لأن كل الشعب مع حماس وكل المقاومة و راح يظل معها حتى تتحرر كل فلسطين
ام علي 2008-02-08 20:38:55 GMT
اتدرون ماذا ؟؟؟؟
هـــــــــــــــذه منـــــــــــــــابـــــــر الجـــــــــــبـــــــــــــــــــنـــــــــــــــاء...........

انظر إلى حيث تشرق الشمس كل فجر جديد، لتتعلم الدرس الذي أراد الله للناس أن يتعلموه .. إن الغروب لا يحول دون شروقٍ مرةً أخرى في كل صباح جديد.

و ارتقي.
مدافع عن الفن الأصيل 2008-02-08 23:30:38 GMT
حابب أقول لك ياعماد رسمك بخزي
أفكارك مؤخرا صايرة مخزية

شكله 2008 هو نهاية شمعتك الفنية

ما عدت نزيه في أفكارك
ومشجع ع الفتنة أكثر من أي واحد
وصرت تساوي في الكتاب المصريين في الطرح المعادي للمقاومة

حماس أكبر منك بكتيير

و أكبر من خيالك
و أكبر من ريشتك الي صايرة تشهد زور

شفلك ناس غير القسام و حماس

تحكي عنهم خليك مع أبو محجوب المحلي

وابعد عن الكبار
Muhandes 2008-02-09 00:09:33 GMT
كما أن حجاج يميل في رسمه لمن يملك المال والجاه ويحاصر المحاصر وينتقص من المقاومة علما بأن رسمه هذا ينتقص من قدره وأمانته ومروؤته فقط
mohammad 2008-02-09 04:29:01 GMT
verey good article ibn edwan but please give cridet to who wrote it? (hasan bani hasan)
and thank you for posting it at this site.
محمد-الامارات 2008-02-09 05:48:59 GMT
مع عدم احترامي الك يا عماد (انا كنت احترمك بالاول)
الف مرة حكيتلك سيبك من السياسة وخلييها لصحابها , خليك بجرار الغاز وابو محجوب وابو محمد احسن
مش كل من مسك قلم و كتب صار محلل سياسي
ومش كل من مسك ريشتو ورسم ينفع يرسم كاريكاتير سياسي
اتقي ربك وخليك مع المقاومة من ما كانت
سواء حماس او الجهاد او حتى فتح
لا تجلس معهم على كرسي اوسلو
خلبل 2008-02-09 11:06:40 GMT
اذا بده يرسم مشان يرضي الناس عمره ما برسم
محمد سباعنه 2008-02-09 11:31:27 GMT
((لا يفتي قاعد لمجاهد))
تحية للزميل عماد حجاج من فلسطين
أستغرب من الأخ الذي ادلى بهذه العباره لسبب بسيط جدا أليس كلمة حق في وجه سلطان جائر جهاد وأعظم الجهاد عند الله !!!! و هذا ما يقوم به الزميل عماد حجاج ...هذا رأيه الذي نطق به فلا داعي لمن اختلف معه بالرأي ان يتهمه كأحد الإخوه انه يدور في فلك الصهاينة و الأمريكان ولا داعي لمن يختلف معه ايضا ان يلوح بأنه سيفقد جزء من جمهوره ...وأذكر الكل بالشهيد ناجي العلي كيف انتقد الثورة الفلسطينية و كيف انتقد القيادة الفلسطينية والعربية ... و كيف خلص به الأمر بأن يموت شهيد لفكرته وقضيته ...هلينا جميعا أن نتحرر من عبوديتنا للحزب فليس الدين حماس وكما أن حماس جاهدت و أخطأت كغيرها علينا تقويمها فلا أحد معصوم عن الخطأ وأذا تصرفنا جميعا بالشكل الذي تقومون به سيطغى المتحكم بأسم الدين ...واقول باسم الدين لا به...تحيه للفنان المفكر عماد حجاج
shereen 2008-02-09 11:41:21 GMT
مي خبزت في الامس خبز طابون
وارسلت لجارنا الشيخ انور رغيف طابون محمر
وقالت لاختي قولي للشيخ انور
هذا الرغيف لك من زوجة الفتحاوي الاسمر
رفيقك في الكفاح
رفيقك في السلاح
رفيقك يا انور يا حمساوي يا صاحب وجه كالشمس مدور
و قولي له رفيقك سافر بالامس إلى المجد
طار إلى الاعلى
تبسم
تقدم
سمى بسم الله ثم تفجر
وكانت وصيته قبل إن يرحل
لافتحاوي
لا حمساوي
لا جبهاوي
ولا جهادي
قد تختلف وجوهنا في اللون والحجم
لكن وجوهنا واحدة في عيون ابن صهيون
يا ايها البطل في وجه من ترفع سلاحك
في وجه من استباح الأرض واستباحك
ام في وجه من جراحه هي نفس جراحك
يا فتحاوي يابطل لاتخيب الظن بك
ياحمساوي يابطل كيف تهون و نحن نهون
يا كنزنا المكنون و يامقلة العيون
الهذا الحد وصلنا
اوليس القتل جنون
shereen 2008-02-09 11:42:46 GMT
هل نسينا إن دم المسلم عند المسلم حرام؟؟؟!!!!
هل نسينا إن المسلم عند المسلم لا يضان؟؟؟!!!!
اهذه وصية رسولنا محمد؟؟؟!!!
قتل الصديق و ذبح الحمام؟؟؟!!!!
والله حرام!!!!
افيقوا....استيقظوا.....قوموا يا نيام!!!!
انتم تذبحون بعضكم و غيركم في احضان العهر ينام
على من ترفعون السلاح
على الصابرين
على الجائعين
على الصامدين المرابطين
ام على من شردنا وضيعنا منذ سنين
على من ترفعون السلاح
اسرائيل اليوم في عيد
وموتنا هو الخبر السعيد
مادام ييتم فينا الوليد
ونذبح من الوريد إلى الوريد
والشهيد ماعاد شهيد
سامحنا ياشهيد مات الذي من اجله رحلت
سامحنا يااسير ضاع الذي من اجله اسرت
سامحنا يا جريح راح الذي من اجله جرحت
وماعاد صوت القدس يصيح
القدس تموت كالام التي تتمنى الموت على إن ترى ابناءها دماء بعضهم يستبيحون
شيء من الخجل
شيء من الخجل
ام ماعدتم تخجلون
هل انتم مسلمون
اهكذا المسلم يكون
في وجه من ترفعون السلاح
في وجه من ترفعون

* منقوله *
Hassan 2008-02-09 15:57:15 GMT
definitely one of the most shallow and offensive cartoons i have ever seen for Emad.. lil asaf el shadeeeeeeeeeeeeed ya Emad!!!
13 2008-02-10 05:02:23 GMT

لعل المنساقين خلف الرأي الاسرائيلي من الكتاب العرب "المتعاطفين مع اسرائيل" آمنوا بعدم جدوى تلك الصواريخ, و برروا رفضهم لإطلاقها انطلاقاً من عاملين:-1- عبثية هذه الصواريخ, بحيث أنها لا تحمل قدرة تدميرية كافية توازي الرد الاسرائيلي العنيف.- 2– القلق من الفعل الاسرائيلي في الرد على تلك الصواريخ البدائية, اذ تستوحش آلة القتل الصهيوينة في الرد وبعنف عقب كل فعل صاروخي فلسطيني على المدن الاسرائيلية, وبالتالي أنعدم التوازن في خسائر كلا الجانبين"الاسرائيلي والفلسطيني" فأستوجب وقف اطلاق الصواريخ الفلسطينية لأنها غير متكافئة في التأثير النوعي والكمي بقياس الخسائر"حسب إدعائهم!!.




ان سوق" مبررات لينه" ظاهرها المصلحة الفلسطينية, وباطنها أطنان من السموم بهذا الشكل هدفه خلق رأي عربي شبيه بالرأي العام الغربي الرافض للصواريخ والرافض للمقاومه ذاتها, عبر الماكينة الاعلامية, فهذا ما يسمى أيضاً بالإختراق الصهيوني للصحف العربية, وهذا ايضا ما يسمى بحرب الافكار من الداخل, اذ وصل المنظرون للخطاب الصهيوني في الدول العربيه الى أرصفة الشوارع حيث تباع الجرائد"العربية"
13 2008-02-10 05:03:56 GMT
ولكن الذي غاب عن ذهن المعارضين لأطلاق تلك الصواريخ بـ"مبرراتهم اللينه", أن الفصائل الفلسطينية في قطاع غزة لم تستخدم في خطابها العسكري ما يقول أن عملية اطلاق الصواريخ جآئت جراء "فعل" فلسطيني, مبدأي, مُتقدم, الهدف منه مهاجمة اسرائيل –وبرغم حقها بذلك فإمكانيات الصاروخ البسيطه لا تسع لكل هذا- , بل ألأصح - وهو ايضاً ما غاب عن ذهن المعارضين لإطلاق الصواريخ – ان هذه الصواريخ البدائية الصنع لم تصنع "للفعل", و لكنها كانت دائماً تستخدم كـ"ردة فعل" على جرائم الاحتلال, المستمرة يومياً, و دليل ذلك مبادرة قادة المقاومة بقبول وقف اطلاق الصواريخ اذا ما أوُقفت العمليات الاسرائيلية ضد الفلسطينيين في الضفه الغربية وقطاع غزة, ورفع الحصار-وهذا حق المقاومه-,ولكن هذا ما رفضته و ترفضه اسرائيل, ومنذ ألأزل!!




اذا, ردة الفعل التي تقوم بها المقاومه الفلسطينية على جرائم الاحتلال, وهجماته ضد المدنين الفلسطينيين العُزل, هو المبرر الفلسطيني ألأول لأطلاق الصواريخ, والسبب ألأوحد هو رفض اسرائيل وقف عدوانها, وهذا ما تكفله الشرعية الدولية في دفاع الشعوب عن نفسها, وشرعية مقاومة الاحتلال بكافة السبل التي تراها الشعوب المُحتلة مُناسبة, و قوانين الشرعية الدولية الممثلة في ألأمم المتحدة –وغيابها في نفس الوقت - هي التي حضت المقاومة الفلسطينية على تطوير قدراتها, في الرد و الردع, خصوصاً بعد أن حول الاحتلال قطاع غزة الى أكبر سجن في العالم يضم بين أسلاكه الشائكه مليون ونصف المليون فلسطيني, مُهددين يومياً بلهب الطائرات الصهيونيه, و ما يتبعه من قطع للكهرباء عن السكان, وايقاف وصول المعونات الانسانية والغذائية ألأساسية اللازمة لأستمرار الحياة بأبسط مقوماتها!!.

13 2008-02-10 05:06:10 GMT
ايضاً هذه الصواريخ"العبثية" هي من حرضت 4000- اربعة الآف- صهيوني عى الهروب من مدينة "سديروت" في يوليو- اغسطس 2007, و بمعادلة حسابية بسيطه ستعلم أن كل صاروخ يكلف دولارت قليلة قام بطرد 10 صهاينة, ناهيك عن الاعباء المالية التي تتكبدها حكومة الاحتلال جراء هذه الصواريخ من بناء تحصينات لحماية موطنيها ومن تعطيل للمصانع الاسرائيلية الواقعه في مرمى الصواريخ الفلسطينية, وهذا ما كلفهم ملايين الدولارات ايضا جراء الابحاث العلمية لخلق رادع للصوارخ الفلسطينيه و لكن دون جدوى!!




كل هذا هذه الخسائر الضخمة جراء وصول الصاروخ الى مدينة واحده – سديروت-, فهل يتحمل الكيان الصهيوني وقوع مُدن أُخرى في فخ الصاروخ "العبثي!".






قد تنعدم الرؤية أحياناً لدى البعض و بخاصه مُنتقدي الصواريخ, فيلقوا بالائمة على الضحية و يصبوا عليها الاتهامات جزافاً لمجرد ما أحدثته من "رد فعل بسيط" مقارنه مع" الفعل الصهيوني المُفرط للقوة", و لكن إنعدام هذه الرؤية لن يَعدِم حق أي من كان في الدفاع عن نفسه و أمن شعبه, و هذا ما وجب على للمقاومة أن تتبعه لتسريخ شرعيتها في عيون مواطنيها المُستنجدين بها من نير الاحتلال وجبروته, إسألوا الشرعية الدولية!!.




13 2008-02-10 05:07:13 GMT
قد تستغرب إذا علمت أن إستطلاعاً للرأي أُجري في "بريطانيا" هدفه استيضاح فكرة المواطن البريطاني عن الصواريخ الفلسطينية"البدائية", فإذا بغالبية المُستطلعة آرآئهم يعتقدون أن صواريخ المقاومه الفلسطينية"البدائية" هي صواريخ " ضخمة و موجهة ومداها آلآف الكيلومترات وتحدث دماراً هائلاً" -كأنها صواريخ باليستيه لدول عُظمى- لا تستغرب!!, فهذا ما روجه الاعلام الصهيوني وتابعيه, ولكن ألأجدر بالاستغراب و ألأحق بالتساؤل هو دور الاعلاميين العرب, ومواقفهم الغائبه في مواجهة الاعلام الصهيوني المُستشري في الغرب سابقاً وفينا حالياً؟!, البعض منهم يلعب دور المُتفرج ألأعمى, والطغمه"الجديده" منهم بدأت تهاجم ردة الفعل الفلسطينية وتنكر على المقاومة حقها في الدفاع والرد , و بدّل دفاعهم عن مشروعية هذه الصواريخ يذوبون في الحوض الصهيوني , وعلناً ينكرون على المقاومه حقها في الدفاع, ليُقتل الشعب الفلسطيني و يحاصر و يجوّع بدون مُقابل و بالمجان!, ولكن على العكس, فالنقد الغير مبرر والمشبوه من قبل هؤولاء لمقاومة مُبررة مشروعه سيطيل مدى الصواريخ . . وصل عسقلان!.

wadod 2008-02-10 14:18:17 GMT
مرحبا بس يا جماعة انا شايف انو عماد مع المقاومة ومع صورايخ الفلسطينية مش ضدها بالكاريكاتير !!!!!!!!!!!
A H 2008-02-12 00:38:33 GMT
للأسف يا عماد... كنت أعتقد أنك على قدر أكبر من الوعي والفهم. أنا لا أتهمك بشيء.. فقط لي حق أن أبدي رأيي برسام كاريكاتير لا يعرف عدوه من صديقه. .... فعلا خلّيك على موضوع غلاء الأسعار أحسنلك... أنا أنصحك بعمل مراجعة لأفكارك الدينية (مثل كاريكاتير عبد الحلي؟ وغيره) ولافكارك الوطنية (مثل هذا الكاريكاتير)... مع الاحتفاظ بحقك ان تبقى كما أنت ولا تغير من افكارك أو نظرتك شيئا .... لكنك فعلا سقطت من عيني ومن أعين الكثيرين ممن أعرف.... أهكذا يثاب المقاوم؟؟!! أهكذا تدعم حركات التحرر... أم أن المجاهد والعميل سيّان؟!.... أسأل الله أن يهدينا وايّاك سواء السبيل "وليعلمنّ نبأه بعد حين".
طز في عماد 2008-02-12 07:20:57 GMT
الرجاء يا اخوان عدم تشبيه هالساقط عماد حجاج بناجي العلي
-منقول 3 2008-02-12 09:26:06 GMT
ممكن واحد عاقل راشد يحكي النا شو ذنب اهل غزة بالفتاشات تبعت حماس..... في اقاويل انها مش فتاشات....قريبة من البطن المنفوخ....بعد مابطلع بفضح...معادلة فاشلة...
-منقول 4 2008-02-12 09:27:49 GMT
ابدعت يا عماد...... واللي مو فاهم ..الله يكون بعونه
ثائر 2008-02-12 10:25:33 GMT
هاي الفتاشات اللي مش عاجبتك يا منقوع باشا إنت وعماد تبعك هي اللي ما بتخللي سكان سديروت ما يطلعوا من الملاجئ وهي اللي زادت الهجرة العكسية ...وبعدين خلي جيوشك العربية الباسلة تعطي الصواريخ اللي مش فتاشات للمقاومة وبعدين اتفلسف انت وأمثالك ... فعلا قاعدين ورا الكيبورد وبتفلسفو عللي ماسكين الزناد في الميدان بيواجهو الموت ... لا نامت أعين الجبناء
الى ثائر 2008-02-12 12:47:29 GMT
هاي الفتاشات اللي خربت وخرب بيت اهل غزة ... وبعدين انا خايف على اهلي هناك....وانت وامثالك شاطرين بالحكي لانه سهل... والجيوش العربية ما راح تعمل اشي...لانه في سياسة اقوى واكبر من اي جيش....واللي بدري بدري... واللي ما بدري بيقول كف عدس....
Hassan 2008-02-12 15:41:49 GMT
اللي خرب بيت غزة هم اليهود وأعوانهم من المسلمين والعرب مش الصواريخ، ليش يعني قبل الصواريخ هاي كان الوضع أحسن في بلادنا؟ كانوا مستقبلينا الإسرائيليين ومعاملينا مثل البني آدمين؟ بالفعل أستغرب من اللي بيهاجموا المقاومة وبيحكوا إنها سبب البلاوي والمصايب وكل همهم الخنوع على طاولة المفاوضات وهالحكي الفاضي
زمان الشقلبة 2008-02-13 13:21:02 GMT
احسنت يا حجاج, بالفعل الحمساويين المساكين يعتقدون ان حل القضية بقتل الفتحاويين كما حدث فعلا في غزة و الي مش مصدق يدخل على اليوتيوب و يكتب حماس او فتح و يشوف الفيديوهات المخزية كقتل المدهون و سحله في الشارع و هو مطخوخ و يلفظ انفاسه الاخيره, والله ذكروني بإعدام صدام و شتمه و هو يموت.
و في الاخر استولوا على قافلة الخير الهاشمية.
قتله و سراقين يعني.
المهم الوضع في غزة بعد ما انقلبوا على فتح هو مسؤوليتهم, خربوا العلاقه مع مصر و مع الأردن يعني مهمة حماس هي عزل الشعب الفلسطيني عن العالم.
بالفعل و كما اراد حجاج افهامنا ان المصير الفلسطيني طار الى المجهول و الحمساويه دايرين وجوههم و مش عارفين شو السالفه.
وهلا عمي
سنفوره خطيره 2008-02-14 12:05:00 GMT
لسه فيها مصير خلص بينت الجكايه مافي داعي لزياده الجرح لانو بدون هالواسطه مش راضي يلتئم بليييييييييييييييييز
-منقول 2008-02-15 23:16:17 GMT
يعني حماس فعلا" انها...... قال بدها تتفاوض مع اسرائيل..... بعد ايش يا ....
وممكن خبر ثاني:
بيروت،عواصم- وكالات

صرح مصدر أمني لبناني الجمعة 15-2-2008 بأن حزب الله عين خلفا لقائده البارز عماد مغنية، الذي اغتيل في سوريا هذا الأسبوع. وقال المصدر إن التعيين جاء بعد وقت قصير من إعلان مقتل مغنية في انفجار سيارة في دمشق الثلاثاء. لكنه لم يكشف عن هوية القائد الجديد الذي سيقود مقاتلي حزب الله المدربين تدريبا جيدا.

وقال المصدر إن التحقيقات المشتركة في الانفجار جارية بين السوريين والإيرانيين وحزب الله، وتم توقيف بعض المشتبه بهم في العاصمة السورية. واتهم حزب الله وإيران إسرائيل بقتل مغنية؛ الذي يعد أحد المطلوبين البارزين على القائمة الأمريكية. ونفت إسرائيل الاتهام رغم أن جهاز مخابراتها كان يتعقبه على مدى عقدين....ولسه في ناس بتعتقد انه حزب الله مش لايران !!
vip 2008-03-04 02:48:18 GMT
عجبني رد القسامي لما قال نصر من الله ونسي يقول نصر الله ولا اقولك خليها حزب الله منتو شله وحده

الله يعين ويزل الغمه عن اهلنا في فلسطين
KJX 2008-05-18 16:19:50 GMT
Allah Akbar ... Is this how you think about the islamic resistance in Palestine ? Thats how you show respect to those people who gave blood and lives and children to protect what all of the arab traitors couldnt ? Those people (islamic resistance) are the only people around to protetc your honor ... after your leaders have gave it all away and begged and nieled to that dog of wars bush and olmert ... the least you could do is show some respect ... what do u want the palestinians to do .. just sit and watch and nod thier heads with agreement to all that bush and olmert says ... like the other arabs do ... i say god bless HAMAS ... god bless Khaled Mesh3al ... God Bless Abu El 3abed Hanayeh ...
hamsaweee sameeeeeem 2008-05-27 13:05:44 GMT
انا من متابعتي لرسومات الأخ عماد لم اجد فيها مايوضح أنه ضد المقاومة أرى ان يقوم بتوضيح معنى الرسم حتى لا نظلمه ويظلم نفسه
Tux 2008-07-18 23:41:27 GMT
...typical arabs.
kta2b alyaser 2008-08-21 11:09:41 GMT
good hjaj go ahead 7mas 5onah ,3mla2 fateh hea alasas ,karakter good
بدر 2008-09-19 15:36:57 GMT
ماءالسماء بقول خلي امك تعمل صواريخ يمكن يوصلو اكثر او من عمك ابو مازن بدبر حالو بجبلك صواريخ
بستقرضهم من عمو اولمرت
فلسطيني 2008-10-19 18:32:15 GMT
الكاريكتير كما فهمته أنه الصاروخ بشكل خارطه فلسطين وأنوا حماس كل مل بتضرب صاروخ بتضرب القضيه الفلسطينيه وزي ما الصاروخ الأول شوفته الغبار تاعه وراح على المجهول هادا حيكون مصير القضيه الفلسطينيه وعالعموم ما كدب لأنوا الصواريخ بـأذينا أحنا الفلسطينيبه أكتر من اليهود اليهود كل سنه لما يسير عندها جريح وفي ألأغلب بيكون جريح رعب (يعني خاف من الصوت مش أكتر)وبالمقابل أسرائيل بتعمل عمايلها لتوقيف هادي الصواريخ وبنروح أحنا بالرجلين وأصحا حد يقولي كلام فتحاوي لأنه ما في حد بهالدنيا بكرهه قد الذل الي أحيان فتح بتعرض نفسها لأله
فلسطيني 64 2009-02-14 13:41:03 GMT
سسسسسسسسسسقطططططططططططت من أعين الجميع

صعب عليك أن تفهم معادلة المقاومة فأنت أبعد ما تكون عنها خليك في المعادلة الداخلية عن الخبز والماي والسولار هذا حدك
شايط الفطابلة 2010-07-29 18:26:57 GMT
له يا عماد له
تعليقك:
الإسم:*
البريد الإلكتروني:*
التعليق:*
أدخل الرمز المبيّن في الصورة:*
* معلومات مطلوبة.

قبل أن تضع تعليقك تذكر التالي:
* الآراء والمشورة وجميع المعلومات الأخرى التي تتضمنها التعليقات في موقع Mahjoob.com تمثل رأي صاحب التعليق الخاص، ولا تمثل رأي مؤسسة أبو محجوب للإنتاج الإبداعي. كما أن المؤسسة لا تؤيد وليست مسؤولة عن البيانات أو الآراء التي يقوم بنشرها زوار الموقع.
* يحتفظ موقع أبو محجوب بحق حذف أي تعليق في أي وقت، ولأي سبب كان.
* نريد رأيك سلبا أو إيجابا في الرسم باختصار ودون إطالة ودون تجريح أو التطرق لمواضيع فرعية لا علاقة لها بموضوع الرسم ونريد أيضا أي تعليق جوهري أو انطباع أو تساؤل أثاره عندك الرسم الكاريكاتوري.
* تذكر أن هذه صفحة تعليقات على موضوع الرسم الكاريكاتيري وليست غرفة دردشة (تشات)، فتبادل التحيات أو الشتائم والكلام البديهي والسجال المجاني غير مرحب به هنا وسيتم حذفه، لكن هذا لا يشمل طبعا أي جدل منتج وجوهري ذو صلة مباشرة بموضوع الرسم بشرط عدم الاجترار والتكرار والمناكفة غير المنتجة.
* آرائكم في الفنان عماد حجاج شخصيا ومهنيا وما ينبغي عليه عمله وما يجب أن يرسمه أو لا يرسمه ومقترحاتكم لأفكار رسوماته وطلباتكم الشخصية وتمنياتكم وتساؤلاتكم حوله وحول رأيه أو مقاصده الحقيقية يمكن إرسالها مباشرة إلى الفنان عماد حجاج على الرابط التالي.
وسيتم حذفها من صفحة التعليقات لأن هذا ليس مكانها والفنان عماد حجاج عازف لأسباب خاصة عن المشاركة في المنتديات وصفحات التعليقات ولا يتابعها بانتظام لانشغاله بفنه فالأجدى إرسالها إليه مباشرة عبر البريد الالكتروني وهو جاهز للرد على كل استفساراتكم.
* الكاريكاتير فن مثير للجدل المنتج وإعادة النظر للواقع الراكد بإطار السخرية الملتزمة وبهدف التغيير للأفضل، نرجوكم أن تحافظوا على هذه الروحية في تعليقاتكم ولا تسيئوا استخدام حرية الرأي والتعبير في مساحتنا هذه.
البحث:
إلى الوراء
|| الرئيسة | عماد حجاج | الأرشيف | المنتديات | المدونات | الكاريكاتير مترجماً | ألعاب | بطاقات | رسوم متحركة | الرّسّامون الآخرون | English ||
|| من نحن | منتجاتنا | خليوي | للإعلان | شروط الاستخدام | سياسة الخصوصية | للاتصال بنا | وظائف شاغرة | مواقع متميزة | آخر الأخبار؟ ||
جميع الحقوق محفوظة© 1998-2014 Mahjoob.com
تطوير: شركة أبو محجوب للإنتاج الإبداعي