أحداث الجزء الخامس من باب الحارة 5

[عاشق أردني]

هاي يا اخوان لقيت بواحد من المنتديات أحداث للجزء الخامس من مسلسل باب الحارة مكتوبة بقلم واحد من أعضاء المنتدى وكلها أحداث من خياله طبعا

طبعا كاتبها على شكل حلقات وبصراحة طريقته كثير حلوة وبتحس كأنك عن جد بالمسلسل حبيت انقللكم اياها للمهتمين واللي متابعين المسلسل

ورح نبلش بالحلقة الاولى:



"السلام عليكم

هو خيال لمشاهد ومتمني لاحداث باب الحاره الجزء الخامس

ساضع لكم ملخص لما اتمناه واراه كاحداث رائعه لمسلسل باب الحاره الجزء الخامس..

لا اعرف كم عدد الحلقات التي ساضعها بين ايديكم ولكن ستكون بعيده عن اللت والعجن وانما ستحمل احداث مشوقه حسب رايي وكما اتمناه ..ولا اعرف حجم الرضا الذي سيجتمع في قلوبكم تجاه هذا الامر .. ولكن هي مكنونات تحتاج لان تخرج ..

الحلقه الاولى من الجزء الخامس ..

تبدا الحلقه كما انتهى عليه الجزء الرابع ..

مامون بيك : اهلين بعقيد حارة الضبع " يخاطب معتز "

معتز يرفع يده ليرد على التحيه ..

الشيخ عبد العليم وابو حاتم لا يعجبهم الوضع وقبل اي تصرف وردة فعل لما سمعوه عى لسان مامون بيك .. يصرخ الحكيم حمزه " معتز !!!!!!!!!! ويرمي نفسه مسرعا امامه وفي هذه اللحظه تنطلق طلقة مسدس ابو طاحون ليتلقاها الحكيم حمزه بصدره ويفدي معتز بروحه ..

دربكه وهوزعه بين الجالسين وملاحقة الفاعل ومن ثم القبض عليه ...

الحكيم حمزه يستشهد وتجري له جنازه ويتضح فيما بعد ان الفاعل ابو طاحون بعد القبض عليه لكن لم يعرف احد من كان وراءه .. فهو الان بقبضة ابو جودت ..

مامون بيك يذهب للكاركون ليتضح الامر ..

يجد نوري فيساله عن ابو جودت فيقول له خرج في مهمه ..

مامون بيك : مين هاد ابو طاحون يا نوري ؟؟

نوري : سيدي اللي بعرفه انه تاجر سلاحه وقبل شهر انسجن متلبس .. بس ما بعرف ليش ابو جودت افرج عنه ..

مامون بيك في سره " له يا ابو جودت عم تلعب على الثقيل ..



حالة حزن على استشهاد الحكيم حمزه ومعتز يحمل نفسه المسؤوليه ويشتاط غضبا ..

وايضا فريال خانوم تصبح بشكل رسمي زوجه لمامون بيك ...

على الجانب الاخر ابو حاتم يحدث نفسه بامور مريبه وبانقلاب الحاره بعد مجيء مامون بيك . وبان الكل مرتاح لتصرفاته ويبدو ان الوضع لا يعجبه ..

معتز يحدث نفسه " ولو يا ابو العز انت هلا عكيد الحاره ومعقول هيك حادثه تمر على الحاره ببداية عهدك كعقيد فيها . يا بااااطل ..

يبدا معتز بالتصرف كعقيد للحاره من حيث تشديد الحرساه والقائه الاوامر هنا وهناك " الامر الذي لا يعجب اكابرية الحاره وعلى راسهم ابو حاتم "

ابو حاتم : " شو يا ابو العز " بعرفك ابضاي ... هيك اتعلمت تستغل غياب خالك لتستلم محله

ابو العز يصرخ غاضبا : ما بسمحلك تحكي هيك .. خالي عقيد الحاره وراح يضل عقيدها .. بس ما حد بيحقله يسد غيابه غيري .. وبس يرجع بالسلامه راح اكون اصغر واحد فيكم ..

ابو حاتم لا يعجبه الكلام ..

وهنا يتدخل مامون بيك ..

" يا جماعه بيرضيكم الحاره تكون بدون عقيد .. احنا هلا بواقع بيقول انه عقيد الحاره غايب ولازم حد يسد فراغه .. اذا مو عاجبكم معتز شوفوا بينكم في حد بيقدر يسد محل ابو شهاب غير ابو العز .. في ابضاي بوزن معتز ... ؟؟؟

ابو العز يتبسم ويقطع الابتسامه ابو حاتم قائلا: . ما اختلفنا انه زكرت وابضاي وسيد ابضايات الحاره .. لكن مو بهاي الطريقه بيصير عقيد علينا .. شو ما في اكابريه بالحاره ؟؟

مامون بيك : واحنا فيها يا ابو حاتم .. حد عنده اعتراض انه ابو العز يكون عقيد الحاره ؟؟

الصمت يسود الجميع وسط انسحاب ابو حاتم وابو بشير ومن ثم يتبعهم الشيخ عبد العليم في حالة من عدم الرضا ..



مامون بيك في سره : وهلا بلش الشغل المزبوط



ابو حاتم وابو بشير والشيخ عبد العليم مجتمعين ...

ابو بشير " بيرضيكم اللي عم يصير بالحاره؟؟

الحكيم حمزه استشهد على ايد ابو طاحون اللي ما عرفنا مين وراه

والحاره مكركبه .. شو القصه يا جماعه ..

الشيخ عبد العليم " يا جماعه خلينا نكون صريحين احنا ليش معترضين على تنصيب معتز عقيد للحاره ؟؟؟

ابو حاتم : يا شيخي المساله مش انا معترضين عليه ..احنا بحارة الضبع ما تعودنا حد يفرض رايه علينا وما عاش ياللي بدو يفرضه علينا .. شيت انه مامون بيك ابن مبارح في الحاره وقلبلنا اياها فوقاني تحتاني هذا الشي ما بنقبله بنوب .. ثم انه معتز عصبي وعجول وما بينفع يكون عقيد بهيك مواصفات .. العقيد لازم يكون عنده حكمه هو ابضاي لكنه متسرع ...

ابو بشير : ايييييييه والله الوضع ما بطمن بنوب .. الله يستر من الجاي ....

في احدى حاراة الشام تظهر عائله جديده تتكون من شاب " ابضاي " واباه العجوز .. هذا الشاب يكون قصي خولي " واسمه عمر " ..

عمر : مساء الخير يا ابي .. كيفك اليوم ان شاء الله تمام

الاب العجوز : الحمد لله يا ابي .. شو كيف شغلك اليوم ..

عمر : والله يا ابي مو كثير لكن بنحمد الله .. ماشي الحال .. ويتابع ..

شو يا ابي وينه ابو غريب .. ما شايفه ..

الاب العجوز : بيكون كعادته بيتمشى في البساتين والبريه وهلا بتلاقيه راجع ..

عمر يسرح بخياله ويستعيد ذكرى يوم من الايام كان متمشيا بين البساتين.. يمشي ويمشي ولحظه يشعر بالتعب ويرى اثار دماء ..

يلاحق ذاك الاثر الى ان يصل لحفره فيها رجل مضرجع بالدماء وفاقدا للوعي ...

هذا الشخص يكون ابو عصام " عباس النوري "



انتهت الحلقه الاولى ...

والتي لو نعطيها حقها من الثرثه والريان احمر يا ريان .. لربما تصل للحلقه السابعه الى هذا الحدث ..

المهم نلقتي بكم مره اخرى بحلقه جديده من حلقات باب الحاره الجزء الخامس "


منقووووووول

[أردنية في هواها]

قاعدة بتذكــر مين أبــو طاحــون ؟!!:re::re:

كيفكــ؟:-emb:

[عاشق أردني]

قاعدة بتذكــر مين أبــو طاحــون ؟!!:re::re:

كيفكــ؟:-emb:

أبو طاحون هاد اللي استأجره أبو جودت عشان بقتل عصام ومعتز

تمامز....يو ؟

ملاحظة بس: هاي أحداث تخيلية مو السيناريو الصحيح للجزء القادم

:ff:

[AL _ DANA]

بوست جديد من نوعو !!! ....يعني رح تضلك تكتب او تنقل 30 حلقه يوميآ :p:


الهيئه متأثر كتييييييييير بالمسلسل ...:-emb:

[Haifaa ღ]

بوست جديد من نوعو !!! ....يعني رح تضلك تكتب او تنقل 30 حلقه يوميآ :p:




الهيئه متأثر كتييييييييير بالمسلسل ...:-emb:

:-emb:ana kam mara oltelik ma tktmy 3la nafs alm7ajeeb
:a030:raw3a mawdo3ak 5aeoow
bas ma feny sabtlak yah
:shy:

[عاشق أردني]

بوست جديد من نوعو !!! ....يعني رح تضلك تكتب او تنقل 30 حلقه يوميآ :p:


الهيئه متأثر كتييييييييير بالمسلسل ...:-emb:

:-h::-h::-h:

شوفي خيتي والله كان بودي لو اني كاتب الاشي هاد بس صراحة هاد منقول

وزي ما انتي شايفة صاحب هالكتابة انسان موهوب ولعلمك ومع الحلقات الجاي رح تعرفي انه مو اي واحد بإمكانه الاسترسال والكتابة بهالإسلوب الا انسان متخصص وعن جد موهوب

ورح أظلني أنقل الحلقات حلقة حلقة ومو شرط كل يوم حلقة ويا ريت فيني أشير لصاحب الموضوع بس قوانين المنتدى بتمنع الدعاية للمنتديات الأخرى

بالنسبة لتأثري المسلسل مو شرط يكون كبير او مدمن عليه والشغلة وما فيها انه انا كنت اتاعبه زي اي حدا وأكيد حضرتك كنت متابعبته بشكل كبير او حتى ممكن تابعتي أي عمل آخر بصورة استثئنائية وفيه انشداد كبير للعمل

مسألة أذواق هي بتضل

:ff:

[عاشق أردني]

:-emb:ana kam mara oltelik ma tktmy 3la nafs alm7ajeeb
:a030:raw3a mawdo3ak 5aeoow
bas ma feny sabtlak yah
:shy:

:hug:
اوك هيفا انشالله رح اظلني انقل :-emb: الحلقات عشان حبايبنا المحاجيب :shy:

:ff:

[AL _ DANA]

:-emb:ana kam mara oltelik ma tktmy 3la nafs alm7ajeeb
:a030:raw3a mawdo3ak 5aeoow
bas ma feny sabtlak yah
:shy:

:oooops::oooops::oooops:

وحياة الله انتي روووووووووووووووعه ومافي متلك 2 :a030:


:oooops::oooops::oooops::oooops::oooops::oooops::o ooops:
خلص أخر مره أخر مره ,,,,,,,,:oooops::oooops:

[AL _ DANA]

:-h::-h::-h:

شوفي خيتي والله كان بودي لو اني كاتب الاشي هاد بس صراحة هاد منقول

وزي ما انتي شايفة صاحب هالكتابة انسان موهوب ولعلمك ومع الحلقات الجاي رح تعرفي انه مو اي واحد بإمكانه الاسترسال والكتابة بهالإسلوب الا انسان متخصص وعن جد موهوب

ورح أظلني أنقل الحلقات حلقة حلقة ومو شرط كل يوم حلقة ويا ريت فيني أشير لصاحب الموضوع بس قوانين المنتدى بتمنع الدعاية للمنتديات الأخرى

بالنسبة لتأثري المسلسل مو شرط يكون كبير او مدمن عليه والشغلة وما فيها انه انا كنت اتاعبه زي اي حدا وأكيد حضرتك كنت متابعبته بشكل كبير او حتى ممكن تابعتي أي عمل آخر بصورة استثئنائية وفيه انشداد كبير للعمل

مسألة أذواق هي بتضل

:ff:

والله ياخيي بدك السراحه ,,,,عنجد عنجد

ماتابعتو هالمسلسل بالمررره !!!
ولا جزء ....بتسدق :sc:

انا بحب المسلسلات يلي بتحكي عن قصه معيني او موضوع موجود بالمجتمع او قصه سارت حقيقيه وعم يمثلوها ,,,

تابعت مسلسل زمن العار ...او مسلسل شتاء ساخن او مسلسل قلبي معكم وقاع المدينه ,,,,هدولي كلهم تابعتهم برمضان ....يعني هيك نوعيه بحب كتييير ....:-emb:

والناس ازواء طبعآ ونا بحترم زوئك اكيييييييد ....ورح تابع المسلسل معك هوني كل يوم ولا يهمك ,,,,,,:ff:

[عاشق أردني]

الحلقة الثانية :-emb:

استمر عمر في خياله ونزل للحفره فيجد ابو عصام قد اصيب اصابات بالغه وهو يتاوه ، فقد كان على قيد الحياه .. حمله معه للبيت ..

الاب العجوز : شو هادا يا بي ؟؟

عمر : والله ما بعرف يا بي ... لقيته بحفره وانا بتمشى بالبساتين ..

وهنا ينتهي عمر من خياله .. فيساله ابوه :

عمر .. عمر . شو وين سرحت ؟

عمر : والله يا ابي عم افكر في ابو غريب صرله سنتين من يوم ما لقيناه متصاوب .. ومن يومها لليوم بعده على نفس الحاله ما متذكر شي ولا بيعرف مين هو .. ولا من اي حاره وشو اللي صار معه ... وانت عارف من يومها ما بناديه الا بابو غريب .. لانا ما بنعرف عنه شي

الاب العجوز : والله يا بي هالرجال قصته غريبه .. بس الظاهر انه الفرنساوي اوصه هيك بان لما عالجناه ..



وهنا يدخل عليهم ابو عصام ..

السلام عليكم ..

الاب العجوز وعمر : اهليين ابو غريب وعليكم السلام ..

عمر : شو وين كنت لهلا يا رجال ؟

ابو غريب : والله كنت عم اتمشى بالبساتين .

عمر : بدي اسالك يا عم // ليش انت كل يوم بتطلع بتتمشى برات البيت وما بتعود الا المساء

ابو غريب : والله يا ابني ما بعرف بحاول كل يوم اتذكر مين انا وشو اللي صار معي وعم روح لنفس المكان اللي لقيتني فيه وبحاول اتذكر اللي صار معي بس ما بقدر .. ما بقدر ..

الاب العجوز : اي طول بالك الا ما ترجعلك ذاكرتك .. ومن هون لوقتها انت بعهدنا ومنا وفينا واللي بيصيبك بيصيبنا

ابو غريب : والله ما بعرف شو بدي قلكم .. بس والله تفضلتوا على راسي .. والشي اللي عملتوه معي .. كبيييير .. كبير كثير ...





مشهد اخر .. خاطر وابو العز وعبدو في الحمام



خاطر : لك ابو العز .. فكرك مين هذا ابو طاحن وليش كان بدو يقتلك ..

ابو العز : العمى والله ما بعرفه بس عصام حكالي انه كان مره عنده بيئش ذقنه وكان بدو ياخذ عصام ليعمل طهور بس رستم الدركي في المغفر دخل عليهم وصار يحكي مع ابو طاحون والظاهر انه بيعرفه .. ومشان هيك ابو طاحون حمل حاله واجل الطهور ..



عبدو : يا لطيييف ...

خاطر وابو العز : شوبك عبدو ؟؟

عبدو : لك لا يكون كان بدو يستدرج عصام ليقتله هو كمان ...؟؟؟

ابو العز : العمى والله معك حق يا عبدو .. بس ليش ومين باعثوا علينا .. الا ما قوصه هالواطي حتى لو كان بحضن امه مو بالمغفر ..



مشهد اخر .. ابو قاسم ومامون بيك



ابو قاسم : اي مامون بيك شو بدي قول ... معتز متوغوش كثير من قصة استشهاد الحكيم وحاط براسه يقوص ابو طاحون وين ما كان

مامون بيك : اي شو عليه . هذا عقيد الحاره وما لازم يمرق هيك شي بدون حساب ...



مشهد اخر .. مامون بيك يتجه للكاركون



يطرق الباب على ابو جودت .. ويدخل نوري ..

ابو جودت : شو في يا نوري ؟؟

نوري : سيدي هذا مامون بيك بدو يشوفك ..

ابو جودت : لك .. لك يا بغل ومتركه بره .. فوته دغري ..



ابو جودت : اهلييين . اهلييين بالبيك .. نور الكاركون والله

مامون بيك : اهلين ابو جودت ..

ابو جودت : سيدي شو بتحبوا تشربوا ..

مامون بيك : لا ما في داعي بس انا جاييك بخصوص ابو طاحون ..

ابو جودت يتلبك .. ويتمتم : ايه ابو طاحون مالو

مامون بيك : مين هذا ابو طاحون

ابو جودت : هذا واحد ازعر وقوص الحكيم حمزه ولازم يوخذ جزاه ..

مامون بيك ينهض من على الكرسي ويقترب من ابو جودت .. : بس يا ابو جودت ابو طاحون كان بدو يقوص معتز ..

ابو جودت : هاااااااااااااااااااه .. ويحمر وجهه ..

مامون بيك : شوف يا ابوجودت لا تلف وتدور علي .. انا بعرف انك بعثت ابو طاحون ليقوص معتز ..

ابو جودت يتلبك اكثر ويرمي الكلام هنا وهناك فيقطع عليه مامون بيك ويقول :

ابو جودت .. لا تجدبها .. انت ليش بدك تخلص من معتز

ابو جودت : بس انا ...

مامون بيك : انت بدك تنتقم منو على الشي اللي عملوا معك .. ويتابع .. انا ما راح احكي لحد انه الك ايد بالموضوع // " ويخرج بعض النقود من جيبه ويعرضها على ابو جودت " ويتابع .. بس اهم شي تعمل اللي بقلك عليه والك الا تكون راضي ومتريش وتاخذ بثارك من معتز بس مو بالطريقه هاي ..

ياخذ ابو جودت المال وهو يبتسم وينظر لماون بيك باعجاب ويقول له ..

وهلا شو بتريدني اعمل

مامون بيك : كل اللي بدي اياه منك هلا انك تحرص على ابو طاحون ولا تخلي حد من الدرك يحقق معه .. وان سالك رجال حارة الضبع عنه قلهم انه تحت التحقيق ..



مشهد اخر .. ابو الحكم وابو النار في محل ابو النار ..



ابو الحكم : سمعت باللي عم يصير بحارة الضبع يا عقيد

ابو النار : خير شو في كمان

ابو الحكم : الحاله مكركبه من يوم استشهاد الحكيم حمزه / وعم يقولوا اللي قوصو كان قاصد معتز // وكمان سمعت انه حد باعثه ليقتله هو وعصام ..

وبعدين سمعت انه معتز صار عقيد الحاره بغياب ابو شهاب

ابو النار : شووووووووو ؟؟

ابو الحكم : وسمعت كمان انه ابو حاتم وبعض كبارية الحاره مو راضيين عن الموضوع ..

ابو النار : وانت من وين عرفت كل هالشي

ابو الحكم : مريت على حارة الضبع لاطمن على النمس لانه صرلي مده مو شايفه . وهو حكالي

ابو النار : اهااا يعني النمس اللي حكالك

ابو الحكم : مو بس النمس كمان بقهوة ابو حاتم بيحكوا بهالموضوع .... ويتابع ..

صحيح عقيد لك ابو ساطور ما بين من وقت ما اخذه النمس وشغله عند مامون بيك .. وين راح هالرجال ؟



مشهد اخر .... عمر في بيته ومعه ابو غريب " ابو عصام " وكذلك اباه "



ابو غريب : صحيح لك ابني عمر .. بدك تضلك هيك كل يوم تشتغل شغله هون ولا هون .. لك الزقلك بشغله وتعلم كار يفيدك ..

عمر : والله يا ريت يا عمي .. الحال مو ميسره .. وكل شغله بشتغلها / اما بتكون طياره شي يوم او يومين . واذا لزقت بشي شغل عند احد الصنايعيه بتخانق انا وهو .. يعني مو زابطه ..

ابو غريب : لك يا ابني انت بعدك باول العمر ما تعلمت شي كار او هيك حبيت شي شغله ؟؟

عمر : والله يا عمي اشتغلت فتره طويله صبي عند واحد حمصاني بسوق ساروجه .. بس الرجال توفاه الله واعطاك عمره ، وحرمته وعيالها سكروا المحل وتركوا الحاره وسافرروا عند اهليتهم ..



ابو غريب : طب افتحلك شي محل واشتغل حمصاني ..

عمر : والله يا ريت يا عم / من وين وانت شايف الحال ..

ابو غريب : بيسر الله .. الا ما تفرج ..

عمر : صحيح عمي .. انت ما فيك تتذكر شو كنت تشتغل ؟؟ وشو الكار تبعك ..

ابو غريب .. يصمت .. ومن ثم يقول .. والله ما بعرف .. يا ريت بس اتذكر ..



المشهد الاخير في الحلقه .. مامون بيك وزوجته فريال خانوم ..



فريال : اي ابن عمي .. هلا صحيح ابن سعاد بدو يصير عقيد الحاره ؟؟

مامون بيك : هذا مو ابن سعاد .. هذا ابن ابو عصام كبير الحاره " الله يرحمه " ، وابن اخته لعقيد الحاره ابو شهاب الله يرجعه بالسلامه " .. بعدين ليش يصير عقيد مهو صار وخلااص .

فريال خانوم : " في سرها " يا حبيبي كملت والله .. كان اخوها عقيد وهلا بدو يصير ابنها ..

مامون بيك : شوبك يا حرمه ليش سكتتي ..

فريال : لا ابن عمي . بس اتذكرت عمي ابو صالح الله يرحمه ..

مامون بيك: اييييييييييه الله يرحمه .. كان ماسك الحاره والكل يحلف بحياته .. بس شو بدي قلك

فريال : اامر ابن عمي

مامون بيك : معتز صار عقيد لانه الاحق بغياب خالو ابو شهاب وكمان هو زكرت وابضاي ..

وعم قول .. انه الحاره كمان لازم يكون فيها كبير يمسك الحاره ويمشي كل امورها .. ومعتز لحالو ما بيكفي .. هو صحيح زكرت وابضاي لكنه متسرع وعصبي وكمان باول عمره .. يعني لازمه واحد كبير يوجهه .. ما هيك

فريال : شو قصدك ابن عمي .

مامون بيك : يعني عم قول لحالي .. معتز هلا عم يسد الفراغ اللي تركه خالو ابو شهاب .. ولازم واحد ثاني يسد غياب الزعيم " ابو صالح " الله يرحمه

فريال : " باعتراض " بس الفراغ اللي تركه عمي ابو صالح ما حد بيسده مين من كان

مامون بيك : شو يا حرمه / وانا ما بنفع ؟؟؟؟

فريال : انت ؟؟؟؟؟؟؟؟

مامون بيك : اي انا .. ليش في حد احق مني ليحل محل عمي الزعيم ابو صالح؟؟ ... بس هالشي بدو ترتيب وبدو وقت .. ويتابع .. وبعدين اسمعي يا حرمه.. اذا الكلام هذا طلع لاي مخلوق بالدنيا مو بس بالحاره بقصلك لسانك ..

فريال : " بحاله من الخوف والتلبك .. امرك ابن عمي ..



وتنتهي الحلقه الثانيه ...


وكما قلنا لكم في الحلقه الاولى بان القصه تتركز على احداث جوهريه ولسنا بصدد ادخال اللت والعجن والكلام الذي لا يفيد

[محمد...]

مش طبيعي اللي مألفه :eek:


كأنه فعلا الجزء الخامس وكأنهم فعلا الشخصيات تتحدث


مش طبيعي

[dark angel26122]

اهلييييييييييييييييييييييييييين والله
هلا والله حيالله
طيب النمس وينووووووو
المسلسل ما حلو بدونو ؟؟

[عاشق أردني]

السلام عليكم :hi:


الحلقه الثالثه : -


الحلقة بعنوان " شرخ يصيب حارة الضبع "


تبدا بالمشهد الذي انتهت عليه الحلقه الثانيه وهو بان مامون بيك يفكر بان يحل محل الزعيم ابو صالح في حارة الضبع كزعيم للحاره ومسؤولا عليها .. وهو يفكر بالتمهيد والتخطيط لهذا الامر ..



المشد التالي .. عمر يتمشى باحد الحارات ..



اثناء مشيه يلاحظ رجلا ازعر يستقوي على احدهم وكان مسكين وضعيف .. عمر لا يعجبه الحال ..

عمر : لك ما تستحي على دمك ولاااا .. شو بدك في الرجال ؟؟ شايفه مسكين على باب الله وعم تستقوي عليه ؟؟

الازعر : وانت شو دخلك ولا .. يلا دربل من هون احسن ما اخربطلك وشك ..

عمر: لك اذا كان عندك مرجله ورجيني اياها الي ولا تستعرض عضلاتك على واحد مسكين ..

الازعر : شو قصدك ولا ..

عمر : قصدي ان كنت رجال ورجيني مرجلتك ..

وهنا يحدث عراك بين عمر والرجل الازعر .. ينتهي بضرب عمر لهذا الازعر بعد التعليم عليه وقبل ان يفك رجال الحاره المتواجدين هذا النزاع .. ولكن يكون عمر جرح جرحا بسيطا في يده ..



مشهد اخر .. عمر يعود للبيت ..



الاب العجوز : شو ابني وين اتاخرت لهلا .. وبعدين مالك ماسك ايدك هيك شو في ..

عمر : لا ما في شي يا ابي خناقه صغيره وخدش صغير ..

الاب العجوز : لا حول ولا قوة الا بالله .. خير شو صار / وان شاء الله جرحك بسيط ..

عمر : لا تخاف يا بي .. عرضيه . واحد ازعر عم يستقوي على رجال مسكين

ابو غريب : ايدك لشوف .. " يتامل ابو غريب في الجرح فيقول لعمر

ابني هلا بغسلك اياه بالمي والملح .. وبعدين بغليلك بابونج وبس يبرد بلفلك اياه بقطعة قماش . وان شاء الله ما عليك شر ..

عمر : لا ما بتحتاج هلا بتطيب وبيشفى الجرح

ابو غريب : لك ما بصير يا ابني . ان تركتها هيك .. بيصيبها غرغرينا لا سمح الله ..

عمر : " باستغراب ودهشه " عمي ابو غريب .. وانت شو عرفك بالغرغرينا وبالوصفه اللي حكيتلي عنها

ابو غريب : يندهش ايضا ويقول : هااااااااااااااااااااا .. والله ما بعرف بس كانه مر علي هيك شي .

عمر والاب العجوز ينظرون لبعضهم في دهشه .. وينتهي المشهد



مشهد اخر .. النمس في بيت مامون بيك .. واحدهم يطرق الباب



مامون بيك : افتح الباب يا نمس . خالتك ام توفيق مو هون " ويفتح النمس الباب " ويقول :-

ابو ساطور؟؟ لك اهليييييييييييييييييين ابو ساطور .. هلا والله حيا الله ..

مامون بيك : الحمد لله على السلامه ابو ساطور ..





مشهد اخر ... ابو حاتم والشيخ عبد العليم وابو بشير وكذلك ابو مرزوق من امام المسجد ..



الشيخ عبد العليم : اي ابو حاتم لسه ما في خبر عن ابو شهاب

ابو حاتم : والله غير الخبر الاخير اللي سمعناه واللي بيقول انه ابو ذراع قتل ابو شهاب ما سمعنا

ابو مروزق : هلا معقول يكون هو اللي قتله

ابو حاتم : هذا القصه مو صحيحه بنوب .. بعدين شو في بين ابو ذراع وابو شهاب ليقتله ؟ ومين هو ابو ذراع ليقتل العقيد

ابو بشير : وانا رايي من راي ابو حاتم ..

وفي هذه اللحظه يمر معتز ويطرح عليهم السلام ويمضي ..

ابو حاتم : شفتوا .. هي العقيد الجديد تبع الحاره : بنبره غير راضيه "

ابو بشير : خلصنا ابو حاتم .. ما بدنا النفوس تتعكر ونتخانق من وراء هيك قصه .. نحن مهما كان ولاد حاره وحده ..

ابو حاتم : بس هاي مو حيا الله قصه

الشيخ عبد العليم : لفها يا ابو حاتم .. الشب زكرت وابضاي .. وهمه وحياته للحاره واهلها .

ابو حاتم : ايييييه الله يجيرنا ..

الشيخ عبد العليم : شو بدي قول يا رجال .. ما لازم نروح اليوم عند مامون بيك لنشوف شو صار بقضية ابو طاحون ؟؟.. ما بدنا معتز او احد الشباب يعملوا شي متهور ونكون بشي ونصير بشي ثاني .. لازم ننهي القصه وما نخليها توصل لمواصيل احنا بالغنى عنها ..

ابو حاتم وابو بشير وابو مرزوق : وانت قلتها شيخي



مشهد اخر .. مامون بيك والنمس وابو ساطور



مامون بيك : لك اهلين بابو ساطور .. كيف كان مشوارك ببيروت ..

ابو ساطور : هاااا .. ااي .. ايي .. والله "ويقطع مامون بيك عليه الحديث " ويقول .. لك نمس .. ما بدك تتيسر على شغلك ..

النمس : اي شو عليه ويذهب وهو يحدث نفسه باستغراب : ليش مامون بيك ما بدو اياني كا موجود؟؟ وبعدين ابو هلال وين راح ...



مامون بيك : اي ابو ساطور عملت اللي قلتلك عليه

ابو ساطور : اللي بدك اياه صار ، رحت عند الرجال اللي حكيتلي عنه وعطيته الرساله اللي سلمتني اياها .. وبس قراها .. سال مين فيكم ابو هلال .. : قله ابو هلال محسوبك .. قله الحقني .. وانت اتيسر . وصلت الامانه ..

ومعلومك ما رجعت بنفس اليوم حسب اوامرك وتاخرت شي اسبوع مثل ما حكيتلي وهيني جيتك ... بس دخلك مامون بيك .. الرجال وين اخذ ابو هلال ؟؟

مامون بيك : ما عليك من ابو هلال . هلا خلينا في المهم ..

انت جيت بوقتك .. علينا شغل كثير . بدي تورجيني همتك . ..

ابو ساطور : لعيونك مامون بيك .. انا بعجبك ..


مشهد اخر ... ابو هلال .. شاحطينه الفرنسيين لاحد السجون وهو بيصرخ .. شو في ليش ماخذيني .. والله ما عملت شي ..


مشهد اخر .. عصام ومعتز في بيت العيله : ومعهم ام عصام وزوجاتهم ..

وجميعهم ياكلون طعام العشاء وهو عباره عن " اكلة سمك " .. الجميع منشغل بالاكل وفجاه معتز يتوقف عن الاكل ويترك اللقمه من يده ويتنهد ..

ام عصام : شو بك معتز ..

معتز : لا ما في شي

عصام : ابو العز .. احكي شوبك

معتز بنبرة حزن .. : اتذكرت ابي يوم عملنا الاكله هاي .. وكنا ننطره ليتغدى معنا ويومها اتاخر وما اجى الا ثاني يوم ..

الكل حزين ويترحم على ابو عصام ..

خيريه : مرة عمي ... هو عمي ابو عصام وين مات .. ووين قبره

معتز غاضبا : ابي ما مات .. ابي استشهد ..

ام عصام : والله يا بنتي ما بنعرف وين مات بالضبط ولا بنعرف وين قبره .. بس انا كل ما بلف وجهي لاي ناحيه بشوفه .. هو موجود بكل ساحه .. بكل حاره .. بكل زاويه بالبيت .. بكل جبل بكل بستان .. بكل .. " وتبكي "

لطفيه : طولي بالك مرة عمي . الله يرحمه ..



مشهد اخر .. كبارية الحاره ياتون لبيت مامون بيك ومعهم كذلك ابو خاطر ..


مامون بيك : اهلين بالرجال .. شرفتوا بيتكم الصغير

رجال الحاره : الله يشرف مقدارك مامون بيك .

مامون بيك : اي يا رجال شو اخبار الحاره / ان شاء الله كل شي تمام //

الشيخ عبد العليم : الحمد لله على كل حال / والله يا مامون بيك جيناك لامر ضروري ..

مامون بيك : لعيونكم .. احكوا

ابو حاتم : جيناك بخصوص ابو طاحون .. وين وصلت قضيته ومين اللي وراه ..

مامون بيك : والله لهلا ما بعرف .. بس انا بكره رايح عند ابو جودت لاشوف شو صار " وهنا يطرق الباب الداخلي لبيت مامون وينهض مامون لياخذ الضيافه من فريال خانوم لضيوفه ..

مامون بيك " والله اهلين بالرجال "

ابو خاطر : دخلك مامون بيك مين بتظن وراه لابو طاحون هذا ..

مامون بيك : والله كل اللي بعرفه وما بخبي عنكم انه ابو طاحون هذا واحد ازعر وتاجر سلاح ورد حبوس ..

وبكره ان شاء الله بكون في شي جديد عند ابو جودت .. وان شاء الله نعرف مين وراه ..

وهنا يغادر رجال الحاره بيت مامون بيك ..



وتاتي فريال خانوم : ابن عمي مين هذا ابو طاحون

مامون بيك : هذا مو شغلك ما بصير الحريم تتدخل بامور الرجال .. يلا تيسري على اوضتك


وهنا يفكر مامون بيك قليلا ويذهب للهاتف ويتصل عل احدهم ..

مامون بيك : الو .. اي انا .. شو بدي قلك ..

شو اخبار ابو عرب .. بدي اعرف شو وضعه بالسجن . وينتهي المشهد


مشهد اخر .. ابو غريب وعمر والاب العجوز نائمون ..


ويبدو ان ابو غريب يحلم .. " ويتبسم في حلمه " فقد شاهد ام عصام وحدثته وكذلك شاهد معتز وهو يتبسم وايضا عصام وبناته .. وينهض من حلمه بهدوء وهو يفكر تفكير عميق ..

يستيقظ عليه عمر ..

عمر : خير عمي .. شوبك فايق ..

ابو غريب : والله هيك حلمت بنام .. غريب

عمر : خير اللهم اجعله خير

ابو غريب : ما بعرف .. حلمت بمره عم تقلي " تاخرت علينا .. احنا بحاجتك " وشفت كمان ثلاث بنات وشابين .. "

عمر: حكولك اسم شي .. او عرفتهم شيى ؟



ابو غريب : لا والله .. بس كانوا يطلعوا فيي وهم فرحانين .. وما بعرف مين هن ..

عمر : .. عمي .. اكيد هدول عيلتك .. وان شاء الله راح ترجعلهم عن قريب

ابو غريب : مو بالاول لاعرف مين عيلتي ومين انا ....


مشهد اخر .. مامون بيك في الكاركون عند ابو جودت ..


ابو جودت : اهلين مامون بيك .. نورت الكاركون

مامون بيك : اسمعني منيح ابو جودت .. بكره بدي منك تصدر امر ترحيل لابو طاحون على سجن القلعه ..

ابو جودت : سيدي بس بخاف انه في القلعه يحكيلهم اني حرضتوا بعد ما افرجت عنه

مامون بيك : خلي الموضوع هذا علي .. اعمل مثل ما بقلك والك الا ترتاح من وجع الراس اللي اسمه ابو طاحون ...


مامون بيك يعود للحاره ..


ويعلن امام الجميع .. يا رجال حارة الضبع ... غريمكم ظهر وبان ..

وهنا يجتمع رجال الحاره على صوته .. ويلتفوا حوله ..

ابو حاتم : شو قصدك مامون بيك ..

مامون بيك : ابو عرب

ابو حاتم : شبو ابو عرب

مامون بيك : ابو عرب هو اللي حرض ابو طاحون ليقتل معتز وعصام ، وقبل منهم العقيد ابو شهاب ..

وهنا تتعالى الاصوات من هنا ومن هناك ما بين مستغرب ومهدد ومنكر ومعترض ..

ابو بشير : بس يا مامون بيك ابو عرب محبوس عند الفرنساوي من فتره .. فكيف بدو يكون حرض ابو طاحون ؟؟ بعدين ابو طاحون شو صار فيه هلا؟

مامون بيك : يا رجال .. اسمعوني منيح ..

حسب ما اعترف ابو طاحون فهو كان مسجون مع ابو عرب وابو عرب عمل معه صفقه بانه يقتل العقيد ابو شهاب او اي واحد بيخصه مقابل كم قطعة ذهب .. بس يطلع من الحبس ..


ابو مرزوق : قصدك انه ابو طاحون هو اللي قتل ابو شهاب؟؟

مامون بيك : لا .. ابو طاحون انكر هالشي وقال هو كان بدو يقتل ابو شهاب بس ما لقيه بالحاره

وهنا يصرخ معتز : لازم ناخذ بثارنا وثار الحكيم حمزه .. والليله قبل بكره

وتتعالى الاصوات من هنا وهناك

الشيخ عبد العليم : وحدوا الله يا جماعه .. كيف بدكم تاخذوا ثاركم وهو بالحبس ، وبعدين ما لازم نتعجل لنتبين الخبر .. " ان بعض الظن اثم " .. ولا تنسوا انه ابو عرب من حارة الماوي . ولا تنسوا وقفة حارة الماوي ومختارها معنا وقت الحصار ..

وتتعالى الاصوات مجددا ويقطع عليهم ابو بشير قائلا

مزبوط يا رجال ما لازم نتعجل

مامون بيك : عل كل اللي عندي قلته وبالمناسبه : ابو طاحون راح يرحلوه للقلعه وغالبا راح يعدموه هناك ..

معتز : بس بيته لابو عرب بعده بحارة الماوي وعيلته هناك ورجاله اللي هاجموا حارتنا بعدهم موجودين

ابو حام : " صارخا " : معتز !!!! شو يعني انك صرت عقيييييييييد .. مفكر الشغله بكيفك .. وبدك تصغرنا قدام المختار وقدام الحارات .. اخص على الرجال اخص ..

معتز ينسحب غاضبا ومعه بعض شباب الحاره ..

ويبدوا ان الشرخ بدا يحدث بين رجال وشباب الحاره وهو ما يسعى اليه مامون بيك لتحقيق ما يرمي اليه ..



وهنا تنتهي الحلقه

والى اللقاء مع الحلقه الرابعه

[عاشق أردني]

الحلقة الرابعة بعنوان '' ابو عصام يستعيد ذاكرته ''

المشهد الاول: معتز وعبدو وخاطر وبشير في نقاش لما جرى



عبدو : يا جماعه لازم نعمل شي فرنغه بعد الشي اللي عمله ابو عرب

معتز : بتعرف .. والله على بالي اروح احرق بيته هلا قبل بكره

خاطر : يا شباب ، بدكم الصراحه / والله كلام ابو حاتم والشيخ عد العليم مزبوط .. حارة الماوي وقفت معنا بكل رجالها وقت الحصار ، واي كان السبب ما لازم ننسى وقفتهم وننسى اصلنا ..

معتز : والله ما بعرف شو بدي قول ، هي بصراحه كبيره انه نهجم على حارة الماوي بعد اللي عملوه وكبيره كثير هاي / بس كل ما فكر في اللي عمله ابو عرب بيطيروا ضبانات عقلي .

بس كلام ابو حاتم مو مدوزن بنوب بنوب // والشي اللي حكاه بحقي كبييير كثير

بشير : يا جماعه مو شايفين انه اابو حاتم مأروق كثير من معتز ومو عاجبه ولا قابل يهضم انه معتز يكون عقيد الحاره .. ليش موقفه معارض بهالشكل ؟؟

عبدو : لا يكون هو مزعوج لانه حاب هو يصير عقيد الحاره

معتز : اي فشر بنص عينو ..

خاطر : ابو العز .. ما بصير تحكي على الرجال هيك .. ما تنسى وقفته والشي اللي عمله وقت الحصار وكيف كان خايف علينا وقلبه على الحاره وشبابها ؟

معتز : الشي اللي عمله ابو حاتم على العين والراس وما اله منيه علينا لانه هذا الشي واجبه والا بكون ناقص .. بس انه يحاول يصغرني ويهيني قدام كل رجال الحاره .. فهذا الشي ما راح انساله اياه بنوب بنوب



مشهد اخر : ابو حسن وسمعو وبعض رجال الغوطه ..



ابو حسن : وهلا يا رجال بعد ما هديت الاحوال لازم نروح على حارة الضبع .. لانه لازمنا سلاح ومصاري ..

سمعو : وانا جاهز ابو الحسن باي وقت تامرني فيه

ابو حسن : لا بلاش انت يا سمعو انت محكوم اعدام وبخاف يصيرلك شي بالطريق .. خليك بعيد احسن ..

ابو احمد !!! شو رايك تروح انت على حارة الضبع

ابو احمد : لعيونك ابو الحسن .. ابشر .. امتى بتحب اتيسر ؟؟

ابو حسن : خليها شي يومين ثلاث .. بس نطمن اكثر للطريق ولحال الحاره . بلا ش الفرنساوي يكونوا حاطين عواينيه يراقبوا تحركاتنا او تحركات الناس اللي عليها العين بالحاره .



مشهد اخر : مامون بيك يمر على دكان النمس



مامون يك : شلونك اليوم يا نمس ؟؟

النمس : اهلين بالبيك والله . هلا والله حيا الله . ليعونك .. هالرقبه سداده .. اي والله .. شرف شرف مامون بيك

مامون بيك : بدي اشرب معك كاسة شاي

النمس : لعيونك احلا كاسة شاي .. يا حدوو لك يا حدوو كاسة شاي على كيف كيفك للبيك .. وعالسرييع

مامون بيك : اسمعني وفتح مخك وافهمني منيح شو بدي قلك .



مشهد اخر : عصام في الدكان ويدخل عليه النمس



النمس : السلام عليكم ..

عصام : وعليكم السلام .. اهلييين بالنمس الله لا كان جاب الغلا .. خيير

النمس : بدي تزبطلي شواربي ..

عصام : اي شرف اقعد / نهار باين من اوله " ويجلس النمس على كرسي الحلاقه "

النمس : لك تعرف يا عصام ؟؟ والله اسم العقيد لابقله كثير لمعتز .. كانه خلق اله وبس

عصام : لكاان شو هو معتز قليل

النمس : لا ما حكينا شي بس ..

عصام : بس شو ولا .. احكي لاقصلك شواربك

النمس : بس كانه اهل الحاره مو عاجبهم هالشي وعم يحكوا كلام شروي غروي على العقيد

عصام : شو بتحكي ولا ؟؟؟؟؟؟؟؟؟؟

النمس : الله وكيلك مو انا ..

عصام : احكي ولا شو عم يحكوا

النمس : انه اسم العقيد مو لابق لمعتز وهو مو قد الحمل هذا وشايف حاله على الجميع / ومن يوم ما صار عقيد فلتت الحاره /

عصام : ومن وين سمعان هالكلام ولا ..

النمس: الناس بتحكي بقهوة ابو حاتم . انا هيك سمعتهم

عصام : يعني ابو حاتم هو اللي حكى هيك

النمس : لا مو ابو حاتم .. الزباين اللي عنده

عصام : اي قوم ولا .. قوم الله يجعله نعيما !!!!!!!!

النمس : الله ينعم عليك .. شو امرتني ..

عصام : ما بدنا منك شي .. العمى على هالنهار

النمس : اي ممنونلك ... سلام عليكم

عصام : العمى .. لك الله لا يسلمك ولا يردك .. شو هالقصه هاي ؟؟



مشهد اخر : ابو قاسم / ام عصام / عصام / معتز / في بيت ابو عصام



معتز : بقص ايدي اذا ما كان ابو حاتم هو وراء هالكلام هذا وكل هالحكي

ام عصام : له يا ابني .. لا تظلم الرجال .. ابو حاتم من يوم يومه اصيل وما شفنا منه شي ..

معتز : والله يامو الحسد بيغير الناس ..

ابو قاسم : لااااااااااا .. هالشي ما عاد ينسكت عليه / هو ما بدو يترك الرجال بحالو .. انا بكره بدي احطه عند حده



مشهد اخر : ابو غريب نائم ويحلم ..



هناك صوت يناديه . يا حكيييم . يا حكيييم .. ارجع .. الحاره محتاجيتك واهلها محتاجينك .. ارجع يا حكيييم .. يا حكيييم .. يا حكيم ..

وينهض ابو غريب فزعا من نومه ..


مشهد اخر : ابو قاسم ياتي للقهوه والشر في عيونه


ابو قاسم : اسمع يا ابو حاتم .. لهون وبس .. انت زودتها كثير .. واذا مو عاجبك حاره يكون معتز عقيدها فاتركها وريحنا من كلامك . وبلا مشاكل ووجع راس .. طفشنا من عمايلك يا ..

ابو حاتم : ابو جاسم !!!!!!!!!!!!!!!!!!!!!! لمين هالحكي ؟؟؟

ابو قاسم : الك . لمين يعني ..

ابو حاتم : لااااااااااااااااااا لهون وبس مالك حق تحكي معي هيك بنوب .. كرمال عيون العقيد ابو شهاب بس .. ولا كان الي معك تصرف ثاني؟؟

ابو قاسم : بالله شو .. لو كان او شهاب بيهمك شي كان ما لسنت على اللي سد مكانه ..

كان احترمت راي الحاره ورجالها .. بس الظاهر ما عاد عندك احترام لا كبير ولا صغير ..

ابو حاتم " يكسر ارغيله كانت معه " ويقول : لاااااااااااااااا انت زودتها كثير ..

وهنا يتدخل رجال الحاره لفك النزاع .. وياخذ عصام وخاطر ابو قاسم لمكان اخر بينما يتكفل حدو وابو ديبو وبعض الزبائن في تهدئة ابو حاتم

بينما يقف مامون بيك بعد تهدئة الامور ومعه ابو خاطر وابو بشير وابو مرزوق ويقول :

الحاره ما بيلزمها عقيد وبس .. الحاره لازمها حد يسد محل الزعيم .. تكون كلمته مسموعه للجميع



استكمال المشهد .. النمس يتابع ما جرى بكل سرور ويقترب من القهوه ويجلس عل احد الراسي ..

بينما ياتي الشيخ عبد العليم لسماعه بما جرى ويقوم بتهدئة ابو حاتم ..ومن ثم ينضم لهم مامون بيك ومن معه

النمس : ابو ديبو .. فنجان قهوه خلينا نروق الجو .

" ابو ديبو ينحني ويضع القهوه على طاولة النمس فيهمس النمس في اذانه قائلا :

معتز زودها كثير .. ما في حد غيره حرض ابو جاسم ..

لك بعد ما صرله كم يوم عقيد ... وبيرمي كلام هون وهون بانه كبير الحاره وبدو يكسر راس الكبير قبل الصغير وكل من ما بيسمع كلامه .. وقال كمان بدو يمشي الحاره على مراقه والرجال اللي يوقف بوشه ..

ابو ديبو : هلأ معتز هيك حكى ؟؟ " بنبرة غير مصدقه "

النمس : اي .. واكثر من هيك كمان .. وحكى كمان .... ويقطع ابو ديبو عليه الحديث قائلا :

اي روح . روح على دكانك بلاش ياكلها الناموس ..

النمس يضرب على رقبته ويقول : يا لطييييييييييييييييف .. والله ذكرتني بالناموس .. سقى الله على ايامك يا ناموس .. يا ناموسه وينك وينك .. وينك وينك يا ناموسه ....

بس بتعرف يا ابو ديبو ؟؟

صرلي عمر طويل عايش مع الناموس .. بس ولا ناموسه وحده طلعت وقالتلي بيوم .. انها بدها تصير زعيمه على الناموس ... او .. اوعقيده .. سلااااااااااااااام

ابو ديبو يصمت قليلا ثم يتجه نحو ابو حاتم .. ولكنه يتوقف حينما يجد رجال الحاره مع على الطاوله ...



مشهد اخر .. ابو بشير يخبر الشيخ عبد العليم بما قاله مامون بيك بخصوص زعامة الحاره



الشيخ عبد العليم : والله مامون بيك معه حق .. الحاره لازمها رجال كبير تكون كلمته مسموعه مثل الزعيم ابو صالح الله يرحمه " واللي كلمته ما عمرها صارت كلمتين ..

ابو بشير : اي والله يا شيخي .. العقيد وجوده مهم بس ايد وحده ما بتسفق .. والعقيد معه القوه ولازم حد كبير يوجهه ويمشيه حسب الاصول ومصلحة الحاره

الشيخ عبد العليم : بس مين يا ترى .. مين هو اللي بيقدر يسد مكان الزعيم ابو صالح..



مشهد اخر .. ابو ديبو يخبر ابو حاتم بما سمع من النمس .. فيشتاط غضبا ويصرخ على مسمع جميع من بالقهوه ..



لاااااااااااااااا ما حزر بهاي .. وما بيحلم يصير عقيد علينا طول ما انا عايش ..



مشهد اخر .. مامون بيك وابو ساطور في بيت مامون بيك



مامون بيك : ابو ساطور بلش دورك .. الليله ومن كل بد بتخلص الموضوع على السريع .. وما بدي مخلوق يخلق يحس عليك .. ولا تنسى .. ان نفذت المهمه بنجاح وبدون اي خيط يدل عليك .. راح اكرمك منيح ..




المشهد الاخير .. ابو غريب في البيت ومعه عمر والاب العجوز ..


ابو غريب : شو وينه بيك يا عمر ..

عمر : والله تركته بيصلي وقال بدو يطلع يتشمس على السطح ..

ابو غريب : بس يا عمر ما بتخاف عليه يوقع هيك ولا هيك لا سمح الله .. انت شايفه عجوز ويا دوب ساند طوله ..

عمر : لا تخاف عليه .. السلم مو طويل وبعدين هو دايما بيطلع لوحده ..

وفي هذه اللحظه يسمع الاثنان صوت شيء يقع ويضرب في الارض .. فينهض الاثنان بسرعه لمعرفة ما الذي حدث .. ويسبق ابو غريب عمر للمكان فيرى العجوز قد وقع والدماء تسيل من راسه ..

فيتجمد ابو غريب في مكانه للحظات .. ويصرخ ... عصااااااااااااااااااام هات بن ومي اواااااااااام ..

وهنا تنتهي الحلقه " ويبدو ان ابو عصام استرجع ذاكرته ..



لنتبين الامر اكثر في الحلقه القادمه ..

[عاشق أردني]

الحلقة الخامسة

ونذكر بما انتهت عليه الحلقه السابقه ..

فد انتهت حينما وقع ابو عمر من على السلم مما شكل صدمه لابو غريب والذي صرخ باعلى صوته " عصااااااااااااااام " طالبا بعض العلاجات للاب العجوز " وهذا الامر شكل عودة الذاكره لابو عصام ..


المشهد الاول .. ابو خاطر وخاطر في بيتهم لتناول طعام الغداء



ابو خاطر : اي ابني ، مين تركت بالمحل

خاطر : تركت معتز يا بي

ابو خاطر : الله يصلحك كان جبته يتغدى معنا !!!

خاطر : والله حكيتله يا بي بس ما رضي .. قال بدو يتغدى مع خيريه وام عصام

ابو خاطر : شو بدي قول يا بي .. انا شايفها مو حلوه بحقنا ولا بحق معتز انه يكون اجير عنا بعد ما صار عقيد الحاره .. والله حاسسها ثقيله

خاطر : اي والله يا بي فكرت بهالشي .. بس انت بتعرف معتز راسه يابس ..

ابو خاطر : معلش يا بي ما بساير لازم اليوم تحكيله

خاطر : ان شاء الله يا بي

ابو خاطر : لك صحيح يا بي .. ما في اخبار عن اختك وجوزها رياض ؟؟

خاطر : والله ما وصلني شي .. صار الحكي انهم يراسلونا اول ما يستقروا بطرابلس

ابو خاطر : بس صرله مده غايب معقول ما استقر لهلا؟؟

خاطر : الغايب حجته معه يا بي

ابو خاطر : الله يجيب اللي فيه الخير


مشهد اخر .. ابو عصام ومعه عمر

عمر : اي عمي .. كيفو هلا ابي ؟؟

ابو عصام : لا اطمن ما عليه شر .. النزيف وقف .. ويومين ثلاث ان شاء الله بيرجع مثل اول واحسن ..

عمر : تسلم ايدك يا حكيم " وتبسم " .. ويتابع ..

هلا انت الحكيم ابو عصام ؟؟

ابو عصام : اي انا بشحمه ولحمه

عمر : والله صيتك بكل الشام .. احسن حكيم بالشام كلها ..

ابو عصام : من ايمتى وانا عندكم ؟؟؟

عمر : من شي سنتين

ابو عصام : يا لطييييف سنتين؟؟؟ . هلا بكونوا العيال انشغل بالهم علي واكيد ما بيعرفوا وين انا ولا بيعرفوا عني شي ..

عمر : مشتاق لحارتك عمي ابو عصام

ابو عصام : " بنبرة فيها حنين وشوق " : اي والله .. اي والله مشتاقلها خيرات الله ..

مشتاق لولادي بناتي .. ام عصام .. مشتاق للحاره .. مشتاق لكل حجر بحارة الضبع ..

عمر : عمي ابو عصام.. شو اخر شي بتتذكروا صار معك ؟

ابو عصام : اللي بتذكروا انه خرجت انا وكل رجال حارتي لنخلص عقيد حارتنا من الاسر وبعد ما رجعنا اخذت غراضي ورجعت لعالج الجرحى اللي اتصاوبوا بالمعركه .. ولما وصلت منطقة البساتين بناحية الغوطه .. صار الضرب عن جنب وطرف .. ما عرفت من وين بتيجيني الطلقات .. وقعت على الارض وصرت ازحف .. وبعدها ما وعيت على حالي

عمر : اي الف الحمد لله على السلامه عمي

ابو عصام : الله يسلمك ويخليك يا ابني عمر

عمر : عمي ابو عصام .. احكيلي عنك وعن حارتك واهلك وناسك



مشهد اخر : خاطر يتكلم مع معتز


خاطر : عقيد شو بدي قول .

معتز : له يا ابو الخواطر .. ما بحيتها منك .. ناديني ابو العز وبس

خاطر : لا ما بدي ناديك ابو العز / لاني بدي حاكيك بنفس الموضوع

معتز : ما فهمت عليك احكي شو في؟

خاطر : يعني بقول .. مو حلوه .. انت هلا صرت عقيد الحاره وعم تشتغل اجير عنا .. يعني ان انت رضيتها لحالك احنا ما بنرضاها الك ..

معتز : " بحالة من الصدمه وعدم الرضا " .. له له له له يا خاطر .. اخر شي توقعته منك .. شو عقيد وما عقيد .. شو بدك اياني اعمل يعني ؟؟ ادور بين الحارات؟؟

خالي العقيد ابو شهاب / كان عقيد الحاره ويشتغل في البوايكيه وكان ياكل من كده وعرق جبينه .. وانا ما بدي كون الا مثله شغيل سبري بسبر اصغر شغيل بحارة الضبع ..

خاطر : بس يا ابو العز ..

معتز : لا بس ولا شي ... ويصمت .... ومن ثم يتابع .. الا اذا كان ما بدكم اياني بالشغل ..

خاطر : له له يا ابو العز .. اعوذ باللله .. المحل كله بما فيه الك .. واحنا بنترك المحل ولا بنخليك تتركه ..

معتز : اصبح ما بقى تفتحلي هالسيره الله يرضى عليك


مشهد اخر : الليل يغطي حارة الضبع


ابو الفوارس حارس الحاره يتمشى في الحاره ويتفقد ازقتها ..

في هذه الاثناء يستغل احدهم عدم وجود ابو الفوارس على باب الحاره ويتسلل للحاره " وقد كان ملثما ..

ويعود ابو الفوارس لمجلسه بعد ان نجح الملثم بالتسلل للحاره ..



مشهد اخر.. ابو عصام يجلس مع عمر بجانب الاب العجوز وقد كان نائما



عمر : يعني هلأ قررت ترجع لحارتك ؟؟

ابو عصام : معلوم يا ابني لازم ارجع للحاره .. متمني اكون فيها هلا قبل بكره

عمر : ايمت راح ترجع ..

ابو عصام : كان بودي ارجع على بكرية الصبح .. بس ما فيني اترككم الا لما اطمن على حال الوالد ويشفى جرحه

عمر : مع انا رايحين نخسرك ونفتقدك كثير .. بس الحمد لله .. انا مبسوطلك كثير لانك راح ترجع لحضن اهلك وحارتك ..



مشهد اخر : الصباح في حارة الضبع ..


وكالعاده يشرق الصباح مع دخول ابو مرزوق بالطنبر ومعه خضار وفواكه لدكانه ..

ويفتح دكانه وما هي الا فتره قليله وتبدا الحركه شيئا فشيئا ..

خاطر يهرول مسرعا من امام دكان ابو مرزق ..

ابو مرزق ينادي عليه : شو يا خاطر .. ما في صباح الخير .. ولكنه لا يرد عليه

ابو مرزوق : العمى شبو خاطر .. .. يا ريان احمر يا ريان


مشهد اخر ......خاطر يطرق الباب على بيت معتز بقوه



معتز : مين .. لك مين بيخبط هيك على بكرية الصبح ؟؟ ويفتح الباب .. خاطر .. شو في شرشتني ..

خاطر : مصيبه يا ابو العز مصيبه ..

معتز : لك شو في شغلتني احكي

خاطر : الصبح رحت افتح المحل كالعاده .. لقيته .. لقيته

معتز : لك احكي خاطر !!!!!!!!!!!!

خاطر : لقيته مفتوح ومنظف بالكامل .. ما في ولا قطعة نحاس ..

معتز : شووووووووووووووو .. مسروق؟؟؟؟؟؟؟؟؟

خاطر : اي والله يا ابو العز .. مصيبه وحلت علينا .. والله ما يدرى ابي الا يرتمي ويروح فيها

معتز : بعيد الشر عنه .. الحقني لاشوف ..



مشهد اخر .. معتز وخاطر يتجهون ناحية المحل بخطوات سريعه


ابو مرزوق : لك شو بكم اليوم .. ما حد يقول صباح الخير ..

شيييييييييه .. شو صاير .. لالحقهم واشوف شو في ..


ياتي ابو مرزوق على خاطر ومعتز ويرى بعينه حال المحل ..

ابو مرزوق : يا لطيف .. لك خاطر شو صاير .. وين العده وين البضاعه ..

خاطر ومعتز ينظرون لبعضهم .. بينما يرجع ابو مرزوق صارخا وناشرا للخبر



يجتمع اهل الحاره .. على صوت ابو مرزوق وتبدا الكلمات تخرج من هنا وهناك ..

وياتي الشيخ عبد العليم ومامون بيك وكبار حارة الضبع ..

مامون بيك : شو صاير

ابو مرزوق : محل ابو خاطر منضف على الاخر

الشيخ عبد العليم : لا حول ولا قوة الا بالله .. مين اللي عمل هالعمله السوده هاي .

مامون بيك يهمس في اذن معتز : عقيد خلي الجميع يتيسر على شغله

معتز : يلا يا رجال تيسروا .. كل واحد على شغله .. الحرامي راح يبان وراح ينال جزاه

مامون بيك : عقيد الحقني انت وكبارية الحاره ومعك خاطر على المضافه



مشهد اخر : الجميع مجتمعون في المضافه


يبدا المشهد بالحديث المتطاير هنا وهناك ..

مامون بيك : روقوا يا جماعه .. الشي اللي صار في الحاره اليوم مو هين وما لازم يمر هيك ..

الشيخ عبد العليم : والله يا مامون بيك من شي 17 سنه ما حصل شي سرقه من هالنوع بالحاره ..

ابو حاتم : يا جماعه اللي سرق الحاره من برات الحاره .. لانه ما في عنا حراميه بحارة الضبع ..

ابو بشير : طب ابو الفوارس وين كاين؟؟ ما كان بمحرسه ؟؟

ابو مرزوق : انا الصبح لما خرجت من الحاره لاتبضع كان موجود وقاعد ولما رجعت كمان كان قاعد

مامون بيك : عقيد .. جيب ابو فارس هون ..

معتز : ماشي

خاطر : خليك معتز .. انا بندهه

وكالعاده الامر لا يعجب ابو حاتم ويلحظ معتز هذا الشيء



مشهد اخر : النمس ينثر دسائسه هنا وهنا " وبامر من مامون بيك "


النمس في القهوه : يا جماعه اللي عمل هالعمله / كان اله مصلحه من وراء هالشي

ابو ديبو : مصلحة شو " غير السرقه "

النمس : اللي عمل هالعمله .. بدو يبين ان الحاره فلتانه وما عاد فيها امان

عصام يصرخ من امام دكانه : اضبضب ولا نمس

النمس : بنعتذر منكم ... مهو اللي بيحكي الحق هون ما حد بيرد عليه : لكان ليش ما صار سرقات الا بهذا الوقت ؟؟


مشهد اخر ... اجتماع رجال الحاره


مامون بيك : شو يا ابو الفوارس وين كنت مبارح ؟؟ شلون يصير هيك.. مو انت حارس الحاره ؟؟؟

ابو الفوارس : ينظر للعقيد " يا عقيد احكيلهم .. باب الحاره ما فيني سكروا وكمان مثل كل ليله بعمل جوله بالحاره والظاهر انه الحرامي استغل غيابي عن الباب ودخل لما كنت اعمل بالجوله . وعلمكم محل ابو خاطر بعيد عن المدخل .. يعني ما راح حس عليه لو حد فتحه

ابو مرزوق : وليش ما تسكر الباب ..

ابو حاتم : يا جماعه الباب لازم يتسكر كل يوم بعد صلاة العشاء مثل اول

مامون بيك : بس يا جماعه انتوا نسيانين شي .. انه الفرنساوي منع الحارات تتسكر في الليل وبالاخص حارة الضبع من بعد الشي الاخير اللي صار

ابو الفوارس : تسمحولي قول شي

معتز : تفضل احكي ..

ابو الفوارس: ما بظن انه الحرامي من برات الحاره وان كان من براها فما بظن انه خرج منها ..

مامون بيك بنظره غريبه : شو قصدك ؟؟

ابو الفوارس : لاني لما عملت الجوله ما كان في شي مو طبيعي بالحاره .. وحتى مريت جنب محل ابو خاطر ما كان في شي .. وبعدين ما طولت ورجعت للباب وضليت بمحرسي لوش الصبح

يعني الحرامي لو بدو يسرق كل هالعده والبضاعه بدو وقت طويل لينظف المحل وكمان راح شوفه لو طلع من الحاره ..



الجميع ينظرون لبعضهم باستغراب شديد . وجميعهم اثنوا على كلام ابو الفوارس واكدوا مصداقيته ..

معتز : اللي عمل هالعمله قاصدني انا

ابو حاتم : شو قصدك معتز !!!!!!!!!!!!!!!!!!!

معتز : اللي عمل هالعمله قصده يصغرني .. ويثبت انه الحاره فلتانه بوجودي

ابو حاتم : لاااااااا احكي صراحة .. مهو قصدك بااااااااااين .. .. اسع هيييييييييك .. ويذهب ابو حاتم تجاه الباب تاركا المجلس .. ولكنه يتوقف عند الباب ويقول :

الله يرحم بيك يا معتز .. لو كان عايش شو بدو يقول ؟؟

كلمات ابو حاتم الاخيره تنزل كالسيف على راس معتز .. وكانه كان في سكرة واستيقظ منها

مامون بيك : يا جماعه ما بدنا نكبر القصه .. الفاعل الا ما يظهر .. لكن احنا هلا بمشكلة ابو خاطر .. الضربه هاي راح تكسره .. لذلك يا جماعه انا متكفل باني ارجع محل ابو خاطر مثل اول واحسن وعلى حسابي

الشيخ عبد العليم : بارك الله فيك .. والله موقفك بيذكرنا بالزعيم ابو صالح الله يرحمه .. الله يديمك للحاره واهلها

ابو بشير : الله يبارك فيك يا مامون بيك .. فعلا انك اصيل ..

وكذلك جميع الجالسين يثنون على مامون بيك



مشهد اخر....رجال الحاره يتناقلون المبادره التي قام بها مامون بيك .. بينهم وكلهم يثنون على فعلته ويمدحون به

وفجأه تدخل عربه لحارة الضبع . ينزل منها رجل وحرمته .. " لقد كان هذا الرجل رياض " وتبدو حالته غير جيده "

ابو مرزوق : اهلييييييييين .. رياض الحمد لله على السلامه ومن ثم يتبعه ابو ديبو وبعض الرجال بالتهنئه بالسلامه


مشهد اخر .... ابو ساطور في منزل مامون بيك


مامون بيك : بري عليك يا ابو ساطور .. عجبتني والله ويعطيه المال

مامون بيك : بس قللي وين حطيت الاغراض والبضاعه ..؟؟

ابو ساطور : مثل ما امرت .. حطيتهم ببيته للادعشري وضليت متخبي هناك لحد ما طلع النهار

مامون بيك : وكيف عرفت تهرب ..

ابو ساطور : ولو يا مامون بيك بعجبك .. استغليت الفزعه اللي عملها ابو مرزوق الصبح ودخلت بين الناس مثلي مثلهم

مامون بيك : حلو كثير .. بس حسك عينك ترجع للبيت او تطلع اي قطعه منه .. فهمان؟؟

ابو ساطور : لا ولوووووو .. انا ما بتصرف اي تصرف الا من بعد امرك .


مشهد اخر : رياض وزوجته وعائلة ابو خاطر


رياض : والله يا عمي هي اللي صار معي من وقت طلوعي من الحاره لحد ما رجعت

وهيني شوفة عينك .. ايد وراء وايد قدام ..

خاطر : لك مين هذا الواطي اللي عمل فيك هيك ..

رياض : والله ما بعرفه . وما بعرف ليش عمل معي هيك

ابو خاطر : على كل الف الحمد لله على السلامه .. المهم رجعتك بالسلامه واللي راح بيتعوض

رياض : ايييه .. الحمد لله .. وانتوا عمي شو اخباركم .. واخبار خيريه ومعتز .. وكيف الشغل والحاره من بعد غيابي

خاطر : ينظر اليه ولا يعرف ما يقول ...


مشهد اخر ... ابو عصام يطمئن على حال الاب العجوز



ابو عصام : لا ااااااااا وين كنا وين صرنا .. الحمد لله الجرح طاب وما عاد في لزوم تلف هالقماشه على راسك

الاب العجوز : كثر خيرك يا حكيم ..

ابو عصام : خير الله عمي .. ولو .. انا ما عملت غير واجبي .. بعدين اللي عملتوه معي راح يضل دين برقبتي حتى الممات . شو عملت انا قدام اللي عملتوه انتو

عمر : اي عمي .. يعني هلا نويت تتركنا بكره ..

ابو عصام : خلاص ابني ما عاد فيي استنى اكثر من هيك / هي الوالد اسم الله حوله وحواليه .. وابقى انا كل فتره وفتره اشقشق عليكم

وبكره من جهجهة الضو لازم احمل حالي وارجع لاهلي وحارتي ..



المشهد الاخير ..... رياض ببيت ابو خاطر


رياض : يا لطيف .. ومين اللي عمل هالعمله ؟؟

خاطر : والله ما عرفنا هو من برات الحاره والا من جواتها .. الشغله مشلبكه

رياض : العمى على هالقصه العمى .. يعني هلأ الدكان فاضي ؟؟

ابو خاطر : مامون بيك الله يخليلنا اياه عوضنا عن كل شي

هذا مامون اصيل . قلبه على الحاره واهلها والحاره بدها واحد مثله

خاطر : اي والله اللي عمله اليوم كبير كثير .. بس ابي ما رضي وقلله اللي عملته راح نعتبره دين وراح نسددلك اياه اول ما تفرج وعلى دوز باره

ابو خاطر : هلا انت بس ترتاح شي يومين بتحمل حالك وبتنزل مع خاطر على الشغل

رياض : لا عمي .. انا مزبوط خسرت اللي خسرته من المشوار هذا .. بس بقيان معي شوية مصاري .. بيكفوا لاستاجر المحل وابدا من جديد .. ولو بجيب نص العده بالبدايه

خاطر : وين ناوي تستاجر ؟؟

رياض : بالحاره هون اكيد .. محل ابو سمير الحمصاني ..

بكره بروح عند الشيخ عبد العليم و.. " ويقطع خاطر عليه الحديث "ويقول :

بس المحل طار يا رياض ... طار لغيرك

رياض : شووووووووووو .. طار ؟؟؟؟ لوين طار؟؟

خاطر : استاجره مامون بيك للنمس .

رياض : النمس !!!!!!!!!!!!!!!!!!!!!!!!!!! وتنتهي الحلقه

[عاشق أردني]

انتهت حلقتنا السابقه حينما سمع رياض بخبر السرقه وكذلك خبر ضياع الدكان وذهابها للنمس ..


الحلقة السادسة

المشهد الاول.. مامون بيك في الكراكون

مامون بيك يطلب مقابلة ابو جودت وكالعاده هناك فيض من الترحيب والتهليل به من ابو جودت

ابو جودت : اهلين اهلين بالبيك / نور الكاركون ..

مامون بيك : بوجودك يا ابو جودت

ابو جودت : والله يا مامون بيك لسه بفكر فيك .. وبقول الظاهر انه مامون بيك نسينا وما عاد يحب الجيه عنا

مامون بيك : ولو يا ابو جودت .. احنا ما بنستغني .. اي ابو جودت .. سمعت باللي صار بحارة الضبع؟؟

ابو جودت : بخصوص شو ؟؟

مامون بيك : له يا ابو جودت .. معقول مسؤول اربع حارات وما تعرف

ابو جودت : يتلون وتتقلب ملامح وجهه ويقول .. شلشتني مامون بيك عن شو بتحكي

مامون بيك : عن محل ابو خاطر

ابو جودت : اي شبو محل ابو خاطر

مامون بيك : يا سيدي مبارح واحد ابن حرام نزل عل المحل ونظفه بالكامل ..

ابو جودت : سرقه يعني ؟؟

مامون بيك : اي سرقه لكان شطف وغسيل؟؟؟؟؟

ابو جودت : العمى هاي شغله كبيره .. كثييير .. كثييير كبيره .... بس انا ما راح اسكت .. راح اشحط الحرامي حتى لو كان بسابع ارض .. بس ..

مامون بيك : بس شو ؟؟

ابو جودت : بس .. يعني .. اللي بدي قوله انه ابو خاطر ما اشتكى / وانا ما فيني اعمل شي بدون شكوى ..

مامون بيك : ولو يا ابو جودت / شووو الظاهر انك كبرت على الشغل /بعدين احنا بدنا نعلمك شغلك؟؟

ابو جودت : العفو مامون بيك .. بس بزماناتو الزعيم ابو صالح ...

مامون بيك : وهيك حكيتها بزمانتو .. ولكل واحد زمانو ... ويقترب من ابو جودت اكثر فاكثر ويقول له " وهلا اجى زماننا يا ابو جودت "

ابو جودت : " ينبهر وهو يسمع هذه الكلمات " وهلا شو بتريدو مني اعمل "

مامون بيك : ورجينا مرجلتك وطلع الحرامي وقدمه للعداله ... وعلى قد ما تتعب .. على قد ما بكرمك " ويشير بيديه كنايه عن المال " ومن ثم يمضي ويذهب من الكاركون

ابو جودت بعد ذهاب مامون بيك يحدث نفسه : العمى ... شو قصته هالرجال ؟؟ والله باين انه ما اله بحارة الضبع بنوووب .. بعدين .. بعدين " معه مصاري كثييير " ويتبسم " كثيير كثيييير " ..

والله راح تنقش معك يا ابو جودت .. يا نوووري .. لك نووووووووووووري ...



مشهد اخر ...ابو عصام يتهيأ للعوده للحاره

عمر : شوو .. خلاص .. حسمت امرك..؟؟ قررت ترجع وتتركنا؟؟

ابو عصام : " يتبسم ويقترب من عمر ويضع يديه على اكتاف عمر " خلاص ابني .. حكينا بالموضوع هذا وما فيي اتاخر عن اهلي وحارتي .. ويعلم الله اني ما راح انساكم وراح تضلوا ببالي .. وراح اشقشق عليكم كل فتره وفتره ..

بس اتاكد انه ان كنت انا بحارتي فقلبي راح يضل معكم هون .. لاني والله حبيتكم حبيتكم كثير .. وبعتبر انه صرلي ثلاث ولاد عصام / معتز .. " ويضع يده على خد عمر ويبتسم" وكمان عمر

عمر : عمي .. ما في امنعك او اوقف بوشك لانه هذا من حقك .. بس معفول ترجع قبل ما نكسر السفره سوا ؟؟

ابو عصام : بهاي معك حق ..



مشهد اخر.. في الصباح الباكر / ابو حاتم يجلس في القهوه على طاوله لوحده

ابو حاتم يشرب نفس ارغيله ويحدث نفسه ..

معقول .. معقول توصل المواصيل هيك بيني وبين معتز ..اللي معروف مين ابوه " رحمة الله عليه / ومين خاله الله يرده بالسلامه .. معقول هيك توصل بيناتنا؟؟؟

طب ليش ومين السبب .. انا ولا معتز ؟؟..

اييييييييييه ... يمكن انا السبب / ما بدي لوم معتز " يمكن متاثر بغياب خاله وفقدانه لابوه .. ما بدي لومه على تصرفاته ..

واذا بدو يصير عقيد .. ليش انا مكبر راسي / ما بدي فوت بقصص تبعدني عن اهل حارتي .. الله يسامحه شو ما عمل . . " وما ان ينتهي ابو حاتم من كلامه مع نفسه يجد معتز واقفا امامه .. ويجلس معتز ارضا على ركبيته . ويقول :

سامحني عمي ابو حاتم .. سامحني يا تاج راسي .

يتبسم ابو حاتم ويرفع معتز ويقبله من راسه ..ويقول له :

الله يرضى عليك يا ابني .. انت ما عليك عتب .. انا اللي غلطت بحقك يا غالي يا ابن الغالي ..

معتز : سامحني يا عمي .. والله ما بعرف وين بدي خبي وشي منك .. وان كان عل " العقيد " خلاص ما بدي كون عقيد .. بس المهم تكون راضي عني ..

ابو حاتم : له يا ابني .. قصة العقيد شلتها من راسي وما عاد الي كلام بعد كلام الحاره ورجالها .. وتاكد اني راح كون تحت امرك في اللي بدك اياه ..

معتز: استغفر الله عمي .. انت كبيرنا وتاج راسنا .. بس شو نقول " الله يلعن الشيطان ..

ويضم الاثنان بعضهما وتحدث المصالحه والحمد لله ..



مشهد اخر : ابو بشير في الفرن ومعه بشير

بشير : يا بي .. هلا بتظن انه اللي سرق محل ابو خاطر من الحاره

ابو بشير : ما بظن يا ابني .. بس اللي حكاه ابو فارس بمخول .. بحط العقل بالكف .. وانا شايف انه المشاكل بلشت ترجع للحاره .. الله يجيرنا من اللي جاي

بشير : يعني يابي معقول نضل هيك مكتفين ما نعمل شي

ابو بشير: شو بدنا نعمل يعني .. تعودنا بالحاره هون انه ما يضل شي مخبى . الا يجي يوم ويظهر الفاعل



مشهد اخر .. ابو عصام سيرحل

ابو عصام : يلا بخاطركم ابني .. استروا ما شفتوا منا .. بخاطرك ابو عمر .. اودعناكم

عمر : الله معك عمي ابو عصام .. ان شاء الله توصل بالسلامه .. لا تتاخر علينا وحياتك ويا ريت ترجعلنا بسرعه لتطمنا عن احوالك

ابو عصام : ان شاء الله يا ابني .. ويذهب لللباب ويضع يده على مقبض الباب ليخرج " فيصرخ عمر " عمي ابو عصام " لحظه شوي

فيتوقف ابو عصام ويقول .. خير يا ابني في شي ؟؟

عمر : عمي .. انت نسيان شي مهم كثير

ابو عصام : خير يا ابني

عمر : عمي .. انت صرلك غايب سنتين .. يعني اكيد احوال الحاره تغيرت .. ما بتعرف نظرتهم الك يمكن فكروك " بعيد الشر عنك " متت او انسجنت .. ورجعتك هيك فرد مره ما بظن انها مناسبه

وفي شي ثاني اهم من هيك ..

ابو عصام : شو هو يا ابني

عمر : لا تنسى انه حارة الضبع مرت بحصار في الاشهر الماضيه / وكان فيها قواص ومشاكل كثيره .

يعني بخاف عليك ترجع ويكون في خطر على رجعتك ... ما بتعرف شو مخبى الك هناك .. انت لهلا ما بتعرف شي عن حارة الضبع ..

ابو عصام : بس انا ما فيني ضل هون .. من كل بد لازم ارجع

عمر : عمي .. اكيد راح ترجع .. بس كل شي بوقته حلو ..

ابو عصام : كيف يعني والعمل .. يعني اضل حاط ايدي على خدي واستنى الاخبار تيجيني لهون ؟؟

عمر : لا عمي .. انا وين رحت يعني .. انا ما حد بيعرفني هناك .. واذا بدك بروح على الحاره قبل منك وبدأدس على اخبارها / ولما ارجع بصير خير

ابو عصام يحتار في امره ولكنه يرى الصواب في كلام عمر .. فيقول له

هيك فكرك يعني ..

عمر : اي عمي .. روق هلا وانا ان شاء الله باقرب وقت بروح على حارة الضبع ..



مشهد اخر .. رياض ياتي للقهوه والحزن وعدم الرضا في عينيه

ابو حاتم : اهلين ابو الروض .. الحمد لله على السلامه .. شو ليش راجع بكير وكيف كانت رحلتك

رياض : ايييييييييييه يا عمي والله ما بعرف شو بدي قلك " ويحكي له القصه "

ابو حاتم : يا لطيف .. ومين هو اللي عمل هيك ..

عمر : والله ما بعرف .. بس بحس انه اللي لعب علي الملعوب هذا كان قاصد يطلعني من الحاره ومن المحل بالذات .. لاني ما شفته وما اخذ مني مصاري او اي شي يدل على انه بدو ينصب علي ..

ابو حاتم يحدث نفسه ويقول " العمى .. النمس اخذ المحل بعد طلعت رياض منه بيوم واحد بس .. معقول مامون بيك يكون وراء هالشي ؟؟؟

رياض : عمي ابو حاتم ليش سكت في شي ..

ابو حاتم : لا سلامتك ما في شي .. وهلأ شو ناوي تعمل

رياض : والله ما بعرف .. معي شوية مصاري بقدر افتح محل . وشوي شوي برجعه مثل اول ..

يعني هو اكيد في مشاكل كثيره لانه نص المصاري راحت بالرحله .. بس شو بدي اعمل

ابو حاتم : بهونها الله ابني الا ما تفرج

وياتي عليهم مامون بيك : اهليين رياض .. الحمد لله على السلامه ..

رياض: اهلين مامون بيك

مامون بيك : شلونك ابو حاتم ..

ابو حاتم : بنحمده دائما على كل شي

مامون بيك : اي رياض .. شو بدي قول .. انا حكالي النمس انك رجعت بالسلامه وسمعت من ابو خاطر عن اللي صار معك ..

ابو حاتم : الله يجازي اللي كان السبب

مامون بيك : عمي .. المحل علي .. لا تاكل همه / وانا اليوم بشوف النمس وبخليه يشوفلك محل بالحاره .. واجرته علي لحد ما توقف عل رجليك ..

ابو حاتم ينظر الى رياض باستغراب .. فلا يعرف رياض ما يقول ويتفاجا من كلام مامون بيك / ويقول

عمي .. يعني ما بعرف شو بدي احكي ....

فيقطع عليه مامون بيك ويقول : لا تحكي شي .. انت منا وفينا واللي بيصيبك بيصيبنا .. بعدين انا ما بدفع شي من جيبتي .. كله من خير الله .. يلا سلام عليكم



رياض : يقف . وعليكم السلام .. ومن ثم يجلس والففرحه ظاهره على وجهه ويقول لابو حاتم ... لك شو هذا هالمامون بيك .. والله انه كبيير ومعدل وابن اصل ..

ابو حاتم يصمت وكانه غير مرتاح لهذا الامر


مشهد اخر ... مامون بيك يقابل شخصيه فرنسيه كبيره ..ويبدو انه المندوب السامي ..

المندوب السامي : اهلا اهلا دو**** .. يا مرحبا .. لقد تاخرتم علينا

مامون بيك : اهلين سيادة المندوب

المندوب السامي : كيف هي الاحوال مسيو دو**** ..

مامون بيك : كل شي تمام وعال العال

المندوب السامي : وكيف هي حارة الضبع / انا متشوق لسماع اخبارها

مامون بيك : الحاره قربت تصير بايدينا .. وكل شي ماشي حسب الخطه

المندوب السامي : دو**** .. اهم ما في هذه العمليه ان نجفف منابع السلاح التي يقوم بتهريبها رجال الحاره وكذلك معرفة مصادرها وطرق تهريبها ..

وشيء اخر .. هو معرفة مخابيء المخربين الذي يقودهم " ابو حسن "

مامون بيك : سيدي .. علشان نوصل لهاي الاهداف لازم بالاول .. اتزعم الحاره وبرضاهم مو بالغصب .. علشان وقتها يمر كل شي من تحت ايدينا ونلقي القبض على كل المخربين ..

المندوب السامي : لا تنسى .. لا نريد اي اخطاء .. يجب ان تمسح كل اثر يدل عليك .. وكل شخص يتعاون معك .. لا نريد اي اثر ..

مامون بيك : اطمن يا سيدي .. كل شيء موضوع حسب الخطه وكل واحد راخ ياخذ نصيبه بس بوقته ..



مشهد اخر : رجال ابو جودت يدخلون الحاره ..


يتجهون لقهوة ابو حاتم

ابو حاتم : خير نوري .. شو جابك علينا .. خير ان شاء الله

نوري لا يرد على ابو حاتم ويؤشر عل ابو ديبو ويقول ...

اشحطوه للكراكون ...

ابو حاتم : شو يشحطوه ما يشحطوه .. لا يكون مفكرينها سايبه ..

وتحدث الشوشره هناك .. فيصرخ نوري .. لا حد يتدخل فيكم .. ويرفع العناصر الاسلحه على الجميع ..

فيقول نوري : اشحطوه

ابو حاتم : لا تخاف ابو ديبو هلا بنطلعك غصب عنهم ...

ياتي عصام وابو مرزق وابو بشير

عصام : لك شو في شو صاير لوين ماخدين ابو ديبو .. شو عامل ..

ابو حاتم : الله يجيرنا .. من وين طلعتلنا هالفرنغه هاي ..

ياتي معتز والشر في عيونه : شو اللي سمعته .. شحطوه لابو ديبو للكاركون ..

ابو مرزوق : اي والله .. رجعنا لابو جودت ومشاكله

معتز : اي لاااااااا هو مفكرها سايبه .. انا هلا بدي طالعه لابو ديبو غصب عن ابو جودت

ابو حاتم : لا يا ابني ما تتسرع .. احنا مو خرج مشاكل هلا مع الكاركون والدرك ..

ابو بشير : انا بقول خلينا نشوف مامون بيك الا ما يحلها



مشهد اخر : ابو حسن ورجال الغوطه


ابو حسن : ابو احمد صار الوقت اللي تتيسر على حارة الضبع

الطريق امان " والامان بالله "

ولا تنسى تسلملنا على الجماعه


مشهد اخر : ابو ديبو في الكاركون

ابو جودت : ليش سرقت محل ابو خاطر ولا ..

ابو ديبو : والله ما سرقته ولا بعرف شي عن هالقصه ..

ابو جودت : ولا .. لا تحلف كذب .. انت صاحب سوابق واكيد ما غيرك عملها

ابو ديبو : والله يا سيدي ما بعرف شي والله

ابو جودت : يا نووري .. ابو ديبو الظاهر انه ناسي .. خليه يتذكر .. ذكره .. خطي .. حرام . ما حلوه يفقد الذاكره

وبتم اخذ ابو ديبو والتحقيق معه بالفلقه


مشهد اخر : مامون بيك يصل الحاره ويخبروه بالذي حدث ..


الشيخ عبد العليم : الحق يا مامون بيك .. جماعة ابو جودت اخذو ابو ديبو للكاركون .. وما بنعرف ليش اخذوه

مامون بيك : لا يهمك شيخي .. ناكته .. ما برجع الا وابو ديبو معي ..

وذهب مامون بيك للمخفر


مشهد اخر : مامون بيك يدخل على ابو جودت ..


ابو جودت : اهلين مامون بيك ..

مامون بيك : يخرج نقود من جيبه ويقدمها لابو جودت .. ويقول .

انا ما بدي ضيع وقتك .. بدي اخذ ابو ديبو معي ..

ابو جودت : ياخذ النقود والفرحه على وجهه من الاذن للاذن ... ويقول

مامون بيك احنا ما فينا نردلك طلب .. بس ابو ديبو لسه ما خلص التحقيق معه ..

مامون بيك : مو مشكله .. ابو ديبو معتر .. في غيره كثير بالحاره .. شوف شغلك معهم ..

ابو جودت : احنا ما لنا شغل من بعد كلامك ...

يا نوووري ..

نوري : امرك سيدي :

ابو جودت .. جيبوه لابو ديبو هون .

مامون بيك " بعد ذهاب نوري "

يا ريت المره الجايه تيجي تاخذ معتز " العقيد " بس اعمل حسابك اكون انا هناك ..

واكيد ما راح انساك ..

ابو جودت يفرح كثيرا لهذا الامر .. ويبدا بالمدح والثناء لمامون بيك ..

مامون بيك : بس يا ريت ما تبعث رجالك لوحدهم .. تعال انت معهم



مشهد اخر : مامون بيك ياتي ومعه ابو ديبو


الكل يثني على مامون بيك ويرحبون بعودة وسلامة ابو ديبو ..

ابو حاتم والشيخ عبد العليم وابو بشير وابو مرزوق يلتفون حول مامون بيك

ابو حاتم : خير مامون بيك شو القصه

مامون بيك : يظهر انه خبر سرقة دكان ابو خاطر وصل لابو جودت .. وهو عم يحقق في الموضوع ..

ابو حاتم : بس ابو ديبو شو دخله

مامون بيك : وانا حكيت هالشي لابو جودت ..

ابو مرزوق : وكيف عرفت تخرجه

مامون بيك : ولو يا ابو مرزوق / انا مامون بيك :.. بعدين ابو جودت دواه معروف " المصاري "

وينتهي المشهد بوقوف ابو محمود امامهم ويصرخ " واللله قرررررررررربت "



مشهد اخر : ابو حاتم مع ام حاتم في البيت

ام حاتم : مالك ابن عمي ؟؟ ليش بالك مشغول ..

ابو حاتم : والله ما بعرف يا ام حاتم .. بس اللي عم يصير في الحاره مو مريحني بنوب ..

ام حاتم : شو اللي مو مريحك .. احكي ابن عمي .. فضفض

ابو حاتم : مامون بيك والشي اللي عم يعمله بالحاره

ام حاتم : بس يا ابو حاتم اللي عم يعمله مامون بيك منيح كثير .. وكل الحاره بتمدح وبتشكر فيه

ابو حاتم : مهو هذا هو الشي اللي مخوفني مو مريحني بنوب ..

ام حاتم : ليش يا ابو حاتم :؟؟

ابو حاتم : كرمه الزايد للحاره والمصاري اللي بيدفعها بالهبل .. وانه يتكفل بمحل ابو خاطر وفوق منه رياض .. وكل هالكرم الحاتمي مو ل الله .. مو لـ الله بنوب



المشهد الاخير ...مامون بيك مع ابو ساطور ..


مامون بيك : ابو ساطور .. لازم انت تسكن بحارة الضبع ..

ابو ساطور : شلوووووووووون؟؟

مامون بيك : يعني انا راح احتاجك بشغل كثير بالايام الجايه . ولازم تكون موجود بالحاره

ابو ساطور : بس يا مامون بيك .. انت بتعرف .. رجال حارة الضبع ما بطيقوا يشوفوا وجهي بنوب .. وبيناتنا مشاكل قديمه

مامون بيك : انت ما عليك خلي هالموضوع علي ..

ابو ساطور : وبيتي بحارة ابو النار؟؟

مامون بيك : بيعه

ابو ساطور : ومين بدو يشتريه انت

مامون بيك : لا مو انا .. ماالي مصلحه فيه .. شوف النمس بدبرله بيعه ..

وهنا تنتهي الحلقه

[عاشق أردني]

كنا قد وصلنا في الحلقه السابقه عند المشهد الذي تضمن عرض مامون بيك لابو ساطور بان ينتقل ليعيش في حارة الضبع ..

الحلقة السابعة

المشهد الاول ... مامون بيك في دكان النمس


مامون بيك : لك يا نمس

النمس : امرك مامون بيك

مامون بيك : بدي تشوفلي هيك محل يكون منيح ..

النمس : ولمين بلا صغره ؟؟

مامون بيك : شو دخلك انت لمين .. انت بس شفلي محل وخلص مع صحابو

النمس : سيدي في محل بس ما فيني خلص مع صحابو .. خلص معهم انت ..

مامون بيك : محل.. وين ولمين ..

النمس : محل ابو ابراهيم " الله يرحمه " بياع القماش

مامون بيك : امممممم بري عليك .. خلص انا بشوف صحابو

يلا بخاطرك .. ويتوقف .. على فكره .. بدي تشوفلي بيعه لبيت ابو ساطور بحارة ابو النار ..

النمس : شووووووو .. ابو ساطووور .. ؟ وليش بدو يبيع البيت ؟؟؟

مامون بيك : هذا مو شغلك .. ويذهب في طريقه

النمس : العمى / ليش ابو ساطور بدو يبيع البيت؟؟ معقول بدو يطفش من هالبلد كمان مره ؟؟

شيييييييييييييييه


المشهد الثاني ... ابو قاسم وصبحي في الحمام ..


ابو قاسم : اي ابو صبيح .. ما في اخبار عن اختك وجوزها ابو ذراع؟؟

صبحي : لا والله يا عمي .. رحت سالت عنهم محل ما كانوا ساكنين ما لقيتهم رجعوا .. تقول فص ملح وذابو

ابو قاسم : بالاول حكوا انه ابو ذراع قتل اختك " بعيد الشر عنها " بعدين قالوا انه الجثه اللي بيته لرجال " وبالاخير قالوا انها لابو شهاب ...

صبحي : لا لا لا .. ما بظن لابو شهاب .. حتى ما بظن انه ابو ذراع يكون قاتل حد ..

ابو قاسم : لكان؟ والجثه اللي نقلها ابو ساطور ..؟

صبحي : لا عمي .. ابو ساطور بيكذب .. لانه ابو ذراع تغير كثير بالفتره الماضيه .. يعني ما بظن يعملها


ابو قاسم : لاحول ولا قوة الا بالله


مشهد اخر .. معتز في قهوة ابو حاتم ويجلس مع مامون بيك ..


مامون بيك : شو بدي قول عقيد .

معتز : قول يا بيك ...

مامون بيك : محل ابو ابراهيم .. الله يرحمه " .

معتز : الله يرحمه .. شبو المحل ؟

مامون بيك : يعني عم قول اختك وام ابراهيم الهم مصلحه بالمحل؟؟

معتز : والله ما بظن بس . ليش

مامون بيك : ابدا والله بس بدي استاجره لرياض . خطي .. الرجال التعب عليه ملعوب ولازم نوقف معه .. فكنت عم قول بستاجرله شي محل يشتغل فيه .. يعني .. لحد ما يوقف على رجليه مره ثانيه ... ونصحوني بمحل ابو ابراهيم ..

معتز : الله محيي اصلك مامون بيك .. انا ان شاء الله اليوم بروح لعند اختي وبفتح الموضوع معها ..

ويتابع . وهلا بخاطرك عمي .. بدي طل على عصام شوي ..ويذهب معتز لمحل عصام ..

وفي هذه اللحظه يدخل ابو جودت ومعه عناصر الكاراكون ..وفي نيتهم اعتقال معتز .. فيقفون امامه .. وبتبادل لنظرات مليئه بالغضب بينهم يامر ابو جودت بكل بروده اعصاب عناصره ويقول لهم " اشحطوه للكاركاون "

فتثور ثائرة معتز ويصرخ : قسما بالله اللي بيمد ايده علي بحسب الله ما خلقه ..

فتحدث شوشرة في الحاره وجذب ورد بين معتز وعناصر الكاركون .. فيصرخ مامون بيك من بعيد

استنى انت واياه .. فيصمت الجميع ويقترب مامون بيك منهم .. ويقول :

شو يا ابو جودت .. هي الحاره فلتانه لتدخل عليها هيك وتعمل اللي بدك اياه انت وعناصرك ؟

ابو جودت : العفو مامون بيك .. احنا بس بدنا معتز لنحقق معه

مامون بيك : ابو جودت .. الكلام هذا حطه حلقه باذنك .. عقيد حارة الضبع ما بينشحط للكاركون بالطريقه هاي .. وما بيتحقق معه .. واذا بدك شي مستعجل منه تعال شرفنا على المضافه واسال اللي بدك اياه ..

او بتستنى لبكره بنيجيك انا والعقيد وبنشرب عندك فنجان قهوه وبنشووف وقتها شو بدك .. وطبعا بدون الحاجه لعناصرك هدول ... الله معك .

فيصرخ جميع الحاضرين .. الله يخليك يا مامون بيك يا كبير الحاره .. والله انك ابن اصل وووو... و كثير من كلمات الثناء والمديح


مشهد اخر ..تتناقل حارة الضبع هذه الاخبار بين رجالها ونسائها وكلهم يبدون اعجابهم الشديد بمامون بيك ..


وفي جلسة بين اكابرية الحاره بدون مامون بيك .. يقول الشيخ عبد العليم

يا جماعه اللي عمله مامون بيك اليوم شي كبيير كبييير كثيير .. ولازم نعمل شي تجاه اللي عمله

ابو مرزوق : هو بس اليوم .. ومبارح واللي قبله . لك يا جماعه وقف مع ابو خاطر ورياض وحتى النمس وكمان خرج ابو ديبو من الحبس .. وغير وقفته اليوم بوش ابو جودت .. والله انه كبييييييييير

ابو بشير : وقفته بوش ابو جودت والكلام اللي حكالوا اياه كانه نسر .. اي والله نسر يا جماعه

ابو حاتم : والله عمله اليوم فاجاني . بس شيخي شو قصدك نردله اياها ما فهمت عليك

الشيخ عبد العليم : يا جماعه الحاره بدون رجال كبير فيها ويمشي امورها ما بيمشي حالها

مزبوط معتز عقيدها وفيه البركه بس لساه باول الطريق ولازم حد يسانده ..

ابو حاتم : قصدك ....... زعيم للحاره.؟

عبد العليم : اي يا ابو حاتم

ويقف ابو حاتم فجاه ويعبر عن عدم رضاه .. يعني بدكم تحطوه زعيم مكان ابو صالح؟؟؟ لااااااااااااااااا الا هاي

ابو بشير : روق ابو حاتم ...والله الرجال بيستاهل ، بعدين هو من ريحة ابو صالح ومن حقه يستلم مطرحه..

ابو حاتم : حسبي الله ونعم الوكيل .... انا ما بدي اكرر الشي اللي صار يوم وقفت بوش العقيد .. بس بحب قلكم اني مو رضيان عن هالشي ... بخاطركم

ابو خاطر : لا حول ولا قوة الا بالله ..

ابو بشير : يا جماعه بكره الا ما يرضى ابو حاتم .. ما دام الجميع مو معارض ليش ما ننصبه زعيم علينا اليوم قبل بكره

الشيخ عبد العليم : احسنت يا ابو بشير هذا هو الكلام المزبوط ..



مشهد اخر .. الحاره تتلقى خبر تعيين مامون بيك زعيما للحاره


ويبدون اعجابهم بهذا القرار والذي يظنون انه من مصلحة الحاره

بشير : والله ما بظن حد يوقف بوشنا من بعد اليوم لا ابو جودت ولا غيره ...

خاطر : لك رجال والله رجال .. صدقوني يا جماعه بعملته اليوم حسيت انه اللي قدامي ابو صالح الله يرحمه

عصام : يعني فكركم حيكون مثل عمي الزعيم ابو صالح

عبدو: ليش لا .. الرجال ما شفنا منه الا كل خير .. وكل يوم عم يثبت انه بحب اهل الحاره وبدو مصلحتهم ..

ويظهر مامون بيك ..

الكل يناديه اهلين بالزعيم .. اهلين بزعيم الحاره ..اهلين بكبير الحاره

مامون بيك يقف وقفة المنتصر ويتبسم ويبدي تعففه وعدم تعاليه .. ويتجه لاكابرية الحاره ليستوضح الامر ..


مشهد اخر .. ابو جودت في الكاركون ..


ويحدث نفسه العمى .. عقييد؟؟ عقيد مره وحده .. لك شو هاد .. ما صدقنا وخلصنا من ابو شهاب يطلعلنا ميين.؟؟ معتز .. لك اااااخ .. اااااااااخ . ايمتى راح اخلص منكم يا حارة الضبع ؟؟

ويدخل عليه نوري ...

ابو جودت : شو بدك ولا بغل؟؟ هيك الواحد بفوت؟؟؟

نوري : سيدي بعتذر منك بس جاي خبرك خبريه ..

ابو جودت : احكي خلصنا ..

نوري : حارة الضبع

ابو جودت : شبها حارة الزفت ؟

نوري : عينوا مامون بيك بدل الزعيم ابو صالح ..

ابو جودت : شووووووووو ؟؟ زعيم على الحاره؟؟

العمى . ويكلم نفسه " يخرب بيتك يا مامون بيك .. اتاريك عم تخطط لهالشي " والله ما انت قليل "

اي شو عليه " ويتبسم " والله صارت حاارة الضبع لعبه بايدينا ..


مشهد اخر .. ابو احمد في حارة الضبع ويتجه لقهوة ابو حاتم :


ابو احمد : السلام عليكم

ابو حاتم : يتفاجا من وجوده وينهض من على كرسيه : اهلين ابو احمد .. خير ان شاء الله .. الشباب بخير ؟؟

ابو احمد : كل شي تمام يا ابو حاتم .. بس الجماعه بدهم مصاري وسلاح فشوفوا شو بتقدروا تعملوا ..

ابو حاتم : وصلت .. بس اصبروا علينا شوي .. الحاره وضعها مكركب هاليومين .. مر علي بعد يومين ثلاث وبنحكي في الموضوع

ابو احمد : ماشي ابو حاتم .. يلا بخاطرك .. على فكره الشباب بيسلموا عليكم والك سلام خاص من ابو حسن

ابو حاتم : الله يسلمكم .. سلم عمي وان شاء الله خير

ابو حاتم يجلس على الطاوله ويشرب ارغيله بعمق ويفكر ...


مشهد اخر .. معتز في بيت ابو ابراهيم ..


معتز : اي اختي دلال شو اخبارك اليوم .. ان شاء الله كل شي تمام

دلال : الحمد لله اخي .. شو اخبارها امي وجميله وبوران ..

معتز : كلهم بخير وبيدعولك ..اي خالتي ام ابراهيم ..

بخصوص محل القماش .. يعني هلا هو مسكر وواقف حاله

وفي واحد ناوي يستاجره .. فشو قلتي

دلال : اي والله مرت عمي : بدل ما هو مسكر بيجينا قرشين منه

ام ابراهيم : والله يا ابني ما الي كلمه بعدكم .. شوفوا المناسب واعملوه

معتز : اذا توكلنا على الله



مشهد اخر .. ماومن بيك في المضافه ومعه رجال الحاره ..


مامون بيك : يا جماعه في موضوع حاب احاكيكم فيه بتمنى توافقوني عليه

الجميع : تفضل يا زعيم ..

مامون بيك : الله يخليكم . بتعرفوا انه ابو ساطور بيشتغل معي وهو هلا بحارة ابو النار .. ويعني بشوفها صعبه كل ما بدي منو شي اروح لحارة ابو النار ..

فانا مفكر اجيبه للحاره هون .. فشو قلتوا يا جماعه ..

ابو حاتم : بس ابو ساطور مشراني وتبع مشاكل .. شلون بدنا نرضى بواحد مثله يعيش بيناتنا .. شلون بدنا نامن عل حالنا ؟

مامون بيك : يا جماعه ...ابو ساطور من وقت رجعته ما عمل مشاكل وبعدين راح يضل تحت عيني .. وانا بكفله .. وبالعكس ايده راح تكون مع الحاره مو ضدها ..

رجال الحاره بتردد . والله يا زعيم اللي بتشوفوا مناسب اعملوا .. ما النا قول من بعدك ..

مامون بيك : وهي عهدي فيكم .. وانا بعرف انكم مترددين بخصوص هالشي .. بس تاكدوا انه ما راح تشوفوا اي شينه من ابو ساطور .. ومثل ما قلتلكم ابو ساطور تغير عن اول ...

وعلشان نبعده عن المشاكل لازم نكسبه بصفنا وبنكون هيك عملنا خير لوجه الله تعالى

ابو مرزوق : بس وين بده يسكن ؟؟

مامون بيك : راح اعطيه بيت الادعشري .. وابو هلال ترك البيت لاني بعثته لبيروت وراح يضل هناك ..

ينتهي الاجتماع وفي الخارج يقف ابو حاتم مع ابو بشير

ابو حاتم : يا حبيبي.... هي الي كان ناقصنا .. المشرانيه والزعران يسكنوا حارتنا

ابو بشير : وكل الله ابو حاتم .. الزعيم بيعرف شو بيعمل .. ولولا انه شايف هيك صح كان ما عمل هالشي

ابو حاتم : وهذا للي مخوفني كثيير .. انه بيعرف شو بيعمل ..


مشهد اخر .. النمس ببيت ابو ساطور ..


النمس : ابو ساطور .. ليش بدك تبيع البيت؟؟ مع اني بخيته منيح وما في ولا ناموسه .

ابو ساطور : هيك مليت منه وشغلة الجثه اللي كانت هون مو مريحتني

النمس : ابو ساطور .. ايدي على راسك والنبي كباسك .. مامون طلب منك هيك ؟؟

ابو ساطور يرتبك " هااا وشو عرفك انت

النمس : لانه بدو يسكنك بيت الادعشري بحارة الضبع ..

ابو ساطور : هيك هو قال

النمس : اي .. والحاره وافقت ..


ابو ساطور : اي وشو يعني .. ما انا اللي طلبت منه يعطيني بيت الادعشري ..

النمس : على اساس مو مرتاح من الجثه اللي كانت هون مع انه كل بيت الادعشري مليان جثث .. وناموس كمان

ابو ساطور : لك من الاحياء ما بخاف بدك يعني خاف من الاموات ..

النمس : ليش مامون بيك عمل معك هيك ؟؟ شو عملتله ليسكنك بحارة الضبع ؟؟

ابو ساطور : شو قصدك ولا ..

النمس : ما قصدي شي .. بس مامون بيك .. ما بيعمل شي لله تعالى ..



مشهد اخر .. عمر يدخل حارة الضبع


في صباح مشرق ومليء بصوت البائعين والحركه الدؤوبه بحارة الضبع .. يدخل عمر الحاره لتقصي اخبارها لاجل عيون ابو عصام .. وكاي غريب ياتي للحاره يتجه للقهوة الحاره ويجلس على احد الطاولات ..

ابو حاتم يراه ويوميء الى ابو ديبو ليكلمه ..

ابو ديبو : اهلين ابضاي .. شو بتحب تشرب .

عمر : كاسة شاي على كيف كيفك ..

لحظات وياتي الشاي ..

ابو ديبو : اول مره بشوفك بالحاره انت غريب عنها

عمر : اي والله .. اول مره بجي حارة الضبع ..

ابو ديبو : فيي اخدمك بشي ..

عمر : والله من بعد امرك بدي تدلني على دكان الحكيم ابو عصام ..

ابو ديبو : هناك بالناحيه الثانيه .. انت بتعرفه للحكيم من قبل ؟

عمر : اي والله .. وصرلي زمان ما شفته وجاي اطمن عليه ..

ابو ديبو يرفع راسه فجاه ويقول له : تتطمن على مين

عمر : على الحكيم ابو عصام

وهنا ينهض ابو حاتم وقد كان يسمع الحوار ويقترب ..

ويقول : اهلين بالابضاي : ما تعرفنا عليك يا ابضاي :

عمر : محسوبك عمر .. عمر الشوال

ابو حاتم : شرفت اخ عمر .. ومن وين حضرتك بلا صغره ؟؟

عمر : من حاره بعيده كثيير .. كثيير

ابو حاتم : اخي .. انت امتى اخر مره شفت فيها ابو عصام ؟؟

عمر : يعني من اكثر من سنتين ..

ابو حاتم : عمي .. ابو عصام اعطاك عمره من شي سنتين ...

عمر: شوووووووووو لا حول ولا قوة الا بالله .. له له له .. رحمة الله عليك يا ابو عصام ..

والله ما هي خبريه .. دخلك عمي .. ومين هلا ماسك الدكان تبعه

ابو حاتم : ابنه عصام

ويلتفت عمر للدكان وينظر لحظات ثم يقول :

ماشي عمي .. عذبتكم معي .. بخاطرك

ابو حاتم : اهلين .. شرفت ........ لا حول ولا قوة الا بالله


مشهد اخر ... عمر يدخل دكان عصام ويجد مامون بيك على كرسي الحلاقه


عمر : السلام عليكم

عصام : وعليكم السلام تفضل عمي .. تامرنا بشي ابضاي ؟

عمر : من بعد امرك بدي تقشلي ذقني ..

عصام : اي .. تكرم ..ارتاح عمي .. ارتاح ..وتابع عصام الحديث مع مامون بيك ..

عمي : يعني هلا كان ضروري تجيب ابو ساطور ليسكن بالحاره :

مامون بيك : اي والله يا عصام .. ابو ساطور كانت اله مشاكل مع الحاره وهلا فتح صفحه جديده .. ولازم نضمه النا علشان ما يرجع يعمل مشاكل

عصام : بس هالرجال ما عليه امان ومن طبعه مشراني

مامون بيك : لا تخاف .. انا بكفله

عصام : نعيما عمي

مامون بيك : الله ينعم عليك .. شو امرتني ..

عصام : استغفر الله يا زعيم .. انا اخذ منك .. اعوذ بالله شو الحكي

مامن بيك : ما بصير عمي .. هذا رزقك ..

عصام : امرك زعيم .. فرنكين ..

مع السلامه زعيم .. شرفت المحل والله

عصام : تفضل ابضاي .. شرف هون ..



مشهد اخر .. ابو بدر مع فوزيه



فوزيه : لك ابو بدر .. هلا مامون بيك صار الزعيم

ابو بدر : اي اي فوزيه .. لك انتي لسه ما بتعرفيه لمامون بيك " قصدي الزعيم "

رجال رجال كبيير ..

فوزيه : وانت يا ابو بدر .. ليش ما صرت زعيم

ابو بدر : شلووون .. اي انا ما رضيت مع انهم عرضوا علي هالشي

فوزيه : لك اسم الله حولك وحواليك .. تقبرني ان شاء الله ... لك هو انت رجال ؟؟؟

لتصير رجال بالاول ..

ابو بدر : شبك فوزيه : " ويقف " بالله عليك مو انا رجال ؟؟؟؟؟؟؟؟؟؟؟؟

فوزيه : باااااين باين .. لك ولي علىحظي ..

وتتابع فوزيه .. ايييه يا نيالك يا فريال خانوم .. كان الزعيم عمك .. وهلا صار جوزك

ابو بدر: شلوووووون .. كيف بده يكون عمها وجوزها بنفس الوقت ... ما بصير يا فوزيه استغفري الله

فوزيه : تنظر اليه باستحقار .. لك رووح روح ضربك العمى


مشهد اخر .. عمر على كرسي الحلاقه ويحدث عصام


عمر : هلا اللي كان هون هو زعيم الحاره ..

عصام : اي والله هو الزعيم وما صرله يومين زعيم .

عمر : وشو اسمه بلا صغره ؟

عصام : مامون بيك .. ابن اخوه لزعيم الحاره السابق " ابو صالح الله يرحمه "

دخلك انت من وين وشو اسمك .. اول مره بشوفك بالحاره

عمر : اسمي عمر من حاره بعيده بالشام .. انا كنت رفيقه للمرحوم ابوك .. وكنت جاي اسلم عليه بس حكولي انه توفى ..

عصام : شلوون . يعني كنت تعرف ابي ..

عمر : اي والله .. كنت بعرفه منيح .. وحكالي كثير عنك وعن اخوانك ..

دخلك اخوك معتز شو اخباره اليوم ..

عصام : والله يا ابضاي اخي معتز تزوج وهلا صار عقيد الحاره ...

عمر : ليش هو ما كان عقيد ؟؟

عصام : العقيد الفعلي هو خالي ابو شهاب .. بس خالي اختفى من بعد الحصار وما بنعرف عنه شي .. وهلا اخي معتز صار عقيد الحاره لبين ما يرجع خالي ابو شهاب ..

عمر : وانت تزوجت ولا بعدك ..

عصام : والله انا متزوج ثنتين عقبال عندك وعندي بنت اسمها سعاد .. وبستنى بشوكت من الثانيه ..

عمر : وامك الله يخليلك اياها عايشه معك ..

عصام : لا والله .. امي عايشه مع اخي معتز ببيت العيله .. وخواتي كل وحده ببيت جوزها ..

عمر : بدي اسالك .. شلون توفى عمي ابو عصام الله يرحمه ؟؟

وينتهي المشهد



المشهد الاخير.. الليل يغطي حارة ابو النار ..

ياتي احدهم لبيت ابو النار ويبدا بطرق الباب بشده

فيصرخ ابو النار : مين . مين جاينا بهالوقت ؟؟

فيفتح ابو النار الباب .. فينظر للشخص الذي يطرق الباب بدهشه كبيره ويقول : معقووووووووووووووووووووووول ؟؟؟

[AL _ DANA]

يسلموووووووووو .....بانتضار الحلقــــــــ8ـــــــــــــــــــه ,,,,,,,,,,,,,,,,,,,,,,:ff:

[عاشق أردني]

اذكركم الان باهم احداث الحلقه السابقه

فقد تم تنصيب مامون بيك زعيما للحاره وكذلك جاء عمر ليتقصى اخبار الحاره وقابل عصام وساله عن اخبار العائله وهو الان في طريق العوده ليخبر ابو عصام بما راى وسمع

كذلك فقد حصل رياض على محل ابو ابراهيم عن طريق مامون بيك

اما المشهد الاخير في الحلقه السابقه فقد كان حينما جاء احدهم ليلا لبيت ابو النار ..


الـــحـــلـــقـــة الـــثـــامــنـه

المشهد الاول .. الليل يغطي حارة ابو النار ..


ياتي احدهم لبيت ابو النار ويبدا بطرق الباب بشده

فيصرخ ابو النار : مين . مين جاينا بهالوقت ؟؟

فيفتح ابو النار الباب .. فينظر للشخص الذي يطرق الباب بدهشه كبيره ويقول : معقووووووووووووووووووووووول ؟؟؟

ابو غالب !!!!!!!!!!!!!!!!!!!!!!!!!

ابو غالب : دخيلك يا عقيد خليني فوت بسرعه .

ويدخل فيقول : الله يخليك سكر الباب .. سكر يا عقيد

ابو النار : لك معقول .؟؟ هذا انت ابو غالب ؟؟ لك ايمتى جيت وليش سافرت .. والله اهلين والف الحمد لله على السلامه

ابو غالب : اااااااااااااااااااخ يا عقيد ااااااااااااخ

ابو النار : لك خير شوبك يا رجال ؟؟ . بعدين ليش منظرك هيك .. حالتك بتبكي الكافر ..

ابو غالب : حلمك علي شوي عقيد بس القط نفسي .. بزكاتك عقيد شربة مي .. ريقي نشفان


مشهد اخر .. ابو عصام يتحرق شوقا لمجيء عمر


ابوعصام يلف ويدور في البيت " وكانه ينتظر مولودا "

الاب العجوز : شبك ابو عصام .. مالك مو على بعضك ؟؟

ابو عصام : عمر تاخر يا عمي .. وبالي مشغول عليه

الاب العجوز : تكه وبتلاقيه جاي .. وبعدين هو ما تاخر ولا شي .. بس انت من حرقتك ظنيت هيك

ابو عصام : الدنيا صارت بعد المغرب ولهلا ما بين

وهنا يدخل عمر

ابو عصام : لك وينك لهلا ..شغلتني كثير عليك؟

عمر: تاخرت شوي بحارة الضبع وهي جيتي الله وكيلك

ابو عصام : عمر الله يرضى عليك .. احكيلي شو اخبار العيال ... والحاره

عمر : عمي .. اطمن العيال كلهم بخير .. بس بدي تعرف شي

ابو عصام : احكي .. خير حد صايرله شي

عمر : حلمك علي يا عمي .. بس لازم تعرف انه كل الحاره عندها خبر انك متت .. ومو شاكين تكه انك بعدك عايش ..

ابو عصام : لا حول ولا قوة الا بالله . عمي احكيلي كل شي بالتفصيل

عمر: مريت بالاول على القهوه ودلوني على دكانك فتت هناك وقشيت ذقني عند ابنك عصام ..

ابو عصام : شفته لعصام ..؟؟ كيف هو وكيف صحته وشو عامل ؟؟

عمر : هادا يا سيدي عصام .. متزوج ثنتين وعنده بنت واسمها سعاد وبينتظر مولود جديد من الثانيه وفي نيته يسميه شوكت

" يفرح ابو عصام وتدمع عينه ويقول ..

اي عمر .. كمل .. شو اخبار ام عصام والولاد

عمر : البنات عند زواجهم : وام عصام عايشه ببيت العيله مع معتز ومرته

ابو عصام : معتز تزوج .. وتدمع عينه .. وتزوج مين

عمر : عمي .. ما في اساله خفت يشتلأ علي .. اي اصلا خفت يحس بشي من وراء اسئلتي اللي كانت وراء بعضها

ابو عصام : اي كمل كمل وشو اخباره معتز .. كيف صحته وشو عامل ؟

عمر : والله يا عمي ما شفته لمعتز بس اللي عرفته انه هلا صار عقيد .. عقيد الحاره

ابو عصام : عقيييييييييييييد ؟ شلون يعني ما فهمتها هاي

عمر : يعني كيف اشرحها ... عم قلك صار عقيد الحاره

ابو عصام : شلون عقيد يعني وابو شهاب وينه.. ويصمت ... ومن ثم يتابع : عمر.... لا يكون العقيد ابو شهاب صايرله شي؟؟؟؟؟

عمر : ما بعرف شو بدي قلك يا عمي .. بس العقيد ابو شهاب من وقت حصار الحاره خرج من الحاره واختفى ولهلا ما حد بيعرف عنه شي وما بين بنوب ..

ابو عصام : يا لطيف .. الله اكبر على هالخبريه .. يعني وين بدو يكون راح ؟؟ وين اختفى؟؟ الارض انشقت وبلعتو؟

عمر : والله ما حد عرفان يا عمي

ابو عصام : الله يحفظك يا ابو شهاب ويردك سالم

عمر: بس شفت الزعيم

ابو عصام : اي ... ويصمت .. ومن ثم يقول ... شووووووووووووووووو ؟ الزعيم؟؟؟

عمر : اي الزعيم

ابو عصام : لك عمر.. لا تجدبها علي .. شلون شفته للزعيم؟؟؟ فهمني اياها هاي

عمر : لما دخلت عند عصام كان يحلق عنده ..

ابو عصام : العمى على هالقصه .. شو بدك تطيرلي عقلي انت؟؟؟

عمر: خير عمي .. ليش شو حاكي انا

ابو عصام : لك الزعيم ماااات .. مات من شي ثلاث سنين .. قال شايف الزعيم قال

عمر: عمي .. انا شفت الزعيم الجديد .. مو ابو صالح اللي مات

ابو عصام : الزعيم الجديد؟؟؟؟ ومين بكون هاد .. وكيف .. فهمني

عمر: ما بعرف كيف بس اللي بعرفه انه اسمه مامون وبكون ابن اخوه للزعيم ابو صالح

ابو عصام : وبصدمه كبيره جدا " شووووووووووووووو عيد شو قلت؟؟

عمر : عم قلك اسمه مامون وابن اخو للزعيم ابو صالح ..

ابو عصام ينهض فزعا ويقول" العمى !!!!!!!!!!!!!!! لك كيف كيف ابن اخوه لابو صالح؟؟

عمر: والله يا عمي هي اللي قلللي اياه عصام .. بعدين انت شوبك ليش مزعوج .

ابو عصام : ولسه عم يقللي ليش مزعوج .. لك يا ابني ابن اخوه للزعيم واللي اسمه مامون مااااااااااات مات بالجدري وشبع موت ؟

عمر: في حيرة من امره .. عمي انت متاكد من هالقصه

ابو عصام بعصبيه : الا متاكد هاي .. عم قللك مات الجدري من وقت كان صغييير وشبع موووت ..


مشهد اخر .. ابو غالب وابو النار..


ابو النار : اي ابو غالب احكيلي كيف كانت سفرتك وشو اللي رجعك وشو صاير معك .

ابو غالب : سفرتي؟؟ اي يضرب السفر واللي بيفكر بالسفر ...

ابو النار : له له يا ابو غالب .. خير شو صايرلك .. الظاهر ما ارتحت بسفريتك " .

ابو غالب : ومين قللك اني كنت مسافر؟؟

ابو النار : ابو الحكم شافك حامل اغراض بيتك على الطنبر وناوي السفر ؟؟

ابو غالب : يضرب ابو الحكم والساعه اللي شافني فيها .. لك وشه نحس .. وبعدين انا صحيح كنت مسافر بس لا سافرت ولا طلعت من هالبلد بالاصل

ابو النار : العمى .. ما كنت مسافر؟؟ لكان وين كنت طول هالمده؟

ابو غالب : كنت بالحبس ..

ابو النار : يا لطيف.. حبس؟؟ انو حبس؟؟ وليش؟؟

ابو غالب : كنت محبوس عند الفرنساوي .. بسجن كفر سوسه

ابو النار : الله اكبر على هالخبريه .. وشلون صار معك هيك .. وليش حبسوك؟؟ شو بدهم منك؟

ابو غالب : اااااخ يا عقيد ااااااخ .. والله اللي صار معي بيحط العقل بالكف ..

ابو النار : احكي ابو غالب .. فضفض .. عم بسمعك انا

ابو غالب : هذا يا عقيد وقت اللي طلعت من الحاره وحملت عفش بيتي بالطنبر بعد ما بعته للنمس .. لقيت الدرك مملي الحارات .. قلت بستنى شوي لبين ما يروح الدرك واطلع بدون ما يسالوني لوين رايح ومن وين جاي / ويا عالم هديك الساعه تفتيش ومني عارف شو .. خفت لينكتولي العفش نكت ..

ابو النار : اي وبعدين

ابو غالب : ضليت استنى لثاني يوم .. ومع جهجهة الضو .. حملت درب طريقي واتيسرت / وحزرك مين لقيت بالطريق

ابو النار : مين ؟

ابو غالب : العقيد ابو شهاب

ابو النار : شووووووووووو .. سمعني شو قلت ..

ابو غالب : عم قلك العقيد ابو شهاب

ابو النار : ووينه هلا .. وين راح .. احكي لشوف

ابو غالب : شبنا عقيد .. ما انا عم احكي ..

لقيته لابو شهاب بدو يطلع للغوطه ومنو عرفان كيف يطلع .. حكالي خبيني معك بالطنبر بين العفش لبين ما نبعد عن عيون الدرك .. وحكالي ما راح انسالك هالشي يا ابو غالب

والله وكيلك هذا اللي صار .. طلعنا وبالصدفه دورية درك ما بنعرف من وين اجت .. وقفتنا بالطريق .. وبعد كم سؤال لوين رايح ومن وين جاي وشو معك بالطنبر .. لحد ما فتشوه .. وكمشو العقيد ..

ابو النار : كمشوووه .. الله لا يعطيك العافيه على تعبك .. كفي .. كفي

ابو غالب: وانا شو دخلني يا عقيد .. الله وكيلك ما قصرت .. وبعدين انا ما بعرف من وين طلعتلنا هالدوريه هاي ..

ابو النار : اي وبعدين شو صاااااااااااااار؟؟

ابو غالب : ولا شي .. شحطونا على الحبس ..

ابو النار : وليش شحطوك انت كمان ؟؟

ابو غالب : بحجة التستر على مجرم .. وفراري والتعاون معه

ابو النار : اي وبعدين ..

ابو غالب : بعدين حطونا بغرفه .. ومن بعدها فرقونا عن بعض ..

بس حكالي اذا انا خرجت قبل منه اطمن اهليته عليه واحكيلهم انه بخير

ابو النار : وكيف خرجوك من الحبس؟؟

ابو غالب : ومين قللك انهم خرجوني .. انا هربت من الحبس مع المساجين اللي هربت .. وما بعرف اذا ابو شهاب ضل بكفر سوسه وهرب مع اللي هربوا ولا نقلوه لسجن ثاني

ابو النار : الله اكبر على هالخبريه .. الله اكبر ..

بس بتعرف .. والله ريحتني .. يعني يكون الرجال محبوس ولا انه يكون مقتول ولا هيك شي ..

ابو غالب : عقيد يستر على حريماتك ما بدي حد يعرف اني هون .. والله لو كمشوني بيجرجروني للحبس مره ثانيه ..

ابو النار : لا تخاف ابو غالب .. شغلتك ناكته والا ما نلاقيلها حل ..

انت هلا ضيفي وفيك تعتبر البيت بيتك .. ولا يهمك ..


مشهد اخر .. ابو عصام وعمر..


ابو عصام في حيرة من امره .. ساعة يقف وساعة يجلس ولا يهدا له بال .. ولا زال يفكر بمامون بيك والذي اصبح زعيما للحاره .. وفجأه يقول

عمر .. اسمعني منيح .. انت لازم ترجع على حارة الضبع ..

عمر : عمي ابو عصام .. انا تحت امرك في اللي بدك اياه ..

ابو عصام : ابني الله يرضى عليك .. بدي منك تعرفلي مين مامون هذا وايمتى اجا للحاره وكيف صار زعيم .. كل شي .. كل شي عنه بدي تجيبه باسرع وقت

عمر : لعيونك عمي .. بكره من الصبح بحمل درب طريقي وبتيسر

ابو عصام : الله يرضى عليك يا ابني . عم عذبك معي انا

عمر: ولو يا عمي .. مو انت قلت انا مثل ابنك .. وبين الاب وابنه ما في عذاب ولا شي

ابو عصام : الله يحن عليك يا عمر .. بس حسك عينك حد يشتلأ عليك

عمر : اطمن عمي .. لا توصي حريص



مشهد اخر ... مامون بيك وابو ساطور


مامون بيك : اسمعني منيح شو بدي قلك ..

حسك عينك حد يفوت لعندك على البيت .. لانه غراض محلل ابو خاطر بعدها بالبيت .

ابو ساطور : ولا يكونلك فكر زعيييييم ..

مامون بيك : بعدين بدي منك تبيض صفحتك عند اهل الحاره .. ما بدي حد يشتكي منك بنوووب .. شو ما قالولك بتقول حااضر .. وحتى لو حد سمعك كلمه احكيله الله يسامحك .. فهمان علي؟؟

ابو ساطور : امرك مامون بيك . انت حط ايديك ورجليك بمي بارده


مشهد اخر .. بيت ابو عصام


ام عصام : اي معتز شلون الشغل عند ابو خاطر .. وان شاء الله ما تاثر بعد السرقه اللي صارت

معتز : هو من ناحية تاثر اكيد تاثر .. لانه كان عنا طلبيات وبدنا نسلمهم وكلهم راحوا .. غير التاخير واللي زعج كثير من الزباين .. بس ماشي الحال الحمد لله

ام عصام : يا ابني ... ليش ماترجع تشتغل في كار العطاره ؟؟ انت شايف الحاره ما فيها حكيم هلا .. واللي بكون موجوع من شي بيطلع لبرات الحاره .. فليش ما ترجع

معتز : والله يامو من وقت السرقه وانا عم فكر بهالشي .. بس ما بعرف شو بدي قول لعمي ابو خاطر .. وبعدين بالنسبه لعصام .. يعني ما بحب اثقل عليه .. يمكن يكون يدايقه هالشي

خيريه : اي ابن عمي .. ما فيها شي ... وبالنسبه لابي انا بحكي معه

معتز: شلوووووووون !!!!!! ليش يعني ما الي لسان انا ؟؟

ام عصام: اذا بتشوفها ثقيله خلاص احكي معه انت اما عصام خليلي اياه .. انا بحكي معه

معتز : والله ما بعرف شو بدي قووول ..

ام عصام : لا تقول ولا شي .. انت بس انوي والله يسهل الامور ..



مشهد اخر ...ابو النار ياتي لحارة الضبع ويمر على القهوه ..


ابو النار : السلام عليكم عمي ابو حاتم

ابو حاتم : لك اهلين عقيد ابو النار ... نورت الحاره والله .. شرف شرف لهون

ابو النار : بوجودك يا ابو حاتم وبوجود الناس الطيبه

ابو حاتم : يا حدووووووو .. كاسة شاي على كيف كيفك للعقيد ابو النار " مية اهلين ابو النار "

ابو النار : بالمهلي ..

ابو حاتم: اي .. ابو النار .. شلونك وشلون شغلك

ابو النار : الحمد لله كل شي عال العال " ويقترب من ابو حاتم " ويتابع .. اسمعني ابو حاتم .. وصلني اليوم خبر عن ابو شهاب .. ابو شهاب بعده عايش

ابو حاتم : ابو حاتم قد تفاجا من الخبر واصابه الذهول مجبولا بالفرح . ويخفض صوته اكثر " ويقول .. متاكد من هالكلام ..

ابو النار : 100%

ابو حاتم : لك الله يفرحك مثل ما فرحتني ... بس احكيلي وينه هلا وشلونه

ابو النار : هلا وينه .. ما متاكد .. بس اظن انه بخير

ابو حاتم : شلون يعني .. فهمني اياها هاي

ابو النار : اللي وصلني انه من بعد ما طلع من الحاره كمشوه واخذوه لسجن كفر سوسه .. ومن بعدها صار في هروب لبعض المساجين .. بس ما بعرف ان كان ابو شهاب من بين اللي هربوا ولا بعده في كفر سوسه او نقلوه لشي سجن ثاني

ابو حاتم : ومن وينلك هالاخبار ابو النار؟؟

ابو النار : من ابو غالب ..


مشهد اخر .. عائلة ابو عصام


اثناء تناول معتز وام عصام وخيريه وجبة الافطار .. يطرق الباب .. وينهض معتز لفتحه ..

ويكون الطارق عصام وزوجاته

عصام : شلونك ابو العز

معتز : اهلين ابو شوكت .. شلونك انت

عصام : شلونها امي .

معتز : هيها جوا .. فوت سلم عليها ومنها بتكسر السفره معنا..

عصام : صباح الخير يامو

ام عصام : اهلين ابني الله يرضى عليك .. تعا اكسر السفره معنا ..

عصام : معلش يامو .. انا بس قلت بجيب لطفيه وهدى وبطمن عليك . وهلا خليني اتيسر على شغلي

ام عصام : يامو برضاي عليك بس تخلص شغلك مر علي بدي حاكيك بموضوع

عصام : معلوم يامو بدي مر .. لاني بدي اخذ هدى ولطفيه


مشهد اخر.. ابو النار وابو حاتم



ابو حاتم : مسكين يا ابو غالب ... بس والله بري عليه ..

ابو النار : نصيبه يا ابو حاتم شو بدو يعمل يعني

ابو حاتم : ابو النار .. يا ريت الحكي اللي حكيتلي اياه هلأ ما يطلع لاي مخلوق كان ..

حتى " مامون بيك " قصدي الزعيم " ويقولها باستهزاء "

ابو النار : خير يا ابو حاتم .. ليش ما بدك حد يعرف

ابو حاتم : ما بعرف .. في شي مخوفني .. الخبريه هاي خلتني فكر بشي .. بدي اتاكد منه بالاول

ابو النار : خير ابو حاتم . شو في ؟؟

ابو حاتم: بعدين ابو النار .. بس اتاكد بحكيلك

ابو النار : ماشي عمي ابو حاتم .. اودعناكم

ابو حاتم : بكير عمي ابو النار .. لسه ما شبعنا من شوفتك

ابو النار : معلش ابو حاتم .. بدي روح شوف الزعيم . بلكي شفنالنا شي حل لابو غالب ..

ابو حاتم : الله معك عمي ابو النار .. بس مثل ما وصيتك لا تجيب سيرة ابو شهاب لاي مخلوق يخلق ..



مشهد اخر .. عمر يدخل الحاره مرة اخرى ويمر على عصام


عمر :السلام عليكم

عصام: وعليكم السلام ... اهليين ...... ... اي تذكرت . عمر .. اهلين عمي عمر

عمر : كيف الحال يا ابضاي

عصام : والله تمام التمام . عال العال ..

شو يا عمر .. رجلك اخذت على حارتنا ..

عمر: يعني اذا هالشي بدايقك هلا بحمل حالي وما بعود برجع بنوب

عصام : له يا ابضاي والله ما قصدت هيك .. بس كنت عم اسال يعني اذا في شي ممكن اخدمك فيه

عمر : والله يا عصام .. الرجال فينا بدور على الريحه الطيبه .. وين في ريحه طيبه بيلحقها .. وانا حاسس انه هالحاره طيبه باهلها وناسها .. ومشان هيك جيتها وقلت بركي طلعلنا منها شي رزقه ..

عصام : يعني جاي تترزق هون ؟؟ ..

عمر : اي والله قلت بلكي لقيتلي شي شغله ..

عصام : والله ما بعرف شو بدي قللك . يعني الحال دائر عند الجميع

عمر : دخلك .. يعني عم قول يعني .. لو تشوفلي الزعيم بلكي دبرني بشي شغله ..

عصام : والله ما بعرف شو بدي قلك .. يعني ما بعرف اذا الزعيم بيساعدك بهيك قصص .. شيت انك يعني من برات الحاره .. بس لو يعرف انك كنت بتعرف ابي الا ما يدبرلك شي دباره

عمر : هلا بدي اسالك خيي عصام .. يعني عم قول لحالي دام انه زعيم الحاره ابو صالح توفى من شي ثلاث سنين ليش الزعيم مامون ما استلم الزعامه مباشرة بعد موته

عصام : لانه مامون بيك ما كان بالحاره .. كان مسافر من وقت كان صغير .. وهلا رجع بعد غياب 40 سنه .. وبرجعته كان في مشاكل بالحاره وكانت الحاره محاصره .. ولانه بيعرف ناس مهمين كثير وحتى المندوب السامي الفرنسي .. عمل واسطه للحاره لحد ما فكوا عنا

عمر : والله انه كبير .. كبير يعني بغيابه عن حارته شي 40 سنه الا انه ما نسيهم وما حب يشوفهم محاصرين ...

عصام : معلوم لكان .. طالع لعمه الزعيم ابو صالح .. بعدين بالمناسبه حماتي بتكون بنت عمه وتزوجها من فتره

عمر: ونعم الاصل يا نيالكم فيه ... ويا نيالك انت بهالنسب ...

ماشي عمي .. بدي اعملي فتله بحارتكم بركي شفتلي شي رزقه

عصام : الله معك اخي عمر : شرفت باي وقت ..


مشهد اخر .. ابو ساطور ومامون بيك



مامون بيك : اسمعني ابو ساطور .. الحاره بعدها مو هاضمتك .. يعني مو حابينك هون ..

ابو ساطور : والعمل يا بيك

مامون بيك : يعني لازم نعمل شي .. ونخلي الحاره تمدح فيك وتهتف باسمك

مامون بيك : مممممممم خليها كم يوم بس ادورها براسي مزبوط



مشهد اخر .. ابو النار في طريقه لمامون بيك


في الطريق يلتقي بابو ساطور

ابو النار : لك ابو ساطور .. شلونك يا رجال ...

ابو ساطور : اهلين عقييد .

ابو النار : شو .. سمعت انك بدك تبيع البيت وسكنت هون بحارة الضبع

ابو ساطور : اي والله شغلي مع مامون بيك بيلزمني كون قريب منه ..

ابو النار : لقيت حد يشتري البيت؟؟؟

ابو ساطور : لا والله . الموضوع هلا عند النمس هو بدو يشوفله بيعه ..

ابو النار : ماشي الحال .. دخلك وين بلاقي الزعيم

ابو سطور : تركته بدو يروح المضافه ... يعني يمكن يكون وصل

ابو النار : ماشي ابو ساطور .. خلينا نشوفك ... سلام


مشهد اخر ... ابو النار في المضافه ..


ابو النار : السلام عليكم

مامون بيك : وعليكم السلام .. اهلين بالعقيد ابو النار .. نورة حارة الضبع ..

ابو النار : منوره باهلها ..

مامون بيك : شو يا عقيد ليش ما بطل علينا

ابو النار : والله مشاغل يا بيك .. بس اليوم جاييك بشغله بتمنى لاقيلها حل عندك

مامون بيك : تفضل ابو النار .. وصلت ..

ابو النار يحكي لمامون بيك قصة ابو غالب بدون ذكر اسم ابو شهاب / وان ابو غالب اصبح طريد الان بعد فراره من السجن


مامون بيك : اها .. ومين هذا الرجال اللي خباه معه..

ابو النار : هو حكى ما بيعرفه .. الظاهر انه ثورجي وكان بدو مساعده

مامون بيك : فيه الخير والله .. الله يكثر من امثاله ..

اطمن يا ابو النار .. شغلة ابو غالب ان شاء الله بحلها مع الفرنساوي .. وبقلهم انه معثر وما دخله بشي ..

ابو النار : بتكون تفضلت على راسي من فوق .. حاكم ابو غالب معثر من يوم يومه .. وما اله دخل بكل القصص هاي

مامون بيك : ولا يهمك اعتبرها محلوله

ابو النار : الله يخليك يا زعيم .. يا الله .. اودعناكم

مامون بيك : مع السلامه .." ولكنه بداخل نفسه لا يرتاح للامر "


مشهد اخر: عمر يتمشى بالحاره


ابو حاتم يرى عمر ويقول .. ابو ديبو.. شبو هالابضاي .. مبارح كان هون واليوم هون

ابو ديبو : والله يا ابو حاتم سمعت شو حكى مبارح . قال انه بيعرف ابو عصام

ابو حاتم : اي .. بس حكينالو ابو عصام مات وشو اللي رجعه للحاره

ابو ديبو : الله اعلم ..

ابو حاتم : والله جيته للحاره مو لـ الله ..

يا حدوووووو .. حدووو ويامر حدو بمتابعة عمر ومعرفة نواياه بالحاره


عمر يتمشى ويلحظ مراقبة حدو له : فيمر على محل النمس ..

عمر: السلام عليكم ابضاي

النمس : اهليييييييييييييييييين . وعليك السلام

تفضل ابضاي .. لازم شي محل // بيت / شي مطرح. انا هون بدبرك وبالسعر اللي يناسبك

عمر: تسلم يا ابضاي . اي انا ما معي ااكل .. لاشتري محل..

النمس : ايوا .. لكان شو جاي تعمل بلا صغره .. بعدين شكلك غريب عن هالحاره ..

عمر : اي انا غريب عن الحاره وعم لقط رزقي هون وهون .. فلقيتك بوشي قلت بسالك عن هالحاره ..

النمس : شو بدك تسال

عمر : يعني اذا بلاقيلي شي رزقه فيها ..

النمس : بلا صغره انت شو اسمك وبعدين شو بتشتغل ..؟؟ قصدي شو كنت تشتغل

عمر: اسمي عمر .. وشغلي على باب الله بس اشتغلت فتره حمصاني ..

النمس : يا لطيييييييييييييف .. حمصاني ..

تعرف يا ابضاي... محسوبك النمس .. و المحل هذا كان لواحد حمصاني اسمه ابو سمير .. بس مات من زمان .. وانا اشتريت المحل هذا ..

عمر : ليش انت وين كان محلك من قبل..

النمس: انا اصلا مو من الحاره ..

قللي : بتعرف تبخ ناموس ..

عمر : لا والله ما بعرف ..

النمس : يا خساره .. لك الناموس على قد ما الناس بتنزعج منه .. بس الفايده اللي فيه ما حد بيقدرها.. وهالمحل هذا والخير اللي انا فيه بسبه

عمر : يعني ما فهمت عليك .. يعني كاين تشتغل ببخ الناموس ..

النمس : لكان .. وما في ولا ناموسه عملولها جنازه الا بسببي

عمر : " يضحك " الله عليك والله حكياتك ظراف ... يعني للهدرجه الناموس بيجيب مصاري وخلاك تشتري محل هون ..

النمس : اي لااااااااااا .. هذا المحل اشترالي اياه مامون بيك .. قصدي الزعيم ..

عمر : ايوا .. يعني هو بيقربك شي ..

النمس : لااااااااااااااا .. بس هو شفق على حالتي ... واشترالي اياه

عمر : اي قول شفق على الناموس وحب يريحه منك

ويضحك النمس من كلام عمر .. ويقول له

يحرق حريشك باين انك ظريف ... وانا حبيتك

عمر : وانا اكثر والله .. ماشي عمي ما بدي عطلك عن شغلك .. بخاطرك

النمس : وين وين رايح .. خلينا نشربك كاسة شاي .. ما حلوه تيجي المحل وما نضيفك .

عمر : لغير مره .. يلا اودعناك

النمس : الله معك .. مع السلامه



مشهد اخر .. ام عصام وعصام


ام عصام : اي ابني شو بدي قول ..

عصام : تفضلي يامو احكي

ام عصام : يا ابني بتعرف اخوك معتز شغله مع ابو خاطر مو كل هاد .. ومن وقت ما استشهد الحكيم حمزه ما عنا بالحاره حكيم ..فليش ما ترجعوا تشتغلوا مع بعض بالدكان .. انت بالحلاقه وهو بالعطاره .

عصام : اي والله يامو . ما احب علي الا هالشي .. والله بدي احكيله من زمان بس خجلان منه .. يعني من وقت اللي فرقنا الورثه والمشاكل اللي صارت وقتها .. يعني ما الي عين احكي معه بهالموضوع

ام عصام: انت خلي كل شي مثل ما هو والمحل بكون الك واعتبره شغيل عندك

عصام : اعوذ بالله يامو .. شو شغيل وما شغيل ..بيرجع المحل مثل ما كان النص بالنص

اي انا بهديك الساعه لما اشوفه واقف محل ابي ... ويحزن " الله يرحمك يا بي " ..


مشهد اخر ... ابو حاتم وحديث مع نفسه



ابو حاتم : شو القصه يا ابو حاتم؟؟ مامون بيك شغل ابو الطيب ليدور على ابو شهاب ..

وابو الطيب حكى انه ابو شهاب مقتول .. وابو غالب بيحكي انه شافه بسجن كفر سوسه ..

العمى .. اذا كان ابو شهاب بعده عايش .. ليش ابو الطيب ليكذب .. شو مصلحته من وراء هالشي .. او ... او لا يكون مامون بيك وراء هالشي وما بده نعرف الحقيقه؟؟

طب لييييييييييش؟؟

والله ما بعرف .. هو مامون بيك بيكذب علينا ولا ابو الطيب ..


بس لازم اشوف ابو الطيب واستفهم منه عن كل شي ..



مشهد اخر .. ابو حاتم يذهب للبواكيه



ابو حاتم : ابو ديبو .. اعطي عينك على القهوه منيح .. انا واصل مشوار صغير وراجع

ويذهب ابو حاتم ويصل للبوايكيه ..

ابو حاتم : السلام عليكم

عبدو : اهلييييييين عمي ابو حاتم .. شرف شرف .. نورت البوايكيه والله .. يا فتحي .. الله يخليك كاستين شاي علىكيف كيفك

ابو حاتم : ما في داعي يا عبدو .. جيتك بشغله صغيره .. بس بدي اياها تضل سر بيني وبينك .. ما بدي حد يعرف فيها بنوووب ..

عبدو : لعيونك عمي ابو حاتم .. ااامر

ابو حاتم : بدي ابعثك مشوار صغير لعند ابو حسن على الغوطه


المشهد الاخير ... عمر يعود عند ابو عصام


ابو عصام : اي عمي .. احكيلي شو صار معك

عمر : شوف يا سيدي .. هذا مامون صرله غايب عن الحاره شي 40 سنه وبرجعته كانت الحاره تحت الحصار وهو ياللي اتواسط للحاره بفك الحصار بحكم معارفه .. وبحكم انه غني وبيعرف ناس كثير .. لحد المندوب السامي ..

ابو عصام : اي ..

عمر : وكمان مامون بيك تزوج حماتو لابنك عصام ..

ابو عصام : شووووووووو .. تزوج مين؟؟؟

عمر : بنت عمه اللي هي بتكون حماتو لابنك ..

ابو عصام : هلا ام التوفيق تزوجت هذا اللي اسمه مامون ؟؟؟

والله هالقصه مو خارطه مشط راسي بنوب .. ومو مرتاح للرجال هذا بنوب بنوب ..

عمر : صحيح عمي . نسيت قلك شي .. في واحد تعرفت عليه الظاهر انه كاين معثر اسمه النمس .. ومامون بيك شفق عليه واشتراله محل بالحاره بيشتغل فيه بيع تاجير بيوت ومحلات والذي منه ..

ابو عصام : عيد عيد شو قلت اسمه؟؟

عمر : النمس .

ابو عصام : هلا النمس .. صار اله محل بالحاره ؟؟

العمى لك هذا واحد حرامي واونطجي .. شلون بيصيرله محل بالحاره. بعدين ليش هذا اللي اسمه مامون يشتريله محل فيها ...

لاااااااااااااا .. القصه كبيره كبيره كثييييييييييير ..

مامون هذا مو ابن اخوه للزعيم .. هذا واحد من اثنين .. اما بكون واحد نصاب وبدو يلهف كل شي .. او . او .... يا لطيييييييييييييف

عمر : شبك عمي ..

ابو عصام : او بكون داسوس للفرنساوي ..

عمر : يا لطيييييييف .. شو اللي بتحكي فيه عمي .. والله خوفتني كثير ..

ابو عصام : اسمع عمر .. لازم شوفه هذا اللي اسمه مامون .. بدي شوف شكله

عمر : شلون بدك تشوفه عمي ..

ابو عصام : بدي اروح للحاره


وتنتهي الحلقه

[عاشق أردني]

وصلنا في الحلقه الماضيه عند المشهد الذي تضمن عودة عمر لاخبار ابو عصام باخر تفاصيل واخبار مامون بيك .. وقد قال ابو عصام في اخر الحلقه الماضيه انه ينوي الذهاب لحارة الضبع .. ونكمل الاحداث معكم في حلقه جديده


الــحــلــقــه الــتــاســعــه


المشهد الاول ... ابو عصام ينوي الذهاب لحارة الضبع


ابو عصام : اسمع عمر .. لازم شوفه هذا اللي اسمه مامون .. بدي شوف شكله

عمر : شلون بدك تشوفه عمي ..

ابو عصام : بدي روح للحاره

عمر : شلون ؟؟؟؟؟ كيف بدك تروح حارة الضبع .. ما بنكر انه برجعتك راح تكشفه لمامون هذا على حقيقته بس يمكن ينكر هالشي وما في دليل عليه ويمكن يهرب من كل هالقصه بحجة انه نصاب

بعدين فرضا كشفت انه داسوس شو ضمنك انه ما يكون اله عواينيه بحارة الضبع ؟

ابو عصام : اي بعرف .. بعرف هالشي ... بس انا راح ارجع وما خللي حد يشوفني

عمر : شلون يعني .. فهمني اياها هاي ..

ابو عصام : راح احكيلك ...


مشهد اخر ... مامون بيك يكلم المندوب السامي بالهاتف


مامون بيك : مرحبا سيدي ..

بدي اسالك عن هالشي وضروري اعرفه بسرعه


مشهد اخر ... ابو حاتم مع ابو قاسم


ابو حاتم : شو بدي قول ابو قاسم . جماعة الغوطه اجو لعندي ولازمهم مصاري ..

ابو قاسم : واحنا رقابنا سداده .. وعمرنا ما قصرنا ولا حنقصر كمان واكيد الزعيم ما بقصر

ابو حاتم : وشو دخل مامون بيك بهالقصه

ابو قاسم : كيف شو دخله .. كبير الحاره وزعيمها ولازم يعرف كل اللي بيصير في الحاره .

ابو حاتم : الا هاي .. انا لهلا مو مرتاح للرجال هذا ..

ابو قاسم : لا يا ابو حاتم والله زودتها كثير . وكل الله .. الرجال من وقت ما عرفناه ما قصر معنا بنوب ..

وانت هيك عم تهيننا ... الزعيم لازم يعرف يعني لازم يعرف .. ويذهب

ابو حاتم : ااااااااااااااخ لك وبعدين مع هالشغله .. ضروري يعني احكي لابو قاسم.. ما لقيت الا هو ؟؟؟؟؟

الله يجيب العواقب سليمه ..


مشهد اخر .. عبدو يصل للغوطه


ابو احمد : اهلين عبدو .. الحمد لله على السلامه .. شرف شرف

ابو حسن : يا هلا . يا هلا بعبدو .

عبدو : اهلين فيك عمي ابو حسن ..

ابو حسن : شو الاخبار يا عبدو وكيف الحاره ... وكيف ابو حاتم ..

عبدو : كل شي تمام ..

عمي ابو حسن .. بعثني ابو حاتم عندك وقال بقلك بدو يشوف ابو الطيب ضروري .. بس الافضل يكون برات الحاره

ابو حسن : خير ان شاء الله في شي

عبدو : والله ما بعرف انا اللي بعرفه بس حكيتلك اياه ..

ابو حسن : احكي لابو حاتم لعيونك .. وبس يوصل ابو الطيب بنعطيه خبر

عبدو : ماشي عمي .. يلا بخاطرك

ابو حسن : وين يا عبدو بكير .. لسه ما شبعا من شوفتك

عبدو : معلش عمي ابو حسن .. ما بدي حد يشتلا علي .. بعدين انا مترك البوايكيه ما بدي اتاخر عنها اكثر من هيك

ابو حسن : براحتك ..بس والله ما هي حلوه تيجي لعنا خطيف وترجع بسرعه

عبدو : معلش عمي ابو الحسن / لغير مره ان شاء الله

ابو حسن : يا ابو احمد .. ابعث رجال يامنوا الطريق


مشهد اخر ..مامون بيك عند المندوب السامي


مامون بيك : شو صار معكم سيدي

المندوب السامي : لقد سالنا عن المدعو ابو غالب .. ولكن يجب ان تعلم انه مجرم وخطر

مامون بيك: والله اللي سمعته عنه غير هيك ... مثل ما وصلني انه اتورط مع احد المخربين واضطر يخبيه معه

المندو السامي : لكن هذا المخرب ليس كاي مخرب مسيو دو****

مامون بيك : ما فهمت سيدي

المندوب السامي : المخرب الذي ساعده ابو غالب . هو ابو شهاب

مامون بيك : ابو شهاب ؟؟؟؟؟؟؟؟


مشهد اخر ... معتز يعود لكار العطاره


عصام : لك اهليييييين ابو العز .. لك مو عيب يا خي .. تخلي امي تحاكيني ؟؟ ليش ما جيتني انت ؟؟ يعني هو في بينا شي لا سمح الله ؟؟

معتز : لا مو هيك . بس

عصام : هلا لا تحكي شي شرف ... مطرحك بيستناك اتاخرت عليه كثير

معتز : مهما يكن اخي المحل محلك وانا ما الي شي فيه ..

عصام : له يا ابو العز له .. ما حبيتها منك بنوب .. لك انا بهديك الساعه واشوفك واقف محل ابي؟؟

معتز : ابي ... ويحزن ويقول .. ابي ؟؟؟ لك هو في مخلوق بالدنيا كلها بيسد محل ابي يا عصام ...ويبكي


مشهد اخر .. مامون بيك والمندوب السامي


مامون بيك : معناها خبر ابو شهاب اكيد وصل لحارة الضبع

ومشان هيك في شي لازم نعمله وعلى الحارك


مشهد اخر.. حارة الضبع اثناء الصباح


رجل غريب يدخل الحاره .. بثياب مرقعه وباليه ... وقد بدا كبيرا في السن .. وبدا كانه بعين واحده .. " كان هذا الرجل ابو عصام " وقف في منتصف الحاره وبدا يلتفت حوله ويقلب اركانها بغمرة من العواطف والاحاسيس الجياشه وفيض من الحنان ولوعة المشتاق الى هذا الركن .. وكادت دمعته ان تسيل لولا ان منعها باخر لحظه ..

او حاتم : حدو .. تعرفه لهدا الرجال..

حدو: لا والله يا عمي ما بعرفه ولا شفته .. يظهر انه غريب عن الحاره

ابو حاتم : لك شو هاد .. والله الرجل الغريبه كثرانه بالحاره .. العمى .. من وين بيجولنا هدول ..

ابو عصام يقترب من القهوه ويجلس على احد الطاولات ..

كالعاده يهمس ابو حاتم لحدو بان يرى من هذا الرجل..

حدو : تامرنا بشي عمي ؟

ابو عصام : فنجان قهوه الله يخليك

ابو حاتم يرتاب من امر هذا الرجل .. الغريب ..

يجلس ابو عصام في ركنه وينتظر عله يرى مامون بيك ..

يقترب منه ابو حاتم .. ويقول : مرحبا عمي ..

يكلمه ابو عصام دون ان يلتفت اليه

اهلين ..

ابو حاتم : بدك شي .. اي حد .. اي شي .. احنا بخدمتك

ابو عصام : سلامتك ما بدي شي ..

وهنا يمر مامون بيك ويطرح السلام على ابو حاتم ومن بالقهوه

فيرد الجالسين : الله يصبحك بالخير زعيم ... وعليك السلام زعيم ... اهلين بالزعيم .. تفضل يا زعيم

وهنا ينهض ابو عصام عن كرسيه ويتامل بمامون بيك لبعض الوقت ..

ابو حاتم يستغرب ويتعجب لان ابو عصام يدقق النظر في مامون بيك ويقول له:

عمي في شي.. شبك عم تطلع في الزعيم ؟؟

ابو عصام : لا ما في شي .. يلا السلام عليكم

ابو حاتم : " في نفسه" العمى .. كانه هالصوت مر علي .. وبعرفه منييح . بس مييييييييييين؟؟

ويخرج ابو عصام من القهوه .. ويجد نفسه امام ابنه معتز من امام الدكان..

ابو عصام يشعر برعشه قويه لوجود ابنه امامه .. فلا يستطيع ان يعمل شيء وكان يديه مكبلتين ..وبعد ان دقق نظره في ابنه معتز .. قال له معتز

شبك عمي ؟؟ ليش عم تطلع فيني ؟؟

ابو عصام : لا ما في شي يا ابني ...ويتبسم " ويخرج من الحاره"

معتز يتجمد في مكانه ويقول في نفسه .. يا لطييييييييييييييييف صوته بيشبه صوت ابي .. فياتي عليه ابو حاتم

خير ابو العز؟؟ شبو هالرجال ؟؟ بتعرفه شي

معتز : والله ما بعرفه.. كان عم يطلع فيني بس ما بعرف ليش ..

ابو حاتم : وكمان عم يطلع في مامون بيك .. بدك تدير بالك انت ومامون بيك عليكم العين..


مشهد اخر ... ابو عصام في بيت عمر وكان يتكلم بعصبيه


ابو عصام : لك يخرب بيته قلبته منيح .. تفحصته .. بس ما عرفته .. ما عرفته .. مين هذا ومن وين اجا؟؟

عمر : طول بالك عمي ..

ابو عصام : بس اااخ يا ابني عمر .. اتقطع قلبي لما لقيت قدام مني ابني معتز ... حسيت بحالي .. حسيت . هيك بدي ضمو وقله انا ابوك يا معتز بس ما قدرت

عمر : وكل الله عمي .. ما بقى الا القليل

ابو عصام : عمر .... روحاتك للحاره ما في الها مبرر .. والا ما يحسو عليك .. حارة الضبع بعرفها منيح ..

عمر : والعمل عمي

ابو عصام : اسمعني .. انت لازم تاخذلك شي محل بحارة الضبع وتشتغل هونيك

عمر : الله واكبر .. شبنا عمي .. ما انت عرفان الحاله .. وبتعرف اني لا وراي ولا قدامي .. يا دوب اللقمه قادرين نوفرها

ابو عصام : ما عليك من هالشي .. انا بدبرها ..

عمر : كيف بدك تدبرها عمي ؟؟ ما انت حالتك مو احسن مني ..

ابو عصام : اسمعني ....


مشهد اخر .. ابو احمد يصل لحارة الضبع



ابو حاتم : اهلين ابو احمد . شو الاخبار .. وصل ابو الطيب ؟؟

ابو احمد : والله ما بعرف شو بدي قلك .. بس ابو الطيب مات

ابو حاتم : شلوووووووون .. كيف مات..

ابو احمد : ما بعرف بس لقوه مبارح مقتول بمطبخ القلعه

ابو حاتم : يا لطييييييييييف .. الله اكبر على هالخبريه ..

طب مين قتله وليش؟؟

ابو احمد : ما حد عرفان شي يا ابو حاتم ..

ابو حاتم يودع ابو احمد بعد ان يشكره ويقول بداخله : معقول.. بهالوقت ينقتل ابو الطيب؟؟ ومين اله مصلحه بقتله ..

معقول يكون مامون بيك وراء هالشي ..

العمى!!!!!!!!!!!!!!!!!!


مشهد اخر.. ابو ساطور ومامون بيك


مامون بيك : اسمعني منيح ابو ساطور .. بدي تشوف رجال زكرت وابضاي .. وازعر .. ترميه عل الموت ما يقول لا ..

ابو ساطور : موجود زعيم .. بس شو بدك منه ...

مامون بيك : قبل ما قلك شو بدي . حسك عينك يدرى اني انا بعثتك اله .. فهمان علي..؟؟

ابو ساطور : فهمان يا بيك


مشهد اخر .. ابو النار وابو غالب



ابو النار : اي ابو غالب .. شو ناوي تعمل بعد رجعتك

ابو غالب : والله يا عقيد .. ما بقدر اواتي باي حركه والدرك ملاحقني

ابو النار : لالالا من ها الناحيه لا تخاف .. الدرك ما عاد يلاحقك وفيك تطلع للحاره وتبيع بليله اذا بدك مثل اول بدون ما حد يسالك

ابو غالب : شلون يعني .. كيف ما حد بدو يسالني. والفرنساوي اللي ملاحقني

ابو النار : لا تخاف .. انا حكيت مع مامون بيك .. واليوم الصبح طمني وحكالي انه الفرنساوي ما عاد يلاحقك .. اعفو عنك

ابو غالب: مين هذا مامون بيك ؟؟

ابو النار : اه صحيح انت ما بتعرفه .. بحكيلك عنه بعدين .. المهم

وين ناوي تسكن ؟؟

ابو غالب : والله يا عقيد انا رجعت على الحديده .. لا قدامي ولا وراي ..

ابو النار : ههههههه اطمن ابو غالب انا راح اشتريلك بيت وعلى حسابي كمان

ابو غالب : لك الله يخليلنا اياك يا عقيد .. والله تفضلت على راسي من فوق . هات ايدك لابوسها !!

ابو النار : استغفر الله ولو .. انت اخي يا ابو غالب .. احنا ما عملنا شي


مشهد اخر.. عمر ياتي لحارة الضبع



عمر : صباح الخير عمي عصام .

عصام : اهلين اخي عمر . شرف ..

عمر : الله يشرف مقدارك

معتز يهمس لعصام : مين هاد

عصام يقول له : هذا واحد من برات الحاره كان بيعرفه لابي ..

عمر : مرحبا ابضاي .. ان ما خاب ظني انت العقيد معتز ..

معتز : اهلين عمي .. اي انا هو بشحمه ولحمه



مشهد اخر ... رجال الحاره مجتمعين مع مامون بيك في المضافه



ابو قاسم : اي يا زعيم .. في شي بدي احكيلك اياه

مامون بيك : تفضل اخي ابو قاسم

ابو قاسم : جماعة الغوطه بعثو مرسال وبدهم مصاري .. فشوف شو بنقدر نعمل

مامون بيك : ما فهمت عليك .. مين جماعة الغوطه

الشيخ عبد العليم : والله يا زعيم من قبل ما تيجي كان العقيد ابو شهاب وقبل منه الزعيم ابو صالح الله يرحمه يجمعوا من وجوه الخير والحارات الثانيه اللي بيقدروا عليه من المصاري ونبعثهم لجماعة الغوطه والثوار

والظاهر انهم محتاجين لوقفتنا معهم .. مشان هيك بعثوا مرسال

مامون بيك " يتبسم ابتسامه صفراء " : بري عليكم .. والله انكم بترفعوا الراس .. واحنا لازم نكمل المشوار اللي بداه عمي الزعيم .. وباذن الله ما راح نكون اقل منه

الشيخ عبد العليم : الله يبارك فيك يا زعيم .. رب العالمين يقول في محكم كتابه " " مثل الذين ينفقون أموالهم في سبيل الله كمثل حبة أنبتت سبع سنابل في كل سنبلة مائة حبة والله يضاعف لمن يشاء والله واسع عليم. الذين ينفقون أموالهم في سبيل الله ثم لا يتبعون ما أنفقوا منا ولا اذى لهم أجرهم عند ربهم ولا خوف عليهم ولا هم يحزنون".

مامون بيك : الله يقدرنا على عمل الخير .. احنا شو ما عملنا بنضل مقصرين

بس قلي اخي ابو قاسم لمين بعثو المرسال

ابو قاسم : لابو حاتم . اجاه واحد من طرفهم من شي 4 ايام ..

مامون بيك : ووينه ابو حاتم ليش ما اجى .. بعدين ليش ما خبرني..

هذا شي مو هين والجماعه اكيد بكونوا بحاجة المصاري على الحارك

ابو قاسم : يتلعثم ويقول يظهر انه مشغول شوي

مامون بيك : بس هالشي ما لازم ينسكت عليه وان كان ابو حاتم مشغول لازم نشوف حد يسد محله . ما بتعرف شو ظروف الرجال بالغوطه

ابو قاسم : ونعم الراي يا عمي الزعيم بس والله خايف انه ابو حاتم ياخذ على خاطره

مامون بيك : مصلحة البلد اهم من كل شي .. وان كان ابو حاتم بيحب البلد ما لازم يزعل

ابو قاسم : الله يجيب اللي فيه الخير

مامون بيك : خلاص انا بفضل اي شي بدهم ياه يجو للحمام عند ابو قاسم .. بكون استر وبعيد عن عيون العواينيه

ولا شو رايكم يا جماعه

الجميع : ونعم الراي يا زعيم



مشهد اخر ..عمر ومعتز وعصام


عصام : شوووووووووووووو شو امرت عمي ؟؟

هلا ابي كان متداين منك مصاري؟؟

اي روح .. روح العبها على غيرنا ..

معتز : اسمع ولا .. اذا كنت واحد حرامي وجاي تسرقنا عينك عينك .. فانا بقلك انت غلطت بالعنوان .. ويلا دربل من هون احسن لاخربطلك وشك ..

وهنا يلتم اهل الحاره على النزاع والصراخ فيقول عمر :

اسمع انت واياه .. اسمعوا يا رجال .. انا مو حرامي وما عمري اكلت حرام بنوب

ابو حاتم : خير يا ابضاي شو السيره

عصام : الافندي هذا بيدعي انه ابي كان مستلف منه 200 ورقه ..

عمر : انا ما بدعي ولا شي انا عم قول الصدق

معتز يصرخ : اي لااااااااااااا .. لك ابي طول عمره ما مد ايده لحد .. بدك اياه يمد ايده لواحد اندبوري مثلك ..

عمر : كرامه لابوك بس ما راح رد عليك ..

معتز : اي لاااااااااااا تعا اشوف شو بدك تعمل يعني ..

وياتي مامون بيك والشيخ عبد العليم على صوت الصراخ ..

مامون بيك : شو في يا جماعه ليش صوتكم طالع ؟ شو في يا عقيد

ابو حاتم : الرجال هذا بيدعي انه كان مسلف ابو عصام 200 ورقه وجاي بدو اياهم ..

عصام : وانا بحكي ... صرلك فتره بتيجي على الحاره وبتدعي انك بتلقط رزقك .. اتاريك راسم على بعيد يا حرامي ..

وتتكاثر الاصوات هنا ويقول ابو حاتم : خلصنا عصام شوبنا

مامون بيك : ابضاي .. بلا صغره شو الاسم الكريم

عمر : اسمي عمر الشوال ..

مامون بيك :اي شرف معنا على المضافه .. شرفوا يا رجال


مشهد اخر .. في المضافه



مامون بيك : اسمعني يا ابضاي .. الدنيا مو سايبه .. وانت عم تدعي انك مسلف رجال كان غني كثير وعمره ما مد ايده لحد .. واذا كل واحد بدو يعمل مثلك .. فعلى الدنيا السلام..

عمر : عمي .. انا ما بكذب ولا بدعي ولا عمري كنت حرامي .. ابو عصام الله يرحمه كان بسفريه لحارتنا وانزنق بشوية مصاري .. قمت سلفته اياهم على امل يردلي اياهم بعد يومين ..

وصرله سنتين ما بين ولما جيت هون عرفت انه ميت .. ومشان هيك ما حبيت اطلب المصاري من اهليته وقتها ... وبصراحه هلا مضطر على المصاري

ابو حاتم : معك شي يثبت هالحكي ؟

عمر : معلوم .. شرف يا زعيم .. ويعطيهم ورقة اعطاها اياه ابو عصام ..

فيمررها مامون بيك على جميع الحاضرين .. ويقول مزبوط . الورقه بتثبت هالشي

معتز : اي لاااااااااااااااا هو كل واحد بدو يجب ورقه بصير اله حق عنا ؟؟؟

عصام : عمي الزعيم .. الورقه هاي مزوره .. وهذا الرجال هو كتبها بايده وعم يكذب علينا

الشيخ عبد العليم : انا برايي يا جماعه نفرجي هالورقه لام عصام ونسالها يمكن يكون ابو عصام حاكيلها شي من هيك او على القليله بتعرف انه هذا خطه وهاي بصمته او لا ..



مشهد اخر .. في بيت ام عصام


عصام : اي امي شو قلتي ...

ام عصام تبرق عيناها حزنا وتتمعن في الورقه .. ومن ثم تبكي وتقول " الله يرحمك يا ابو عصام "

اي يا ابني هذا خط ابوك الله يرحمه حتى ريحته بالورقه وتجهش بالبكاء ..

عصام : وكلي الله امي ... بس شلون يعني شلوون

ام عصام : ما بعرف يا ابني .. بس هذا خط ابوك انا متاكده منه



مشهد اخر .. الجميع في المضافه ينتظرون قدوم عصام ..


عصام ياتي .. ويقول

االسلام عليكم

معتز : اي اخي شو صار معك ؟؟؟؟؟

عصام لا يعرف ما ييقول ... وبعد تردد يقول لعمر :

اخي ... بكره تعال مر خذ المصاري بتلاقيهم جاهزين

معتز : شلون ياخذ وما ياخذ ...ويبدا يصرخ فيسكته عصام قائلا :

خلصنا معتز .... امك اكدت انه ... انه ... انه هذا خط ابوك الله يرحمه.

معتز: بس ... بس ... ويمتنع عن الكلام وينسحب من المضافه

مامون بيك : عمي .. حقك علينا ومر بكره بتلاقي مصرياتك جاهزين ..

عمر : لا يا جماعه العفو .. والله لوما الحاجه كان ما طلبتهم .. يلا اودعناكم .

وبعد رحيله يقول ابو حاتم : والله هالابضاي من وقت ما شفته قلت جيته للحاره مو لـ الله



مشهد اخر ... ابو ساطور ورجل اخر ..



ابو ساطور : السلام عليكم ..

الرجل : وعليكم السلام ..

ابو ساطور : دخلك .. وين بلاقي ابو حديد ؟؟

الرجل : بتلاقيه في بوايكية الحج عبد الرازق ..

ويذهب ابو ساطور للبواكيه ...


ابو ساطور : السلام عليكم

ابو حديد : وعليكم السلام ... اهلييييييييييييييين ابو ساطور ..

ابو ساطور : شلونك يا نمر .

ابو حديد " محمد حداقي " : اي بطلها نمر هاي .. خلينا بالاسم الحركي .. ابو حديد

ابو ساطور : لك ابو حديد .. بدي اياك بشغله .. بس بدي تطول رقبتي فيها ..

ابو حديد : لعيونك ابو ساطور .. بخدمة شواربك انا .


مشهد اخر .. ابو بشير وابو حاتم



ابو بشير : بدي اسالك ابو حاتم .. ليش ما حضرت اجتماع مبارح .

ابو حاتم : ما اجى على بالي .. وكل اللي عم يصير مو مريحني بنوب

ابو بشير : بس حبيت قلك انه رجال الحراه قرروا انهم يحطوا ابو جاسم بدالك

ابو حاتم : ما فهمت بدالي بشو ؟؟

ابو بشير : وسيط بدل منك مع رجال الغوطه ... يعني اي شي بدهم اياه بيجو لابو قاسم فورا ..

ابو حاتم : اي شو عليه .. بس هذا كلامكم ولا كلام مامون بيك ..

ابو بشير يصمت ولا يقدر على الرد .. فيقول له ابو حاتم

مو مهم .. بس اي شي بيصير لرجال الغوطه راح تتحملوا المسؤليه

ابو بشير : شو بدو يصير لا سمح الله .. شو شايف انت واحنا مو شايفينه ..

ابو حاتم : انا ما شفت شي .. بس حاسس بشي ما حد فيكم حاس فيه

ابو بشير : شو هو ؟؟

ابو حاتم : شلون بدك احكيلك اياه وانت مو حاسس فيه ؟؟


مشهد اخر ... ابو عصام وعمر ..



ابو عصام : اي ابني عمر .. ان شاء الله ما تعذبت بهالمشوار ؟؟

عمر : الا ما تعذبت .. لك لولا ستر الله كنت بدي اعلق معهم كلهم وبالذات ابنك معتز ... والله لولاه ابنك كان صار حكي ثاني ..

ابو عصام : معلش ابني تحمل مشاني .. ابني معتز من عمره دايما ضايج وعصبي ..

عمر : بس بتعرف يا عمي .. والله ما حل هالقصه الا خالتي ام عصام ..

الكل كان منتظر كلمه منها لتاكد انه الخط بيخصك او لا ..

ابو عصام يتبسم ويقول :

اااااااااااااااه يا سعاد .. قربت .. عن قريب ان شاء الله بنتلاقى

المهم ابني عمر ... مع جهجهة الضو بتحمل حالك ركض على الحاره وبس تاخذ المصريات بدورلك على شي محل وبتلزق فيه ..

وبدي منك يضلوا عنيك على مامون بيك وعلى كل من بيتعاون معه .. واياك ثم اياك حد يشتلا عليك

فهمان يا ابني ؟؟

عمر : فهمان عمي .. بس شو بدي اشتغل هونيك

ابو عصام : هلا انت حكيتلي انه اشتغلت فتره اجير عند واحد حمصاني .. يعني الك خبره بهالكار .. لذلك عمي احسن شي تفتح حمصاني .. ولا تنسى انه الحاره ما فيها حمصاني بالوقت الحالي

عمر : حمصاني ؟؟؟ اي شو عليه .. توكلنا على الله


مشهد اخر .. ابو النار والنمس


ابوالنار : السلام عليكم ..

النمس : وعليم السلام . اهلييييييين عقيد .. هلا والله .. حيا الله .. لعيونك ..يا عقيد.. وهالرقبه ... سداده .. اي والله

شلونك يا عقييد .

ابو النار : شلونك انت يا نمس وشلون شغلك

النمس : ماشي الحال ..

ابو النار : اي نمس .. شو بدي قول ... سمعت انه ابو ساطور بده يبيع بيته ..

النمس : اي والله يا عقيد

ابو النار : لقيت حد يشتريه ولا بعده واقف ؟؟

النمس : والله بعده بينتظر نصيبه

ابو النار : وانا شتريته..

النمس : شلون عقيد؟؟ بدك البيت؟؟

ابو النار : اي بدي اياه شو ماني معبي عينك ؟؟

النمس : لا سمح الله عقيد على سلامتك .. بس لمين بدك اياه...؟؟

ابو النار : وانت شو بيهمك .. انت همك ينباع البيت وانا اشتريته

النمس : لعيونك عقيد . بس ايدي على راسك والنبي كباسك لمين بدك اياه

ابو النار : لابو غالب.

النمس : شلووووووون ... ابو غالب؟؟ ليش هو رجع من السفر

ابو النار : اي رجع مبارح ..

النمس : يكلم نفسه " العمى شلون رجع ... هولحق ليسافر بالاول ؟

ابو النار : يلا بخاطرك نمس

النمس : الله معك عقييد



مشهد اخر .. ابو حاتم والشيخ عبد العليم


ابو حاتم : شيخي ... اذا كان ابو شهاب بالسجن مع ابو غالب .. شلون ابو ساطور بيحكي انه ابو ذراع قتله ودفنه ببيته ..

الشيخ عبد العليم : والله ما بعرف يا ابو حاتم .. شغله بتحير

ابو حاتم : الجواب عند ابو ساطور ...


مشهد اخر ... عمر ياتي صباحا ويمر على عصام ..


عمر : السلام عليكم

عصام : اهليييين " ويقولها بصوره غير مرحبه به "

امسك عمي .. هي مصرياتك والله معك ..

عمر يحزن من كلام عصام ويقول له :

اخي عصام.. بعرف انك ماخذ على خاطرك مني خيرات الله .. بس بكره وبالوقت المناسب راح تعذرني وتغير نظرتك الي ..

عصام : لا انت اخي ولا بدي اعرفك وما بيشرفني واحد مثلك يكون اخي.... ويدير ظهره له

عمر : لا يا عصام .. انا اخوك .. وهاي رغبة عمي ابو عصام .... بخاطرك

عصام يلتفت فجاه لعمر بعد ان غادر ويقول : العمى .. شو هالديباجه هاي.. شلون رغبة ابي ..



مشهد اخر ... عمر يمر على النمس


عمر : صباح الخير لاحلا نمس بالشام .

النمس : اهليييييييييين يا صباح الخيرات .. شلونك عمر ..

عمر : والله بنحمده وبنشكره ..

النمس : بتعرف يا عمر ؟ عجبتني مبارح والله .. بس بدك الصراحه . شغلت انه ابو عصام متداين منك ما خرطت مشط راسي ..

عمر مازحا : لك يا اجدب هوانت الك شعر ليكون الك مشط ؟؟؟

النمس يضحك ويقول له .. يحرق حريشك والله ظني ما خاب فيك .. ظريف وابضاي

عمر : اي اخي نمس .. محسوبك من بعد ما اخذ مصرياته عم يفكر يفتح شي مصلحه فيهم بالحاره .. فبلاقيلي شي محل هون بالحاره؟

النمس : شلووون .. بدك تشتري محل بالحاره ؟؟

عمر : لا دخيلك .. مو حمل شرايه انا .. بدي استاجر ..

النمس يحك راسه ويقول له : وشو بدك تفتح فيه ؟؟

عمر : مفكر ابيع فيه حمص وفول .. يعني حمصاني على قد الحال

النمس : والله فكره حلوه .. خوش ما في حمصاني هون بالحاره .. يعني شغلتك حلوه كثير وراح توكل منها شهد ..

عمر: اصبح بمعيتك شفلنا محل بس ما يكون غالي .. لانه مصرياتي على قد الحال

النمس : هو في محل وبنص الحاره .. بس لبين ما اشوف صاحبه ان كان بدو ياجر او لا

عمر : دبرلنا اياها بمعيتك وراح اكرمك ان شاء الله ..

النمس : لك على راسي .. على راسي والله .. اسمعني .. بدي شفلك المحل هلا على الحارك .. تعا معي لاقلك


مشهد اخر ... النمس يتجه للقهوه ومعه عمر .. ويتجهون لابو محمود


النمس : صباح الخير ابو محمووود

ابو محمود : ومن ين بدو يجي الخير وحضرة جنابك مفرجيني وشك على بكرة الصبح

النمس : له يا ابو محمود .. للهدرجه وشي نحس ..

ويقطع عمر عليه الحديث ويقول له : صباح الخير عمي

ابو محمود : ومنو هاد ..

النمس : سيدي هذا واحد معتر على باب الله وبدو يترزق بالحاره .. وعينه على المحل تبعك اذا بتاجره اياه ..

ابو محمود : والمحل اله بلا صغره ولا لمامون بيك

النمس : لا يا ابو محمود.. هلا شو دخل الزعيم بهالقصه ..

ابو محمود : لا تقول زعيم .. لك هذا واحد كذاااااااااب ... والله قررررررررررربت

عمر: اي عمي شو قلت : انا مالي بكل هالقصص ولا بيهمني مامون بيك ولا غيره .. انا بدي المحل . فيك تاجرني اياه؟

ابو محمود : وقديش بدك تدفع فيه..

عمر : اللي بتامر فيه عمي باذن الله بكون جاهز ..

ابو محمود : ودخلك شو بدك تفتح فيه ؟

عمر : حمصاني

ابو محمود : العمى وهو ابو سمير وين راح؟ ما بيكفي عنا حمصاني وانت ليش بدك تديق عليه رزقه

النمس : شوبنا ابو محمود.. ابو سمير اعطاك عمره من زمااان .. اي شو قلت ؟؟

ابو محمود : 5 ورقات بالشهر ؟؟

عمر : اتكلنا على الله

ابو محمود : قرررررررررربت


مشهد اخر ..عمر ياخذ المحل ويبدا بتجهيزه



ابو حاتم : يصرخ ابو ديبو .. لك ابو ديبو .. تعا عالسريع ..

ابو حاتم : شو هذا . لك شايف اللي انا شايفه؟؟؟

وفي هذه اللحظه .. ياتي معتز ويخاطب عمر:

شوعمي ..شو عم تعمل بمحل ابو محمود ولا ..

عمر : وانت شو بيعنيك هالشي ..

معتز : لك انا اللي بيعنيني ولاااااا

ويجتمع عليه اهل الحاره ..

فياتي النمس مسرعا ويقول : طولوا بالكم يا جماعه .. الرجال استاجر المحل من ابو محمود ..

ابو حاتم : شي حلو والله .. ما بيكفينا اللي فينا ويجينا كمان واحد غريب وياخذ محل بالحاره ..

ياتي مامون بيك ويهديء الوضع .. ويطلب من رجال الحاره ومعهم النمس بالمجيء للمضافه



مشهد اخر ... في المضافه ..


مامون بيك : اي نمس .. احكي لشوف شو القصه ..

النمس : سيدي .. عمر اجاني الصبح وبيدور على محل ليستاجره ودليته على محل ابو محمود والله كتبله في النصيب ..

ابو حاتم : بس احنا ما تعودنا يسكن عنا او يستاجر عنا رجال غريب .. وهالغريب هذا لسه مبارح كنا معه بمشكله بخصوص مصاري بيدعي انه اعطاها لابو عصام .. ولسه هاي البدايه .. ومين عالم بكره بشو يطلعلنا

عصام : معلوم عمي ابو حاتم لسه ما لحق ياخذ المصاري قام اخذ فيهم محل ..

معتز : هذا واحد بدو تكسير راس .. ومو على كيفه يفتح محل بحارتنا .. شي حلو والله يسرقنا ويلزق عنا

الشيخ عبد العليم : يا جماعه يا جماعه طولوا بالكم .. لسه ما شفنا شي من الرجال .. والظاهر انه على باب الله .. وبدو يترزق . فمعلش لو اترزق عنا بالحاره .. ولا تنسوا انه ام عصام مبارح اكدت انه الورقه اللي كانت معه بخط ايد ابو عصام الله يرحمه

ابو بشير : وانا رايي من راي الشيخ عبد العليم .. يعني ابو غالب ترزق عنا وكمان ابو ساطور عنا وهي النمس عنا . يعني وقفت على هالمسكين

ابو قاسم : بس يا ابو بشير انت بتعرف ابو غالب شو عمل لما كان عنا .. وكمان ابو ساطور شو عمل ..

مامون بيك : يا جماعه روقوا شوي .. احنا ولاد اليوم .. واحنا راخ نخليه يترزق عنا وان بدر منه اي شي راح نطرده مباشرة ..

ابو حاتم يخرج غاضبا : هالحال ما عاد ينطاق بنوب ..ويخرج

مامون بيك يقف غاضبا : الظاهر ابو حاتم مو عاجبه شي . بكل مره بيقوم من عنا بالطريقه هاي ..



مشهد اخر .. ابو حاتم يذهب لعمر اثناء تجهيزه للمحل


ابو حاتم : شوف يا ابضاي .. لسه انت ما بتعرف حارة الضبع منيح .. والزاحله هون ما بنتهاون معها بنوب .. فهمان علي

عمر : ودخلك عمي شفت مني شي زاحله ..

ابو حاتم : انت شو اللي بدك اياه ..من وقت ما جيت للحاره وباول مره وانا حاسس انه وراك شي كبيير

شو اللي بدك اياه

عمر : عمي انا .. بدي اترزق وبس

ابو حاتم : وشو بدك تفتح بلا صغره ؟؟

عمر : حمصاني بمشيئة الله

ابو حاتم يغمض عينيه ويقول " رحمة الله عليك يا ابو سمير "

انت يمكن بدك تترزق بالحاره .. بس مو هاي نيتك .. انت براسك موال وبدك تغنيه بالحاره

عمر يقترب من ابو حاتم ويقول له : اي عمي .. في براسي موال .. وما جيت للحاره الا مشانه

ابو حاتم باستغراب شديد : وشو هو هالموال هذا ؟؟

عمر : انا جيت هون لاحمي الحاره ..

ابو حاتم : بالله شو .. ومن مين بدك تحميها يا .. يا عنتره بن شداد " ويقولها ساخرا"

عمر : من الغراب اللي عشش فيها ..

ابو حاتم : انو غراب؟؟ .. انت مين اللي بعثتك علينا وشو بدك منا؟

عمر : الغراب .. لابس ريش الحمام .. اما اللي بعثني فهو ...

ابو حاتم : مين ؟؟

عمر : عمي ابو عصام ...

ابو حاتم بدهشه : لك بدك تجدبها علي .. كيف بعتك ابو عصام وهو ميت من سنتين ؟؟؟؟؟؟؟؟؟؟؟؟؟؟؟؟؟؟

فيتبسم عمر ويقول : جاني بالمناااااااااااام


المشهد الاخير... الظلام يخيم على حارة الضبع



ابو الفوارس في محرسه كعادته .. وفجاه ياتيه ملثم ويقوم بالسيطره عليه وربطه ..

يذهب الملثم " يكون المدعو ابو حديد " الى محل ابو مرزوق ويبدا بمحاولة فتحه وسرقته ..

وفي احد جوانب الحاره يكون ابو ساطور منتظرا لقدومه فيظهر عليه فجاه

ابو ساطور : وقف عندك ولا ... مين انت وشو عم تعمل ..

يحاول ابو حديد الهرب .. فيسد عليه ابو ساطور الطريق ..

وتبدا معركه بينهما توقظ اهل حارة الضبع ويتجمع بعضهم في منطقة العراك ..

يسيطر ابو ساطور على ابو حديد ويكشف عن وجهه " وقد ظهر ابو ساطور بمظهر البطل امام اهل الحاره "


وهنا تنتهي احداث الحلقه

[عاشق أردني]

الـــحــلــقــه الــعــاشـــره


المشهد الاول \ حارة الضبع ليلا


ابو الفوارس في محرسه كعادته , وفجاه ياتيه ملثم ويقوم بالسيطره عليه وربطه !

يذهب الملثم " يكون المدعو ابو حديد " الى محل ابو مرزوق ويبدا بمحاولة فتحه وسرقته ,

وفي احد جوانب الحاره يكون ابو ساطور منتظرا لقدومه فيظهر عليه فجاه !

ابو ساطور : وقف عندك ولا ... مين انت وشو عم تعمل ؟

يحاول ابو حديد الهرب , فيسد عليه ابو ساطور الطريق ,

وتبدا معركه بينهما توقظ اهل حارة الضبع ويتجمع بعضهم في منطقة العراك ,

يسيطر ابو ساطور على ابو حديد ويكشف عن وجهه !!

وهنا ياتي مامون بيك ويقول : شو في يا جماعه شو صاير ؟

عبدو : والله يا زعيم كمشنا حرامي كان بدو يسرق محل ابو مرزوق

مؤمون الزعيـم : شووو شو عم تحكي ؟

ابو مرزوق : اي والله يا زعيم لولا ابو ساطور لـ كان راح الرزق و راح المحل !

مامون بيك يقترب من ابو ساطور ويضع يده على اكتافه ويقول له : بري عليك يا ابضاي , يسلم لي هـ البطن الي حملك

ابو ساطور وبخجل ومكر : ما عملت الى واجبي تجاه اهل حارتي !

الجميع : والله هل ابو ساطور طِلع زكرت , طلع آبضاي , والله انو معدل ,,

مامون بيك يقترب من الحرامي " ابو حديد " ويقول له : تفو عليك يا واطي , الحشوه باحدى القرن لبين ما نشوف شو بدنا نعمل فيه بكره ..

ابو قاسم : صبحي , اموور معليم , خدو الحشو انت والشباب بالجواني وحرصوا عليه منييح ..

صبحي : صار ,,

ابو ساطور في حالة من الفخر والتباهي والانتصار .. وكذلك مامون بيك



المشهد الثاني \ بيت ابو حاتم ,,



ام حاتم : خير يا ابو حاتم شو في شو صاير بالحاره !

ابو حاتم : ايييييييييييييييه يا ام حاتم والله مني عرفان شي ما عم بعرف افهم شي ,,!

ام حاتم : خير ابو حاتم ..

ابو حاتم : لئطو حرامي كان بدو يسرق محل ابو مرزوق , واللي لئطو أ , أ , ابو ساطور ..

ام حاتم : حرامي , وابو ساطور لائطو معقول ؟ ومن ايمتى ابو ساطور بيعمل شي في فايده ؟

ابو حاتم : لك شو بيعرفني , ما المشكله شو اللي جاب ابو ساطور لعند الصئاء وبنص الليل ؟ يعني معقول صادفت طلعيت ابو ساطور مع جيت الحرامي؟

ام حاتم : مو ممكن يكون الحرامي هذا نفسه ياللي سرق محل ابو خاطر ؟؟

ابو حاتم : والله ما بعرف يا ام حاتم ما بعرف , شي بيحط العقل بالكف , بس كله كوم وهالشب اللي اسمه عمر واللي اجى للحاره كوم !

ام حاتم : منو هذا الشب وشبو كمان ؟

ابو حاتم : واحد على باب الله فكرته بالاول من زلم مامون بس اليوم حكالي كلمتين قلبولي عقلي وخلوني أحكي شروي غروي

ام حاتم : شو حكالك ؟



المشهد الثالث \ عمر يكمل تجهيز المحل ويشتري لوازم المحل ..


كعادته ياتي في الصباح الباكر فتح عمر المحل وجهز كل عدته الخاصه بعمله الجديد , وما ان بدات حركة الحاره واهلها بدا يسمع الكلام الذي ينقل هنا وهناك

ابو مرزوق : صباح الخير ابو شوكت ..

عصام : الله يسعد هالصباح عمي ابو مرزوق , ايه الحمدلله الي الله ستر ومانسرق محلك مبارح

ابو مرزوق " من امام محله " : اي والله كان راح يروحلي عقلاتي هـ الحارمي بس الحمدالله الي لـئطو هـ الا أبوساطور


عصام : اي والله هـ ابو ساطور طلع قدع وابضاي

ابو حاتم يستمع لـ الحديث ويقول : شبنا ابو مرزوق ؟ الله الحامي

وكل هذا الكلام يدور على مسمع من عمر ..



المشهد الرابع \ عمر يتجه للنمس


عمر : صباح الخير نمس

النمس : لك اهليييييييييييييييييييين باحلا حمصاني والله .. كيفك عمي عمر

عمر : الحمد لله ماشي الحال

النمس : شو .. ايمتى بدنا نكسر السفره بمعيتك على صحن فول؟؟

عمر : متل عمي ابو محمود " قررربت " , يضحك النمس ويكمل عمر .. بائي بس نجيب شوية فول وحمص والزي منه ,

دخلك بتعرف شي واحد ابضاي نجيب منه هالاغراض بسعر منيح ؟

النمس : معلوم , عندك عبدو اللي كان يشتغل بالحمام عند ابو قاسم هو ياللي ماسك بوايكية العقيد ابو شهاب والزلمي مانو طماع بنوب بيغدر يخدمك ,

عمر : آيوا قلتلي عبدو ,, دخلك ام كأني سمعتلي سمعه بين ابو مرزوق وعصام كأنو صاير شي سرئا بالحارة امبارحا

ويروي النمس لعمر ما جرى بالامس ويروي له كيفية قدوم ابو ساطور للحاره وكذلك تاريخ ابو ساطور


المشهد الخامس \ اجتماع في المضافه



مامون بيك : اي ابو قاسم .. شو مع الواطي اللي حاول يسرق محل ابو مرزوق الليله ؟

ابو قاسم : بعده ملحوش بالحمام .. ووصيت صبحي يحرص عليه ..

مامون بيك : اي يا جماعه .. انا بشوف لازم نسلم هالواطي لابو جودت وهو بيتوكل بامره

ابو بشير : يا جماعه بدي احكي شي .. معقول يكون هذا ابو حديد هو نفسه ياللي سرق محل ابو خاطر ؟؟

مامون بيك : ما فينا نعرف شي هلا .. بنترك الموضوع لابو جودت وهو بيتصرف "ويتابع " عقيد بمعيتك انت والشباب اشحطوه لهالواطي لـ عند ابو جودت

معتز : امرك زعيم ..

الشيخ عبد العليم : والله يا جماعه ابو ساطور بيضها ..

ابو خاطر : اي والله .. والله ما ظنيت يطلع منه خير لهالرجال .. بس اثبتلنا العكس

الشيخ عبد العليم : دوام الحال من المحال يا جماعه وما في انسان بيضل على حاله .. وانتوا ببتتذكروا كيف كان ابو النار وكيف صار .

مامون بيك : شفتوا شلون .. قلنالكم الزلمي هاد معدنه اصيل وفيه الخير



المشهد السادس \ ابو الحكم في دكان ابو النار



كعادته ابو الحكم يقوم بتجهيز الفحم واشعال النار للبدء بالعمل قبل مجيء ابو النار , وفي اللحظه التي كان ظهره لباب المحل جاءه ابو غالب ووقف على الباب وفجأه ؟

ابو غالب : بليله بلبلووكي و بليل سلئوكي ,, ياعزيييييييييز الف ليرة انجليز

وهنا صعق ابو الحكم من الصوت الذي سمعه وادار ظهره فورا وقال : ميييييييييييين ابو غالب ؟

ابو غالب : شلونك ابو الحكم ؟

ابو الحكم : لك شو هاد ايمتى اجيت من السفر وشو الي عامل بحالك هيك ؟

ابو غالب : من شي كم يوم , بس انا ما كنت مسافر

ابو الحكم : لكان وين كنت ؟



المشهد السابع \ عمر في محل النمس


عمر : هلا شو السبب ياللي بيخلي الزعيم يشتري بيت لابو ساطور بالحاره ؟

النمس : بدك الصراحه ؟ هالشي محيرني , بس ياللي متاكد منه انه مامون بيك ما بيعمل شي لوجه الله تعالى ؟

عمر : ايواااا , لكان انت بشو خدمته ليشتريلك محل ؟

النمس يتلبك : شبنا عمر , ما قلتلك شفق على حالتي

عمر : شبنا نمس , لك على مين ؟ شو عم تجدبا علي ؟



المشهد الثامن \ ابو غالب وابو الحكم



ابو الحكم : مسكيين يا ابو غالب , هلا كل هاد صاير معك واحنا مفكرينك مسافر ؟

ابو غالب : اي والله يا ابو الحكم

ابو الحكم : المهم الحمد لله عل سلامتك , بس بدي اسالك , هلا انت بتقول انك هربت من سجن كفر سوسه !

ابو غالب : مزبوط !

ابو الحكم : ازا كان خبرية هروب المحابيس سمعانين فيها من شي شهر واكثر من شهر , كيف انت بس من كم يوم لوصلت ؟

ابو غالب : لك يا اجدب انا هربت مع واحد رفيقي لبيته , و ام كأن اجت اخباريه علينا , وقبل ما يوصل الفرنساوي انا هربت من طريق وهو من طريق , فئلت لحالي ما الي الى العقيد ابو النار

ابو الحكم : ايوا هلا فهمت

ابو غالب : بدي اسالك , شو اخبار ابو ذراع ؟ بتشوفوا شي ؟

ابو الحكم : ليش بتسال عن ابو ذراع

ابو غالب : هيك , وهنا ياتي ابو النار : صباح الخير ابو الحكم , اهليين ابو غالب

ابو غالب : يا صباح الخيرات عقيد , شو صار بالبيت عقيد

ابو النار : هلا جيتي من عند النمس وفيك تقول البيت صار الك

ابو غالب: يعني النمس رجعلي بيتي ؟

ابو النار : اي لا مو بيتك , بيتو لـ ابو ساطور !

ابو غالب : شو دخل النمس ببيت ابو ساطور ؟

ابو النار : هاي قصه طويله بحكيلك اياها بعدين

ابو غالب : بس ابو ساطور ما اله بيت بالحاره , وبعدين من مده طلع من الحاره وما عاد بين

ابو الحكم : اي لا , ابو ساطور رجع واشترى بيت ابو ذراع

ابو غالب : شوووووووووووووووووووو بيت ابو ذراع ؟

ابو النار : اي بيت ابو ذراع !

ابو غالب : يعني بدك اياني اسكون ببيت ابو ذراع ؟

ابو النار : اي , شبك اصفر وشك ؟؟

ابو غالب : ايدي بزنارك عقيد الا بيت ابو ذراع بلاه !!

ابو النار : "باستغراب شديد " العمى على هالقصه .. لك شباك شو صايرلك ؟

ابو غاللب : كلو الى بيتو لـ ابو ذراع ما بسكون فيه بنوب !

او النار : لك ابو غالب .. ابو غالب لوين رايح ؟

العمى على هي اللقصة شبو ابو غالب , ليش هيك انزعج شو صاير لو ؟



المشهد التاسع \ مامون بيك يذهب للكاركون وعمر يتبعه


مامون بيك : اسماع ابوجودت بدي ياك تخليلي سبيلو لـ ابو حديد !

ابو جودت : شلون يا بيك ؟ الزلمي هذا عليه شكوى انو سرق , ما فينا نتركه بنوب !

مامون بيك : لا سراق ولا شي انا يلي بعثتو !

ابو جودت : كيف يعني ؟ ما فهمت عليك

مامون بيك : مثل ما عم قللك ويضع مأمون مصاري على الطاولـة .. بدي شوف اهل الحاره كيف راح تكون عيونهم على الحارة بـ الليل !

ابو جودت : مامون بيك , انت ليش بتعمل كل هالشي ؟ يعني واحد مثلك وزعيم لحارته ما بيتصرف هيك بنوب !

مامون بيك : شو قصدك ابو جودت ..

ابو جودت : انت مين , وشو اللي بدك اياه من حارة الضبع ؟

مامون بيك : اللي بدي اياه انك تضب حالك وتلحش لسانك بتمك وتسكوت وما تحكي هيك ولا هيك لانك اذا حكيت هيك ولا هيك برميك برى الكروكون وحتى برى بيتك كمان وانت بتعرف شو فيني اعمل معك ابو جودت !!

ابو جودت يرتعب ويرجف . ويقول : سيدي احنا بدنا رضاكم , واللي بتامروا فيه بيصير

مامون بيك : ايوا , هيك بدي اياك , وتاكد اني راح كون منيح معك .. وكل ما مشيت معي صح .. راح اكرمك اكثر .. وهلا بدي وعلى الحارك تخلي سبيله لهذا اللي اسمه ابو حديد .. واوعك تجيبله سيره باني وراء اخلاء سبيله

ابو جودت : امرك مامون بيك امرك يا زعيييم


المشهد العاشر \ عمر يراقب الكاركون


لحظات من المراقبه واذا بعمر يرى ابو حديد يخرج من الكاركون " فيتفاجا لذلك " وبعدها بدقائق يخرج مامون بيك .. ويقول في نفسه : يا لطييييف , معناها مامون بيك وراء كل اللي صار , العمى !


المشهد الحادي عشر \ عمر مع ابو عصام ..


ابو عصام : هلا هذا هو اللي حكالك اياه النمس ؟

عمر : اي عمي متل ما عم ئلك ,

ابو عصام : العمى , يعني ابو ساطور صار من اهل الحاره , وقبل منه النمس , لا و كمان اشتراله بيت الادعشري !

عمر : وهالشي وضح اكثر بعد اللي صار بالكاركون .

ابو عصام : بس ليش مامون بيك يعمل هالشي .. شو مصلحته ؟

عمر : ما بعرف بس يمكن كان بدو الحاره تطمن لابو ساطور , يعني بالمشرمحي عمي ، ابو ساطور هلا ذراعه اليمين لمأمون !

ابو عصام : والنمس ؟

عمر : والله يا عمي النمس امره محيرني .. يعني ساعه بحسه درويش وساعات بحسه مشراني , ساعه بحسه معتر وعلى باب الله وساعه بحسه بيفهم اكثر من الف زلمه , وساعه بحسه بيحب مامون بيك وساعه بحسه مو طايقه !

ابو عصام : ابني يا عمر , النمس هذا لازم تقرب منه اكثر واكثر لانه اكييد بيعرف شي عن هذا اللي اسمه مامون !



المشهد الثاني عشر \ في المضافه ..



مامون بيك : اي عقيد .. اتاخرنا كثير على الرجال بالغوطه .. مشان هيك بتبعث احد الرجال لعند منهم وبتحكيلهم انه المصاري بيصلوكم بعد شي اسبوع .

معتز : اي والله يا زعيم , ازا بدك انا بروح

مامون بيك : لا بلاش انت , بدي اياك تروح لزعاماة الحاراه وتجيب اللي فيه الخير !

ابو بشير : يا ترى بيمشي الحال يروح معتز لحالو لعند الزعامات ؟

مامون بيك : لا هو ما راح يروح لحالو انا راح روح معه

ابو مرزوق : ومين بد يروح للشباب بالغوطه

ابو خاطر : والله يا جماعه كنت بدي قلكم خاطر بس خاطر ما بيعرف الطريق منيح لانه كان متصاوب وما بيتزكر منيح الطريق , لهيك انا بشوف رياض !

مامون بيك : وانت ائلتا



المشهد الثالث عشر \ عمر يمر على بوايكية ابو شهاب


عمر : السلام عليكم ..

عبدو : يستقبله ببروده " وعليكم السلام "

عمر : شبنا ابضاي , للهدرجه مسببلك ازعاج انا !

عبدو : اي لا ازعاج ولا شي شرف هون .. بشو بغدر اخدمك ؟

عمر : قبل هالشي بدية قلك شي .. هلا فرضا انت معك 200 ورقه واجا الزعيم ما كان معه بهالوقت مصاري كل مصرياته ببيته واضطر على هالمبلغ , بتسلفه اياه ؟

عبدو : معلوم ,,

عمر : اي حلو .. ولما تروح تطلب الدين تبعك .. بتظن انه في حد راح يصدقك ؟

عبدو : هاااااااااااااا ويحتار في امره .. والله معك حق

عمر : والله وكيلك هي اللي صار معي .. يعني لو عمي ابو عصام بعده عايش كان ما صار هالشي ولا طولت الدينه كل هالمده .. بس شو نعمل هاي حكمت ربنا

عبدو : اي والله معك حق .. بالاصل عمي ابو عصام رحمة الله عليه مستحيل ينكر مصاري على حد حتى لو ما كان ماخذ منه بالاصل ..

عمر : اي والله .. ابوعصام بعرفه منيح .. منيح كثير ..

ويبدا هنا عبدو وعمر بالتحدث عن ابو عصام والحاره وما الت اليه الامور ومواضيع كثيره , وبالنهايه يقول عمر : اي اخي عبدو , بدي منك تزبطلي شوية فول وشوية حمص , يعني لزوم الشغل خلنا نقول يا الله

عبدو : اي تكرم عينك اخي عمر هلا بخلي فتحي يجهزلك اياهم ويوصلهم للحاره كمان , لان بدي استاذن منك بدي روح لبوايكية الحج عبد الرازق موصي لـ هونيك طلبية حمل راح شق عليها

عمر : اية الرزق ان شاء الله


المشهد الرابع عشر \ عبدو يصل لبوايكية الحج عبد الرازق


عبدو : السلام عليكم

احد الشغيله : وعليكم السلام

عبدو : دخلك شو وينه الحجي ؟ كأنو مانو هون

الشغيل : راح مشوار .. هلا ما بتلاقيه الا رجع .

عبدو : اي معناها بنتظره هون لبين ما يرجع

وفي لحظات الانتظار التي قضاها عبدو شاهد رجلا يعمل هناك وكان قد راه من قبل فنهض عبدو اليه ومن ثم خاطبه !

عبدو : السلام عليكم

الرجل : وعليكم السلام

عبدو : لك , لك مو انت ابو حديد ؟

الرجل يتلبك ويقول : هااا مين ابو حديد ؟

عبدو : لك انت ياللي كنت عم تسرق محل ابو مرزوق بحارة الضبع , شلون خرجت من الكركون وايمتى ؟

ابو حديد : لا انت باين عليك بتشبه علي , انا بحياتي ما كنت حرامي ولا عمري رحت حارة الضبع , وروح عنا خلينا نشوف شغلنا , العمى

عبدو يحتار في امره ويقول في نفسه : شو مش هو , هو 100% انا متاكد من هالشي " مافي كلام " العمى شو طالعو من الحبس ؟


المشهد الخامس عشر \ ابو ساطور ومامون بيك



مامون بيك : شووووووو شو عم تقول ؟

ابو ساطور : متل ما عم قلك زعيم , ابو حديد اجا امبارح وقال انو عبدو الي ماسك بوايكية ابوشهاب شافو بـ الشغل !

مامون بيك : العمى على هالقصه ..

اسماع شو بدي قلك وبتنفذ اللي بحكيلك اياه بالحرف الواحد


المشهد السادس عشر \ ابو النار في دكانه


ابو النار : لك ابو الحكم ما بين ابو غالب اليوم ؟

ابو الحكم : والله ما شفتو , ليكو هيو شرف

ابو غالب : السلام عليكم

ابو النار : لك الله ما كان جاب الغلا شبك انت وين رحت وليش هربت

ابو غالب : ما في شي عقيد , بس مثل ما قلتلك ببيت ابو ذراع ما بسكن

ابو النار : لك العمى شو صايرلك انت ؟ ليش راسك يابس وما بدك تسكن فيه , لك ابو غالب.. لا يكون سمعان شي سمعه , احكي ؟

ابو غالب يقترب من ابو النار حتى لا يسمعهم ابو الحكم ويقول له : بيت ابو ذراع مدفونه فيه جثه

ابو النار: شوووووووووو وانت مين حكالك هالشي ؟؟

ابو غالب : انا ما حد حكالي !!! انا شفت بعني هدول اللي بدو ياكلهن الدود

ابو النار : الله اكبر على هالخبريه , وشو شفت لك ابو غالب ؟ احكي احكي ؟

ابو غالب : لا عقيد مو هلأ خليها لوقت ما بكون فيه ابو الحكم ما بدي يسمعنا !


المشهد السابع عشر \ النمس ومامون بيك ..


مامون بيك : شو فهمت مني ؟

النمس : سيدي باخذ هذا الكيس وبعطيه لاهليته لعبدو .. وبقلهم هدول بعثهم عبدو من البوايكيه ..

مامون بيك : بري عليك .. بس اسماع ... اوعك حد يشتلا عليك .. فهمت ؟

نمس : بس شو في هالكيس هاد ؟

مامون بيك : ما بيعنيك هالشي , واذا عرفت انك فتحت الكيس راح امحيك عن وش الارض فهمت ؟ واتاكد اني راح ابعث مين يراقبك !

النمس : ولو يا مامون بيك .. القصه مو مستهاله , شبنا ؟



المشهد الثامن عشر \ مامون بيك في المضافه


يدخل عليه خاطر فيقول خاطر : خير زعيم؟؟ قالولي انك بدك اياني ؟

مامون بيك : اي قعود ارتاح ..

خاطر : خير زعيم ..

مامون بيك : بدي فرجيك هالشي

" فيخرج له مامون بيك قطعه من الاغراض التي سرقت من المحل , فيعرفها خاطر فورا ويقول : العمى من وينلك اياها هاي؟؟

مامون بيك : بالاول قللي تبعك هالقطعه شي ؟

خاطر : اي , هاي قطعه من القطع اللي انسرقت من المحل .. بس شو جابها لـ عنداك ؟

مامون بيك : هذا السؤال بيجاوبنا عليه عبدو !

خاطر : شووووووووووووو عبدو ؟ ليش شو دخله عبدو بكل هالقصه ؟


مشهد التاسع عشر \ كبارية الحاره ومعهم عبدو


عبدو : اعوذ بالله يا جماعه ما بعملها .. شلون بدي اعملها ؟ ريتها ايدي تنقطع لو انمدت على محل عمي ابو خاطر او اي محل بالحاره !

مامون بيك : بس الزلمي حكى بانك انت بايعه اياها ..

عبدو : ومنو هـ الزلمي هاد بكون واحد كداب , انا بريء والله بري !

ابو حاتم : عبدو , يعني انت ما سرقت محل ابو خاطر ؟

فيبكي عبدو ويقول : له يا عمي ابو حاتم , ليش انت بتعرفني حرامي شي , عمري مديت ايدي على مال حد ؟ حد فيكم ولو مره سمع او شاف عني اني حرامي شي ؟

ابو بشير : يا جماعه يمكن الزلمي هاد بيفتري على عبدو وبدو يبليه ؟

ابو حاتم : انا برايي نجيب هـ الزلمي هون ونواجهه !

الشيخ عبد العليم : عند استعداد تواجهه يا عبدو

عبدو : معلوم شيخي مستعد واجه وقله كمان بنص عينه انه كزاب !

مامون بيك : يا جماعه , الزلمي ما بنعرف وين اراضيه هلا , وانا برايي نفتش بيت عبدو , وان لقينا شي بكون هو , وان ما لقينا شي معناها بكون بريء

عبدو " بحزن شديد " : بدكم تفتشوا البيت ؟ اي شو عليه , فتشوا البيت !


مشهد العشرون \ مامون بيك لابو ساطور


مامون بيك : اسماع ابو ساطور , هلا خلصنا من عبدو / بالكثير الليله بنلحشوا برات الحاره, ومن بعدها بس يبعد عن الحاره بدي اياك تخلص عليه ،، فهمت ؟



وتنتهي الحلقـة

[AL _ DANA]

:ff:


===========

[عاشق أردني]

الـــحــلــقــه الــحاديــة عشــر ,,

المشهد الاول \ مأمـون و آبـو ساطـور !


مامون بيك : اسماع ابو ساطور , هلا خلصنا من عبدو ، بالكثير الليله بنلحشوا برات الحاره , وبس يبعد عن الحاره بدي اياك تخلص عليه , فهمت ؟
ابو ساطور : شلووووون , اخلص عليـه ؟
مامون بيك : ايوا , شو خايف ؟
ابو ساطور : لا شو خايف ما خايف , بس يعني ليش لنخلص عليه ؟ يعني القصه كلها ناكته ومو حرزانه بنوب أني اقتلوا !
مامون بيك : لك يا اجدب / انت بتعرف لو عبدو يحكي لاهل الحاره على ابو حديد
ابو ساطور : اييه !
مامون بيك : وقتها رايحين يدادسوا لحد ما يوصلولك / ومو بعيده يوصلولي ..ووقتها راح يزتونا للحبس .. فهمت علي
ابو ساطور : هااااااااااااااااااا ، اي معلوم يا بيك .. معلوم يا زعيم بس في شي نسيانو يا زعيم ..
مامون بيك : شو هو احكي
ابو ساطور : يعني عم قول انه عبدو راح يسال اهله // من وين اجى هاد الكيس لهون ؟ فراح يحكوله انه النمس جابه . وهون بننكشف
مامون بيك : اي لا .. من هالناحي اطمن / ما راح خليه يلحق يسال اهله


المشهد الثاني \ تهمــت السرقه تثبـت على عبـدو !



معتز : زعيم , لقينا هدول الاغراض بيت عبدو !
مامون بيك : وشو هدول ؟
معتز : هدول بعض غراض كانت بمحل عمي ابو خاطر ليلة اللي انسرق فيها
مامون بيك : لا حول ولا قوة الا بالله / يعني طلع كلام الرجال صحيح وعبدو هو الحرامي
معتز بحسره وحزن : اي يا زعيم / والله ما عم صدق / لك معقول عبدو ... عبدو يعملها ؟؟
مامن بيك : وكل الله عقيد / بعرف انه هالشي شكل صدمه الك / بس ما تنسى انك عقيد وما تنسى انه الشيطان لسه ما مات / وكمان ما تنسى انه عبدو صرله مده بيطن على نغمة الجيزه وبدو يتجوز / يمكن حس حالو ما راح يتجوز الا اذا سرق شي سرقه / مشان هيك الشيطان لعب عليه ووقعه في حباله
" ويتابع " بس قللي، عبدو شو قال لما شافكم بطلعوا الاغراض من بيته
معتز : عمي / احنا ما خلينا عبدو يفوت معنا البيت مثل ما امرت ، وكان بيه هو اللي معنا
ابو خاطر : معقوول؟ عبدو يعملها .. لك مو معقوله ..
معتز : يعني شو بدي قول .. والله هي اللي صار
الشيخ عبد العليم : يا ريت تجيبو معتز لهون
معتز وخاطر ياتون بعبدو ويركض عبدو عند الشيخ عبد العليم ويقول : شيخي والله ما سرقت والله انا بري .. ما بعرف شلون اجت الاغراض هي لبيتي
الشيخ عبد العيم : لا حول ولا قوة الا بالله ليش يا ابني تعمل هيك لييش .. استغفر الله العظيم
عبدو: يا جماعه صدقوني والله ما عملت شي وما بعرف عن هالاغراض اي شي بنوب بنوب .. عمي ابو جاسم / انت بتعرفني منيح .. وبتعرف امانتي واخلاصي .. والله عمري ما مديت ايدي للحرام .. ويبكي
عمي ابو حاتم ابو بشير شبكم ساكتين .. والله ما انا اللي سرقت ليش ما بدكم تصدقوني ؟؟
مامون بيك : كيف بدنا نصدقك والتهمه ثابته عليك والمسروقت لقيناها بيتك ؟
عبدو : بس ... ويقطع عليه مامون الكلام ويقول .. خلاص ما تحكي شي ..ويصمت لوقت ومن ثم يقول
اسمع يا عبدو !! لانك ابن هالحاره ولاجل خاطر اهلك ما بدي سلمك للكاركون .. بس
عبدو : بس شو ..
مامون بيك : الحاره هاي !!!! ما لك فيها قعاد بنوب
عبدو : شلون يعني ؟؟
مامون بيك : يعني مع طلعة شمس بكره ما بدي شوفك بالحاره
عبود : وين بدي روح .. مالي اهل ولا قرايب برات الحاره .. وين بدي روح يا جماعه وين ؟؟ ويبكي
ومعظم الحاضرين لا حول ولا قوة الا بالله ...


المشهد الثــالــث \ ريـــاض يصـل لـ ابو حسـن بـ الغوطـه !


رياض : السلام عليكم
ابو حسن : اهليين ابو الروض / اشتقنالك واشتقنا لاخبار الحاره كيفكم وكيف الحاره وكيف الرجال
رياض : كل شي تمام .. عمي ابو الحسن / الزعيم بعثني عندك / وبيوصلك سلامه وبيحكيلك المصريات شي اسبوع بيكونوا بين ايديكم
ابو الحسن : انهو زعيم ؟؟
رياض : الزعيم .. مامون بيك / هو هلا صار زعيم الحاره باجماع رجال وكبارية الحاره
ابو الحسن : ويا ترى اطمنتوا لمامون بيك؟؟
رياض : ملعوم يا ابو الحسن / كل الحاره هلا بتحلف باسمه ورجال شهم واصيل / ولما عرف بامركم قرر يكفي الطريق اللي بداه الزعيم ابو صالح والعقيد ابو شهالب
ابو الحسن : ان كان هذا رايكم فالله يجيب اللي فيه الخير . وربنا يوفقنا ويوفقكم ..
رياض : وبيقلك الزعيم / اي شي بدك اياه منا بتروحوا لابو قاسم اخوه للعقيد ابو شهاب صاحب الحمام
ابو الحسن : وابو حاتم ؟ لا يكون صايرله شي ؟؟
رياض : لا ما في شي بس ابو حاتم بهالكم يوم يظهر انه انشغل / والزعيم خايف يكون في شي ضروري ومستعجل وما يقدر ابو حاتم يوصله
ابو حسن : غريبه والله . على كل اللي بتشوفوه مناسب اعملوه ويا ريت تسلملي على الزعيم وعلى ابو حاتم والشباب
رياض: الله يسلمك .. يوصل عمي .. يلا اودعناكم


المشهد الرابــــع \ عمــر و النمــس !



عمر : لك نمس , شبها الحاره قايمه قاعده لك شو صاير ؟
النمس : هاد يا سيدي كمشو الحرامي اللي سرق محل ابو خاطر !
عمر : وشبو هاد محل ابو خاطر ؟
النمس : هاد محل النحاس بالحاره , بكون ابو مرتو للعقيد معتز انسرق من شي مده واليوم كمشو الحرامي !
عمر : ودخلك مين طليع الحرامي ؟
النمس : عبدو , اجير الحمام السابق واللي ماسك بواكية ابو شهاب !
عمر : عبدو ! معقول ! الله اكبر على هالخبريه ,, ودخلك كيف كمشوه ؟
النمس : أم كأنو عبدو بايع قطعه من المسروقات لرجال برات الحاره وهالرجال حكى للزعيم ! والزعيم امر بتفتيش بيته ولقطو كثير من الاغراض بيته
عمر : يا لطيف !! وشو بدن يعملوا معو هلأ ؟
النمس : الزعيم كبير كثير وكرمال انه من اهل الحاره وكرمال اهله ما بدو يسلمه للكاركون , بس قله اطلاع من الحاره
عمر : يعني قلعو من الحاره ؟
النمس : اي . وحكالو مع طلعة شمس بكره ما بدي شوفك بالحاره
عمر " في سره " العمى , أزا مامون ورى هل القصه معناها في شي مو مزبوط , اي مو مزبوط بنوب !


المشهد الـخـــامــس \ عبدو خارج الحارة مذلـــول !




مشي عبدو بالحاره وهو حزين ومطأطيء الراس ويسمع كلمات اهل الحاره \ خرجك / الله لا يقيمك / اخص على الرجال / يا حيف على الرجال / كل هاد يطلع منك يا عبدو؟

فيقترب عبدو من ابو حاتم ويقول : عمي ابو حاتم .. والله مو انا اللي سرقت قسما بالله العظيم اني بريء
ابو حاتم يضع يده على اكتاف عبدوويقول له : يا ابني .. والله مصدقك وبعرف انك مستحيل تعملها بنوب / بس شو طالع في ايدي اعمل / التهمه ثابته عليك وما فيني اعمل شي
يمسح عبدو دموعه ويقول له / يعني مصدقني عمي ؟
ابو حاتم : معلوم بس ما فيني اعمل شي .. يعني شو بدي اعمل انا قدام كل الحاره !!!! بس الا ما يجي اليوم ويظهر كل شي
ويتابع عبدو سيره في حالة حزن شديد
وكل هذا حدث امام عمر " فيقترب عمر من عبدو ويقول له :
عبدو ، تعا معي للمحل " فينظر اليه عبدو نظرة المكسور ويمشي معه
عمر : عبدو . بتعرف؟؟ والله اني حاسس .. لا مو حاسس .. انا متاكد .. انك انه مالك بهالقصه بنوب واكيد في حدا وراه قاصد يورطك فيها لسبب ما بيعرفه الا انت .
عبدو : يعني انت مصدقني عمر ؟؟
عمر : اي معلوم مصدقك لكان ..
عبدو : روح الله يجبر بخاطرك مثل ما جبرت بخاطري
عمر : بدي اسالك .. الك شي مشاكل مع حد .. متخانق مع حدا شي؟؟
عبدو : لا والله ، انا بالاصل عمري ما زعلت حدا
عمر : بتشك في حد معين يكون ورطك هالورطه ؟؟؟
عبدو : لا ما بشك ، بس انا ياللي قاهرني ومطير عقلاتي انه مين اللي حط الاغراض هي بيت اهلي؟؟ مييين ؟؟
عمر : ليش ما تسال اهلك بهالخصوص
عبدو : الزعيم منعني اروح لبيت اهلي .. حتى منعني ودعهم .. بحجة انه في مسروقات ثانيه لسه ما ظهرت وقال بيخافوا اني هربها شي مطرح او وصيهم عليها ..
عمر : العمى حتى هاي منعوك منها .. منعوك تودع اهليتك؟؟ويقول عمر في سره " لك شو القصه؟؟ اكيد مامون بيك وراء هالشي ومنعه من شوفت اهله لانه براسه موال لا وكمان ما بده اياه يضل في الحاره .. معناها مامون بيك بيخطط لشي كبير "
عبدو : شبك سكتت اخي عمر .
عمر : لا ما في شي بس عم فكر احطلك شوية اكل وتاخذهم معك .. ما بتعرف شو بيصير معك ..
عبدو : يبكي ويقول .. والله ما بعرف شو بدي قلك / انا مزبوط الي اخوه كثار بس عنجد بحسك اخي
عمر : وكل الله عبدو .. وكل الله
وهنا يمر مامون بيك ويقول : شووووووووو شايفك بعدك هون شو بتعمل عندك , شو يا معلم عمر شو بيعمل عبدو عندك
عمر : لا ما في شي زعيم بس عبدو بدو شوية اكل لياخذهم معه بالطريق
مامون بيك : ايوااااا .. اسمع يا عبدو .. الشمس قربت لتغرب / ساعة زمن وبتحمل حالك وما بدي شوفك هون بنوب .. فهماااااان ؟؟
عبدو : بصوت منخفض .. مشي .. مشي يا زعيم
ويتابع عبدو كلامه مع عمر : طب انا بدي اخرج من الحاره بس وين بدي رووووووووح
عمر : بتدبر بتدبر اخي عبدو .. الا ما تلاقي شي دوباره .. ويقول عمر في سره " والله باينته مسكين هالعبدو هاد / اصبح لازم استنظره برات الحاره واخذه لبيتي .. خطي ما اله حدا // واكيد عمي ابو عصام ما راح يزعل من هالشي


المشهد الــسـادس\ مأمـون و آبـو ساطـور !



مامون بيك : شو يا ابو ساطور .. جهزت حالك؟؟ ترى ما عاد في وقت شوي وعبدو بيطلع برات الحاره
ابو ساطور : معلوم يا بيك .. وجبت معي اثنين ابضايات وبيعجبوك " ابو حديد ورجال ثاني مستعد يخدم "
مامون بيك : بري عليك ابو ساطور وطبعا ما جبتلهم سيرتي ما ؟؟
ابو ساطور : لكان هو انا مجنون لاحطك بالنص . انت مالك دخل " ابو حديد متحمس ليخلص على عبدو لانه كمشو والرجال الثاني بدو خدمه بس
مامون بيك : حلو كثير .. لكان هلا بتحمل درب طريقك وبتنتظروه برات الحاره ... وبس يبعد عن الحاره ويكون لوحده بتسناولوه . وحسك عينك حد يشتلا عليكم او تغلطوا شي غلطه
ابو ساطور : اطمن زعيم .. حط ايديك ورجليك بمي بارده .. وعلى بكرة الصبح بجبلك خبره


المشهد الــسـابــع \ عضــوات الحـــارة !

ابو بشير : حد كان يصدق انه عبدو يعمل هيك ؟؟
ابو قاسم : اااااااااااااااخ والله عقلاي حيطيرو مني .. ما كان هيك صرله من هو صغير عندي بالحمام ما شفت منه شي .. لك كنت مامنو على الحمام وعمره ما مد ايده على الغله ..
ابو حاتـم : ومو بس الحمام / وكمان البوايكيه ... يعني من هالشي انا مو مصدق عبدو يعملها .. يعني كل هالعمر معقول يطلع حرامي ؟؟ .. لا لا لا ما دخلت راسي هالقصه
ابو بشير : لك ابو جاسم؟؟ لا يكون عمل هالشي لانه جوازتو اتاخرت كثييير ؟
ابو قاسم : لك والله عرضت عليه اجوزه بس ما عاد يقبل .. شو اعمله/ اغصبه يعني ؟؟
ابو حاتـم : الله يجيرنا " من وقت ما مامون بيك ظهر الحاره مقلوبه فوقاني تحتاني


المشهد الثـــامــن \ عبدو خارج الحــارة !



خرج عبدو من حارة الضبع حزينا ذليلا لا يعرف اين يتجه ..وفي الطريق خرج عليه ابو ساطور وابو حديد ومعهم رجل اخر وكانوا " متلتمين"

عبدو : مين انتوا؟؟ وشو بدكم مني ؟؟
ابو ساطور : ما بدنا منك شي / بدنا روحك
ولم يكن عبدو يحمل معه اي شيء سوى الطعام الذي اعطاه اياه عمر / وكان عمر قريب منه في هذه اللحظه فغطى وجهه وخرج عليهم
وقبل ظهور عمر سحب الرجال الثلاثه سلاحهم وقبل ان يظفروا بعبدوا ظهر عمر
ابو ساطور : مين انت // ؟؟
عمر : اللي بدو يقرب ناح عبدو بدو يكون اخر ليله بحياتو
ابو حديد : ارجاع لحضن امك احسن ما تسبقه
عمر : الزلمي منكم يقرب
عبدو : حائر ولا يعرف ما يجري ولا يعرف هؤلاء الثلاثه حتى لا يعرف من يسانده , وبدا العراك ولم يكن من عبدو الا ان حمل عصى وبدا يقاتل مع عمر ...
اسفرت المناوشه عن كشف وجه ابو حديد فقال عبدو : هذا انت يا واطي ! , وكذلك جرح ابو ساطور في يده ففر ثلاثتهم هاربين
عبدو : لك يسلم البطن اللي حملك يا ابضاي / مين انت ؟
فيكشف عمر عن وجهه
عبدو : هادا انت ؟؟؟ ويحضنه ويقبله من راسه // لك لولاك كان ما بعرف شو بدو يصير فيني , بس انت شو اللي جابك لهون وكيف عرفت بالقصه
عمر : يعني فيك تقول صدفه / وقلت لحالي هالمسكين عبدو وين بدو يروح / فقلت بجي ببات عندي كم ليله لحد ما تفرج عليه وكنت عم استنظرك بالطريق / ومن محبة الله فيك اني كنت قريب منك
عبدو : لك روح الله يخليك / والله انك اصيل وشهم وابضاي " ما في كلام"
عمر : اي هلا امشي تيسر معي على بيتي لانه الجماعه ما راح يتركوك بحالك
عبدو : فوق كل هذا وبدك تضيفني عندك ؟؟ يعني والله بخاف يكون فيها ازعاج ولا شي
عمر : اي لا اطمن : اي اصلا ما في حدا بالبيت غير ابي و...
عبدو : ومين ؟؟
عمر : وانا كمان" ويضحك "


المشهد التــاســع \ ابو حاتم بـ البيـت !



ام حاتم : شبك ابو حاتم لهلا صاحي / فيك شي
ابو حاتم : ايييه يا ام حاتم / بالي مشغول على عبدو !!! المسكين وين بدو يروح بنصاص الليالي ؟؟
ام حاتم : خرجه يا ابو حاتم / لكان هاي عمله بيعملها ؟؟
ابو حاتم : لا يا ام حاتم عبدو ما بيعملها / هذا ملعوب التعب عليه / والا ما يبان الفاعل والمجرم الحقيقي
وفي هذه اللحظات يطرق الباب
ابو حاتم : مين بدو يجينا بهالوقت ؟؟ لاقوم افتح واشوف مين ويفتح ابو حاتم الباب
ابو حاتم : اهليين مين انت ؟؟ ويكشف الرجل عن راسه
ابو حاتم : معقووول // ابو النور ولا انا غلطان؟؟
ابو النور : اي ابو النور اخي ابو حاتم
ابو حاتم : تفضل تفضل حلت البركه علينا .. يا اهلا وسهلا
ابو النور : يالله يالله
ابو حاتم : شرف شرف سيدي


المشهد الــعاشــر \ ابـو عصــام !



الاب العجوز : لك شبك يا رجال / ليش عم تحوس والله وغوشتني
ابو عصام : لك يا عمي لهلأ عمر ما رجع / ماله بالعاده يتاخر
الاب العجوز : اي لا تخاف !! مو اول مره بيتاخر هلا ما بتلاقيه الا اجى
ابو عصام : شو ما اخاف / بخاف يكون صايرله شي بالطريق
الاب العجوز : لا تحاف عليه / عمر ابضاي وبيعجبك وما بينخاف عليه
ابو عصام : مهما يكن يا عمي .. الموضوع وما فيه ... وهنا يدخل عمر
ابو عصام : لك وينك يا رجال شغلتنا عليك ؟
عمر : لا ما في شي بس مشكله صغيره صادفتني بالطريق
ابو عصام : وان شاء ما صابك شي ؟؟
عمر : لا ناكته .. ابي معي ضيف بدو يبات عندي كم ليله
ابو عصام : ومنو هذا الضيف .
عمر : عبدو !!
ابو عصام : عبدو مين؟؟
عمر : اجير الحمام عند ابو جاسم
ابو عصام : عبدوووووووو ؟؟؟ معقوول؟؟؟ وشو جابه معك
عمر : هاي قصه طويله بحكيلك اياها بعدين / وهلا خليني فوت الرجال حرام صرله مده بيستنى على الباب
ابو عصام : اي فوته فوته عمي .. وانا بفوت اتخبى في الاوضه جوا


المشهد الـحادي عشــر \ ابو حاتـــم ابو النــور !
ابو حاتم : ابو شهااااااااااااااااب ؟؟
ابو النور : اي ابو شهاب
ابو حاتم : بالله بتحكي جد // الله يبشرك على هالخبريه ويفرحك مثل ما فرحتني , وكيفو هلا؟؟
ابو النور : اصابته كانت صعبه .. بس الحمد لله هلا خف كثير يعني كم اسبوع وبيعود يمشي ويتحرك مثل اول واحسن
ابو حاتم : وهلا هو عندك بحلب ؟؟
البو النور : اي هلأ بالحفظ والصون مع اخونا ابو طوني
ابو حاتم : والله احلا خبريه بسمعها من يوم ما طلع من الحاره , بس ما قلتلي / ما قلك ايمت بدو يرجع؟؟
ابو النور : والله يا خيي ابو حاتم هو هلا بعثني لاطمنك عن حاله وكمان يطمن عليكم .. لانه باله كان مشغول كثير وقت اللي ترك الحاره محاصره .
اما رجعته للحاره لسه بكير عليها شوي .. لبين ما يصح ويصير عال العال
ابو حاتم : اصبح سلملنا عليه كثير واحكيله الحاره كله مشتاقيتلك ومنتظره رجوعك على احر من الجمر .. وبخصوص الحاره احكيلوا انه خلصنا من الفرنساوي وصدر حكم بالعفو العام عن كل رجال الحاره بما فيهم هو وكمان احكيلوا في شوية مشاكل داخليه .. ما بدنا نزعجه فيها لبين ما نشوفه بالسلامه بنحكيله اياها
ابو النور : عال العال !!! صحيح قلبل ما انسى / ابو شهاب حكالي اني اسال عن واحد اسمه ابو غالب من حارة ابو النار !! وبيقول قدر يهرب من السجن ولا لا ؟؟
ابو حاتم يتبسم " : اي طمنه واحكيله انه هرب ووصل بالسلامه واجاه اعفاء كمان من الفرنساوي
ابو النور : اصبح بدي توصلوا هالرساله عل لسان ابو شهاب


المشهد الثـــانــي عشــر \ عبـدو يتعشـى بـ بيت عمـر !

عبدو : والله عم عذبكم معي / يعني ما بعرف شو بدي قلم
عمر : لا تعذب حالك ولا شي / اعتبر البيت بيتك / هلا كفي اكل ولا تعتل هم شي
عبدو : لك الله يسلمك شو انك اصيل .. بالمناسبه انا عرفت واحد من الثلاثه اللي كانوا بدهم يقتلوني
عمر : ومنو هو ؟؟
عبدو : ياللي انكشف وجهه // ابو حديد
عمر : اي اي عرفته ابو حديد اللي كان بدو يسرق محل ابو مرزوق
عبدو : اي مزبوط هو بعينه / الرجال هذا انا شفته ببوايكية الحج عبد الرازق / ولما سالته شو طالعك من الحبس انكر
عمر : هلا معقول يكون هو وراء القصه تبعت دكان ابو خاطر وكمان معه مامون بيك
عبدو : الزعيم ؟ ليش شو دخل الزعيم بهالقصه هاي ..
عمر : بعدين بعدين بحكيلك ؟؟ هلا قوم ارتاح لاسويلك كاسة شاي اكرك عجم على كيف كيفك


المشهد الــثــالــث عشــر \ مأمــون آبـو ساطــور !



يطرق باب مامون بيك فيقول
مين .. مين جاينا بهالوقت " ويفتح الباب "

مامون بيك : ابو ساطور ..! لك شو جابك بهالوقت؟ ما صار الحكي تيجيني الصبح ؟؟ وبعدين ليش منظرك هيك ؟؟ وشبها ايدك؟؟
ابو ساطور : والله ما بعرف شو بدي قلك يا زعيم ..بس
مامون بيك : بس شو ؟؟ اوعى تحكي انه هرب من بين ايديكم !!!!!!!
ابو ساطور " يتلبك ويتردد" : اي زعيم قدر يهرب
مامون بيك : لك الله لا يعطيك العافيه فوق تعبك .. كيف !! كيف قدر يهرب منكم ... ثلاث بغال ما قدرتوا عليه؟؟
ابو ساطور : سيدي ما كان لوحده .. ظهرلنا رجال مغطي وشه فجأه وقدر يهربه
مامون بيك : رجال ... ومنو هذا ؟؟ ومن وين طلعلكم
ابو ساطور : والله ما بنعرف ..
مامون بيك : هالرجال مو بس هربه .. وكمان علم عليكم , روح .. روح من وشي هلا بلاش حد يشتلأ علينا .. وبكره الصبح بتيجي وبتحكيلي كل شي
يذهب ابو ساطور ويقول مامون بيك بنفسه " العمى ! منوهذا الرجال ؟؟ ومن وين طلع ؟ مصييبه والله مصيبه


المشهد الــرابــع عشــر \ عبدو يـلتقـي آبو عصـام !

عبدو يشرب الشاي ويقول : لك يسلموا ايديك على كاسة الشاي .. ولا شايات او الفوارس " ما في كلام "
عمر : صحتين .. صحتين عبدو
وهنا وفي هذه اللحظه يخرج ابو عصام عليهم ويقف امام عبدو ينظر عبدو للرجل الواقف امامه فيذهل ويسقط كاس الشاي من يده ولا يعرف ما يقول
وفي حالة من الهلع والتردد يقول : اب اب اب ابو عصاااااااااام , لك لك لك لك ممو هذا عمي ابو عصام عمر ؟؟
سلام قول من رب رحيم ...شووووووو لك انا عم احلم شي
ابو عصام : الحمد لله على سلامتك عبدو " ويبتسم ابتسامته المعهوده "
فيرتمي عبدو باحضان ابو عصام صارخا وهو يبكي : عمي ابو عصاااااااااااااااااااااام ويبكي ويبكي ويبكي
ابو عصام : وكل الله عبدو شبك .. لك روق
فيضع عبدو يده على ابو عصام ويتحسس جسمه وراسه ويديه .. ويقول : اي والله هو عمي ابو عصام ما في كلام .. ويستمر في البكاء
عمر ينظر االيهم وتنزل الدمعة من عينه فيقترب ويقول : وكلوا الله يا جماعه .. وكل الله عبدو . خلصنا شبك
عبدو : لك لك . لك شو خلصنا .. يعني معقول شوف قدامي عمي ابو عصام بشحمه ولحمه وما في شي وبتقلي خلصنا
عبدو : والله والله والله هالليله احلا ليله بحياتي كلها بعد ما كان اليوم اصعب يوم وصار يصرخ باعلا صوته .. لك ويينكم يا حارة الضبع , وينك يا عصام , وينك يا معتز , كبييير الحاره بعده عاييش اي عايش
ابو عصام : روق روق عبدو واقعود احكيلي كل شي صار معك
عبدو : ولو قبل ما تحكيلي شو اللي صار معك انت ؟؟ وشلون انت عايش اسم الله حولك وحواليك وكل الحاره بتعرف انك ميت .. شلون يعني شلون ؟؟
ابو عصام : راح احكيلك كل شي


المشهد الـخامــس عشــر \ ابو غالـب و ابو النــار!



ابو النار : اي ابو غالب , هلا بدك تحكيلي كل شي , الجثه وشو اللي شفته وشو اللي صار ؟
ابو غالب : هاد يا عقيد لما كنت بدي سافر ولقيت الدرك معبي الطرقات والحارات رجعت وانتظرت لبين ما يروق الجو ,ولما رجعت لقيت ابو ذراع مع رجال ..كانوا عم يجادلوا , شوي والثنين راحوا لبيت ابو ذراع .. قلت لاشوف وين رايحين ,اطلعت عليهم من طرف الباب تبع بيت ابو ذراع .. لقيهم عم يحفروا ويحفروا .. بعدين صارت خناقه بينهم .. قام ابو ذراع دفش الرجال والا هو بيوقع على الفاس ياللي كان مغروس بالارض ,الرجال مات / وابو ذراع اتلبك شوي وبعدين محل ما حفر دفنه ,انا شفت هالشوفه ارتعبت وقلت بدي سافر لو كل الدنيا فيها فرنساوي , بعد اللي شفته ما عاد فيي ضل بالحاره بنوب ولا تاخر اي لحظه
ابو النار: اي .. بس ما حكيتلي مين هو الرجال اللي قتلوا ابو ذراع ..
ابو غالب : الرجال .. هو .. هو
ابو النار : لك احكي
ابو غالب : اللي قتلو ابو ذراع هو ابو الطماير !
ابو النار : شووووووووووووووو ؟ ابو الطماير ؟


وتنتهي الحلقـة

[عاشق أردني]

نذكر بعض ما جرى في الحلقه الماضيه , فقد جاء ابو النور من حلب واخبر ابو حاتم بان ابو شهاب بخير, وقد تعرض عبدو لمحاولة قتل نجا منها بفضل مساعدة عمر ومن بعدها التقى بابو عصام , وكذلك اخبر ابو غالب ابو النار عن سر الجثه التي دفنها ابو ذراع وكانت للمدعو ابو الطماير ,,

تنويــه \ اما من سال من هو ابو الطماير فاقول له انها شخصيه مرت بالجزء الثالث وكانت مع ابو غالب وذهبا لبيت ابو النار وقاما بحفره بحجة البحث عن " طميره " ذهب او مال "



الـــحــلــقــه الــثانيــة عشــره ,,


المشهد الاول \ ابو غالب مع ابو النار !


ابو النار : بس ما حكيتلي مين هو الزلمي اللي ئتلوا ابو ضراع ؟
ابو غالب : الزليمي ! هوي ! هوي ..
ابو النار : لك احكي شلشتني ؟
ابو غالب : اللي ئتلو ابو ضراع هو ابو الطماير !
ابو النار : شووووووووووووووو ؟ ابو الطماير ؟
ابو غالب : اي ابو الطماير !
ابو النار : يا لطيييف , الله واكبر على هالخبريه , وليش ئتلو ؟ لك هذا ابو الطماير معتر لا وعلى باب الله !
ابو غالب : والله ما بعرف عقيـد هالشي بدك تعرفو من ابو دراع بزاتو
ابو النار : العمى على هالقصه , بس كمـان هـ الشي ما بيئلك لا تاخد البيت !
ابو غالب : كيــف ؟ بدك ياني عيش مع جثة ملحوشه بي ارض الديار !
ابو النار : اي لا من هالناحي اطمن , الجثه صارت برات البيت
ابو غالب : كيف عقيد ؟ كيف يعني برات البيت ؟ فهمني اياها هاي
ابو النار : لك انا راح قلك ..


المشهد الثاني \ ابو عصام مع عبدو وعمر!


ابو عصام : " بحزن كبير " هلا مسلم وابراهيم استشهدوا ؟
عبدو : اي عمي ابو عصام !! وسمعت انه بنتك دلال حامل / وهنا تبرق عينا ابو عصام شوقا وفرحا /ويتابع عبدو هي كل شي صار بالحاره من وقت خروجك منها !! وهلا شو بدنا نعمل
ابو عصام : رحمة الله عليهم , رحمة الله عليك يا ابو ابراهيم وام خاطر " لا حول ولا قوة الا بالله " , اسماع عبدو " لازم تعرف انه مامون مو ابن اخو للزعيم , هذا واحد غريب والغالب انه داسوس للفرنساوي !
عبدو : شوووووو , طول بالك عمي ابو عصام قول غير هالكلام !
ابو عصام : والله يا عبدو متل ما عم ئلك مامون الحقيقي مات من هو صغير بالجدري وهـ الزلمي هذا غريب عن الحاره ومو منها بنوب !
عبدو : يا لطيييييييف , والله مصيبه ! مصيبه كبيييره هي ! لك كل الحاره مفكرينو ابن الزعيم ابو صالح وحتى انا سدئتو ! العمـى ! , ما في غير عمي ابو حاتم مو مرتاحله

عمر : " عمي , عبدو " لازم نحسب لـ كل شي هلئ
ابو حديد الو علائه بمامون , وكمان ابو جودت , شغله تانيه ابو ساطور والنمس زلمتو لمامون واكيد بيعرفوا عنه شي وكمان مامون هو ورا الشي اللي صار لعبدو شنو عبدو كشف ابو حديد !

ابو عصام : اسماع عمر ! بدي اياك تفتحلي عينك منيييح كثييير بـ هل كام يومين الجايين ! وشغله تانيه بدي اياك تجيب ابو حاتم لهون لازم شوفه ضروري , اما انت يا عبدو هلا خليك هون لنشوف شو بدو يصير


المشهد الثالث \ ابو حاتم في بيته !!


ابو حاتم : صباح الخير ام حاتم
ام حاتم : يا صباح النور !
ابو حاتم : شو وينها شريفه ؟ صحيت من النوم ؟
ام حاتم : اي ابن عمي هلا بناديها " يا شريفه ,, شريفه تعي ابوكي بدو اياكي
شريفه : صباح الخير يابي . ايدك يابي !
ابو حاتم : الله يرضى عليك يا بنتي , شريفه الك عندي اخبار كثيير حلوه عن ابن عمك ابو شهاب
شريفه لا تعرف ما تقول وتستمع !
ابو حاتم : ابو شهاب بخير ومبارح وصلني خبر انه بخير وعن ئريب بازن الله بكون بالحاره ,
تفرح شريفه كثيرا وتبكي فرحا فيقول لها ابو حاتم : بنتي الله يرض عليك ! ما بدي جنس مخلوق يعرف بهـ الشي يعني علشان سلامتو !


المشهد الرابع \ ابو ساطور يمر بحارة الضع !



ابو ساطور : صباح الخير ابو مرزوق !
ابو مرزوق : يا صباح الخيرات ابضاي , لك شبها ايدك ؟ شو صايرلك ؟
ابو ساطور : لا ما في شي , ناكته شغلتها عمي !
ابو مرزوق : لك ابو ساطور ! لا يكون واحد معلم عليك ؟
ابو ساطور : هاااااا ! ويتلبك ! لك شو معلم عليي ما عاش اللي بدو يعلم علي بس كان هونيك حبل معلئ على شئف البيت حبيت ائطعو ائمت جرحت حالي
ابو مرزوق : اي سلامتك ! يا ريان احمر يا ريااااااااان
وبالطبع عمر يرى ابو ساطور ويرى الجرح الذي بيده ..


المشهد الخامس \ ابو ساطور عند مامون بيك



مامون بيك : شو ابو ساطور ! احكيلي كل شي صار معك مبارح
ابو ساطور : والله ما بعرف شو بدي قلك !! كنا بدنا نخلص عليه لولا هالراجال اللي ظهر علينا فجاه !! وقدر هالرجال ياخذني غدر !!!
مامون بيك : غدر !!!! لك الله لا يعطيك العافيه
ابو ساطور : والله يا زعيم !!! ويقطع عليه مامون الكلام ويقول له : حاجي تلت وتعجن // ما هي باينه !! قللي شو اخبار الشباب اللي كانوا معك ؟؟
ابو ساطور : ابو حديد انكشف وشه !! بس كلهم بخير
مامون بيك : شووووووووو !! انكشف وشه ؟؟ / لك الله يخرب بيتك ! انا الحق علي اللي اركنت على واحد مثلك !! روح !! روح الله لا يوجهلك الخير
ويخرج ابو ساطور من عند مامون بيك غاضبا لما اصابه
فيقول مامون بيك بنفسه " العمى" : هيك صار الوضع خطيير كثيير !! معقول يكون الرجال اللي طلعلهم من الحاره ؟؟ مصيبه هاي والله مصيبه !!! معناها ابو ساطور حاجته !! يكفيه !! لازم اخلص منه قبل ما توقع الفاس بالراس !!


المشهد السادس \ النمس يكلم نفسه بدكانه !



" العمى !! شو اللي عم تعمله يا نمس !! بعدين ليش مامون قصد يورط عبدو ويخرجه من الحاره ؟ لا وشو دكان ابو خاطر كان وراه ابو ساطور وقبل مامون طب ليششش !! ليش مامون بيعمل هيك شو اللي بدو يوصله " والله يا نمس ان ضليت هيك راح تتورط معه اكثر واكثر ! احسن شي ابعد عنه وانا بحالي وهو بحالو " ويصطفل هو وابو ساطور في اللي بدهم يعملوه "



المشهد السابع \ ابو حاتم يتجه لحارة ابو النار !



ابو حاتم : صباح الخير اخي ابو النار!!!
ابو النار : اهلين ومرحبتين بهالعينتين !! يا صباح الخيرات اخي ابو حاتم " نورت الحاره والله "
ابو حاتم : الحاره منوره باهلها وعقيدها !!
ابو النار : لك شرفت الحاره ابو حاتم !! شرف شرف !! " ابو الحكم / كاسة شاي على كيف كيفك لعمك ابو حاتم // فيوميء ابو حاتم لابو النار لكي يصرف ابو الحكم
ابو النار : ابو الحكم !! بمعيتك تروح على البيت تشوف اذا كان بدهم شي
ابو الحكم : امرك عقيد
ابو النار : اي ابو حاتم " خير ان شاء الله "
ابو حاتم : كل خير ان شاء الله !! حبيت قلك انه العقيد ابو شهاب بخير !! مبارح اجاني مرسال من طرفه بحلب وهو هلأ بخير واسبوعين بالكثير بيكون بالحاره
ابو النار : الله اكبر الله اكبر ! والله فرحتني يا ابو حاتم " لك الله يبشرك بالخيرعلى هالخبريه "
ابو حاتم : ما بدي وصيك !! ما لازم حد يدرى بهالخبر !!
ابو النار : معلوم .. معلوم اخي ابو حاتم
ابو حاتم : شو وينه ابو غالب ؟؟ كيفو هلا؟؟
ابو النار : ابو غالب بتلاقيه هلا ببيته الجديد !! اشتريتله البيت اللي كان لابو ذراع من ابو ساطور بس ما قلتلي !! ليش بتسال عنه ؟
ابو حاتم : الو معي رساله من ابو شهاب !! وحاب وصله اياها !!


المشهد الثامن \ عضوات الحاره بالمضافه !


مامون بيك : الحمد لله على السلامه يا رياض !!
رياض : الله يسلمك زعيم !!
مامون بيك : شووو ؟؟ شو اخبار الجماعه !! ان شاء الله كل شي تمام !!
رياض : كل شي تمام يا زعيم !! وابو حسن حملني سلام مخصوص لالك !وعم يستنوا الخطوه الجايه منا !! الا اذا حصل معهم شي بيخبرونا
مامون بيك : عال العال !! لكان اسمعوا يا جماعه !! بس يجهزوا المصريات بدي روح انا والعقيد واسلمهم بايدي !! ما بدي الشي اللي صار مع ابو سمير الحمصاني يتكرر // وكمان في شوية امور بدي احكي فيها مع ابو حسن لزوم الايام الجايه
الحاضرين : اللي بتشوفه يا زعيم !! على بركة الله
مامون بيك : اي رياض ما قلتلي !!! صادفت الفنرساوي بالطريق !!اتغلبت شي برحلتك ؟؟
رياض : لا يا زعيم .. الطريق كانت امان !!
مامون بيك : عال العال معناها بس نيجي نتيسر انا والعقيد لازم شوفك علشان نمشي الطريق اللي مشيتها انت


المشهد التاسع \ ابو حاتم يذهب لابو غالب !


يطرق ابو حاتم باب ابو غالب
ابو غالب : مين ؟؟
ابو حاتم : انا ابو حاتم صاحب القهوه بحارة الضبع !!
ابو غالب في نفسه " العمى " !! ابو حاتم ؟؟ حارة الضبع ؟؟ شو جابه لهون؟ وشو بدو ؟ ويفتح الباب : اهلين ابو حاتم اهلين " شرف شرف "
ابو حاتم : الحمد لله على سلامتك ابو غالب !! ويبتسم ويقول " يا اصيل "
ابو غالب يحتار ويقول : الله يسلمك عمي ابو حاتم " لا تواخذنا البيت مكركب شوي " لسه اليوم بس سكنت فيه !!
ابو حاتم : ولا يهمك ابو غالب !! الله يعمر بيتك !!
ابو غالب : شو بتحب تشرب عمي ابو حاتم !
ابو حاتم : ما بدي غير سلامتك !! بس معي الك رساله من ابو شهاب !!
ابو غالب : ابو شهاب؟؟ العقيد ابو شهاب؟؟ وينه هلا؟؟ قدر يهرب ؟؟
ابو حاتم : العقيد ابو شهاب بخير وبامان والامان بالله !! وبيسلم عليك كثير كثيير وبيتشكرك كثير على اللي عملتو معه !!
ابو غالب : ولو يا عمي ابو حاتم هذا واجبي !! بعدين انا ما عملت شي !! ويا حسرتي ما قدرت اهربه لابو شهاب
ابو حاتم : واش كان يا ابو غالب !! بيكفي اللي عملته ونواياك الحسنه بمساعدته
وبعدين العقيد ابو شهاب بيعتذر منك كثييير على اللي صابك بسببه // وبيقلك كمان انه بس يرجع الحاره بالسلامه !!الك عنده هديه مشان اللي عملتو
ابو غالب : هديه !! بس انا ما عملت شي محرز يعني !!
ابو حاتم : شبنا ابو غالب !! انت اسماع وبس " هيك العقيد بدو !!
ابو غالب : يعني عدم المؤاخذه منك اخي ابو حاتم " ما قلك شو هي الهديه ؟"
ابو حاتم : والله ما قال !! قال بس يجي هو بيقلك عليها
ابو غالب : شو ما كانت كثر الله خيرك وخير العقيد !!
ابو حاتم : خير الله ابو غالب !! بس بدي منك شي !!
ما بدي تحكي لاي مخلوق يخلق على الحديث اللي دار بينانا " وراح احكيلك اياها " بالالم نشرح " ما بدي حد يشم اي خبر عن العقيد ومصيرو
ابو غالب : مشي عمي ابو حاتم على راسي من فوق
وينهض ابو حاتم ليغادر / وقبل خروجه من الباب يقف ويقول :
ابو غالب !! انا مبسوط منك كثير !! وتاكد انه كل حارة الضبع لما تعرف باللي عملته راح تنبسط منك / وراح يحطوك فوق راسهم كمان


المشهد العاشر \ ابو عصام وعبدو !



عبدو : بتعرف عمي والله هـ العمر هاد ابضاي بينشرب مع المي العكره والشي اللي عمله معك ومعي كبيير اي والله كبير " ما في كلام "
ابو عصام : عمر ابضاي وزكرت !! واكيد ما راح انسي هالشي اللي عمله
عبدو : بتعرف عمي , فكرك شو حيكون ردة فعل الحاره لما يشوفوك واقف قدامهم والله بطير عقلهم , شو راح يعمل معتز وعصام وخالتي ام عصام , والله ببالي يا عمي تروح اليوم قبل بكره على الحاره , ما فيك تتخيل قديش راح يفرحوا بشوفتك
ابو عصام : لسه يا عبدو , ما حان الوقت لازم بالاول نخلص من هاد اللي اسمه مامون !
عبدو : والله يا عمي هاد مامون باينته ابن حرام ومو ناوي على خير " ما في كلام "
ابو عصام : الشي اللي شاغلني هلا يا عبدو هو ابو شهاب ابو شهاب طول الغيبه وبالي مشغول عليه كثير !!
عبدو : عمي ابو عصام ! هلا فكرك لو ابو شهاب رجع للحاره راح يكشفه لمامون ؟
ابو عصام : ما بعرف ! بس يمكن يكون الزعيم ابو صالح الله يرحمه حاكيله شي عن ابن كامل " مامون " اهم شي هلا يكون بخير ..
صحيح عبدو ما قلتلي معتز تزوج مين ؟


المشهد الحادي عشر \ ابو غالب يدخل حارة الضبع !


ابو غالب : بليله بلبلوووكي , وبنص الليل سلقوكي , وعلى الصحن حطوكي , ومن مده اهل الحاره ما اكلوكي , يا عزييييييييييييييز , الف ليره انجليز , بلييله
ابو مرزوق : لك ميين ابو غالب؟؟ لك وين كانت يا منظووم // عاش من شافك
ابو غالب : اهلين ابو مرزوق / شلونك وشلون الحاره ؟؟
ابو مرزوق : الحاره بخير طالما انت بعيد عنها
ابو غالب : له يا ابو مرزوق ما حبيتها منك / هلا هيك الواحد بيستقبل الضيف؟؟
ابو مرزوق : لكان ! طالما الضيف غليظ مثل حكاياتك / ما فينا نستقبله الا هيك
ابو غالب : الله يسامحك ! بليله ,, دخلك ! منو هاد اللي فاتح حمصاني محل ابو محمود الكندرجي ؟
ابو مرزوق : هذا رجال غريب عن الحاره ! بس مو مثل حكاياتك
ابو غالب : ليش شوبها حكايتي ؟
ابو مرزوق : بس هاد الزلمي مع انه غريب بس لا بيحكي من ئفى حدا ولا بيجعز حدا ولا عمره حشر حالو بشي ما بخصه ! وهلا عرفت شوبها حكايتك ؟


المشهد الثاني عشر \ ابو غالب يمر على النمس !


ابو غالب : شو يا نمس ! صاير عندك محل ؟
النمس : اهلييييييييييييييين ابو غالب !! هلا والله !! حيا الله
ابو غالب : ومن وين اجاك هالمحل ولا !
النمس : وانت شو دخلك !!
ابو غالب : بعرفك كحيان واندبوري !!
وهنا ياتي عمر للنمس

عمر : لك نمس ! منو هاد
النمس : هاد الله لا يسيئك واحد مشكلجي وكثير غلبه وبيحشر حالو بكل شي
عمر : بس هذا اول مره بشوفه يعني ما بظن شفته قلبل هالمره
النمس : هاد اسمو ابو غالب من حارتي , حارة ابو النار ! كان مسافر ورجع من شي كم يوم
عمر : ايوا ! لك نمس كيفو الزعيم معك !!!
النمس : شلووون ,, وشو جاب سيرة الزعيم هلا !
عمر : لا ما في شي بس يعني عم قول !! خيرو كتران عليك وهالشي مثل ما قلتلك مو لـ الله
النمس : عمر !! شو اللي بدك اياه احكي وبلاها هاللفه !
عمر : بدي اياك تدير بالك على حالك !! لانه ما في شي ببلاش !!
النمس : هااااااااا شو شو بتقصد لك عمر !!
عمر : ما بقصد شي سكر هالمحل حاجي الناموس اكله اكل وتعال كول عندي صحن فول احسنلك من هالقعده واطمن على حسابي !


المشهد الثالث عشر \ ابو ذراع في بيته !


شفيقه : ابن عمي !! لايمت بدنا نضل مشحططين هيك !! حاجي شحططه !
ابو ذراع : شو بدك اياني اعمل يعني !!
شفيقه : نرجع لبيتنا !!
ابو ذراع : !! شو امرتي ؟؟ نرجع !! كيف بدك اياني ارجع !! بترضي يعني يكمشوني واقضيها بالحبوس
شفيقه : الله يسامحك بس !! يعني لو ما عملت عملتك كان هلا عايشين بحارتنا وما احلانا
ابو ذراع : قلتلك ما كان قصدي !! ما كان بدي اقتله !!
شفيقه : بس انت قتلته !! لا وكمان دفتنته بالبيت !!
ابو ذراع : !! شبنا شفيقه !! خلصنا من هالقصه
شفيقه : اشتقت لاخي صبحي وبدي شوفه !!
ابو ذراع : راح خليك تشوفيه بس خليني احسبها مزبوط


المشهد الرابع عشر \ معتز يعترض لوجود ابو غالب !


معتز: ولا ابو غالب!!! شو اللي جابك على الحاره ولا !!
ابو غالب : جاي اترزق !! شو ممنوع ولا ممنوع؟؟
معتز : اي ممنوع والحاره هاي ما الك فوته عليها بنوب
ابو غالب : ليش شو عملت انا !!
معتز : من غير ما تعمل !! بيكفي اللي عملته بالاول
ابو غالب : شبنا معتز " اللي فات مات واحنا ولاد اليوم
معتز : لا اليوم ولا بكره !! يلا دربل من هون احسن ما اعملك قتله حشك ولبك
وهنا ياتي ابو حاتم ويقول " معتز اتركوا خليه يلقط رزقوا
معتز : عمي ابو حاتم !! انت نسيان شو عمل بالحاره
ابو حاتم : اي نسيت وما عدت اتذكر شي وانت كمان لازم تنسى اللي فات !! ابو غالب تغير كثير
ابو غالب : رووح الله يخليلنا اياك عمي ابو حاتم
معتز : بس يا عمي ابو حاتم " فيقطع عليه ابو حاتم " ويقول :
ابو حاتم : كرمال الله وكرمالي اتركوا لابو غالب !! الرجال مسكين ومعثر وبكره لما تعرفوا على حقيقتو راح تحطه جوات عيونك !!
معتز : عمي ابو حاتم !! مزبوط انا مو معك بهاي !! بس تكرم عيونك !!
ويوجه الحديث لابو غالب " اسماع ابو غالب " : اذا بدر منك شي زاحله فما تلوم الا نفسك
ابو حاتم : اطمن يا ابني ابو غالب مو مثل اول !!
معتز : انت بتامر امر عمي ابو حاتم
ابو حاتم : لك روووح !! الله يرحم تراب ابوك !!!


المشهد الخامس عشر \ ابو بدر مع فوزيه !


فوزيه : لك ابو بدر !!
ابو بدر : شبك يا فوزيه ؟ ما قلتلك راح اجلي الصحون !!
فوزيه : لك تعال لهون بسرعه
ابو بدر : خير ليش عم تعيطي؟؟
فوزيه : لك هديه مدري شو صايرلها
ابو بدر : شبها هديه ؟؟ شو صايرلها .؟ ما بها شي؟
فوزيه : لك حالها مو عاجبني !! هيك حسها هاديه على غير العاده وما بتحكي !!
ابو بدر : بتكون تعبت من اللعب مع بدر
فوزيه : بس اليوم ما لعبت مع بدر !! من الصبح وهي حاطه ايدهاعلى خدها وساكته


المشهد السادس عشر \ قهوة ابو حاتم !


عمر يجلس بالقهوه شانه شان الكثير من رجال الحاره وبينما هو جالس يسمع الحديث التالي لمجموعه من الجالسين

الرجل الاول : بتعرفوا يا شباب !! انا سمعت انه عبدو مو جديد على السرقه
الرجل الثاني : اي !! كيف مو جديد
الرجل الاول : يعني اله سوابق !! بيحكوا انه كان يسرق الغله تبع الحمام لابو جاسم
الجالسين : يا لطيف !!
ويقول احدهم : لك مو بس الحمام !! البوايكيه كمان
رجل اخر : معلوم شاف الرزق كله قدامه شلون بدو يتركه
لك بقول المثل المال السايب بيعلم الحرامي على السرقه
وهنا ينهض عمر من على كرسيه غاضبا ويقول : اسماع ولا انت واياه !! اللي بدو يجيب معدل عبدو بالعاطل بدي خربطله وشه
ويرد عليه الاخرون : وانت شو دخلك خليك بحالك
فيقول احدهم : معلووم !! يمكن يكون شريكه وما عجبه ينحكى على رفيقه هيك !! وياللي بدافع عن الحرامي بيكون حرامي مثله
عمر : اخراس ولا " فيهم بان يقترب ليتعارك معهم فيتدخل الرجال الجالسين بالقهوه
فياتي ابو حاتم ويقول لعمر : شبك ابضاي؟؟ ليش صوتك طالع !! مالك بالعاده
عمر : عمي ابو حاتم الحاره هاي والقهوه وصاحبها وكل من فيها على راسي من فوق !! بس ياللي بدو يجيب معدل عبدو بالعاطل بحسب الله ما خلقو
يقترب ابو حاتم من عمر ويقول له : وانت ليش حارق دمك هالقد !! شو الك بهالسيره ؟؟
عمر : الرجال مسكين وما عمل شي !! بعدين منو هون لحتى يحكوا عليه شروي غروي !!
ابو حاتم : هالشي اللي عم تعملوا بيرفع الراس وببيض الوش !! بس لازم تعرف انك عم توقف بوش حاره بحالها !! ناهيك عن انه انت غريب عن الحاره
عمر : بس عبدو ابن هالحاره / وبتعرفوا شو بكون وبتعرفوا اصله وفصله !! مو مثل غيره !!!


المشهد السابع عشر \ ابو حاتم لوحده بالقهوه !


ابو حاتم طلب من ابو ديبو تجهيز ارغيله وطلب منه المغادره لانه يريد ان يبقى لوحده في القهوه لبعض الوقت !! وبدا ابو حاتم في حوار مع نفسه " شو اللي صابك يا حارة الضبع ؟ لك ما كنتي هيك !! من وقت ما اجى مامون بيك للحاره انقلب حال الحاره سرقة دكان ابو خاطر !! ودخلة النمس وابو ساطور للحاره !! وشرية البيوت من هون وهون !! والحرامي اللي انكمش قدام محل ابو مرزوق !! وقصة عبدو !! وعمر !! عمر !! شو قصته هالرجال ؟؟ من وقت ما اجى للحاره وهو محيرني !! كلامه عن ابو عصام !! وانه بدو يحمي الحاره من الغراب اللي فيها !! ووقفته اليوم ليدافع عن عبدو !! كل هالشي مو لـ الله بنوب !!

وفي هذه اللحظات ياتي عليه عمر
عمر : السلام عليكم
ابو حاتم : بدهشه شديده !! عمر!!!!!!! وعليكم السلام لك شو جابك هلا !! وليش متاخر بالحاره
عمر : كنت عم انتظر القهوه لتفضى !! فاتحججت بطبخة حمص بدي جهزها مشان هيك اتاخرت !!
ابو حاتم : اها !! وليش مستني القهوه لتفضى ؟؟
عمر : لانه عندي جوز كلام معك !!
ابو حاتم : اي شرف تفضل احكي
عمر : بدي اسالك !! في شي خبر عن عبدو!!
ابو حاتم : انت شو قصتك !!وليش جايلي انا بالذات لتحكي معي بخصوص عبدو؟؟
عمر : لاني بعرف انك الوحيد بالحاره مالك رضيان عن اللي بيصير فيها : وكمان بعرف انك الوحيد اللي صدق عبدو
ابو حاتم : انت من وين عرفت كل هالشي وبعدين ليش مهتم بعبدو كثير !!
عمر : لانه مظلوم !! ومو هو اللي سرق !!
ابو حاتم : وانت شو عرفك ؟؟
عمر : لاني بعرف االسارق الحقيقي !!
ابو حاتم : شلووووووووووون ؟؟؟ ومين هو ؟؟
عمر : مو مهم تعرف هلا مين !! بس المهم تعرف انه عبدو بليلة خروجه من الحاره اتعرض لمحاولة قتل
فينهض ابو حاتم من كرسيه ويقول : شووووووووووووووو , يا باطل محاولة قتل؟؟؟؟؟؟؟؟؟؟؟؟؟


وتنتهي الحلقـة

[عاشق أردني]

انتهت الحلقه السابقه حينما جلس عمر مع ابو حاتم ليخبره بما جرى لعبدو ونستكمل الاحداث


الـــحــلــقــه الــثالثــة عشــره ,,


المشهد الاول / عمر مع ابو حاتم ..!


عمر : بدي اسالك !! في شي خبر عن عبدو!!

ابو حاتم : انت شو قصتك !!وليش جايلي انا بالذات لتحكي معي بخصوص عبدو؟؟

عمر : لاني بعرف انك الوحيد بالحاره مالك رضيان عن اللي بيصير فيها : وكمان بعرف انك الوحيد اللي صدق عبدو

ابو حاتم : انت من وين عرفت كل هالشي وبعدين ليش مهتم بعبدو كثير !!

عمر : لانه مظلوم !! ومو هو اللي سرق !!

ابو حاتم : وانت شو عرفك ؟؟

عمر : لاني بعرف االسارق الحقيقي !!

ابو حاتم : شلووووووووووون ؟؟؟ ومين هو ؟؟

عمر : مو مهم تعرف هلا مين !! بس المهم تعرف انه عبدو بليلة خروجه من الحاره اتعرض لمحاولة قتل

فينهض ابو حاتم من كرسيه ويقول : شووووووووووووووو , يا باطل محاولة قتل؟؟؟؟؟؟؟؟؟؟

عمر : أي عمي !! قتل !!

ابو حاتم : العمى !!! ومين بدو يقتلو ؟؟؟ وليش؟؟ وكيفو هلا ؟؟

عمر : طول بالك عمي ابو حاتم !!

عبدو عندي بالبيت بالحفظ والصون مع رجال من حارتكم !! بتحبه كثير انت واكيد بتكون مشتاقله!!

ابو حاتم: لك عمر !! شلشتني .. هلا مين هاد الرجال ومين كان بدو يقتل عبدو ولييييش؟؟

عمر : الرجال راح تعرفه هلا بس تيجي تشرف معي لانه عبدو بدو يشوفك ضروري !!

ابو حاتم: ابو شهابّّّ!!!؟؟؟

عمر : لا مو ابو شهاب !! لكن معزتك اله مش اقل من معزتك لابو شهاب !!!

ابو حاتم : العمى !! بعدين انت شو عرفك باللي بدو يصير بعبدو ومن وين تعرفت على الرجال هذا اللي من الحاره !!

عمر : ولوووووو يا ابو حاتم !! انا صرت من هالحاره وبعرف كل صغيره وكبيره فيها !!

ابو حاتم : ما اختلفنا بس !!!

عمر : ولا بس ولا شي !! هلا ضروري وعلى الحارك تيجي معي !!

ابو حاتم : ولوين بدي روح معك ؟؟

عمر : شو !! ما بدك تشوف عبدو !!!

ابو حاتم : لكااااااان !! بس اروح اخبر العيال اني بدي اتاخر !!


المشهد الثاني / فريال خانوم بالبيت ..!


تحدث نفسها وتقول " لك شبو ابو ساطور كل يوم والثاني جاي لمامون ؟؟

شو في بيناتهم !! لا ولما يجتمعوا صوتهم ما بيعود بينسمع !!

والله هالقصه مو مريحتني بنوب !!

وياتي مامون عليها !!

ويقول : شبك يا حرمه ليش صفنانه ؟

فريال خانوم : هااااااا / لا ما في شي !! بس ابن عمي !! شو قصته ابو ساطور كل يوم والثاني جاي لعندك ؟؟

شو في بينك وبينه ؟

مامون بيك : ولييييييه !!!! شو دخلك بهالقصص هاي !! يلا امشي !! قومي اندفسي بغرفتك


المشهد الثالث : ابو حاتم وعمر امام بيت عمر ..!


عمر يطرق باب بيته!!

ابو حاتم : شبنا !! اذا كان عبدو بالبيت وانت ما عندك الا المحروس بيك لشو عم تخبط على الباب

عمر : لا عمي !! بس نسيت الصائط

ابو عصام من الداخل !! : " يوميء للرجل العجوز بان يسال من بالباب !!

الرجل العجوز : مين عم يخبط على الباب !!

عمر : هذا انا يا ابي ومعي ابو حاتم !!

فيذهب ابو عصام باتجاه الباب ويفتح الباب !!

ابو حاتم يتفاجأ ويصدم !! لم يستوعب ان ابو عصام امامه !!

ابو حاتم : انا عم ! عم !! احلم شي؟

الله اكبر !! معقووووووووووول !! ابو عصام بشحمه ولحمه

ويحضن ابو عصام بشده وتدمع عيناه وعينين ابو عصام !!


المشهد الرابع / فوزيه مع ابو بدر ..!


فوزيه : لك ابو بدر !! الحراره ما عم ترضى تخف !!

وهديه يوم عن يوم عم تتعب بزياده !! شوفلك شي حل !! الله يخليك

ابو بدر: والله ما بعرف شو بدي اعمل !! ايدي مربطين ومني عارف اعمل شي

فوزيه :لكان روح شوف الدايه ام زكي اووااام !!

ابو بدر : يدور حول نفسه ولا يعرف ماذا يفعل

فوزيه : لك يلا شو عم تستنى !1 هلا البنت بتضيع من بين ايدينا

ابو بدر : يلا يلا هيني رايح !!


المشهد الخامس : منزل عـمر ..!


ابو حاتم : لك والله فكرت حالي عم احلم !! مو معقول !! يعني هيك فرد مره ابو عصام بشحمه ولحمه

ابو عصام : لك يا اهليين بابو حاتم !! والله الك وحشه

ابو حاتم : انت وحشتنا اكثر يا ابو عصام ويتابع " شوووو كل هذا يطلع منك يا عمر !!

وعم تقلي ديون ومنام وماني عارف شو !! لك من ايمتى بتعرفوا بعض؟؟

عمر : من اول يوم ترك فيه الحاره

ابو حاتم : يا لطيف كل هالمده !! طب ليش ما رجعت للحاره يا ابو عصام !! بعدين على اساس اانا خبر انك استشهدت !!

ابو عصام : راح احكيلك كلللللللللللل شي يا ابو حاتم



المشهد السادس : ابو بدر يطرق الباب على ام زكي ..!


ابو بدر : دخيلك يا ام زكي بسرعه

ام زكي : لك ايي جايه !! مين بيخبط على الباب؟؟

ابو بدر : انا ابو بدر يا ام زكي : يستر عليك تعالي بسرعه

وتخرج ام زكي : لك شبك ؟ خير شبها فوزيه

ابو بدر : مو فوزيه يا خالتي !!! هديه

ام زكي : ليش شبها هديه ؟؟


المشهدالسابع : منزل عـمر ..!



ابو حاتم : شووووووووووو مامون بيك مو مامون !!

عبدو : لا مو هو !! بالاخص مو ابن اخو للزعيم

ابو حاتم : يا لطييف والله قلبي كان حاسسني !! بس معقول يكون داسوس للفرنساوي ؟؟

ابو عصام : هيك الظاهر !!

ابو حاتم : العمى !! وشو عم نستنى هلا !! ليش ما نكشفه على حقيقته !!

ابو عصام : اخي ابو حاتم !! الموضوع مشلبك كثير والشغله مو هينه!!

ابو حاتم : ما فهمت !!

عمر : عمي ابو حاتم !! ابو جودت في الموضوع وابو ساطور والنمس وما بنعرف مين كمان

ابو حاتم : يا لطيف !!! لا تقلي دواسيس معو !!

عمر : لا مو هيك !! بس بيعرفوا اشياء كثير عن حقيقة مامون ويمكن حد منهم يكون معه

ابو حاتم : يا لطيف !! بعدين لك عبدو !! شو قصة محاولة القتل؟؟ مين كان بدو يقتلك !!

عبدو : رجال من طرف مامون بيك

ابو حاتم : وليش بدن يقتلوك ؟؟

عمر : يا جماعه بالمناسبه الرجال الثالث اللي علمت عليه وكان بدو يقتل عبدو طلع ابو ساطور

عبدو : شووووووووو ابو ساطور

عمر : أي ابو ساطور

ابو حاتم : اخي !! لك شو في !! شو قصته ابو ساطور معك !!

احكيلي كل شي



المشهد الثامن : ام حاتم قلقه على ابو حاتم ..!


ام حاتم : شريفه ما قلك ابوك ايمت بدو يجي؟

شريفه : لا يامو !! ما حكى !! كل اللي حكاه انه يمكن يتاخر الليله

ام حاتم : الله يستر يا رب !!1 وين بدو يكون راح !!

شريفه : طولي بالك يامو

ام حاتم : لك شلون بدي طول بالي !! ما لو بالعاده يتاخر لهالوقت !!

والله خايفه يكون صايرله شي

شريفه : وكيلي الله يامو !1 الغايب حجته معه

ام حاتم :الله يجيب العواقب سليمه


المشهد التاسع : ام زكي ببيت ابو بدر ..!


ام زكي تضع كمادات على راس الطفله هديه وتقول :

الحمد لله هلا نامت ان شاء الله بكره الصبح بتصير احسن !!

فوزيه : الله يسلم ايديك يا ام زكي

ام زكي : اسمعي فوزيه !! بتضلك سهرانه معها الليله وبتغيريلها الكماده كل لحظه والثانيه

ابو بدر : وانا ام زكي ما اغير الكماده معها !!!

ام زكي : لا !! انت تعى وصلني للبيت !!

فوزيه : ام زكي !! شو صايرلها هديه ؟؟

ام زكي : كان معها حمى !! وان شاء الله بكره بتصير احسن



المشهد العاشر : منزل عـمر ..!


ابو حاتم يضع يديه لى اكتاف عمر ويقول له !! لك الله يحرسك شو انك ابضاي وزكرت !!

لك مو قلتلك؟؟ جيتك للحاره مو لـ الله !!

بس يا جماعه هلأ الحاره بخطر !! ولازم نعمل شي !!

ابو عصام : لكان اخي ابو حاتم !! هلا من كل بد بدي تعرف بالاول كيف دخلوا الاغراض اللي انسروقوا من محل ابو خاطر لبيت عبدو

ابو حاتم : هاي سهله كثير !!

ابو عصام : وكمان بدي منك تفتح عينيك منيح على مامون بيك وابو ساطور والنمس !! واي شي بيصير بتخبر عمر اذا كنت ما بتقدر تيجي

ابو حاتم : مشي اخي ابو عصام

ابو عصام : ولا تنسى : ما بدي حد يدرى اني عايش

ابو حاتم : ولو لا توصي حريص !!صحيح نسيت قلكم شي !!

عبدو : شو هو عمي ابو حاتم :؟؟

ابو حاتم : ابو شهاب !!!!! بخير


المشهد الحادي عشر / ابو حاتم يعود بساعه متاخره ..!



ابو الفوراس : ابو حاتم ؟؟؟؟

وينك لهلا يا رجال ومن ايمتى وانت برات الحاره ؟؟

ابو حاتم : كنت بمشوار صغير وتاخرت شوي

ابو الفوارس : يلا !! لكان الف الحمد لله على السلامه

ويتجه ابو حاتم لبيته !!! ويجد ام حاتم ما زالت مستيقظه وقد قلقت عليه كثيرا

ام حاتم : الحمد لله على السلامه ابن عمي !! وين كنت لهلا؟؟ انشغل بالي عليك

ابو حاتم : خير يا ام حاتم خير !!

كنت بمشوار والتقيت فيه بانسان عزيز كثييير على قلبي !! وعلى الحاره كمان !!

ام حاتم : مين هو هالرجال ! ابو شهاب ؟؟

ابو حاتم : لا مو ابو شهاب ! بعدين بحكيلك كل شي !! وهلا جيبيلي مي وملح بدي ريح رجلي !1 لانه المشوار كان بعيد شوي

ام حاتم : امرك ابن عمي



المشهد الثاني عشر :ابو حاتم في قهوته ..!



ابو حاتم : يا حدووو !! حدوو!!!

حدو : امرك عمي ابو حاتم !!

ابو حاتم : بزكاتك جبلي صحن فول مزبط على كيف كيفك من عند المعلم عمر ! وخليه يجبلي اياه بايده من بعد امرك وامره

حدو : لعيونك عمي

وياتي عمر ومعه صحن الفول

عمر : شرف عمي ابو حاتم

ابو حاتم : اسماع عمر !!! دادست وعرفت مين اللي بعث الاغراض لبيت عدو

عمر : مين ؟

ابو حاتم : اهل البيت حكولي عن رجال مواصفاته بتنطبق على النمس 100%

عمر : النمس؟؟؟ والله بيعملها !!! خوش ترى هو من زلم مامون بيك



المشهد الثالث عشر / مامون بيك ومعه معتز بالمضافه ..!


بينما هو جالس مع معتز يدخل عليه رجل ذو لباس رسمي ويبدو انه من جهات حكوميه فقال لمامون بيك

السلام عليكم

مامون بيك : وعليكم السلام

الغريب : دخلك فيي شوف زعيم الحاره !!

مامون بيك : ومين انت بلا صغره وشو بدك منه

الغريب : انا موفد من البلديه للزعيم شخصيا !

مامون بيك : اناالزعيم خير !! شو القصه

الغريب : سيدي !! البلديه بتبلغكم انه المالكانات الخاصه باهل الحاره راح يتم بيعاهبالمزاد العلني بعد اسبوع !!

مامون بيك : أي مالكانات

الغريب : المالكانت اللي تم الحجز عليها من قبل البلديه قبل ثلاث سنوات

مامون بيك :ايوا ايوا !! مشي عمي !!!

ويذهب الغريب فيسال مامون بيك عتز ويقول له !!

عقيد !!! شو قصة المالكانات هدول !!

معتز : والله ما بعرف بالضبط ! بس بتذكر من شي ثلاث سنين اجت البلديه هلهون وصاروا يقيسوا بالمازوره ببيوت الحاره وما بعرف يومها شو حكوا للزعيم !!

مامون بيك : لكان الله يرضى عليك ابعثلي ورى ابو مرزوق وانت تيسر من بعدها

معتز : امرك زعيم ..

وياتي ابو مرزوق لمامون بيك ..

ابو مرزوق : خير زعيم !! قالولي بدك اياني

مامون بيك : أي شرف ابو مرزوق !!

بدي اسالك !! من شي ثلاث سنين اجت البلديه لهون وصار في قياس لبيوت ومالكانات وما بعرف شو !! شو القصه

ابو مرزوق : مزبوط زعيم : وقتها اجا امر وبلاغ من البلديه بضرورة قياس كل بيت وكل ملك من ارض ودكان والذي منه !! واللي بيثبت انه ماخذ شي مو مكتوب بورقة الطابو او ما في كوشان يثبت احقية صاحبه فهذا بيعتبروه حق للبلديه وبيتم الحجز عليه !! وكل واحد عندو ورقة طابو او شي يثبت حقه قدمه !! واللي ما عنده راحت عليه

مامون بيك : أي !! وحجزوا على مالكانت شي !!

ابو مرزوق : أي زعيم حجزوا على مالكانات كثيره !!! ابو بكر الطنبرجي كان اله محل والادعشري حجزوا على الحوش تبعه وغيرها كثير كثير

ووقتها قالوا للزعيم ابو صالح الله يرحمه بعد ثلاث سنوات بيتم بيعها بالمزاد العلني !! واللي كانوا بالمكلك هم احق بشرايته !!

مامون بيك : ايواااا !!! ومن ثم يصمت ويفكر ويفكر !!!


المشهد الرابع عشر : ابو بشير وابو مرزوق وابو حاتم ..!


ابو بشير : هلا انت متاكد من هالكلام

ابو مرزوق : لكان !! هلا كنت عند الزعيم

ابو حاتم : دخلك .. ومن وين اهل الحاره بدهم يقدروا يشتروا مالكانتهم !!

هو الواحد يا دوب معه يوكل ..

ابو بشير : مشكله يا جماعه اذا حد من برات الحاره اشترى هالملكانات

ابو حاتم : ودخلك مين من الحاره مقتدر ومعه ليشتري ؟؟

ابو مرزوق : مامون بيك !!

ابو حاتم ينهض من مكانه وكان صاعقة اصابته : شوووووووووو شو عم تحكي !! يستر على حريماتك لا تقول هالحكي !!

ابو بشير شبنا ابو حاتم !! اخي !! ليش هيك عصبت ... والله ما حكينا شي !!

الزعيم هو الوحيد اللي معه مصاري وهو من اهل الحاره واحق انه يشتريها

ابو حاتم : لسه ما صار زعيم !! ولا راح اعترف فيه زعيم !! ولا راح خليه يحط ايده على أي ملكان !! يشتري المالكانات واحد من برات الحاره ولا يقرب صوبها مامون بيك .. ويذهب غاضبا

ابو مرزوق : العمى شو قصته ابو حاتم !!! شو صايرله

ابو بشير : والله علمي علمك : شغلته بتحير



المشهد الخامس عشر : ابو حاتم يذهب عند ابو عصام ..!



ابو عصام : أي والله متذكر هالشي !! بس يومها الزعيم الله يرحمه تكفل بشراية الملكانات وقال بدو يرجع لكل واحد حصته !! " رحمة الله عليك يا زعيم "

ابو حاتم : بس يا ابو عصام مامون بيك مو ناوي على خير !! وان اشتراها للملكانات هاي بتكون مصيبه

ابو عصام : هو قال بدو يشتريها ؟

ابو حاتم : هو ما قال بس والله قلبي ناقزني يا ابو عصام !!

ابو عصام : المشكله الملكانات مو قدرة حدا بالحاره ليشتريها

ابو حاتم : انا برايي نوزعها بيناتنا احسن ما حد غريب ياخذها او مامون بيك يحط عينه عليها

ابو عصام : أي ابو حاتم شو بدي قول !!

على حد علمك عصام ومعتز بيشقشقوا على خواتهم ؟

ابو حاتم : والله ما بعرف !!

ابو عصام : لكان بزكاتك بدي اطلب منك هالطلب

ابو عصام : اامر اخي ابو عصام !! وانا رقبتي سداده في اللي بدك اياه



المشهد السادس عشر : ابو النار وابو غالب ..!



ابو النار : لك ابو غالب !! عم قول لازم تبلغ الكاركون على اللي شفته

ابو غالب : شلون عقيد !!

ابو النار : يا ابو غالب هاي جريمة قتل !! والساكت عن الحق شيطان اخرس

فانا عم قول لازم تحمل حالك لعند ابو جودت وتحكيله كل شي شفته

ابو غالب : عقيد بخاف ابو جودت يرميني بالنظاره

ابو النار : أي لا تخاف !!ّ انت بس شاهد !!

ابو غالب : وابو ذراع !!! بخاف يعرف اني بلغت عنه ويقوم يعملي شي كاينه

ابو النار : لا تخاف !! ما بيسترجي يعمل شي !! اصلا هو هربان من مده وما في حد بيعرف وينه

ابو غالب : هيك قولك عقيد !!

ابو النار : لكان ابو غالب !! بكره لو يدرى ابو جودت انك مخبي شي بيتهمك انك شريكه

ابو غالب : لا شو شريكه !! هلا بحمل حالي وبروح لابو جودت !!



المشهد السابع عشر : مامون بيك يتلكم بالهاتف مع المندوب السامي ..!


مامون بيك : الو

مامون بيك : دو**** أي .. دو**** !!

شو بدي قول يا سيدي !! بالنسبه لرجال الغوطه قربنا نحط ايدنا عليهم !!

أي سيدي !! يومين ثلاث بالكثير وبدي روح بذات نفسي لعندهم !! ووقتها بخبركم مكانهم بالتحديد !!

وفي شي ثاني !!

في ملكانات بالحاره معروضه بالمزاد !! عم فكر نحط ايدنا عليها !!!

شو قلتو سيدي ؟؟

وهو كذلك !!

فريال خانوم تسمع مامون بيك يتكلم بالهاتف !!! وسمعت ما قاله !!

فتشعر بخوف رهيب !! وتصعق لما سمعته !!

فتاتي لمامون بيك وتقول له : انت مين ؟؟ ومين اللي كنت تحكي معه ؟؟

مامون بيك يرتبك ويقول لها : شبك فريال شو انا مين !! انا مامون ابن عمك !!وكنت عم احكي مع رفيقي

فريال : ومين دو**** ؟ وبعدين سمعتك بتحكي عن رجال الغوطه !! لا يكون انت !!!

مامون بيك ينهض من مكانه : انا شو ؟؟

فتصمت فريال وتهم بالصراخ فيهجم عليها مامون ويغلق فمها !! وتحاول جاهده للتخلص منه !! فيدفعها وتسقط على الارض وتموت !!!!

مامون بيك قتل فريال خانوم !!

يرتبك مامون ولا يعرف ما الذي سيفعله !!



المشهد الثامن عشر : ابو بدر وفوزيه ..!



فوزيه : ابو بدر !! لك البنت راح تروح من بين ايدينا !!

ابو بدر : لك الصبح كانت منيحه شو اللي صايرلها ؟

فوزيه : ما بعرف : رجعت تعبت والحمى ما بتفارقها !!

ابو بدر : يا الله !! شو بدي اعمل !!

فوزيه : روح شوف حكيم اوااام !!

ابو بدر : هو في حكيم في الحاره !!! الله يرحمك يا حمزه !!

خلاص هلا بروح بشوف معتز بلكي طلع بايده شي


المشهد التاسع عشر : ابو بدر يذهب لمعتز في الدكان ..!


ابو بدر : دخيلك يا سيد معتز!!هديه تعبانه كثير وصرلها كم يوم الحمى ملازمتها

معتز: يا لطيف !!

ابو بدر : بسرعه الله يخليك : بخاف يصرلها شي

معتز : يلا تكه وجاي معك !!



المشهد العشرون / مامون بيك ياي للنمس ..!


مامون بيك : لك نمس !!

النمس : اهلييييييين مامون بيك .. هلا والله ..

مامون بيك / سمعنا هلا !! بتروح على الحارك بتطلعلي ابو ساطور من تحت الارض وبتخليه يجي على البيت بسرررعه !!

فهمان علي

النمس : يا لطيف خير شو في

مامون : ما في شي وخليك بشغلك !! بتروح وعلى الحارك بطلعه من تحت الارض !!

النمس : ماشي يا زعيم ! هلا بدور عليه

يذهب النمس في حيرة من امره لالحاح مامون بطلب ابو ساطور


المشهد الواحد والعشرون / معتز ببيت ابو بدر ..!


معتز : لك ابو بدر !! البنت هاي تعبانه كثير !! وما فيني اعملها شي
ابو بدر : شو قصدك سيد معتز !!
معتز : يعني ما بعرف شو بدي قلك !! بس لازم تروح تاخذها للاستخانه بسرعه !!
فوزيه : ابو بدر !!! بدي روح معك
معتز :ابو بدر !! الاحسن تروح لحالك !! اسرع وبعدين !! الطريق بعيده ويمكن يطب المساء عليك وبعدك برات الحاره !! لذلك روح لوحدك بكون احسن
ابو بدر : ماشي ماشي : هلا باخذها !!
ويبدا ابو بدر بالدوران حول نفسه ولا يعرف ماذا يفعل من حيرته وخوفه !!


المشهد الثاني والعشرون / ابو ساطور ياتي لمامون بيك ..!


ابو ساطور : خير زعيم !!! حكالي النمس انك بدك اياني
مامون بيك : اسماع ابو ساطور !! انا وقعت بمصيبه وبدي اياك تخلصني منها !!
ابو ساطور : لعيونك زعيم !!! انت بس امر
مامون بيك : انا !! انا !
ابو ساطور : انت شو يا زعيم !
مامون بيك : انا قتلت حرمتي !!
ابو ساطور : شووووووووووووو !!!


وتنتهي الحلقـة

[طير شلوى]

المهم شميله شو بيصير معها cry

:mal5oom:

[عاشق أردني]

المهم شميله شو بيصير معها cry

:mal5oom:

عقبال عندك بتجيب صبي بجنن بشبه المحروس اللي بصورتك الرمزية :bg:

[غدرني الزمان]

القصة حلوة كتير بس ياريت يكون في اكتر من حلقة باليوم

[عاشق أردني]

حملت الحلقه الماضيه حدثا خطيرا تمثل بقيام مامون بيك بقتل فريال خانوم زوجته بعدما كشفته على حقيقته !! وانتهت الحلقه عند لجوء مامون بيك لابو ساطور لكي يخلصه من الورطه التي وقع فيها " وهي قتل زوجته ام الوفيق " فهل سينجح ابو ساطور بذلك؟؟ لنتابع معا !!


الـحـلـقـه الـرابـعـه عــشــره

المشهد الاول / مامون بيك يستنجد بابو ساطور

ابو ساطور : خير زعيم !!! قلي النمس انك بدك ياني
مامون بيك : اسمعني ابو ساطور !! انا وقعت بمصيبه وبدي ياك تخلصني منها !!
ابو ساطور : لعيونك زعيم !!! انت بس اامور
مامون بيك : انا !! انا !
ابو ساطور : انت شو يا زعيم !
مامون بيك : انا قتلت حرمتي !!
ابو ساطور : شووووووووووووو !!!
قتلت حرمتك ؟؟ يا لطيف
مامون بيك : اسماع وبلا كثرة حكي !! انا ما كنت قاصد اقتلها !! صار مدافشة بيني وبينها فوقعت على الارض وماتت !! وهادا ياللي صار صار !! وبدي تخلصني من هالورطه !!
ابو ساطور : شلون بدي خلصك منها !!! يعني اذا قلنا نخفي الجثه سهله هاي بس اهلها راح يسألوا عنها !! واذا قلت وقعت وماتت لوحدها يمكن ما يصدقوا !!
مامون بيك : اسماع لقلك !!
بدي تدبرلي شي طنبر ويكون صاحبه من طرفك وبتوثق فيه كثير !! فهمان علي؟؟
ابو ساطور : وشو بدك في الطنبر؟؟
مامون بيك : انت قللي بالاول فيك تدبرلي حدى بتعرفو بيشتغل بالطنبر ؟؟
ابو ساطور : معلوم فيي !! ايمت بتحب اجيبه؟؟
مامون بيك :باسرع وقت وبوضح النهار !!
ابو ساطور : مشي يا زعيم !!
مامون بيك : حلو كثير !! وبدي اياك تفهم الرجال تبعك الحكي اللي بدي احكيه وينفذه بالحرف الواحد !!!



المشهد الثاني /ابو حاتم في دكان ابو عصام

جلس ابو حاتم على كرسي الحلاقه وبدا عصام بعمله / وكان معتز في المحل ايضا !!
ابو حاتم : عصام !! بلا صغره بدي اسالك !! شلون خواتك وكيفهم ببيت زواجهم
معتز : عفوا عمي ابو حاتم ليش بتسال
ابو حاتم : لا تفهموني غلط !! بس مبارح شفت ابوكم في المنام الله يرحمه
عصام يتوقف عن الحلاقه ويقول : اي عمي !!!
وياتي معتز بجانبه !! ويقول : شلون شفته شو حكالك كيف كانت هيئته !!
ابو حاتم : كان مبسوط كثير وحكالي كلمه وحده !!
معتز : اي شو حكالك؟؟
ابو حاتم : حكالي يا ابو حاتم خلي معتز وعصام ياخذوا بالهم من اخواتهم !! ولا يقطعوهم بنوب
والله وكيلكم ضل يلح علي يلح علي لحد ما صحيت من النوم !!
فيصمت عصام ومعتز وينظرون لبعض نظرة ملامه !!!


المشهد الثالث / ابو غالب عند ابو جودت

نوري يطرق الباب على ابو جودت
ابو جودت : فوت يا ابني !!
نوري : احترامي سيدي
ابو جودت : خير شو في ؟؟
نوري : سيدي هذا ابو غالب من حارة ابو النار !! قال طالب يشوفكم
ابو جودت : شو بده هاد الثاني !!! خليه يفوت
ابو غالب : السلام عليكم !
ابو جودت : اهلين ابو غالب " وعليكم " خير !!
ابو غالب : سيدي بدي خبركم هالشي
ابو جودت : وشو هو ؟؟
ابو غالب : سيدي مكن اقعد بالاول؟؟
ابو جودت : ولووووووو !! شو تقعد وما تقعد !! نوري هاتله كاسة شاي لعمك ابو غالب " ويقولها باستهزاء "
يهم ابو غالب بالجلوس فيصرخ عليه ابو جودت !! ولا حيواااااااان !! لا يكون مفكر حالك جاي على قهوه " ويخاطب نوري غاضبا : وانت الثاني ما صدقت ولا بغل !!
روح اتحرك لبره وما تيجي الا لما ناديك
ويكمل كلامه مع ابو غالب !! شوف ولا ابو غالب !! كاسة الشاي هاي بتشربها عند ابو النار او في قهوة ابو حاتم فاهم ولا !!
ويضرب بيده على الطاوله ومو هون!! وبعدين نحنا مو فاتحينها قهوه هون !! هذا كاركون !! في علينا شغل كثير !1 احنا ما بنلعب !! في شكاوي لناس في تحقيق في نظاره !! ولا بتحب فرجيك شو هي النظاره لتتاكد انها مو قهوه
ابو غالب يرتبك ويرتعب ويقول : لا دخيلك سيدي ما بدي شوفا يلا سلام عليكم بخاطرك !!
ابو جودت : ولااااااااك !! تعى هون !!
احكي لشو بدك اياني ؟؟
ابو غالب : لا سيدي ما في شي خلاص ما في شي
ابو جودت : احكي ولاااا احسن ما زتك بالنظاره وما بتعود تخرج منها الا على القبر
ابو غالب : لا بحكي بحكي سيدي

المشهد الرابع /ابو بدر في الاستخانه


ابو بدر : طمنا حكيم شلونها ورده
الحكيم : لااااااا عال العال !! الحمى زالت عنها وبكره الصبح بالكثير بتقدر تاخذها معك
ابو بدر : الله يخليك يا حكيم !! يسلموا دياتك !!! يعني هلأا ما عاد ترجعلها الحمى !!
الحكيم : باذن الله مال بترجعلها !! بس راح اكتبلك على دواء بتشتريلها اياه وبتعطيها اياه صبحيه وعشيه لمدة ثلاث ايام !!
ابو بدر : كثر خيرك يا حكيم

المشهد الخامس / ابو غالب وابو جدت


ابو جودت : شو عم تقول ولا ؟؟ انت متاكد من اللي شفته
ابو غالب : والله العظيم ما بحكي الا الصدق ، انا شف ابو ذراع بعني هدول اللي بدو ياكلهم الدود عم يقتل ابو الطماير !! ودفنه ببيته
ابو جودت : ولا ابو غالب !! يا ويلك اذا كنت عم تكذب شي
ابو غالب : لشو بدي كذب ما الي مصلحه ،، واذا فيك دور على ابو الطماير ان لقيته عايش بكون كذاب
ابو جودت : بس احنا نبشنا بيت ابو ذراع ما لقينا شي
ابو غالب : بعرف سيدي !! العقيد ابو النار حكالي !! بس يمكن يكون ابو ذراع نقل الجثه
ابو جودت : وانت شو مصلحتك لتحكي هالحكي !! ليش جيت لتخبر
ابو غالب : انا خبرت يا سيدي لابري ذمتي
ابو جودت : مممممممم ماشي !! وهلا وينه ابو ذراع ؟؟
ابو غالب : والله ما بعرف يا سيدي !! من وقت الحادثه ما عدت شفته بنوب


المشهد السادس / ابو ساطور ومامون بيك

مامون بيك : شو ابو ساطور !! وين الرجال والطنبر
ابو ساطور : سيدي انا لقيته بس ما فيه يجي اليوم / اتفقت معه على بكرة الصبح يكون عند منك !!
مامون بيك : العمى !! ماشي ماشي !! بس اوعك ما يجي
ابو ساطور : لا ولو !! رح يجي لاني وعدته بقرشين بعد ما ينفذ المهمه !!
مامون بيك : حلو كثير !! لا تنسى تيجي معه !! ضروري تكون معه واذا حد سالك شي ! وين رايح ولمين الطنبر !! احكيله الزعيم طلبه يظهر بدو يطلع وهو وحرمته مشوار !! وانت جيت مع الطنبر لتدله على مطرح البيت
ابو ساطور : زعيم !! شلون احكي انك طالع انت وحرمتك !! وحرمتك هلا لا من ثمها ولا من كمها !!
مامون بيك : انت ما عليك !! بكره بتعرف كل شي


المشهد السابع / عصام ومعتز في بيت دلال

دلال : لشو معذبين حالكم !! والله ما كان في داعي
معتز : ولو يا اختي هذا واجبنا واحنا مقصرين بحقك !! اي والله
دلال : الله يخليلي اياكم ويديمكم فوق راسي يا حق
عصام : اي اختي !! شو عامله وشلون حبلك ؟؟
دلال : الحمد لله يا اخي !! شهرين ثلاث وبيجي ابراهيم الصغير !!
معتز : الله يتمملك عل خير اختي !! وان شاء الله بتقومي بالسلامه !!
دلال : الله يسلمك اخي !!
شلونها امي !! وبوران وجميله !!
عصام : امك بخير وبتسلم عليك كثير !! اما بوران وجميله هلا بس نطلع من عندك بدنا نروح نشق عليهم !
دلال : الله يحفظكم يا ب !! لا تنسوا تسلمولي عليهم وعلى امي كثيير
معتز : اختي !! كيف عم تدبري امورك !! يعني بنعرف انه ما في رجال بالبيت !! واكيد الحال مو هين
دلال : الحمد لله اخي !! مستوره !! عم نمشي حالنا بالقرشين اللي خلاهم ابراهيم الله يرحمه !! وكمان اجرة محل القماش بتساعد
ويخرج عصام بعض النقود من جيبه ويقدمها لاخته ويقول لها : امسكي اختي امسكي !!
دلال : اعوذ بالله اخي !! والله ماني محتاجه شي !!
معتز : دلال !! خذي من ايد اخوك !! حاجي تتمنعي !! وبعدين هذا حقك علينا
دلال : الله يديمكم فوق راسي وما يحرمني منكم
معتز : اي اختي !!! احنا بدنا نتيسر !! واي شي !! اي شي بتحتاجيه لا تستحي !!بعون الله احنا جاهزين لكل اللي بتطلبيه
عصام : طول ما احنا عايشين راح تضلي مسؤوله منا !! واوعك اسمع شي يوم انك بحاجه لشي وما تحكي
دلال : ان شاء الله بتضلوا فوق راسي وما بدي شي من بعدها !!

المشهد الثامن / معتز يمر ليلا على الحارس

معتز :مساء الخير عمي ابو الفوارس
ابو الفوارس : اهلين عقيد !! مساء النور
معتز : شلون الحاره ابو الفوارس؟؟
ابو الفوارس : كل شي تمام التمام يا عقيد !1
معتز : اي الله يخليك : دير بالك منيح !!
ابو الفوارس : امرك عقيد !! هذا واجبي !!
عقيد !! بدي اسالك !!
معتز : تفضل ابو الفوارس !!
ابو الفوارس : ما في اخبار عن عبدو ؟؟ وين اراضيه وشو عامل !!
معتز : وشو ذكرك بعبدو هلا ؟؟
ابو الفوارس : بدك الصراحه يا عقيد اشتقتله واشتقت لسهراته !! بعدين والله بحس انه عبدو انظلم بكل هالقصه
معتز : ااااااااخ يا ابو الفوارس اااااخ !! والله انا مثلك عندي نفس الاحساس !!! ببس شو نعمل اذا كان كل الادله ضده ؟؟
لك ايمتى بدو يرجع خالي ابو شهاب ؟؟ بركدا ريحني من هالحمل وهالهم !!
ابو الفوارس : عن شو بتحكي عقيد ؟؟
معتز : لا ما في شي !! دير بالك منيح !!! يلا تصبح على خير
ابو الفوارس : وانت من اهله !!


المشهد التاسع / رجل غريب يتسلل للحاره

دخل رجل غريب ملثم حارة الضبع ليلا مستغلا الجوله التي يقوم بها ابو الفوارس في ازقة الحاره !! وذهب متجها لحمام ابو قاسم حيث ينام هناك صبحي لوحده !! وبدا بطرق الباب بحذر
صبحي : ميين !! مين جاينا بهالوقت ؟؟
الطارق : انا!! افتاح صبحي !!
صبحي : مين انت؟؟
الطارق : انا ابو ذراع !! جوز شفيقه اختك
صبحي : ابو ذراع!!!! ويفتح الباب بسعرعه
اهلين ابو ذراع !! شو جابك بهالوقت !! بعدين ليش جاي بنصاص الليالي مثل اللي عامل عمله !!
ابو ذراع : شو بدي اعمل 11 ا با بدي حد يشوفني !!
صبحي : مشان جريمة القتل؟؟
ابو ذراع : وانت شو عرفك ؟؟
صبحي : كل الحاره بتعرف مو بس انا !!
هلا فوت ارتاح لاعملك كاسة شاي !!
ابو ذراع : لا صبحي ما تعمل شي !! مابدي اتاخر !!
انا جيت هون لانه اختك ضلت تنق علي !!بدها تشوفك !!
صبحي : اختي؟؟ ليش بها شي؟؟
ابو ذراع : لا ما بها شي !! بس هي مشتاقتلك وحابه تشوفك !!
صبحي : ليش يعني انا مو مشتاقلها ؟؟ والله اشتقتلها واشتقت للاولاد !! بس شو فيني اعمل اذا كنتوا تركتوا البيت وما حطيتوا عنوانكم الجديد ولا خبرتوا حدا عنو !!
ابو ذراع : هي اللي صار اخي صبحي !! كل شي صار على الحارك !!
صبحي : ابو ذراع !! شو قصة الجثه اللي قتلتها ودفنتها ببيتك ؟؟
ابو ذراع : وانت شو بتعرف عن هالموضوع ؟؟
صبحي : انا ما بعرف شي !! بس في حكي كثير بالحاره انه الجثه بتخص ابو شهاب
ابو ذراع : شووووووو ابو شهاب !! اعوذ بالله !! اي اصلا لا شفت ابو شهاب ولا بيني وبينه شي !!
صبحي : لكان مين اللي قتلتوا وليش؟؟
ابو ذراع يتردد وومن ثم يقول : واحد من حارة ابو النار !! اسمه ابو الطماير !!
صبحي : وشو قصته هاد ابو الطماير !!
ابو ذراع : بيطلع الطميره حتى لو كانت بسابع ارض !! هيك بيحكوا عنو
صبحي : اي !!
ابو ذراع : جبته ليدورلي على طميره في البيت بعد ما اكدلي انه البيت فيه طميره !! وبعد ما نكت البيت وقلب ارض الديار !! قلي ما لقيت شي !! يظهر ما في !!
صبحي : قمت انت قتلته !!
ابو ذراع : والله ما قصدت اقتله واللللللله !!
اتخانقت انا وهو قمت دفشته وقع على الفاس المغروس بالارض !!
صبحي : وليش دفنته ببيتك !!
ابو ذراع : يعني وين بدك اياني روح فيه !! هي اللي صار !!
صبحي : وهلا شو ناوي تعمل؟؟ راح تضل مشحطط عيالك معك وين ما بتهرب؟؟
ابو ذراع : عم فكر اطلع من كل هالبلد !! مشان هيك جيت اشوفك وابلغك انه اختك شفيقه بدها اياك !!
صبحي : طب مو الاول لتعطيني عنوان بيتك الجديد؟؟


المشهد العاشر / الطنبر يصل لبيت مامون

ابو ساطور : زعيم !! الطنبر جاهز هو وصاحبه
مامون بيك : حلو كثيير !! اسماع ابو ساطور ! خلي الطنبر يوقف حد الباب بالضبط !ومن بعدها بطلع لعنده وبس اندهك بتحط الجثه بالطنبر بسرررعه !!
ابو ساطور : امرك زعيم !!
ويقترب الطنبر من الباب ويخرج مامون بيك ليراقب الوضع وفي لحظة لا يكون فيها احد منتبه لما يجري يصدر مامون بيك امره لابو ساطور !! فيحمل ابو ساطور جثة فريال خانوم ويضعها بالطنبر ويقوم صاحب الطنبر باخفائها !!فيقول له مامون بيك : استنى شوي !!
يدخل مامون بيك للبيت ويقول لابو ساطور : ابو ساطور البس هدول الثياب !!
ابو ساطور : شو هاد زعيم !! هدول ثياب حرمه
مامون بيك : وانت شو شايف !! البسهم على انك حرمتي وبنخرج انا وانت في الطنبر قدام كل الحاره !! وهيك بيظنوا اني خرجت انا وحرمتي بالطنبر بشي مشوار !!
ابو ساطور : بس يا زعيم !!!
مامون بيك : بس شو !!! ما في حل الا هيك واطمن !!! اذا نجحت الخطه راح اغرقك بالمصاري
ويوافق ابو ساطور ويخرج من البيت مع مامون بيك ويركب الطنبر على انه " فريال خانوم "
يمر الطنبر من وسط الحاره !! وحين يصل الطنبر مقابل دكان ابو عصام يطلب منه مامون بيك التوقف !!فيقول مامون :
عقيد !! يا عقيد معتز
معتز : اهلين بالزعيم !!
مامون بيك : انا طالع مشوار انا وخالتك ام التوفيق !! شي ساعتين زمن وراجع !! دير بالك على الحاره !!
معتز : اطمن زعيم !! مهونه !!
ويمضي الطنبر في طريقه خارج الحاره
عصام : معتز !! شبو الزعيم ؟؟؟
معتز : عم بيوصيني على الحاره شنو خرج هو حماتك بمشوار برات الحاره !!
عصام : حماتي!!! لوين رايحين؟؟؟
معتز : ما بعرف !! ما فيي اسالو !!

المشهد الحادي عشر / مامون بيك في الطنبر خارج الحاره

ابو ساطور : وهلا زعيم !!! شو بدنا نعمل ؟؟
مامون بيك : هلا بدنا ننتظر بمحل بعيد عن عيون الناس لحد ما يحل الليل !!
ابو ساطور : اي وبعدين !!؟
مامون بيك : بعدين بنرمي الجثه على الارض وبنعمل شي حركه على انه الطنبر اتعرض لهجوم وبتظاهر اني متصاوب وبرتمي انا كمان على الارض !!
في هذا الوقت بتكون انت عملت فزعه بالحاره اني مو باين بالحاره من الصبح !! وبشطارتك بتجيبهم لهون وبيشوفوا كل اللي حكيتلك اياه قدامهم !!
ابو ساطور " في سره " يخرب بيتك شو انك ثعلب ويقول لمامون بيك : زعيم !! ومين بده يكون هاجم الطنبر !!
مامون بيك : مو مهم !! الفرنساوي !! قطاعين طرق !! انا بدبر الموضوع لوقته !!
المهم هلا بدي منك تغير هالثياب هاي !! بدي اياك تجيب شوية اغراض لزوم تنفيذ الخطه
ابو ساطور : امر ك زعيم !!
مامون بيك : بس لا تتاخر !!

المشهد الثاني عشر / عصام في بيته

لطفيه : اي ابن عمي !! من بعد اذنك بدي روح شقشق على امي !! صرلي مده ما رحت لعندها
عصام : وايمت بدك تروحي ؟؟
لطفيه : يعني اذا ما في مانع بس تغدى بتاخذني معك لعند امي وانت بتتيسر على الدكان !!
عصام : ما بيمشي الحال لطوف
لطفيه : ليش ابن عمي !!؟
عصام : شنو امك خرجت هي وجوزها من الحاره !!
لطفيه : لوين راحت ؟
عصام : ما بعرف !! بس ترجع ابقي اساليها !!!

المشهد الثالث عشر / ابو بدر يخرج من الاستخانه

يخرج ابو بدر من المشفى ومعه ابنته بالتبني " ورده " وقد شفيت من الحمى وزال عنها الخطر وركب الطنبر متجها لحارة الضبع !!
ابو بدر : حبيبتي ورده !! بدك اشتريلك شي لعبه !!ا شي تاكليه ؟؟
ورده : لا ما بدي : بدي ارجع عند امي !!
ابو بدر : حبيبتي !! ساعة زمن وبنكون عند امك فوزيه !1 اكيد هلا بكون قلبها بيغلى عليك !! وراح تفرح كثير لما تشوفك !!
ويقول ابو بدر لسائق الطنبر : عمي !! ما فيك تستعجل شوي !!!
سائق الطنبر : ما فيي !! بخاف تنكسر العجله !!بعدين بلشت الدنيا تعتم !!وما فيني اسوق بالليل سرعه !!
وتمر لحظات وفجاه يتوقف الطنبر
ابو بدر : ليش وقفت عمي ؟؟
سائق الطنبر : عمي !! الفرنساوي سكر الطريق وما فينا نمرق الليله !!
ابو بدر : شو يعني بدي ضل معك للصبح انا والبنت؟؟
السائق : شو طالع بايد اعمل يعني؟؟
ابو بدر : اخي !! ما في طريق ثانيه ؟؟
السائق : في !! بس طريق وعره وما بحسن امشي بالطنبر فيها!!
اذا مستعجل فيك تروح مشي
ابو بدر : شو رايك ورده !!
ورده : بدي روح عند امي !!
ابو بدر : خلاص !! خلاص هلا بنروح مشي !! الطنبر ما بدو يروح فينا
ويكمل ابو بدر الطريق مشيا على الاقدام !!

المشهد الرابع عشر / مامون بيك يبدا بمتنفيذ المسرحيه

مامون بيك : ابو ساطور !! حان الوقت !!
ينزل ابو ساطور من الطنبر ومعه صاحب الطنبر !!" ابو بدر في طريق عودته يراهم من بعيد فيقول :
حبيبتي ورده !!! مو هذا الزعيم؟؟
غريبه !!شو بعيمل هون بهالوقت !!معناها فرجت " ويفرح كثيرا " هلا بنخليه يوصلنا معه للحاره !!ويهم الاقتراب منهم ومناداتهم ولكن حين يرى ابو ساطور وصاحب الطنبر يحملون جثة فريال خانوم ويرمونها بجانب الطنبر !! يتجمد في مكانه ويقول : يا لطييف شو هذا !!! فياخذ ورده بحضنه ويختبيء ويراقب الوضع من مكان ليس ببعيد عنهم مصحوبا بالرعب والخوف !!
ابو ساطور : زعيم !! وهلا شو نعمل !!
مامون بيك : وهلا ؟؟ويقترب من صاحب الطنبر ويقول له " الله يعطيك العافيه يا ابني كفيت ووفيت !!مهمتك انتهت وهي حسابك " ويخرج مسدس من جيبه ويضعه بجسد صاحب الطنبر ويطلق عليه النار فيرديه قتيلا !!
" ابو بدر يرتعب وتتسارع انفاسه ويقول : يا لطييييف شو اللي عم يصيير !! معقوول !! الزعيم !!!
ابو ساطور : زعيم !!! شو اللي عملته !! ليش قتلت الرجال !!
مامون بيك : لك ابو ساطور !!!! مجنون انت !!لك هذا الشاهد الوحيد على اللي بيصير !! وبكره لو فتح تمه بكلمه بيخرب بيتنا !! مين عارف يمكن الطمع يعميه ويصير يستبزنا !! لذلك التخلص منه بكون احسن
وهلا على الحارك روح على الحاره واعمل اللي قلتلك عليه !!
ابو بدر : تصبب العرق منه وبدا بالبكاء !! يا ربي شو اعمل !!! ويضم ورده اليه بشده " ولا ندري ليحميها ام ليحمي نفسه من الخوف :)

المشهد الخامس عشر / ابو بدر يعود للحاره


يبدا ابو بدر بطرق باب بيته بشده
افتحي يا فوزيه !! افتحي الباب ابسرعه
فوزيه : ابو بدر !! الحمد لله على السلامه وترى ورده وتحضنها بشده !! حبيبتي ورده !! الف الحمد لله على سلامتك حبيبتي !!
شو ابو بدر !! شو حكى .. لك ابو بدر ! شبك ؟؟؟ ليش عم ترجف ؟؟ شو صايرلك ؟؟
ابو بدر : ما في شي ما في شي !!!ويدخل لغرفته مسرعا وينام في السرير ويغطي نفسه " وقد بدا مرعوبا ويرجف لهول ما راى
فوزيه : لك ابو بدر !! اسم الله عليك شو صايرلك !!العمى شبو الرجال ؟؟
تعي تعي ورده يظهر ابوك خايف من العتمه او صو ت الكلاب بالليل !! اكيد هلا بتكوني جوعانه !! تعي احطلك لقمه !!

المشهد السادس عشر / بيت ام عصام


تجعت عائلة ابو عصام بالبيت عند ام عصام ليتناولوا معها طعام العشاء !!
معتز : لك عصام !! الزعيم شفته شي رجع للحاره ؟؟ شنو انا ما شفته
عصام : وانا كمان ما شفته!!ويكمل طعامه !!فتقاطعه لطفيه وتقول
شلووون !! شلون ما رجع ؟؟؟ شو عصام؟ شايف مالك مهتم شو نسيان انه امي معه ؟؟
عصام : اي والله صحيح !1 راح عن بالي هالشغله !! العمى معقول ما يكون رجع للبيت ؟؟
معتز : خلاص ولا يهمكم هلا بروح بشق عليه !!وما ان يكمل جملته واذا باحدهم يطرق الباب
فيذهب معتز لفتح الباب !!
معتز : ابو ساطوور ؟؟
ابو ساطور : العذر منك عقيد بس رحت على بيت الزعيم وما لقيته !! فقلت يمكن لاقيه عندك !!
معتز : وما لقيته بالبيت ؟؟ لا هو ولا حرمته ؟؟
ابو ساطور : خبطت خبطت على الباب بس ما حد رد علي !!
معتز : العمى !!! وين بدو يكون رايح؟؟ هو حكالي ساعتين زمن وراجع !! والدنيا هلا صارت بعد العشاء !!
ابو ساطور : ولي !! والله خايف لا يكون صاير للزعيم شي ؟؟
معتز : تف من ثمك ابو ساطور !! شو بدو يكون صايرله يعني ؟؟
ابو ساطور : ما بعرف بس انا خايف !! شنو مبارح حكالي اني جبله طنبر للبيت لانه بدو يطلع هو وحرمته وقال بدو يجيب شوية مصاغ !!
معتز : استناني شوي !!! هلا بلبس ثيابي وبجي !!
"خرج معتز وذهبوا للشيخ عبد العليم وابو جاسم وابو بشير وتباحثوا في امر اختفاء مامون بيك "
فاتفقوا جميعا على ان الزعيم حصل له شيء مريب وهو الذي اخره وحرمته !! فقرروا الخروج للبحث عنه !!
وبدات تتعالى الاصوات بالحاره بان الزعيم مختفي وعلى الجميع المشاركه بالبحث عنه
خرج ابو حاتم من بيته فسال احد الماره : خير يا ابني شو في ليش الحاره قايمه قاعده ؟؟
الرجل : بيقولوا انه الزعيم طلع من الحاره الصبح هو وحرمته وقال بدو يغيب ساعتن ولهلا ما بينله اثر
ابو حاتم : يا لطييييف !! وتبدا الافكار تدور في راسه وتوصل الى ان مامون بيك اختطف فريال خانوم او شيء من هذا القبيل !!فقرر الذهاب عند ابو عصام بنفس اللحظه

المشهد السابع عشر / ابو حاتم ببيت عمر


ابو حاتم يطرق باب بيت عمر !!
عمر : يا لطيف !! مين جاينا بهالوقت ؟؟
مييين ؟؟
ابو حاتم : انا ابو حاتم يا ابني !!
عمر : ابو حاتم!! الله يستر
عبدو يقول لابو عصام : جيت ابو حاتم بهالوقت مو لــ الله
ابو عصام : الله يستر !! هلا بنعرف شو القصه !! عمر !!! افتاح الباب بسرعه
عمر: اهلين عمي ابو حاتم !!
ابو حاتم : بالمأهل !!
شو لا يكون ازعجتكم شي
ابو عصام : لا والله شو ازعجتنا بس بصراحه خوفنا !!يعني جيتك بهالوقت غريبه !! واكيد صاير شي خلاك تيجي بسرعه لهون
ابو حاتم : اي والله يا جماعه !!! مصيبه !! مصيبه كبيره لو اللي ببالي طلع صح
عبدو : عمي ابو حاتم !! كرمال الله لا تحاكينا بالالغاز !! احكي شو صاير وريحنا !! ترى اللي فينا بكفينا !!
ابو حاتم : مامون بيك طلع هو وحرمته من الحاره ولحد هلا ما رجعوا
ابو عصام : وايم طلعوا ؟
ابو حاتم : اليوم الصبح !!
عبدو : وليش هالقد قلقان يا ابو حاتم !!
ابو حاتم : اللي مخوفني !!انه يكون مامون بيك خطف فريال خانوم او براسه شي موال
ابو عصام : يا لطيييف !!!
عبدو : بس مو معقول حد يخطف مرته !! ولشو يخطفها وشو بدو يستفيد
ابو حاتم : ما بعرف قلبي ناقزني !!
عمر : اي وشو صار هلا عمي ابو حاتم !!
ابو حاتم : اهل الحاره طلعوا يدوروا عليهم !!هم طلعوا من هون وانا جيتكم فورا
ولازم احمل حالي هلا وارجع لشوف شو صاير
ابو عصام : ابو حاتم !! لا تنسى تطمنى ان صار شي جديد

المشهد الثامن عشر / بيت ابو بدر


فوزيه : لك شبك ابو بدر !! شو صايرلك !!
الحاره بره قايمه قاعده قوم شوف شو صاير
ابو بدر يرتجف ويقول لها : ما بدي ما بدي ما بدي
فوزيه : لك تضرب !!
يا بدر بدر ! تعى حبيبي !! روح عند الجيران اسالهم شو صاير
يخرج بدر ويسال ومن ثم يعود لامه فيقول ها بان الزعيم وزوجته مختفين عن الحاره !!
فوزيه : وين بدهم يكونوا رايحين !!
لك ابو بدر !! سمعت شو صاير !! الزعيم وفريال خانوم طلعوا من الحاره ولحد هلا ما رجعوا والحاره مقلوبه فوقاني تحتاني عليهم
يكتفي ابو بدر بالبكاء والعويل
فوزيه : لك يخرب بيتك شو صايرلك ؟؟؟؟



المشهد التاسع عشر / اهل الحاره يعثروا على مامون بيك


ابو ساطور يستدرجهم للمكان بحجة انه طريق مؤدي لبائعي الذهب !!
يمشي رجال الحاره وراء ابو ساطور ويصلون للمكان المحدد فيجدون كل من مامون بيك وزوجته وكذلك سائق الطنبر على الارض !!
فيصرخون : زعييم !! سيد مامون !!
فيكلمهم بصعوبه ويقول لهم : الحقوا مرتي فريال دخيلكم !!
فيتجه عصام اليها مسرعا : حماتي !! ا ام التوفيق !!!!فيصعق ويقول لهم : وليييييييي
حماتي ميته !!!

وهنا تنتهي الحلقه

[عاشق أردني]

الحلقه الخامسه عشره

المشهد الاول / اهل الحاره يعثرون على مامون بيك


ابو ساطور يستدرجهم للمكان بحجة انه طريق مؤدي لبائعي الذهب !!
يمشي رجال الحاره وراء ابو ساطور ويصلون للمكان المحدد فيجدون كل من مامون بيك وزوجته وكذلك سائق الطنبر على الارض !!
فيصرخون : زعييم !! سيد مامون !!
فيكلمهم بصعوبه ويقول لهم : الحقوا مرتي فريال دخيلكم !!
فيتجه عصام اليها مسرعا : حماتي !! ا ام توفيق !!!!فيصعق ويقول لهم : وليييييييي
حماتي ميته !!!
فيتجه الجميع اليه مسرعين !! ويقول البعض : يا لطيف !!!الله اكبر !!ولييييي


المشهد الثاني / الحاره في اضطراب


الكل محتار ومستنفر في حارة الضبع بعد الحادث الذي تعرض له مامون بيك وزوجته " حسب رواية مامون " وقد حمل رجال الحاره مامون بيك وكذلك جثة زوجته فريال وجاءوا بهم للحاره ..
خاطر : فتحي وينه هلا الزعيم وكيف صحته !!
فتحي : والله ما بعرف بالضبط !! بس ياللي بعرفه انه جرحه بسيط وهلا الرجال عنده بالبيت !!
خاطر : طب شو اللي صاير ومين هالخسيس اللي عمل هالعمله ؟؟
فتحي : والله شي بيطير العقل ما حدا عرفان شي !! شوفة عينك الكل ضايج !!
ياتي بشير مسرعا !!
خاطر : خير بشير شو اخر الاخبار !!
بشير والله ما بعرف شي !! العقيد واكابرية الحاره عند الزعيم
وانا جايه هلا لاقول لابو الفوارس انه يسكر باب الحاره !!
خاطر : وليش ليتسكر باب الحاره؟؟
شو الغايه من تسكيرته
بشير : ما بعرف بس العقيد عم بيقول ما حدا يطلع او يدخل للحاره لبين ما نشوف شو بدو يعمل الزعيم !!


المشهد الثالث /الزعيم في فراشه ببيته وحوله رجال الحاره


معتز : اي زعيم !! احكيلنا شو اللي صار معكم !! ومنو هذا الخسيس اللي عمل هيك ؟؟
مامون بيك : يسلم ايديك يا معتز " كنايه عن معالجته لجرح براسه "
ويتابع !! والله ما بعرف شو بدي قلكم يا جماعه !! كنا بالطريق لنشتري صيغة لام توفيق !! وتعطلت العجله تبع الطنبر !! اضطرينا نستنى شي ساعتين !!لما رجعنا ونحن بالطريق ما لقينا الا هالضرب اشتغل وما عرفنا من وين القواس عميجي !!
يقاطعه ابو قاسم !! يا لطيف !! قواس؟؟ ومن مين ؟؟
مامون بيك : ما بعرف يا جماعه وما بعرف ليش ليقوصوا علينا ّ!!
ابو قاسم : العمى !!
الشيخ عبد العليم : اي زعيم وبعدين شو صار ؟
مامون بيك : ما حسيت على مرتي !! لا من تمها ولا من كمها ونفس الشي بالنسبه لصاحب الطنبر !!
ويظهر الطنبر انكسرت عجلته ووقعت عنه !! واتضربت براسي !! وما حسيت الا عليكم وانتوا فوقي !!
ابو بشير : يمكن يكون الفرنساوي ؟؟
ابو قاسم : طب ليش الفرنساوي ليش ليقوس عليكم ؟
مامون بيك : والله ما بعرف مين اللي قوس علينا !! الفرنساوي ولا جهه تانيه
معتز : العمى مين بدو يكوووووون !!
بس نحن ما لازم نسكت !! لازم نعرف مين ورا هالشي !!


مشهد العزاء ولطيم النساء نحن بالغنى عنه :)

المشهد الرابع / ابو حاتم ببيت عمر


ابو عصام : قول غير هالحكي يا ابو حاتم !!
ابو حاتم : والله هاد اللي صار يا جماعه !
عبدو : وليييي !! قتل ؟؟يا لطيف
ابو عصام : الله اكبر على هالخبريه !! ومين بدو يكون ورا هالشي ؟؟
ابو حاتم : والله ما حدا بيعرف شي !! الحاره مقلوبه فوقاني تحتاني !! وما حدا صفي براسه عقل من بعد هالجريمه !!
ابو عصام يجلس على كرسي ويقول : العمى !!!!
انا صار لازم ارجع للحاره باسرع وقت !!
ابو حاتم : مو هلا يا ابو عصام !! ما عنا لهلا دليل مادي ليثبت انه مامون بيك عميل للفرنساوي
ابو عصام : واش كان !! يكفي نكشفه على حقيقته انه نصاب !! ومو بعيد انه يكون هو ورا قتل فريال خانوم !
ابو حاتم ما بينفع يا ابو عصام : شية انه يكون نصاب فما راح نقدر نعمل معه شي الا نطرده للحاره !! بس اذا كان عميل !! فما لازم يطلع من هالحاره سالم !! لازم نثبت انه عميل !!
بعدين انا ما بظن انه ورا هالجريمه !! لك شو مصلحته ليقتل حرمته ؟؟
ما راح يستفيد شي من ورا هالشي
عمر : يا جماعه انا عندي كلام وبدي قوله
ابو حاتم : تفضل عمر
عمر : ليش ما تكون فريال خانوم كشفته لمامون او مسكت عليه شي ممسك وحب هو يتخلص منها !!
ابو حاتم : ما بظن !! لانه لو كشفته على حقيقته كان ما طلعت معه من الحاره !! وكان ما سكتت !
عبدو: والله معك حق يا عمي ابو حاتم
ابو عصام : والعمل هلا ؟؟ شو لازم نعمل ؟؟؟؟؟
ابو حاتم : روق ابو عصام !! الا ما يبان كل شي !!


المشهد الخامس / مرور اسبوعين على موت فريال

الحاره بوضعها المعتاد وابو محمود في القهوه يتسائل
ابو محمود: يا جماعه ما حدا فيكم شاف ابو بدر ؟؟
ابو حاتم : بكون بالبيت ومرتو مانعته يطلع !!
ابو محمود : شبنا ابو حاتم !! ما اله بالعاده !! اسبوعين ؟؟
ابو ديبو يتدخل !! عمي ابو حاتم ! مزبوط ابو بدر صرله مده ما بين بالحاره ! حتى بالعزا ما حدا شافه !! لا يكون صايرله شي
ابو حاتم يصمت ويفكر ومن ثم يقول !! اليوم بشوف الرجال وبنروح نشق عليه


المشهد السادس / رجال الحاره يذهبون لبيت ابو بدر !!

الشيخ عبد العليم : شبك ابو بدر !!! ما عاد حدا شافك بالحاره ؟؟ والله خفنا يكون صايرلك شي
ابو بدر متلبك : ما في شي !! بس مو جاي على بالي اطلع من البيت
ابو حاتم : لك شبك !! في شي دايقك !!! حدا زعجك شي ولا زعلك !!
ابو بدر : لالالالالالا ما حدا زعلني !!ما في شي ما في شي
ابوبشيـــر:لا حول ولا قوة الا بالله
ابو بدر : بين اللي قتل فريال خانوم ؟؟
ابو حاتم : لسه والله يا ابو بدر !! ما حدا بيعرف شي !!
ابو بدر يبكي ويقول : وليييييييييييييي !!!
رجال الحاره ينظرون لبعضهم باستغراب


المشهد السابع / مامون بيك ينوي الخروج من الحاره مع معتز عند ابو حسن للغوطه

ابو بدر يقف في محل ابو مرزوق ليشتري بعض الخضروات وبينما هو واقف اذا بمامون بيك يطرح السلام على ابو مرزوق
فيقول ابو مرزوق : وعليكم السلام يا صباح الخيرات يا زعيم !!
وهنا يتلبك ابو بدر ويرجف وتسقط الخضروات منه ويفر مسرعا للبيت !!
ابو مرزوق : العمى !! لك ابو بدر شبك !!
مامون بيك : شبو ابو بدر ؟؟
ابو مرزوق : والله ما بعرف شو صرله !! شوفت عينك الله وكيلك !!
معتز : اي هاد واحد حريماتي !! يمكن خاف مني لما شافني ّّّ لانه لما يشوفني دايما بيتلبك !! مو قدران لهلا ينسى القتلة اللي اكلها مني !!
وياتي الشيخ عبد العليم : السلام عليكم
مامون بيك : وعليكم السلام شيخ عبد العليم !!
الشيخ عبد العليم : شو يا زعيم نويتوا تتيسروا
مامون بيك : اي والله يا شيخي !!! اتاخرنا على الجماعه كتير !! وصار لازم نروح لعندهم
الشيخ عبد العليم : الله ييسر طريقك يا رب
ابو مرزوق : شو يا جماعه لوين متيسرين ؟؟
معتز : بدنا نروح على الغوطه عند ابو حسن !!
ابو مرزوق : طريق السلامه ان شاء الله
ويذهب مامون بيك ومعتز في طريقهم
ابو حاتم ياتي لابو مرزوق !!
شو جاري !! لوين رايح مامون بيك ومعتز ؟
ابو مرزوق : لعند ابو حسن بالغوطه
ابو حاتم يصعق لهذا الخبر : شووووووووووووو !! العمى على هالخبريه !!ويذهب مسرعا لعند ابو قاسم


المشهد الثامن / ابو حاتم ياتي لابو قاسم !!

ابو قاسم : خير ابو حاتم شو في ؟؟
ابو حاتم : دخيلك يا ابو حاتم محتاج الخيل تبع ابو شهاب ضروري
ابو قاسم : خير لشو بدك اياه
ابو حاتم : يستر على عرضك يا ابو جاسم !! مو وقته هلا !! بعدين بحكيلك كل شي
ابو قاسم: اوف اوف باينته الشغله مستعجله !! هلا ببعت حدا يجبلك اياه ولا يهمك



المشهد التاسع / ابو حاتم يصل عند ابو عصام !!

ابو عصام : خير ابو حاتم شبك جاي على ملا وشك؟؟؟
ابو حاتم : مصيبه يا ابو عصام مصيبه !!
ابو عصام : خير يا ابو حاتم لك احكي !!
ابو حاتم : مامون بيك ومعه معتز ورايحين لعند ابو حسن !!
عبدو : شوووووووو !! ابو حسن !!
لك مشكله لو كان مامون داسوس !! والله الشباب بيروحوا فيها !!
ابو حاتم : لكان شو اللي جابنا انا هلا !! لازم نتحرك وباسرع ما يمكن !!
عبدو: شو بدنا نعمل !! شو في ايدنا نعمل !!
هلا بيكونوا وصلوا لعند ابو حسن !! وبيكون المخبأ تبعهم انكشف !!
ابو عصام : بس ابو حسن مو غبي ليكشف مخباهم!!
ابو حاتم : لا تنسى انه معتز معه وانه ابو حسن بعامل مامون بيك على انه الزعيم !! يعني بسعر ابو صالح الله يرحمه !!
وهنا يضرب ابو عصام بيده على احد الجدران ويقول : ااااااخ !!
ومن ثم يتابع " اسماع عبدو !! هلا وعلى الحارك بتحمل حالك وبتروح عند ابو حسن !! وبتقله انه لازم ومن كل بد يغير مطرحهم وبسرعه
الوضع ما بيحتمل التاخير بنوب بنوب !!
عبدو : مشي عمي مشي !!
ابو حاتم : عبدو !! انا جبت معي حصان ابو شهاب!! فيك تاخذه وتروح !!
ويا ريت ما تتاخر !! انا ما راح ارجع للحاره لحتى ترجع !!
عبدو : لعيونك عمي !! هوا !! ما في كلام
ابو عصام : دخلك ابو حاتم وين عمر ؟؟
ابو حاتم : تركته بالحاره !!



المشهد العاشر / معتز ومامون عند او حسن

ابو حسن : والله حلت البركه !!ونورت الغوطه والله
مامون بيك : الغوطه منوره برجالها !!
ما بخفي عليك يا اخي ابو حسن انه من زمان وانا حاب اشوفك واتعرف عليك !! حبيت اشوف هالرجال القبضايات اللي رفعو راس البلد كلها ودوخو الفرنساوي !!
ابو حسن : البلد رافعه راسها بامثالكم واامثال الرجال الطيبه !!
معتز : شلونك سمعو !
سمعو : الحمد لله ابو العز !! طمني شلونها امي واخواتي !!
معتز : كلهم بخير وبيسلموا عليك
مامون بيك : هلا انت اسماعيل؟؟
سمعو : اي انا هو !!
مامون بيك : والله يا ابني حاولت اساعدك وضغطت كتير ليضموك بالعفو مع بقية الرجال بس ما طلع بايدي
سمعو : ولا يهمك عمي !! المهم الرجال ما يصبها شي
ابو حسن : اي يا زعيم !!



المشهد الحادي عشر : فتحي في البوايكيه !!


فتحي يشعر بحزن شديد !! وقد بقي في البوايكيه لوحده والحمل ثقيل عليه ولا يعرف كيف يدير اموره ويقول في نفسه !!
وين ايامك يا حارة الضبع !! وين ايام الزعيم !! العقيد ابو شهاب " وينك يا عقيد "
وهالبواكيه !! ضليت فيها لحالي !! شو بدي اعمل انا لوحدي !! على القليله كان عبدو ماسكها وبيعرف يدير شؤنها !!
وهنا يدخل عليه رجل ويقول له :السلام عليكم !! مرحبا يا ابضاي
فتحي : وعليكم السلام اهلييين!!" ولا يكمل ..
الله اكبر !! العقيد ابو شهاب !! ويذهب اليه ويحضنه بشده وهو يبكي !!



المشهد الثاني عشر : عبدو يصل الغوطه

غادر معتز ومامون بيك منذ فتره !! وهنا ياتي ابو احمد لابو حسن
ابو احمد : عمي ابو حسن !! في خيال جاي من بعيد لناحنا !!
ابو حسن : ومنو هاد ؟؟
ابو احمد : مو باين !!
ابو حسن : فتحو عنيكم منيح يا رجال !! يمكن يكون وراه حدا او يون عوايني !!
يقترب عبدو من مكان ابو حسن ورجاله فيقول سمعو !!
عمي ابو حسن !!هادا عبدو !! من حارة الضبع
ابو حسن : عبدو !! وشو جابه هلا؟؟ ما هلا كان الزعيم ومعتز هون !!
يصل عبدو وينزل من خيله مسرعا ويحضن سمعو وبعض رجال ابو الحسن !!
ابو حسن : اهلين بعبدو !! خير شو في !!
عبدو : من وين بدو يجي الخير !!
ابو حسن يا لطيف !! شو صاير !!
عبدو : عمي !! هلا وعلى الحارك لازم تنسحبوا من هون وتغيروا مطرحكم !!
سمعو : خير عبدو !! شو صاير ؟؟ من وقت كان الزعيم هون وكان كل شي طبيعي
عبدو : اي بعرف انه كان هون !! وانا جيت لهون بدون ما يدرى !!
ابو حسن : وليش لازم نغير مطرحنا ومين اللي بعتك اذا كان مو الزعيم اللي باعتك
عبدو : عمي !! الله يخليك ما في وقت هلا !! رواح الرجال كلها امانه برقبتك !!
وان تاخرتوا بخاف توقع الواقعه ونكون بشي ونصير بشي ثاني !!
ابو حسن يحتار في امر عبدو !! ويقول له !! عبدو مين اللي بعتك وشو صاير !!!
فياخذ عبدو ابو الحسن على طرف ويخبره سرا !!
فيصعق ابو الحسن ويقول " يا باااااطل !!لك ما عاش اللي بدو يضحك علينا وما عاش اللي بدو يهينك يا شام !! وانا ابو الحسن !!
ابو احمد !! خلي كل الرجال تستعد بدنا نروح !! وبسرعه
ابو احمد !! بتاخذ الرجال وانا بلحقكم مع سمعو
عبدو تعا معي انت وسمعو !!
عبدو : شو ابو الحسن ما راح تروح مع الرجال
ابو حسن : اسمعني عبدو!!!لازم نتاكد اذا كان مامون هذا عوايني ولا لا !!
راح نراقب المكان من مكان بعيد انا واياك وسمعو


المشهد الثالث عشر / ابو شهاب مع فتحي بالبوايكيه !!

ابو شهاب : كل هادا صار بالحاره بغيابي ؟؟ الله اكبر
فتحي : اي والله يا عقيد !! والحاره بهالوقت بحاجتك كتير كتييير
ابو شهاب : وعبدو هلا وينه ؟؟
فتحي : والله ما بعرف يا عقيد / ما حدا بالحاره بيعرف وينه !!
بس بدك الصراحه يا عقيد !! انا بحس انه عبدو مظلوم !!وما بيعمل هيك عمله
ابو شهاب : بسيطه بسيطه !!
بس ما قلتلي منو هاد مامون بيك ؟؟؟
فتحي : هادا بيكون ابن اخوه للزعيم ابو صالح !!
ابو شهاب : ابن اخوه ؟؟
فتحي : اي عقيد !! تعرفو شي ؟؟
ابو شهاب : لا ما بعرفه !! بس بظن انه مامون كان مريض الجدري ومات
فتحي : لا ما مات ! طلع لبتعالج بره وضل بره وشفي من مرضه
وهلا رجع للحاره بعد غياب 40 سنه
ابو شهاب : فتحي !! انا راجع للحاره عصريه باذن الله ! عندي مشوار صغير ومن بعدها برجع !!
فتحي : لوين بدك تروح عقيد !
او شهاب : بدي روح لحارة ابو النار !!
بس اسماع !! ما تخبر حد انك شفتني لبين ما ارجع !!


المشهد الرابع عشر / مامون بيك يعود للحاره

حين دخوله للحاره وعند الترحيب بعودته يلتقي بابو ساطور
ابو ساطور : زعيم بدي اياك بموضوع !!
مامون بيك : خير ابو ساطور !!
ابو ساطور : زعيم !! انا سالت على المالكانات !!
المالكانات راحت !!لانه تاخرنا كتير
مامون بيك : العمى !!لوين راحت !!
ابو ساطور : كل المالكانت المعروضه بالمزاد اشتراها واحد !!
مامون بيك : مين اشتراها ؟؟؟
ابو ساطور : واحد اسمه ابو النور !!!
مامون بيك : ابو النور ؟؟؟؟ العمى !! مين بكون هاد
ابو ساطور : ما بعرف يا زعيم !!
مامون بيك !! ااااااخ بس !!لولا قصة حرمتي !!
اسماع !! انا بشوف مين هاد ابو النور وبشتريها منه !! بس هلا عندي شغله بالبيت ومن بعدها بشوف شو بدنا نعمل !!


المشهد الخامس عشر / مامون بيك يتكلم بالهاتف

مامون بيك : الوو !!
اسمعني منيح !! المالكانات طارت من ايدينا !! بس الا ما نرجعا !! لكن هلا في شي اهم !!
اي !! اي !! عرفت مكان ابو الحسن ورجاله !!
بتروحوا هلا على الحارك وبدون تاخير !!
اي اسمعني منيح !!!


المشهدالسادس عشر / ابو النار في دكانه !!

ياتي ابو شهاب على ابو النار ويطرح السلام !!
ابو النار : ميييييين !! ابو شهاب ؟؟؟؟؟
ويستقبله بحفاوه شديده.. تفضل ارتاح عقيد والله نورت الشام كلها ! الف الحمد لله على السلامه !!
ابو شهاب : الله يسلمك ابو النار !!
ابو النار : ابو الحكم ! دير بالك على الدكان انا رايح مع اخي ابو شهاب للبيت !!
ابو شهاب : والله ما في داعي يا ابو النار !!
ابو النار : ولووو يا ابو شهاب !! معقول يعني نقعد هون !!
ابو شهاب : لكان من بعد امرك خبر ابو الحكم انه ما يحكي لحدا اني جيت لهون او شافني شي



المشهد السابع عشر / ابو حسن مع عبدو وسمعو!!

بينما يجلس سمعو وابو حسن وعبدو يراقبون المكان من بعيد تظهر جيوش الفرنساوي وقد بدات تقترب من المكان !!!
سمعو : ليك عمي ابو حسن !!
ابو حسن : العمى والله طلع كلامك مزبوط يا عبدو !! هاي مصيبه كبيره !!
اسماع عبدو !! بتخبر ابو حاتم باللي شفته !!ولازم تتحركوا على الحارك وما تستنوا على هادا الخسيس اكتر من هيك
عبدو : ابو حسن اذا كان بدنا منكم شي كيف نوصللكم ؟؟
ابو الحسن :راح نبعت رجال لابو قاسم ونخبره بالمخبا الجديد
عبدو: لا يستر على عرضك ما تبعتوا اي رجال لحارة الضبع !!
ابو حسن : لكان !! كيف بدنا نوصللكم
عبدو : اسمعني منيح !!



المشهد الثامن عشر / ابو شهاب ببيت ابو النار

ابو شهاب : من بعد ما هربت من السجن لاحقتني دورية درك !!
قوصوا علي وصاوبني بكتفي روجلي !!
ابو النار : يا لطيف !!
ابو شهاب : ضليت اتجاهل رجلي !! لحد ما وصلت لدرجه ما عدت اتحمل !! فالله سبحانه وتعالى يسرلي طنبر كان رايح لحلب !! حملني معه وهناك خليته يوصلني لعند ابو طوني وابو النور !! وهنن قاموا بالواجب تجاهي !!
ابو النار : والله الف الحمد لله على السلامه يا عقيد !!
وهلا شو ناوي تعمل بعد رجعتك
ابو شهاب: بدي روح للحاره !!بس قللي بالاول !! شلونه ابو غالب !! يا ترى رجع للبليله
ابو النار : اي والله مسكين هالابو غالب ما اله رزقه غيرها !!
ابو شهاب : بسيطه ابو النار !! ابو غالب ما قصر معي وباذن الله ما راح قصر معه




المشهد التاسع عشر / فتحي يقف على باب الحاره بانتظار ابو شهاب

فتحي يقف على باب الحاره منتظرا ابو شهاب !!
ياتي عليه ابو قاسم : شبك فتحي ليش مسكر البوايكيه !! وليش واقف هون ؟؟
فتحي !! اه !! لا ما في شي بس كنت تعبان شوي حبيت ابيت على بكير
ابو قاسم : اذا كنت تعبان لشو واقف هون ! روح روح ارتاح !!
فتحي : اي عمي هلا بروح !!بس عم انتظر رجال من طرف الحج عبد الرازق
ابو قاسم : تصطفل
وما هي الا لحظات ويظهر ابو شهاب ..
يمضي فتحي مسرعا داخل الحاره ويصرخ فيها وبكل ازقتها ..
العقيد ابو شهاب رجع !! يا اهل الحاره !! عقيد الحاره باو شهاب رجع !!
العقيد رجع يا رجال !! ابو شهاب رجع يا اهل الحاره
ويتسابق اهل الحاره لوسط الحاره ويخرجون من كل بيت وكل دكان وكل مكان بالحاره مسرعين للترحيب بابو شهاب والفرحه على وجوههم !!
يبدا اهل الحاره بتهنئة ابو شهاب !!وتتعالى الزغاريد من وراء ابواب البيوت ..
ابو ساطور: يذهب لبيت مامون بيك ويخبره بوصول ابو شهاب
مامون بيك : اي سمعت !! وينه هلا هو ؟؟
ابو ساطور : ببيت اخوه ابو جاسم
مامون بيك : مشي !! يلا جايه !!

المشهد العشرون / ابو شهاب وحوله رجال الحاره

ابو شهاب : وهاد اللي صار معي يا رجال من وقت ما خرجت من الحاره لحد اليوم !!
ابو بشير: معقوول !! ابو غالب يطلع منه خير؟؟؟
بس ليش ما خبرنا عنك؟؟
ابو شهاب : لا امبلا !! ابو غالب خبر ابو النار وابو النار خبر ابو حاتم !! بس ابو حاتم طلب منه ما يخبر حدا !!
صحيح وينو ابو حاتم ماني شايفه ؟؟
ابو قاسم : والله يا اخي ما بعرف اخذ الحصان تبعك وكان ملبوك ومستعجل كتير وطلع من الحاره ولهلا ما رجع !!
ابو شهاب : خير ان شاء الله !!
وهنا يدخل مامون بيك : السلام عليكم !!
والله يوم الهنا ويوم السعد يا حارة الضبع !!اهلين بالعقيد ابو شهاب !! عقيد حارات الشام كلها !!
ابو شهاب يقف وقفة الغير عارف للرجل الذي امامه !!
فيخبره ابو جاسم هادا الزعيم " مامون ابن كامل الضبع "
ابو شهاب : " بتردد "اهلين مامون بيك "
حكولي الشباب عن فعايلك وشهامتك بالحاره !! وحكولي انه لولاك كان الحاره ضلت محاصره والله العالم شو كان صار !!
مامون بيك : يا ابو شهاب هي حارتي واهلها اهلي ! واي شي بعملوا مشانها فهادا لانه واجبي وما الي منيه على حدا !! منيتي على حالي !!
ابو شهاب : اي شرفوا شرفوا يا رجال !!
اي مامون بيك !! احكيلنا شو صار معك وين كنت وليش غبت كل هالمده عن الحاره !!


المشهد الحادي والعشرون/ عبدو يعود من الغوطه

ابو حاتم : لك وينك يا رجال اتاخرت كتير !! انشغل بالنا عليك
عبدو : مصيبه يا جماعه مصيبه !!
ابو حاتم : مصيبة شو ؟؟
ابو عصام : خير عبدو شو في ! احكي!!
عبدو : مامون طلع عميل للفرنساوي
ابو عصام : وكيف عرفت هالشي ؟؟
عبدو : راقبنا المكان انا وابو حسن وسمعو !!
ابو عصام : اي !!!
عبدو : ما طولنا كتير ولقينا الدرك حوط المكان اللي كان فيه ابو الحسن ورجاله !!
ابو حاتم : وليي !! والله مصيبة هي !!
عبدو : ابو حسن قلي خبرك انه لازم نتحرك بسرعه ونخلص من مامون هادا !! لانه عميل " ما في كلام "
ابو عصام : اسماع ابو حاتم !! من كل بد لازم تجيب عصام ومعتز لهون !! وبكره من كل بد لازم ننهي كل شي !!
يطرق الباب وياتي عمر :
عمر : مرحبا يا رجال !!
ابو حاتم : اهلين عمر ! شو في عندك ؟؟؟
عمر : ابو شهاب رجع للحاره !!
ابو عصام : ابو شهاب !! الله اكبر !!
ابو حاتم : واخيرا رجعت يا ابو شهاب !! الف الحمد لله على كل شي الف الحد لله
ابو عصام : ابو حاتم !! لازم تخبر العقيد ابو شهاب بكل شي بتعرفه ومن بعدها بتشوف رايه !!! وضروري تجيب معتز وعصام معك بكره

المشهد الثاني والعشرون/ ابو شهاب واهل الحاره


ابو شهاب : يا سيد مامون كل شي عملته للحاره واهلها على العين والراس !! والشي اللي ملته كبيير كثير كثير !!
وهالحاره حارتك وهي منك وفيك !!
بس من بعد اذن ومن بعد اذن الحاضرين !! انا ما فيني اتخيل زعيم للحاره غير ابو صالح الله يرحمه "



المشهد الثالث والعشرون / مامون بيك في بيته

يحدث مامون بيك نفسه ويقول :
العمى !! الدرك ما لقى ابو حسن وجماعته !! لوين راحو؟؟ معقول حسوا عليهم قبل ما يجو ؟؟
وابو شهاب!! رجعته هلا مو وقتها بنوب !!وابو ساطور هو الشاهد الوحيد علي بكل شي !! ولازم اخلص منه الليله قبل بكره !!


المشهد الرابع والعشرون / مامون بيك يذهب لابو ساطور

ابو ساطور : اهلين زعيم !! غريبه جاينه بنص الليل !!! خير شو صاير ؟؟
مامون بيك : انت مو حاسس بشي !!
ابو ساطور : خير زعيم بشو لازم احس؟؟
مامون بيك : رجعت ابو شهاب مو بصالحنا بنوب !! بكره العقيد بينبش على كل شي صار وممكن يوصللنا !!
ابو ساطور : وشلون بدو يوصللنا ؟؟
مامون بيك !! العقيد منو سهل بنوب !! وما بيمرق عليه شي بسهوله !!
ابو ساطور : انا اللي بعرفه لابو شهاب منيح وبعرف انه منو هين !! بس ما فيو يعمل شي !! لانا مرتبين كل شي !!
مامون بيك : مزبوط !! بس في شي واحد لسه ما حسبنا حسابه !!
ابو ساطور : شو هو زعيم !!
بالاول اعملي كاسة شاي وبعدين بحكيلك !!
ابو ساطور : امرك زعيم !!
وينتظر مامون بيك ابو ساطور عند مدخل المطبخ وما ان يخرج منه حتى يبادره بطعنة في ظهره فيرديه قتيلا !!


وهنا تنتهي الحلقه

[AL _ DANA]

يسلمووو خيو عاشق ,,,,عم تابع معك انا ....يعطيك العافيه ,,,,,,,,:ff:









0000000000000000000000000

[عاشق أردني]

هاي يا جماعة الحلقة رقم 16 والللي قبل الأخيرة انشالله رح تكون

الحلقة السادسة عشرة

في حلكة من الليل خرج مامون بيك من بيت ابو ساطور كالخفافيش بعد ان قام بقتل ابو ساطور ولم يحس عليه او يره احد وغادر لبيته بصمت تاركا جثة ابو ساطور مكانها !!وذهب للهاتف مباشرة

مامون بيك : الووووو !!

دو**** !! اي !! سيدي الوضع ما بطمن بنوب !!

ابو شهاب رجع للحاره ولساه عايش !! وما بعرف شلون عرف ابو حسن بامر وصولكم !!

اي سيدي !! والمالكانات اشتراها واحد اسمه ابو النور !!

لا ما بعرف مين هو ولا بعرف من وين !! هادا شغلكم سيدي !!

وفي شي تاني!! الليله تخلصت من احد الشهود !! وكل شي مر على خير

المشهد الثاني :ابو حاتم ببيت ابو شهاب

ابو حاتم : والله لما وصلني خبر وصولك بالسلامه حملت حالي وجيتك لهون على الحارك

ابو شهاب : والله اهلين بعمي ابو حاتم !! شو وين كاين اليوم ؟؟ قالولي اخدت الحصان وكنت ملبك !! خير شو القصه ؟

ابو حاتم يهم بالرد على ابو شهاب فتدخل شريفه !! فيقول لها ابو حاتم !!

شلونك يا بنتي !! هي ابن عمك قدامك ما به شي !!

تبتسم شريفه وتقول : الحمد لله يا ابي الله رجعلي اياه بالسلامه

ابو شهاب : شريفه اصيله وبنت اصول

ابو حاتم : الله يديم اصلك ويعزك يا عقيد !!

شريفه بعدما تقدم الضيافه !! ابن عمي !! بتحب تتعشوا هلا ؟؟

ابو شهاب : اي شو عليه !! خلنا نكسر السفره سوا !! اشتقنا لجلسات عمي ابو حاتم !!

اي عمي شو وين كنت ؟؟

ابو حاتم : بالاول قللي شفته لمامون بيك ؟

ابو شهاب : اي شفته !! بس بدك الصراحه ما ارتحتله !!

يبتسم ابو حاتم ويقول : صهري !! من وقت اللي اجى فيه مامون للحاره !! الحاره انقلبت فوقاني تحتاني !!

ابو شهاب : اي قلي فتحي كل شي صار بغيابي !! بس شو علاقة مامون باللي صار بالحاره ؟؟

ابو حاتم : يا عقيد !! مامون ورا كل شي عم يصير !!

سرقة محل ابو خاطر !! وتلبيس عبدو التهمه !! ومحاولة قتله !!

ابو شهاب : شلووووووووووووون ؟؟

عبدو كان بدو ينقتل؟؟؟

ابو حاتم : اي !! واللي كان ورا هالشي مامون !! وابو ساطور كان دراعه اللي بيضرب فيها !! وهو بشخصه كان بدو يقتل عبدو مع كم ازعر

ابو شهاب : يا بااااااااطل !!

ابو حاتم :بس قصة موت فريال خانوم مو لاقينلها حل بنوب !!

ابو شهاب : شلون يعني؟؟ وليش لهلا سامحينله يتصرف على كيفو ؟؟ يعني اذا كان ابن اخوه للزعيم ابو صالح بتتركوه يتصرف عل كيفه ؟؟ لا ما فشر واحد متله يحمل اسم الزعيم ووراه كل هالمصايب !!

ابو حاتم : يا ابو شهاب !! نحن فينا نجيب ابو ساطور ونخليه يقر بكل شي !! بس ما راح نستفيد شي !!

اكتر شي راح يقوله انه مامون هو اللي دبر وخطط وهو ورا كل هالشي !! اكيد ابو ساطور ما بيعرف اكتر من هيك !! ونحنا ما بيهمنا هالشي بالدرجه الاولى !!

ابو شهاب : ما فهمت عليك !! لا يكون لانه ابن اخوه للزعيم ساكتين عليه ؟؟

ابو حاتم : ابو شهاب !! مامون بيك واحد خسيس ودخيل على الحاره ولا هو ابن اخوه للزعيم ولا بيمتله بصله !!

ابو شهاب : شوووووووو ؟؟ مو ابن اخوه للزعيم؟؟ لكان مين بيكون ؟

ابو حاتم : واحد داسوس من الفرنساوي !!

ابو شهاب ينهض من كرسيه فزعا : الله اكبر !! شو عم تقول انت؟؟ ومن وين جبت هالكلام؟؟؟

ابو حاتم : ابو عصام كشفه !!!

ابو شهاب : شلوون ؟؟ مين ابو عصام؟؟

ابو حاتم : ابو عصام صهرك !! الحكيم !!

ابو شهاب: عمي ابو حاتم؟؟؟ شو عم تحكي انت ؟؟

ابو حاتم : ابو عصام لساه عايش يا ابو شهاب !! ابو عصام حي يرزق !!

المشهد الثالث /الضابط الفرنسي يتكلم بالهاتف

اسمعني جيدا !! هناك رجل يدعى ابو النور !! اشترى الاملاك التي تخص حارة الضبع والمعروضه بالمزاد قبل اسبوع !!

يجب ان تعرف من هو واين يسكن !!وليس ذلك وحسب!! بل يجب ان تاتيني به فور العثور عليه


المشهد الرابع / ابو شهاب يبكي لاول مره

تذرف عيون ابو شهاب حينما يسمع خبر ابو عصام وانه على قيد الحياه ويقول :

يااااااااااااااه يا عمي ابو حاتم !! مشتاق لابو عصام خيرات الله !! والله !! والله الفرحه مو واسعتني بنوب !!

من وقت ما اختلفنا وقت اللي كانت قصة طلاق ام عصام ما صحلي اقعد معه !! ما صحلي اعتذر منه على الشكل اللي عاملته فيه " ويستمر بالبكاء " ولما سمعت بخبر وفاته حزنت كتييييير كتير !! يااااااااااااااااه يا ابو حاتم !! وهلا ما عم صدق !! معقول بعد كل هالمده شوفه ؟؟ معقول يكون عايش؟؟

هلا هو بعيد عن الحاره؟؟ يعني فيي اشوفه الليله ؟؟

ابو حاتم : لا يا ابو شهاب ؟؟ انت ما الك طلعه من الحاره بهيك وضع !! بعدين ابو عصام بدو اياك تضل بالحاره !!

لانه في مخطط براسه لنكشفه على حقيقته لمامون بيك وقدام كل الحاره !! لانه كل الحاره مخدوعين فيه !!

ابو شهاب : وشو هي الخطه اللي براس ابو عصام ؟

ابو حاتم : ما بعرف شو هي بالضبط !! بس هو طلب انه يشوف عصام ومعتز ويظهر راح يعتمد عليهم بهالشي !!

لانه مبارح بس اتاكدنا 100% انه عميل للفرنساوي

ابو شهاب : شلون ؟؟؟

ابو حاتم : عن طريق ابو حسن ورجاله

ابو شهاب : كيف يعني ؟؟

ابو حاتم : راح احكيلك كل شي بس نكسر السفره سوا !! بس قللي بالاول !! شو ناوي تعمل ؟؟

انا عن نفسي ما راح اسكت !! وحياة عزك يا شام !! وحياة ترابك الغالي !! ما بكون ابو شهاب اذا تركتك تنفد بريشك يا مامون بيك !!

ابو حاتم : شو في براسك صهري؟؟

ابو شهاب : بدي شوف ابو ساطور !! الا ما يكون يعرف شي نحنا مامنعرفه


المشهد الخامس / ابو شهاب في الحمام

ابو جاسم : اي اخي ابو شهاب !! في شي بدي قلك اياه

ابو شهاب : شو هو !! احكي

ابو جاسم : بدنا تدبرلنا شي بيت لصبحي !! وبدنا رايك بهالشي !!

ابو شهاب : اترك الموضوع علي !!

ابو جاسم : وفي شي تاني!! المالكانات اللي بتخص الحاره واللي صادرتها البلديه من كم سنه اذا بتذكر !! انعرضت للبيع من كم اسبوع !! وما بنعرف شو صار فيها !!

ابو شهاب : اطمن اخي ابو جاسم !! المالكانت رجعت للحاره واهلها !

ابو جاسم : شلون ؟؟؟

ابو شهاب : انا اشتريتها !! عن طريق ابو النور !!

المشهد السادس / ابو حاتم يذهب لدكان ابو عصام

ابو حاتم : مرحبا يا رجال !!

عصام : اهلين عمي ابو حاتم !! شرف !

ابو حاتم : شلونك ابو العز !! ولا بتحب ناديك عقيد ؟؟

معتز : ولو عمي ابو حاتم !! عسلامتو خالي ابو شهاب !1 ما عاش اللي يكون عقيد بوجوده

ابو حاتم : ابني عصام !! الله يرضى عليك اي زبون بيجيك هلا صرفو !!

عصام : خير عمي ابو حاتم شو في ؟؟؟

ابو حاتم في حديث بدي احكيه معكم وما بدي حد يدخل علينا !!

معتز : تفضل عمي ابو حاتم !!

ابو حاتم : بتتذكروا اليوم اللي استشهد فيه ابوكم الله يرحمه ؟؟

معتز تتغير ملامحه اشارة للحزن : ومين فينا بينسى هاليوم المشؤوم يا عمي ؟؟

ابو حاتم : يا ترى حدا فيكم شاف جثته او بيعرف وين هو مدفون؟؟

عصام : عمي !! شو القصه ؟؟ ادخل بالموضوع دغري !!

ابو حاتم يتبسم ويقول : ابوكم !! على سلامته لساه عايش !!

معتز وعصام معا : شوووووووووووووووووووو !! عم تحكي جد ؟؟؟

ابو حاتم : لكااااااااان !! ومو بس هيك !! صرت شايفه كذا مره !!

معتز يمسك بابو حاتم ويكاد يبكي !! عمي يستر على عرضك مو وقت مزحك هلا!!

ابو حاتم : والله ما عم امزح !! عم قلك ابوكم عايش وشفته كذا مره وحكيت معه !!

يبدا عصام ومعتز بالبكاء وبنثر الكلام ما بين كيف وايمت ووين وكثير من هذا الكلام !!!

ابو حاتم : عصام ! معتز !! اتاكدوا انه كل شي حكيتلكن اياه صدق !! وما لازم حدا يدرى باللي حكيته !!! فهمانيين ؟؟

عصام : ليش عمي !! خبر متل هاد لازم كل الحاره تعرفه !!

معتز يتلعثم في كلامه !! ويقول : مو مهم !! المهم هلا وينه بدي شوفه !! بدي كحل عيوني اللي ما نشفت دموعها من البكى عليه !! بدي كحلها بشوفته

ابو حاتم : اطممنوا !! راح ابعتكم لعنده !!! لانه هو بذاته طلب يشوفكم !!

معتز : ايمتى عمي ايمتى !!

ابو حاتم : هلا وعلى الحارك !!! وبتتركوا الدكان باي حجه !!

المشهد السابع / ابو شهاب في البوايكيه

ابو شهاب : فتحي !! بتروح هلا وعلى الحارك على بيت ابو ساطور وبتقله العقيد ابو شهاب بدو اياك ضروري !! وما بترجع الا وهو معك

فتحي : امرك عقيد !!

ابو شهاب يحدث نفسه : والله زمان يا ابو ساطوور !! اشتقنا لشوفتك !!


المشهد الثامن / معتز وعصام يلتقون باباهم !!

يدخل عصام ومعتز البيت ويكون ابو عصام بانتظارهم !! يشاهدون اباهم واقف امامهم فيقفون امامه وتذرف دموعهم !! فيرتمي عصام باحضان ابيه ويقبل يديه وهو يبكي !! وينتهي عصام من لقاء ابيه فيقف معتز في مكانه ويبدأ بحركة راسه المعتاده وتعتصر عيونه بالدمع ويقول !! يا بي !! معقوول !! كل هالمده تتركنا !!

فيتبسم ابو عصام ويفتح ذراعيه لابنه " الابضاي " معتز " فيهجم عليه معتز ويحضنه بحراره شديده ويتحسس وجهه ويقبل يديه ويقول !! اشتقتلك يا بي كثييير !! بدونك الحياه ما الها طعمه !! والحاره بدونك بتضل صغييييره!! والله رجع كبير الحاره رجع !! والله وراح تشمخي يا حارة الضبع !! راح ترفعي راسك لفوووق فوووق فووووق !!!

ابو عصام : شلونها امكم وخواتكم ؟؟

معتز : امي كل يوم عم تبكي والعالم الله شو راح يصيبها لو تعرف انك بعدك عايش !!

عصام : صحيح يا بي !! مين هادا الرجال " اشارة لابو عمر "

ابو عصام : هادا ابو عمر !! عمر الشوال !! اللي اجاكم ليطلب الدين اللي اخذته منه !! وياللي فتح محل حمصاني بمحل ابو محمود الكندرجي !!

معتز وعصام ينظرون لعبضهم ويوقولون : عمر !!!!!!!!!!!!!!

المشهد التاسع / فتحي يعود للعقيد ابو شهاب

فتحي : عقيد !! ضليت دق على بيته لا بو ساطور بس ما كان يرد !!

يظهر انه طلع من البيت !!

ابو شهاب : بسيطه !! بتروح ع البيت وبتضل واقف قدام منه لبين ما يرجع وما بتترك مكانك لحد ما يجي ابو ساطور او اجيك انا !!

فتحي : امرك عقيد !!

المشهد العاشر/ عصام ومعتز يستمعون لخطة ابيهم !!

ابو عصام : اسمعني يا بي انت واياه !! هلا مشان نواجه مامون بالحقيقه ونخليه يقر بكل شي وقدام كل الناس بدي منكم تشحطوه لابو جودت باي شكل وباي طريقه !! لانه بيعرف شغلات كتيره عن مامون !!

معتز : شلون بدنا نشحطه ؟؟

ابو حاتم : اتركوها علي !! انا بعرف شلون اخليه يجي برجليه للحاره !!

عصام : يا بي !! طب ليش ما نشحط النمس؟؟ بكون اسهل من ابو جودت !!

ابو عصام : النمس اتركوه لعمر !! هو بيعرف يتصرف معه

معتز : وانت يا ابي ايمت بدك ترجع للحاره ؟؟

ابو عصام : ابو حاتم !! بالوقت اللي بيشحطوا الشباب ابو جودت !! لازم يكون مامون برات الحاره !! بترتب هالشي مع ابو شهاب !!

وفي اللحظه هاي انا بدخل الحاره !!بس لازم كون قريب من الحاره

ابو حاتم : ولا يهمك !! بس نرتب هالشي منأمنك بحارة الماوي عند ابو صياح !! بس قللي !! عبدو ؟؟ شو مع عبدو ؟؟

ابو عصام : عبدو رح يكون معي !!

معتز : عبدو ؟؟؟

عصام : ليش وينه عبدو ؟؟

وهنا يطرق الباب !!

ابو عصام : ابن حلال يظهر هاد عبدو !! فووت عبدو

ويدخل عبدو !!

فينهض عصام ومعتز : عبدو ؟؟؟؟؟؟؟؟؟؟

المشهد الحادي عشر / ابو حاتم في البوايكيه عند ابو شهاب

ابو شهاب : هيك لكان !! حلو كتيير كتتتير !! اتروك مامون علي انا بعرف كيف اصرفه برات الحاره !! بس شو مع ابو جودت ؟؟

ابو حاتم : رح شوف ابو النار !! وهو رح يدبرها !! بس بالاول بدي مر على صبحي بالحمام !!

بس بمعيتك بدي ترتبلي الوضع مع ابو جاسم !! نحن بحاجة الحمام بالنهار !! يعني يا ريت تصرفوا الحريم بهداك النهار وما يجو للحمام !!

ابو شهاب : ليش شو في براسك

ابو حاتم : راح احكيلك ...

المشهد الثاني عشر / ابو حاتم وصبحي ابن الادعشري

ابو حاتم : اي ابو صبيح !! بدي اسالك !!

صبحي : امر عمي ابو حاتم !!

ابو حاتم : شو اخبار صهرك ابو ذراع ؟؟

صبحي يصمت !!

ابو حاتم : اطمن ابو صبيح !! سرك ببير

صبحي : ابو ذراع اخذ عياله وهرب لبيروت من مده

ابو حاتم : يصمت ومن ثم يقول !! اي شو عليه !! حلو كتير

المشهد الثالث عشر / ابو حاتم عند ابو النار

ابو حاتم : السلام عليكم

ابو النار : اهلييييييييين عمي ابو حاتم !! شرف شرف اخي ابو حاتم

ابو حاتم : الله يزيدك شرف اخي ابو النار !!

ابو النار : بهنيك بسلامة العقيد ابو شهاب

ابو حاتم : الله يسلمك !! اي اخي ابو النار !! شو بدي قول

ابو النار : تفضل عمي ابو حاتم قول !!

ابو حاتم : محتاجين مساعدتك من بعد امرك !!

ابو النار : يا باااطل !! لعيونكن !! امرني عمي ابو حاتم !!

المشهد الرابع عشر / ابو شهاب يذهب للحاره

ابو شهاب : شو فتحي !! ما بين ابو ساطور ؟؟

فتحي : الله وكيلك يا عقيد من وقت ما بعتتني لهون وانا عمبستناه !! ما بين بنوب !!

ابو شهاب : العمى !! اسماع فتحي !! بتروح لعند ابو الفوارس على محرسه وبتجيبه لهون فورا !!

فتحي : امرك عقيد !!
وما هي الا لحظات وياتي ابو الفوارس بصحبة فتحي

ابو الفوارس : امرك عقيد !!

ابو شهاب : ابو الفوارس !! شفت ابو ساطور شي ؟؟ ايمتا طلع من الحاره ؟؟ رجع شي للحاره ؟؟

ابو الفوارس : والله يا عقيد من مبارح المساء ما عدت شفته لابو ساطور !! وما بظن انه طلع من البيت !!

الا اذا كان طلع من الحاره بالوقت اللي ما كنت فيه هون !!

فتحي : عقيد انا سالت بالقهوه عن ابو ساطور ما حدا شافه اليوم !!

ابو شهاب : العمى !! لا يكون صايرله شي !! فتحي بتنده ابو جاسم والشيخ عبد العليم !! وبتجيب خاطر وبشير ومعتز ورياض !! بسرعه !!

المشهد الخامس عشر / مامون بيك يحدث نفسه

مامون بيك : وهلا من بعد ما خلصنا من ابو ساطور !! ما بقى الا النمس !

بس يا هل ترى منو هالرجال ياللي حكالو عن السر ؟؟

ولا هي لعبه بيلعها النمس علي؟؟؟

اي شو عليه مين ما يكون !!! النمس هو مصدر الخطر الوحيد علي هلا ولازم اخلص منه !! بس تبرد قصة ابو ساطور


المشهد السادس عشر / ابو شهاب ورجال الحاره يجتمعون حول بيت ابو ساطور

الشيخ عبد العليم : شو اللي مخليك قلقان هالقد على ابو ساطور يا ابو شهاب

ابو شهاب : ما بعرف يا شيخي بس قلبي حاسسني انه هالرجال صايرله شي !! او يمكن يكون ترك الحاره !!

يبدا ابو قاسم وابو بشير بطرق الباب بشده !! فيشير ابو شهاب للشباب بضرورة كسر الباب !!

فيقتحم اهل الحاره بيت ابو ساطور ويجدوا جثة ابو ساطور ملقاه على الارض

تعلو الاصوات !! يا لطيف !! الله اكبر !! شو هااااااااااااااد ؟؟؟؟؟

ابو ساطوور !! ابو ساطور مقتول يا رجاااااااال !!!

ابو شهاب بسره " العمى !! عملتها يا مامون ؟؟

وبعد ان يدخل الجميع بيت ابو ساطور يصرخ خاطر من الداخل !!

عقيييييد !! فياتي الجميع عنده ويجدون المسروقات التي سرقت من محل ابو خاطر !!

ابو شهاب : شو هاد؟؟

خاطر : هي بقية الغراض اللي انسرقت من محلنا !

ابو قاسم : العمى !!! يعني عبدو مو هو اللي سرق؟؟؟

فتخرج الاصوات من هنا وهناك : يا مسكين يا عبدو !! ظلموك يا عبدو !!

ويصرخ ابو شهاب : معتز !! بتجمعلي كل رجال الحاره بالمضافه اوااااام !!

معتز : امرك خاااااااااااال !!

المشهد السابع عشر : اجتماع في المضافه !!

ويكون من بين الحاضرين مامون بيك !!

ابو شهاب : اسمعوا يا رجال !! الحاره كرمالها لورا !! اللي صار اليوم واللي صار بالايام الماضيه شي كبييير كبيير كثير !! واكيد وراه شخص واحد !! هو ورا كل شي !!بس مين يا ترى ؟؟؟ مين اله مصلحه بقتل ابو ساطور ؟؟

ابو بشير : يا عقيد اللي عمل هالعمله من جوات الحاره !!

ابو قاسم : بغضب !! وقت اللي انسرق محل ابو خاطر قلتوا اللي عمل العمله من جواة الحاره !! ووقتها ابو ساطور ما كان بالحاره بالاصل ولا كان من سكانها !!

واتهمتوا عبدو ظلم وطلع ابو ساطور ورا هالشي !! وهلا ابو ساطور انقتل وما بنعرف مين اللي قتلوا !! ورجعتوا تولوا من جوات الحاره

الشيخ عبد العليم : طول بالك يا ابو قاسم !!

ابو قاسم : شلون بدي طول بالي والرجال هلا ما بنعرف وين اراضيه !! طلع من الحاره مكسور الخاطر !!

ابو حاتم : انتوا اللي اتهمتوه للمسكين من بعد ما قلكم مامون بيك عليه !!

مامون بيك : انا يا جماعه ما جبت شي من عندي اللي وصلني خبرتكم اياه !! ودخلكم شو بيعرفني اذا كان ابو ساطور ورا هالشي وداسس واحد ليخبرني عن عبدو ؟؟ والانكى من هيك لاحش نص الاغراض ببيت عبدو ؟؟

الشيخ عبد العليم : يا جماعه هلا اتركونا من سرقة محل ابو خاطر وخلونا في اللي نحنا فيه !! ابو ساطور مين اللي قتلو؟؟ وكمان اللي قوس على مامون بيك وقتل حرمته مين بكون !!

ابو قاسم : قللي هلا اللي عمل هالعمله كمان من جوا الحاره؟؟؟؟

ابو شهاب : طولوا بالكم يا رجااااااااال !! هيك ما راح نوصل لشي !!

اسمعوا اللي بدي احكيه وبدي من كل واحد يحطه حلقه بأدنه !!

الجميع : امرك عقيد !!

الشي اللي صار الليله من قتل ومسروقات بيضل جوات الحاره وما بدي مخلوق يخلق برات الحاره يدرى بهالشي وبالاخص الكاركون !! هذا اول باشتان !!

تاني باشتان !! بتدفنوا ابو ساطور ببيته !! وبتكتموا على الموضوع لبين ما نشوف مين ورا هالشي !!


المشهد الثامن عشر / ابو شهاب مع ابو حاتم !!

ابو حاتم : اي صهري !! شو رايك؟؟

ابو شهاب : واضحة متل الشمس !! مامون بيك عملها !!

ابو حاتم : وانا رايي من رايك ما عملها غيره !! مشان هيك لازم نتحرك بسرعه !! لاني خايف يجي الدور عل النمس !!

ابو شهاب : النمس ؟؟؟ !! اي والله معك حق !!

ابو حاتم :لانه هو كمان من زلم مامون بيك وهو اللي دبر ابو ساطور عند مامون بيك !! واكيد بيعرف شي كبير عن مامون !! والشي هاد خلا مامون يشتريله محل بالحاره

ابو شهاب : اسماع عمي ابو حاتم !! انا الليله شفت الشيخ عبد العليم وخليته يخبر مامون بيك انه في اجتماع للوجهاء والزعامات بالحارات الثانيه !!
وبكره من بعد الظهر بدهم يتيسروا التنين ويطلعو من الحاره !!

ابو حاتم : ويا ترى في اجتماع ؟؟

ابو شهاب : لا اجتماع ولا شي !! بس الشيخ عبد العليم راح ياخذ ويعطي معه ويضيعه وما يرجع فيه للحاره الا على اذان العصر !!

او حاتم : حلو كثييير !! وانا الليله لازم اطلع من الحاره واروح لعند ابو عصام واخبره بكل شي صار !! والدور هلا على عمر ليشوف النمس !!

ابو شهاب : لا بلا تروح انت !! ابعت عصام بدل منك !! وانا رح خبر معتز يروح على بيت النمس !! بلا يصرله شي كاينه !!

ابو حاتم : وهو كذلك !! اصبح انا بروح لعند ابو النار مشان بكره ينفذ اللي اتفقنا عليه !!

المشهد التاسع عشر / ابو بدر في بيته

ابو بدر يدور كالمجنون في بيته ويهذي ويولول ويقول !!

وليييي وليييييي !!! راح ابو ساطور رااااااح !!

الله يرحمك يا امي !! دايما كنتي تقوليلي انه اخرتك سوده يا ابو بدر !! ولييييييييييييييييي !! ولييي

فوزيه : لك شبك ابو بدر ؟؟ ليش عمبتولول؟؟

ابو بدر : لك ابو ساطور راح يا فوزيه رااااااااااح " ويبكي "

فوزيه : ان شاء الله بتروح وراه !!

ابو بدر : يبكي !! والله مي بعيده !! لانه اذا كان شافني اكيييد رح يلحقني بابو ساطور !!

فوزيه : مين هاد ؟؟

ابو بدر : ياللي قتل فريال خانوم !!!

فوزيه : ومين اللي قتلها !!

ابو بدر : اللي قتل ابو ساطووووور !!

فوزيه : ومين هو يا ابو بدر؟؟؟

يكتفي ابو بدر بالبكاء والعويل


المشهد العشرون / عمر ياتي لبيت النمس !!

النمس يحدث نفسه والرعب يغطيه !!

لك شو اللي عم بيصير؟؟ اجى الدور على ابو ساطور !! وابو ساطور راح !! واكييد ما حدا روحه غير مامون بيك !!

يا ترى رح يجي الدور علي ؟؟ ولييييييي !! بس لا لا !! ما بيعملها !! انا ضفري برقبته لمامون بيك !! قصدي دو**** " ويبتسم "

وتقطع ابتسامته طرقات الباب وتنقلب الابتسامه الى خوف !!

النمس : مين !!!

عمر : انا عمر لك نمس !! افتاح الباب !!

النمس : مين عمر ؟؟؟

عمر : لك يا اجدب انا عمر الشوال الحمصاني بحارة الضبع !! شبك ؟؟

النمس : عمر ؟؟؟ شو جابو هاد هلا ؟؟ "ويفتح له الباب "

عمر : مساء الخير نمس!!

النمس !1 والله ما بظن خيير !! لانه جيتك غرريبه وبهالوقت !! خير شو في ؟؟

عمر : اسماع نمس !! انت اكيد عرفت بمقتل ابو ساطور !! والدور راح يجي عليك

النمس !! شو عمر !! شو بتحكي انت !! شو دور وما دور وشو دخلني انا

عمر : لك نمس !! نحنا صحاب ما !! وبتعرف اني ما بكذذب عليك وبخاف عليك !! بس المشكله انت عمبتكذب علي

النمس : بشو كذبت عليك !!

عمر : حاجي نمس !! ما في وقت !! انا بعرف انك انت ياللي أخدت غراض محل ابو خاطر وحطيتها ببيت عبدو لانو مامون طلب منك هيك !!

واكيد انت عرفان شو معنى هالشي؟؟

النمس : عمر!! انت اكيد بيتهيالك!! شو غراض وعبدو وما عبدو

عمر : اسمعني منيح !!

ابو ساطور هو اللي سرق الاغراض وهو بيعرف اشياء كثيره عن مامون بيك !1 مشان هيك تخلص منه

والدور جاي عليك !!

فاحكي الل عندك واخلص احسنلك بلا ما تلحق ابو ساطور !!

النمس : وليييي !! وشو بدي اعمل هلا !!

عمر : اسمعني راح اخدك لبيتي اخبيك عندي !! وهناك بتحكيلي كل شي !!

يلا عالحارك ما في وقت !!

النمس : طب انت شو دخلك بكل هالقصص وشو عرفك ؟؟

عمر : ولو يا نمس ! مو نحنا صحاب !! واكيد بتهمني مصلحتك !!

لك يلا بلا كثرة حكي !!


المشهد الحادي والعشرون / ابو جاسم وابو شهاب !!

ابو قاسم : لك شو هادا اللي عم يصير يا اخي !! هيك بينضحك علينا !! ورميناه لعبدو ظلم وطردناه من الحاره !!

شلون بدي خبي وشي منه !! ووين هو هلا وشو اخباره ؟؟

ابو شهاب : انتو ما الكم ذنب !! انتو انضحك عليكم !!

وبخصوص عبدو !! اطمن !! عبدو بخير !!

ابو قاسم : بجد بتحكي؟؟ وينه هلا ؟؟

ابو شهاب : بكره راح تعرف كل شي بس هلا بدي منك بكره تخلي الحمام بالنهار وتصرف الحريم منه ! وبتحرج على كل حريم الحاره انه ما في حمام بكره !! فهمت علي ؟؟

ابو قاسم : ولشو كل هالشي؟؟

ابو شهاب : مثل ما عم قلك !!! اعمل اللي بقلك عليه وبكره بتعرف كل شي

المشهد الثاني والعشرون / النمس مع ابو عصام وعبدو !!

النمس : يا لطيف شو هادا عمر !!! لوين جايبني !! مين هاااد؟؟

الحكيم ابو عصاااااام !! ولي ! شو هاد انا عم احلم شي !! لك مو ابو عصام ميت !1 شلون طلع من القبر

عبدو : هلا اخراس وسمعنا !!

النمس : وليي : وشو جاب عبدو هون !!! عمر شو فيييييييييي

ابو عصام : اسماع ولا نمس بدون مقدمات احكي بسرعه شو بينك وبين مامون بلا ما اخلي عبدو يخلص عليك !!

عمر : نمس ! احكي كل شي عندك اسلملك !!

النمس يا جماعه طولوا بالكم علي !!!

عبدو : احكي ! ما بدنا نطول بالنا !!

النمس راح احكيلكم كل شي !! بس جيبولي بالاول كاسة مي !!

ياتي عمر بكاس الماء !! ويقول النمس :

بيوم اجاني ابو هلال وطلب مني بخ البيت تبع مامون من الناموس !!

ابو عصام : اي !!

ولما دخلت بيته الفار لعب بعبي ونبشت درج الخزانه تبع مامون بيك ولقيت فيه بطاقه عليها اسمه الحقيقي!!

ابو عصام : شلوووون ؟؟؟؟؟؟

النمس : لقيت انه اسمه دو**** !! مو مامون !!

ابو عصام : دو****؟؟؟؟؟؟؟؟؟؟؟

وهنا تنتهي الحلقه قبل الاخيره

[غدرني الزمان]

شو مطولة الحلقة الاخيرة

[غدرني الزمان]

شوقتنا كتير للحلقة الاخيرة مطول فيها

[عاشق أردني]

وصلنا للحلقة الأخيرة من حلقات المسلسل باب الحارة الجزء الخامس واللي هو من كتابة شخص بأحد المنتديات

الحلقة الأخيرة مشوقة جدا وفيها أحداث كثير بتمنى تتمتعو فيها

الحلقه السابعه عشره " الاخيره "

المشهد الاول / النمس يدلي باعترافاته


النمس : راح اقلكن كل شي !! بس جيبولي بالاول كاسة مي !!

ياتي عمر بكاس الماء !! ويقول النمس :

بيوم شفت ابو هلال وطلب مني بخ البيت تبع مامون من الناموس !!

ابو عصام : اي !!

ولما دخلت بيته الفار لعب بعبي ونبشت درج الخزانه تبع مامون بيك ولقيت فيه بطاقه عليها اسمه الحقيقي!!

ابو عصام : شلوووون ؟؟؟؟؟؟

النمس : لقيت انه اسمه دو**** !! مو مامون !!

ابو عصام : دو****؟؟؟؟؟؟؟؟؟؟؟

النمس : اي دو**** !!

عبدو : ولااا!! يا ويلك اذا كنت عمبتكذب !! والله لاعدمك حياتك !!

النمس : الله وكيلك ما كذبت باي حرف !!

ابو عصام : وما عرفت مين بكون هادا دو**** ؟؟؟

النمس : يعني !! اكييد واحد نصاب وبدو ينصب على الحاره !! لكان ليش بد يدعي انه ابن اخو الزعيم ؟؟

عمر : لك نمس!! والله ما بعرف انك اجدب لهدرجه !!

النمس : ليش شو حكيت انا اخي عمر ؟؟؟

عبدو : لك يا اهبل هاد واحد داسوس للفرنساوي !!!!

النمس يرتعب ويتلعثم بالكلام : يا لطيييييف !! والله ما بعرف شي عن هالقصه ولا خطر ببالي بنوب !!! انا ما دخللني بشي !! الله وكيلكم !! ويبدا بالبكاء !!

عمر : اهدا لك نمس !! نحن بنعرف انه مالك بهالقصه بنوب بس بدنا تحكيلنا كل شي بتعرفه عن مامون !!

ابو عصام : ليش مامون عطاك محل ابو سمير الحمصاني ؟؟ مقابل شو هالشي ؟؟

النمس : لما عرفت اسم مامون الحقيقي هددته بهالشي وصار ينفذلي طلباتي !! وطلبت منه محل ابو سمير الحمصاني قام عطاني اياه !!!

عبدو : ولااا نمس !! شلون كنت بدك محل ابو سمير ورياض كان فيه !! انت كنت عرفان انه رياض بدو يترك الدكان ؟؟

النمس : لا ما كنت بعرف !! بس قلت مامون بيك بيدبرها !!

عبدو : يعني مامون ورى هجرة رياض لطرابلس !!

النمس : اكييد !! هو اللي دبر كل شي !!

عبدو : هو مامون لهلدرجه اجدب لينفذلك طلباتك ؟؟ يعني ما خفت يتخلص منك وينتهي من تهديدك الو ؟؟

النمس : لكان !! حسبت حساب هالشي وكذبت عليه وقلتله انه في واحد صار بيعرف بكل هالقصه وان صابني شي مكروه راح يفضحه بكل اللي بيعرفه !!!

ابو عصام : اي وشو كمان !! قول شو طلب منك مامون ؟؟

النمس : طلب مني اوقع اهل الحاره ببعضهم وبالذات معتز وابو حاتم مشان يحل هو بنفسه كل هالمشاكل ويكبر بعيون الحاره مشان يوصل للي بدو اياه!

عبدو : شو اللي كان بدو يوصله ؟؟

النمس : انه يصير زعيم على الحاره !!

ابو عصام يدير وجهه للجهه المعاكسه للنمس ويقول : العمى !!!

ومن ثم يلتفت للنمس ويقترب منه ويقول له بحديه : اسماع ولا نمس !! بتبق كل شي بتمك وبتحكي كل شي طلبه منك مامون بيك واياك تخبي اي شي !! والا راح خلي عبدو وعمر يخلصوا عليك !!

النمس : راح احكي !! والله لاحكي كل شي !!

المشهد الثاني / بيت ابو عصام


معتز ترتسم على وجهه ابتسامه عريضه ويظهر عليه الفرح بشكل غير معهود قتقول له امه :شبك ابني ؟؟ والله حاسسة الدنيا مو واسعتك من الفرحه !!

معتز يبتسم بوجه امه ويقول لها : اي يامو !! فرحان كتير كتير كتير !!

ام عصام : الله يفرح اللي فرحك !! فرحنا معك !!خير !! خيريه حبله شي ؟؟ وما حدا قللي؟؟

معتز : ولو يامو؟؟ يعني معقول تكون حبله واعرف قبل منك ؟؟

ام عصام : لكان شو ؟؟

معتز : الشي اللي مفرحني !! اكبر واحلا من هيك خبريه !!

ام عصام : والله شوقتني لاعرف !! شو في يا ابني !!

معتز يضع يده على راس امه ويقول لها !! بكره راح تعرفي كل شي يامو !! واللي فرحني اكيد رح يفرحك اكتر !!

المشهد الثالث : ابو عصام ببيت عمر !!


عمر : ولا نمس !! شلون تقبل على حالك تلحش الغراض ببيت عبدو !! شلون تقبل هيك شي على نفسك ؟؟

النمس : والله !! والله من بعد هالشغله قررت اني اترك مامون وما رد عليه باي شي ! لاني حسيت بالغلط وخفت من اللي بيعمله !!

ابو عصام : خلصنا هلا !! اسمعني يا عمر انت وعبدو !!

بكره لما نكون ببيت ابو صياح لازم النمس يكون معنا وراح يدخل الحاره معنا !!

وحسك عينك يا نمس تواتي باي حركه هيك ولا هيك بدون علمنا !! راح يكون اخر يوم بحياتك !

النمس : انا من ايدكم هي لايدكم هي !! ورح نفذ كل شي بتطلبوه مني بتم ساكت !!

المشهد الرابع / ابو شهاب ياتي لام عصام صباحا !!


ابو شهاب : يسلمو ايديك اختي !! يجعلها سفره دايمه انشالله !

ام عصام : صحه وعافيه اخي !! لاقوم اعملك كاسة شاي !!

ابو شهاب : لا اختي !! الله يرضى عليك بلا منها !! عندي شغل ولازم اتيسر على بكير !!

ام عصام : ما راح تاخرك كاسة الشاي !! تكه وبتكون جاهزه !!

ابو شهاب : هلا اتركينا من الشاي واسمعي شو بدي قلك !!

ام عصام : خير اخي !!

ابو شهاب : بدي منك تلفي على نسوان الحاره بيت بيت !!وتحكيلهم بالحرف الواحد !! العقيد ابو شهاب ما بدو اي حرمه تطلع من بيتها اليوم !!

ام عصام : خير اخي لشو كل هالشي ؟؟

ابو شهاب : بعدين بتعرفي !! المهم بتاكدي عليهم من وقت ادان الضهر ما بدي شوف ولا حرمه برات بيتها !! اي كان السبب !!

ام عصام : امرك اخي !! اللي بدك اياه بصير !!

المشهد الخامس : الشيخ عبد العليم يخرج من الحاره بصحبة مامون بيك

ابو شهاب : شيخي !! ما بدي وصيك ! ما بدي ترجعوا قبل صلاة العصر !!

الشيخ عبد العليم : باذن الله يا ابو شهاب !! انتو بس ديروا بالكم

ابو شهاب : ادعيلنا شيخي !!

الشيخ عبد العليم : الله ينصركم ويحميكم ويسدد خطاكم !!

ابو شهاب : اميين !! وياتي مامون بيك !

مامون بيك : اي شيخ عبد العليم !! نوينا نتيسر ان شاء الله !!

الشيخ عبد العليم : على بركة الله !! اتكلنا على الله !!

ابو شهاب : سيد مامون ! ما بدي وصيك على الشيخ عبد العليم !

مامون بيك : ولو يا ابو شهاب !! الشيخ عبد العليم ما بدو مين يوصي عليه !! المهم هو يكون رضيان علينا !!

الشيخ عبد العليم : يلا بخاطرك عقيد !! اسمحلنا !!

ابو شهاب : الله معكم !! مهونه ان شاء الله !!

المشهد السادس / ابو شهاب يجتمع باهل الحاره !!


فتحي : عقيد !! الشيخ عبد العليم ومامون بيك بعدوا عن الحاره !!

ابو شهاب : حلو كتير !! وهنا ياتي ابو حاتم !!

ابو حاتم : عقيد !! الشباب صاروا بعهدة ابو صياح !!

ابو شهاب : وهلا لازم نجمع كل رجال الحاره !! فتحي !! سكر باب الحاره و شوف شغلك !!

فتحي يغلق باب الحاره ومن ثم ينادي يا اهل الحاره !! يا اهل الحاره !! الكل يجي للساحه ! العقيد طالبكم لامر هام وضروري !!

الكل مدعو للاجتماع !! يا اهل الحاره يا اهل الحاره !!!! " ويخرج كل رجال الحاره من بيوتهم ويجتمعون بالساحه الرئيسيه للحاره ولا يعرفون ما الذي يجري وما الذي حصل

فتخرج الاصوات من هنا وهناك : خير شو في !! شو صاير !! لشو هالاجتماع !! ولشو يكون بالساحه هون !! الله يجيرنا " وما الى ذلك من كلام "

ابو شهاب : اسمعوا يا رجال !! اسمعوا يا اهل حاة الضبع !!

كل شي صار بالحاره وكل المصايب اللي صارت كان وراها رجال واحد واليوم راح نكشفه وقدام الجميع !! لانه خلصصص انكشف !!

يا رجااال !! اللي كان ورا هالمصايب هو رجال من الحاره عاش بينا فتره طويله !! وبالاخير طلع داسوس للفرنساوي !!

تعلو الاصوات : يا لطيف !! منو هاد ! مين بكون !!! لازم نشرب من دمو ! دلونا عليه ...

ابو حاتم : سمااع يا رجااال ! خلو العقيد يكفي كلامه

ابو شهاب : يا رجال !! اليوم يومكم !! اليوم راح تاخذوا بثاركم من اللي ظلم عبدو !!واللي قتل ابو ساطور !! واللي ضحك على رياض !! ومو بعيد يكون نفس الشخص هو اللي قتل فريال خانوم !!

ابو بدر تتغير ملامحه !! ويحس بالخوف

وتعلوا الاصوات من جديد : الله اكبر !! الله اكبر !! منوهااااد !!

ابو شهاب : بس قبل ما نقلكن مين هو !! لازم بالاول تنفذوا كل شي بنطلبه منكم وبالحرف الواحد !!

ما بدي اي مخلوق يشتغل من راسه وبدون ما نشور عليه !!

الجميع : امرك عقيد !! اللي بدك اياه راح يصير بعون الله !!

ابو شهاب : راح احكيلكم !!ومن بعد ما احكيلكم منو هاد الداسوس راح عرفكم عل اللي كشفه واللي فضح كل الاعيبه الخبيثه !!

الجميع : مين بكون ؟؟ الله يحي اصله مين من كان ...

ابو شهاب يشير الى عصام !! فيخرج عصام من الحاره لحارة الماوي !!



المشهد السابع / ابو النار في الكاركون !!


نوري : سيدي !! ابو النار قال بدو ياك بامر ضروري !!

ابو جودت : العمى !! شو بدو هاد التاني ؟؟

اي خليه يفوت !!

ابو النار : السلام عليكم

ابو جودت !! اهلين ابو النار !! شووووو شو جابك لعنا اليوم ؟؟

ابو النار : امر هام وضروري !!

ابو جودت : اي هات لاشوف !! اتحفنا !!

ابو النار : اكيد انت عرفت متل ما انا عرفت من ابو غالب انه ابو ذراع قتل ابو الطماير !!

ابو جودت : اي !!

ابو النار : سيدي انا بعرف وين ابو ذراع متخبي !!

ابو جودت : ابو ذراع ؟؟

المشهد الثامن / حارة الضبع


الكل في ساحة الحاره مجتمعون بصحبة ابو شهاب وقد اخبرهم بامر مامون بيك !! وبات الكل في حيرة وغير مصدق لما سمعوه !!! وقد اخبرهم ايضا بالخطه !! وتعلوا الاصوات " يا ويلك منا يا مامون !! ويقطع اصواتهم عصام !! بعد ان دخل الحاره واغلق الباب وراءه ويقول لابو شهاب : خاااااااال !! الضيف وصل !!

الكل ينظر لباب الحاره ويترقبون الشخص الذي اخبر عنه ابو شهاب والذي كشف مخططات مامون بيك !!

فيذهب عصام ومعتز لباب الحاره ويقومون بفتحه !! ويدخل ابو عصام حارة الضبع بصحبة عبدو وعمر ومعهم النمس !! وسط ذهووول شديد من اهل الحاره !!

ابو مرزوق !! ابو خاطر !! خاطر !! ابو بشير ! بشير !! رياض !!ابو بدر !! ابو قاسم !! ابو ديبو !! الكل !! الكل له نظرته واستغرابه وحالته من الذهول امام هذا المشهد وهم يرون ابو عصام بشحمه ولحمه يدخل الحاره ولا زال على قيد الحياه !!

فيصدح ابو قااسم بصوته : صهري ابو عصام !!! الله اكبر !! الله اكبر يا رجال !! ويذهب اليه ويحضنه بشده !!

الكل ياتي لتهنئته !! والتسليم عليه وسط كلمات تخرج من هنا وهناك !! شلون وكيف !! ايمتى !!اما عبدو فقد نال نصيبه من التهنئه والاعتذار

وياتي دور ابو شهاب !! يقف امام ابو عصام وينظرون لبعضهم!!! وقد علت البسمه وجوههم !! ويبدا العناق !!" تغيب الاصوات ويغيب كل شيء حتى الهمس يغيب !! ولا يسمع الا كلمات ابو شهاب وابو عصام لبعضهم والممزوجه بالاشواق !! وكانهم في عالم وبقية رجال الحاره من حولهم في عالم اخر !!

ابو بشير تذرف دموعه : والله كاني بحلم !! ابو عصام لساه عايش !! ويبتسم !! ولا شو كمان عمر كان من طرفه !! وعبدو متخبي عندو !! والله ما عم صدق !!

ابو قاسم يحضن عبدو !! ويقول له : سامحني يا عبدو !! سامحني !! ما كان لازم صدق اي كلمه انحكت عنك !! بس شو نقول الله يلعن الشيطان واللي كان السبب !!

عبدو : ولا يهمك عمي ابو جاسم : عرضيه !! المهم رضاك عني .

واهل الحاره يباركون جهود عمر ويقولون له : الله يديمك يا ابضاي !! لك كل هاد يطلع منك !!

ابو شهاب : يا رجااال !! كل واحد عرف شو لازم يعمل ! وهلا خلو صهري يرتاح ويطل على عياله !!

ويشير الى خاطر وصبحي وبشير ورياض ومعتز .. يلا يا رجال كل واحد لمكانه !!



المشهد التاسع / ابو النار مع ابو جودت !!


ابو جودت : انت متاكد انه ابو ذراع متخبي بحارة الضبع في حمام ابو قاسم ؟؟

ابو النار : معلوم ولو !! لو ما كنت متاكد ما جيتك !!

ابو جودت : وشو اللي بدو يخلي ابو ذراع يروح للحمام ويتخبى فيه ؟؟

ابو النار : ولو يا ابو جودت ! انت سيد العارفين وبتفهمها على الطاير !!ابو ذراع بكون صهره لصبحي اجير الحمام !!

بعدين اللي عرفته انه ابو قاسم صرف الحريم من الحمام اليوم بحجة تنضيف الحمام وترميمه ! مع العلم انه السبب هو وجود ابو ذراع فيه !!

ابو جودت : العمى !!! يخرب بيتهم !!

ابو النار : معنى هالشي يا ابو جودت انه ما راح يقدروا يبعدوا الحريم عن الحمام اكتر من هيك !!

يعني ان كان ابو ذراع موجود اليوم في الحمام فما يظن يبقى لبكره !!

ابو جودت : مزبوط اللي عمبتحكي فيه !!

يا نووووري !! نوري اجمعلي العناصر فورا !!

المشهد العاشر / بيت ابو عصام !!


ام عصام في حالة من الهذيان وقد اغمي عليها بعدما وصلها خبر ابو عصام وعودته للحاره !! وقد تجمعت بناتها حولها !!

لطفيه تحاول ايقاظ ام عصام !! ودلال وبوران وجميله في حالة من البكاء والخوف وعدم التصديق // والخوف من ان يكون الامر مجرد اشاعه !! اما خيريه فدورها اقتصر على تهدئتهن !! ونشر الطمائنينه بينهن !!

عصام يدخل البيت : يالله يالله !! يامووو يامووو ! ابي رجع يامووو !

ام عصام : في حالة بين الغيبوبه واليقظه !!

يدخل ابو عصام البيت ويقف امامهم جيعا وبجانبه عصام !

الكل ينظر اليه بدهشه مصحوبه بالبكاء وتاتي بناته اليه بسرعه ويقبلون يديه ويضمونه !! وام عصام واقفه تبكي ولا تعرف ما تفعل !!

يقترب منها ابو عصام وتسيل الدمعة من عينيه : شلونك يا سعااااااد !!

ام عصام : ابو عصاااااااااام !!

المشهد الحادي عشر / ابو جودت يدخل حارة الضبع


الحاره بوضعها المعتاد !! كل شيء طبيعي

ابو مرزوق : يا ريان احمر يا رياااااااااان !!

ابو شهاب يرى ابو جودت وياتي اليه : زارتنا البركه !! اهلين ابو جودت !!

ابو جودت : اهلين بالعقيد ابو شهاب !! الحمد لله على السلامه !!

ابو شهاب : الله يسلمك !!

ابو جودت : كان من الواجب اني اجي واسلم عليك قبل هيك ! بس الظروف ما سمحت !!

ابو شهاب : اهاا !! يعني بفهم انك جاي تسلم علي ؟؟

ابو جودت : لا مو بالزبط !! باليوم ال بجي لاسلم عليك !! لازم قوم بالواجب وما اجيب معي الدرك !!

ابو شهاب : ما فهمت عليك !! شو قصدك

ابو جودت : وصلتنا خبريه انه ابو ذراع واللي متهم بجريمة قتل متخبي بالحاره هون !!

ابو شهاب : الحاره قدامك يا ابو جودت !! فتشها !!

ابو جودت : يصمت !! ومن ثم يقول !! وراي يا ابني !! ويتجه للحمام !!!

ابو شهاب : عصاااام !! ويشير اليه بالتحرك !!

المشهد الثاني عشر / ابو جودت في الحمام !!


ابو قاسم : ابو جودت !! شو خير !! شو جابك لعنا ؟؟

ابو جودت : انت بتعرف لشو جاي !!

ابو قاسم : ولشو جاي !! خير !! شو واصلك عنا ؟؟

ابو جودت : شو يا ابو جاسم !! على علمي بالوقت هاد بكون الحمام للحريم !! وانا شايف شي ثاني !!

ابو قاسم يتظاهر بالتلبك !! ويقول له : اي !! اي عم نرمم بالحمام !! مشان هيك صرفنا الحريم اليوم

ابو جودت : وين صبحي ؟؟

ابو قاسم : يا صبحي !! تعى !! ابو جودت عاوزك !

صبحي ياتي : خير سيدي !!

ابو جودت : ولا صبحي !! وين ابو ذراع ؟؟

صبحي : يتظاهر بالخوف : شو شو بيعرفني !!

ابو جودت : ولا !! احكي الصدق !! نحن منعرف انه ابو ذراع متخبي هون !! احكي وينه احسنلك !!

وبعد تردد يقول صبحي : هو بالجواني !!

ابو جودت : وراي يا ابني !!

يشير ابو قاسم لصبحي بلحاقهم !!

يدخل ابو جودت ورجاله للجواني فيتفاجا بشباب الحاره وقد احاطوه بالاسلحه !!

معتز : عندك ابو جودت ! ولا حركه !!!

ابو جودت : ولييي !! شبكم !! شو فيي !!

خاطر : ارمي سلاحك انت واياه !! احسن ما فرغ الرصاصه بنص راسك !!

ابو جودت : نزل سلاحك يا ابني نزله !!!

ويقوم الشباب بتقييد رجال ابو جودت ويبقى معهم صبحي وبشير !!

والبقيه يتكفلون بابو جودت ويسحبونه للحاره !!

المشهد الثالث عشر / عصام ياتي لاخبار ابيه


عصام : يابي !! الخطه نجحت !! كمشو ابو جودت !! وهو بالحاره !!

ابو عصام : حلو كتيير !! قول الله يا ابي !!

ام عصام : لوين رايحين ؟؟

ابو عصام : لا تخافي يا سعاد !! انت ديري بالك على البنات !! في حساب لازم نصفيه !!

قول الله يا بي



المشهد الرابع عشر / ابو جودت مقيد بوسط الحاره

يلتف رجال الحاره حول ابو جودت بقيادة ابو عصام وابو شهاب !! فيقترب منه ابو شهاب ! ويقول له :
اي ابو جودت !! شو رايك ؟؟

ابو جودت : رايي بشو !! شو اللي عم يصيير !! ويرى ابو عصام : يا لطيييييييييف !! شو هاد !! ايمتى طلع ابو عصام من القبر ؟؟

ابو شهاب : ابو عصام ترك القبر الك !! اذا ما بتحكي كل شي !!

ابو جودت : شو احكي !! الله وكيلكم ما عملت شي !! ابو انار خبرني انه ابو ذراع متخبي بالحمام !! وجيت لاكمشه !!

ابو عصام : ابو جودت !!شو علاقتك بمامون ؟؟

ابو جودت : مين مامون !!

ابو شهاب يصرخ عليه : لا تجدبها ابو جودت !! مامون بيك شو ما عرفته ؟؟

ابو جودت : اي عرفته !! ابن اخوه للزعيم !! شبو ؟؟

ابو شهاب : شو بتعرف عنه !! شو دبرت انت واياه ! شو خططت !! احكي !!

ابو جودت : ما عندي شي احكيه !! والله ما بعرف عن شو عمبتحكي !!

ابو شهاب : معتز !! ريحو لابو جودت !! الظاهر مل من الحياه !!

يقترب معتز من ابو جودت ويجهز سلاحه : امرك خاااااااااال !!

ابو جودت : لا دخيلكم !! دخيلكم راح احكي كل شي !!

ابو شهاب : احكي لشوف !!

يصمت ابو جودت ويقطع صمته صوت ابو حاتم !! فيقول له !!

راح قربلك اياها ابو جودت !! الرجال سلموك ابو حديد ياللي كان بدو يسرق محل ابو مرزوق !! من بعد ما كمشو ابو ساطور متلبس !! وانت افرجت عنه فورا !!

شو السبب ؟؟

ابو جودت : مامون بيك طلب مني افرج عنه !!

ابو حاتم : وشو مصلحة مامون من هالشي ؟؟ يا ترى هو اللي باعته؟؟

ابو جودت : اي سيدي هو اللي بعته !! بس مو بغرض السرقه !!

ابو شهاب : لكان بغرض شو ؟؟

ابو جودت : مشان يختبر اهل الحاره ويشوف ان كانوا صاحين ولا نايمين بالعسل !!

ابو عصام : وانت شو اللي بيخليك توافق على هيك شي ؟؟

ابو جودت يتلعثم : مشان مشان المصاري ! كان يعطيني مصاري كتير !!

ابو شهاب : اكيد انت بلهموطي !! بس مو لدرجة انك توافق مامون بيك بهالشي !!!

احكي ولا !! احكي !! ليش وافقت مامون بيك على فعايله !!

يصوب معتز السلاح من جديد على ابو جودت !! فيقول ابو جودت !! راح احكي راح احكي !! بس قولوا لمعتز يبعد هالباروده عني !!

ابو جودت يتابع !! انا وافقته لمامون شنو ماسك علي ممسك !! وهددني انه يفضحني ان ما مشيت معه !!

ابو عصام : وشو هادا الممسك ؟؟



المشهد الخامس عشر / مامون بيك والشيخ عبد العليم


الشيخ عبد العليم : ما بعرف شو الل صار

خلينا نرجع للحاره هلا وبكره بنعرف ليش هيك صار معنا

مامون بيك : وهو كذلك !!



المشهد السادس عشر / استمرار التحقيق مع ابو جودت


معتز : يا واااااااااااطي !! هلا انت كنت ورى ابو طاحون بدك تتخلص منا ؟؟؟

ويهم على ابو جودت ليقتله فيصرخ عليه ابو عصام : معتززززز ! اوعك !! لا تتسرع يا ابي !!

ويتابع !! وهلا ابو طاحون وينه؟؟

ابو جودت : مامون طلب مني رحله على القلعه !! ووصلني خبر انهم عدموه !!

ابو شهاب : ومحل ابو خاطر !! شو بتعرف عن سرقته؟؟؟

ابو جودت : اللي بعرفه انه مامون بيك خبرني بالقصه وطلب مني حقق مع كل رجال الحاره وبالاخص معتز !!

وكل واحد كنت احقق معه كان يجي هو يفرج عنه !!

ابو شهاب !! شاهدين يا رجااال !! عرفتوا مامون على حقيقته !!

وتخرج الصيحات مطالبه بالتار والانتقام من مامون بيك !!

ابو شهاب : الحشو هادا الواطي عند جماعته بالحمام لبين ما نشوف شو بدنا نعمل فيه !

ابو جودت : دخيلك يا ابو شهاب والله ما عملت شي !! بوعدكم نفذ كل طلباتكم بس ما تقتلوني !!

ابو شهاب : اشحطوه !!





المشهد السابع عشر / ابو بدر في بيته


فوزيه : هلا انت شفته لابو عصام !!

ابو بدر : لكان يا فوزيه !! شفته بالحاره وسلمت عليه كمان !!

فوزيه : ووين كان طول هالمده ؟؟

ابو بدر هلا شو الك بهالقصه ! بعدين بحكيلك !! هلا ما في وقت !! لازم كون مع الرجال بالحاره ! لانه قرب مامون ليرجع !!

فوزيه : معقول كل هالمصايب وراها مامون ؟؟

ابو بدر : معلوم يا فوزيه !!ومو بس هيك !! كمان ... ويصمت !!

فوزيه : شو ابو بدر احكي ليش سكتت ؟؟

ابو بدر: لا ما في شي !!

فوزيه : لك ابو بدر !! وليش اخد الشبريه معك ؟؟؟

ابو بدر : شبنا فوزيه ؟؟ هلا كل الحاره عم تستعد !! وكل واحد شايل شبريته على جنبه !! بدك اياني كون ناقص قدام منهم !!

فوزيه : يخزى العين !! لك مو بالاول لتكون رجال !!؟؟؟

المشهد الثامن عشر / مامون بيك والشيخ عبد العليم يعودون للحاره !!

وكما هو مخطط له !! عاد الشيخ عبد العليم بمامون بيك للحاره بعد العصر وبوقت كان رجال الحاره قد عادوا لمواقعهم وكان كل شيء طبيعي حتى لا يثيروا انتباه مامون بيك !!
الشيخ عبد العليم : ما مشي الحال اليوم !! لغير مره ان شاء الله

مامون بيك : ولا يهمك شيخي !! صحبتك كانت اهم شي بالموضوع !! وهلا بستاذن منك بدي روح للبيت ارتاح شوي

الشيخ عبد العليم : الله معك سيد مامون !!

مامون بيك يدخل بيته وقد بدا الشك يدخل لنفسه !!ويقول :

العمى !! ليش طلعنا انا والشيخ عبد العليم ؟؟

لا يكون ابو شهاب كان مخطط لهالشي وقاصد اني ما كون بالحاره !! بس لييش !! ليش يا ترى ؟؟

في هذه اللحظه يكون رجال الحاره قد احاطوا ببيت مامون بيك

فيقطعون افكار مامون بيك بطرقات الباب والصراخ !!

افتاح ولااا !! طلاع من بيتك يا داسوس !! يا واطي !!

افتاااح !! البيت كله محاصر !! ما عاد الك مهرب بنوب !!

وهنا يقول مامون بيك : العمى !! شو هااااااااااد ؟؟؟

ويذهب للهاتف بسررعه !!

الووو !! سيدي !!! دو**** معك !!

سيدي انا انكشفت واهل الحاره محاصريني !! واكيد رح يقتلوني !!

الطرف الاخر : اطمئن !! كل شيء وله حل !! المهم ان تهدا وان تسايرهم ولا تعاندهم !

مامون بيك : شلون يعني شلون؟؟ عم قلك راح يقتلوني !!

الطرف الاخر : لا تخف !! افعل ما قلته لك !! واخرج اليهم بهدوء !!

المشهد التاسع عشر / مامون بيك يفتح الباب


مامون بيك : خير يا رجال !! شو في ليش صوتكم طااااللع !!

ابو شهاب : اشحطوه للحاره !!

يقوم شباب الحاره بتقييد مامون بيك وسحبه وسط الحاره !!

مامون بيك : شو في !! شو القصه يا رجال !!

ابو شهاب : هلا ما بتعرف شو في !! يا داسوس الفرنساوي !!

مامون بيك : هالكلام كبييير يا ابو شهاب !! شو نسيان انا مين بكون ؟؟

ابو عصام : انا اللي بعرف مين بتكون !!

مامون بيك : انت مين ؟؟

ابو شهاب : صهري ابو عصام !!!

مامون بيك : ابو عصام ؟؟؟؟؟؟

ابو عصام : يكون بعلمك يا !! يا دو**** !! اني بتذكره منيح لمامون وقت اللي كان صغير !! وبتذكر منيح يوم مات بالجدري !! يعني قصتك ناكته !! ناكته وما بتمشي علينا !!

ابو شهاب : يا نمس !! تعا لاشوف !!

ويتابع !! اي يا دو**** !! تحكي كل شي عندك ولا خلي النمس يحكي ؟؟؟

مامون بيك !! يشعر بالهزيمه ويطأطيء راسه ويقول ! راح احكي !!

ويبدا مامون بالاعتراف !! ابو الطيب ومصيره !! قضية عبدو !! البلبله التي خلقها بالحاره !! ويقول !!

هادا كل شي عندي !! اما ابو ساطور وحرمتي ما بعرف مين قتلهم وشو مصلحته !!

فيصمت الجميع ويصرخ ابو بدر : كذاااااااااااااااااااااااااب !!

مامون كذاب يا عقيد !!

فيلتفت الجميع لابو بدر وقد بدا عليه الهلع والبكاء

ابو عصام : شبك ابو بدر !! احكي !!

ابو بدر : مامون بيك هو اللي قتل فريال خانوم !! هو وابو ساطور !! انا شفتهم بعيني وقت اللي كانت ورده مرضانه !!

وكمان قتل سواق الطنبر !!

فيصعق الجميع من الخبر !! ويقول ابو شهاب : وليش ساكت لهلا يا ابو بدر

ابو بدر : كنت خايف مامون يقتلني !! واكيد هو اللي قتل ابو ساطور !! لانه الوحيد اللي كان معه وبيعرف بالقصه !!

ابو عصام : ابو بدر !! احكي كل شي شفته !!

ويبدا ابو بدر بسرد ما رأته عيناه في تلك الليله المظلمه !!

ابو شهاب : شو يا دو**** !! ولساتك عم تنكر !!

مامون بيك وبعد ان احس بان كل شيء قد انتهى : اي انا قتلت حرمتي !! بس ما كنت قاصد اقتلها !!

اتخانقنا ودفشتها وقعت على الارض وماتت !!!

ابو حاتم : شلون هالشي وكل الحاره شافوك وانت طالع معها بالطنبر بهداك اليوم !!

مامون : ما كانت هي !! كان ابو ساطور ومتنكر بتياب حرمه !!

الشيخ عبد العليم : اعوذ بالله !! حسبي الله ونعم الوكيل !!الكل يصدم لسماع ذلك !! ويقولون : العمى !! لعنة الله عليك

ابو عصام : وليش اتخانقت انت وحرمتك ؟؟

مامون بيك : لانها كمشتني وانا عم احكي مع الضابط الفرنسي !!

ابو شهاب !! تفوو عليك واطي !! يا خسيس !! يا قليل الناموس والوجدان !!

واحد واطي متلك مصيره الموت !! وهلا راح تموت قدام كل رجال الحاره !!

الحاره اللي حضنتك !! وحبتك !! وخنتها بالاخير !!

ويخرج ابو شهاب مسدسه وسط صيحات الله اكبر !! الله اكبر على الظالم !!وهتافات تندد بجرائم مامون وافعاله !! وكذلك توسلات مامون بالعفو عنه ومسامحته

وقبل ان يضغط ابو شهاب على الزناد ياتي صوت من باب الحاره : استنى عندك !!

فيلتفت الجميع للمتكلم !!

انه الرقيب فادي " مساعد الكومندان "

الرقيب فادي : شي حلو كتييير !! كتيير !! بس لا تفكر يا ابو شهاب انت وحارتك انه اللعبه انتهت !!

فيصوب ابو شهاب مسدسه نحو الرقيب فادي !! ويقول له !! حياتك قبل منه !! ومو حارة الضبع اللي تفرط بتارها واللي بتترك غريمها وبيطلع من عندها على رجليه !! وبالاخص لما يكون داسوس وعوايني وايده ملطخ بدم اهلها

الرقيب فادي بهدوء ! يضحك !! ومن ثم يقول !! ابو شهاب !! في الك امانه عنا !! اذا كنت بدك اياها اعطينا السيد دو**** ! بدون شوشره !! وبوعدك !! انه ما راح ناذي اي حدا اذا بتسلموا السيد دو**** !!

ابو شهاب : شو قصدك ؟؟

وهنا يشير الرقيب فادي لاحد جنوده فياتوا بابو النور مقيد !!

فيصاب ابو شهاب واهل الحاره بصدمه كبيره وحسره شديده !!!

الرقيب فادي : اكيد انت بيعز عليك انه الشخص اللي حماك وعالجك !! وخباك عنده !! يصيبه مكروه !! لذلك !! اعطينا دو**** بنسلمك ابو النور !!

فيغضب ابو شهاب غضبا شديدا وقد امسكوه من يده التي تؤلمه ولم يكن امامه اي خيار !!

ابو النور : لا ترد عليهم يا ابو شهاب !! انا اتركني !! بشرفني موت على ايديهم !!

فيغمض ابو شهاب عينيه حسرة وقهرا !! ويقول !! ماشي ماشي !! راح سلمكم اياه !! بس بالاول اتركوا ابو النور بحاله !!

الرقيب فادي : ههههههه لالالالا ابو شهاب !! مو نحن اللي بينضحك علينا !! ومشان يتم الامر بدون خدعه او اي حركه هيك ولا هيك !! بنعطيكم ابو النور ومعه واحد من رجالنا !! ونفس الشي بتبعتوا دو**** مع واحد من رجالكم !!

ابو شهاب : ابو العز !! ويشير اليه بالقيام بالمهمه

الرقيب فادي : لالالا !! ما بنقبل انه يقوم بهالمهمه مخرب اله سوابق !!

مشان يكون الامر مضمون ونضمن سلامة السيد دو**** ، ابعثوه مع المدعو " ابو بدر "

ابو شهاب : شوووووووووووووووووو !! ابو بدر !!

الرقيب فادي : وهي بتفرق معكم ان كان ابو بدر او غيره ؟؟

ابو شهاب : وانتو شو فرقت معكم ؟؟

الرقيب فادي : لالالالالالا بتفرق كتييير !! عل االقليه بالنسه النا !!

هاد هو شرطنا لاتمام العمليه بهدوء وبدون ضحايا

فتخرج اصوا ت من الحاضرين وكانها همس !! شو ما لقو غير ابو بدر !! العمى عرفانين انه حرمه وبيخاف من الهواء الطاير !! مشان هيك اختاروه من بين الكل !!

المشهد العشرون / ابو بدر يقوم بعملية التبادل !!


يتقدم ابو بدر ومعه مامون بيك وكذلك يتقدم جندي فرنساوي ومعه ابو النور !!

فيذهب ابو بدر بخياله بعيدا ويتذكر راي اهل الحاره فيه ومعاملتهم له على انه جبان !! وكذلك يتذكر معاملة زوجته فوزيه له وكيف انه بنظر الجميع انسان عديم الرجوله !! ويقول في نفسه : لايمت يا ابو بدر !! ما حلك ؟؟ لايمتى ؟؟؟ ويتذكر حينما حمل الشبريه على وسطه " في الجزء الثالث " حينما قالت له زوجته فوزيه " ابو بدر اياك تتسرع !! اي حدا بدايقك لا تضربه فيها بسرعه وتورط حالك !! بالاول عد للعشره !!

فيقول ابو بدر في نفسه !!ما عاد في وقت للعد يا فوزيه !! وما ان يكاد يصل لمنتصف الطريق وقد تخطى ابوالنور تنتفض الرجوله الكامنه في جسده ويسحب خنجره ويضرب مامون بيك في عنقه ويصرخ !! ما عاااااش اللي بدو يخونك يا شااااااااااااااااام !!

فيطلق عناصر الرقيب فادي النار على ابو بدر !!متزامنه مع صرخات وصيحات رجال الحاره بـ الله اكبر !!! الله اكبر !! فيشير الرقيب فادي لرجاله بغضب بان يتوقفوا !!

مامون بيك قتل على يدين ابو بدر !!وابو بدر يغرق بالدماء وسط الحاره !!

يامر الرقيب فادي مجموعته الانسحاب بعد الفشل وتفاديا لوقوع مجزره في الحاره !!

ياتي الجميع حول ابو بدر !! يصرخون : ابو بدر !! ابو بدر !!

فيلفظ ابو بدر انفاسه بصعوبه ويقول : عقييد !! اخذت بتار الحاره يا عقيد !!

قولوا لفوزيه انه جوزك ابو بدر ! ما كان جبان ولا خاف من الموت !!

ابو شهاب : ابو بدر : تماسك يا ابو بدر !! لا تموت !! يا رافع راس الحاره لفووووق !!

يبتسم ابو بدر ومن ثم يصمت !! ولا حياة لمن ينادي !!

الجميع يصرخ ويبكي ابو بدر !!!! ابو بدر !!!!


المشهد الحادي والعشرون / حارة الضبع

ابو عصام منهمك في علاج ابو بدر ! هو لم يمت !! لكنه اصيب اصابات بالغه !!

والكل في الخارج في ترقب وخوف وحزن وقلق !!

ابو مرزوق : الله يقومك بالسلامه يا ابو بدر !! طلع ارجل من سيد الرجال بالحاره !!

ابو بشير : ابو بدر رفع راسنا لفوق !! ولازم اسمه يضل مرفوع وما لازم يموووت

الشيخ عبد العليم يدعو لابو بدر بان يشفيه الله !! وقد بدا الحزن عليه !!

فوزيه تبكي وتقول !! ااااااااااه يا ابو بدر !! ااااااااه

لو بعرف المرجله بدها تبعدك عني وتحرمني منك ما كان طلبتها بيوم !! كنت بتمنى تضل متل ما انت ولا يصيبك مكروه !! وتجهش بالبكاء



المشهد الثاني والعشرون / بعد مرور اسبوعين !!


ابو حاتم وابو قاسم وابو عصام في القهوه !!

ابو عصام : شو يا ابو قاسم ! ايمت بدنا نفرح بعبدو ؟؟

ابو قاسم : اخي ابو شهاب بيقول ما راح نعمل اي شي لبين ما يقوم ابو بدر بالسلامه !!

ابو عصام : بس ابو بدر ما شاء الله عليه !! اسم الله حوله ما به شي !! والحمد لله الخطر زال عنه !!

ابو حاتم : له يا ابو عصام !! يعني دخلك بترضاها نعمل عرس بالحاره !! وما يكون ابو بدر بيناتنا ؟؟

ابو عصام : لا والله ما برضاها بنوب !! الشي اللي عمله ابو بدر ما قدر حدا فينا يعمله !!

ابو حاتم : لكاااااااان !!

وهنا يظهر ابو بدر !! وقد كان يمشي بصعوبه

ابو بدر : السلام عليكم يا رجال !!

الجميع : اهلين بالابضاي !! وعليكم السلام !! نورت الحاره ! اهلن بسيد الرجال

ابو حاتم : ابو ديبو !! ضيف كل الحاضرين على حسابي !! لعيون الابضاي ابو بدر !!

المشهد الثالث والعشرون / ابو شهاب في المضافه


ابو شهاب : يا رجال !! الخميس الجاي !! باذن الله راح نعمل عراضه بالحاره عمرها ما صارت بحارات الشام كلها !!!

ابو بشير : لكااان !! حارة الضبع راح تزف عاريسين من زينة شبابها " عبدو / عمر !!

ابو مرزوق : مبروك يا ابو حاتم !! مبروك عبدو !! مبروك عمر !!

ابو شهاب : وبهالمناسبه يا رجال !! في انسان عزيز علي وعدته بشي بيوم وصار لازم نفذ الوعد !!

الحاضرين : مين هادا الرجال يا ابو شهاب !!

ابو شهاب : هلا بيجي !! بعتت وراه مع فتحي !!

لحظات ويدخل فتحي ومعه ابو غالب !

ابو شهاب : شرف يا ابو غالب شرف !!

ابو غالب : السلام عليكم يا رجال !!

ابو شهاب : الشي اللي عملته معي يا ابو غالب ما راح انساه بنوب وانا وعدتك وعد وانا عند وعدي !!

ابو غالب : ما بدنا الا سلامتك عقيد !!

ابو شهاب : اسمعوا يا رجال !! والحاضر يعلم الغايب !! ابو غالب منكم وفيكم !! واللي بصير عليه بيصير عليكم

وهالحاره فيه يعتبرها حارته ايمت ما بدو يدخل وايمت ما بدو يطلع منها !! واذا حب يسكن فيها فرقابنا سداده !!

الجميع : الله يبارك فيك يا عقيد !! الله يقدرك على عمل الخير !!

ابو شهاب : ومو بس هيك !! انا بعرف انه ابو غالب ! من زمان بدو بمحل ابو سمير الحمصاني !!

لذلك بحب خبره وقدامكم انه محل ابو سمير صار اله من اللحظه هاي !!

يبكي ابو غالب ! ويقول : والله فضلت على راسي من فوق يا عقيد !! ويقوم الجميع بتهنئته



المشهد الرابع والعشرون !!

يتضمن هذا المشهد عراضة عبدو وعمر ! زواجهم من بناة ابو حاتم "حميده ومطيعه " " اظن ذلك "

كذلك فرحة النساء بهذا العرس وهذه المناسبه " فالفرح قد عم حارة الضبع من جديد "



المشهد الاخير : بعد مرور شهرين


ابو بدر يحاول الخروج من بيته بسريه تامه " وكانه قام بعمل ما "

فتمسك به فوزيه : ابو بدر !!!!! لوين رايح !!

فيعود ابو بدر لعادته من الخوف والارتباك امام فوزيه : رايح على القهوه بدي اسمع حكاية ابو ممدوح !!

فوزيه : ابو بدر !! شو ما خلصنا من هالقصه ؟؟

ابو بدر : مشان الله فوزيه !! والله ما بتاخر !! اول ما يخلص ابو ممدوح الحكايه بحمل حالي وبجي لهون فورا !!

فوزيه : يا ويلك يا ابو بدر ! ان تاخرت ! والله ما بخليك تفوت البيت

وهنا تنتهي احداث هذه السلسله وعاد حال ابو بدر لما كان عليه " وكانك يا ابو زيد ما غزيت "

[غدرني الزمان]

المسلسل كاو حلو بس النهاية مو حلو بالمرة

[Haifaa ღ]

cryween a5er part

[Haifaa ღ]

:basss::basss::basss: