تعالوا نوثق امثالنا الشعبيه

[Ana Heek]

يبيي مثل ماما :-h: بس هيه عندها اخر كلمتين غير :-h:

وفي كمان بحيكلك الي ع راسو بطحه بحسس عليها :p: <<< مابعرف ازا مثل او لأ :sc:

وفي مثل كمان بس بعدين بحكيه :-h:
شو هن :nana:
مزبوط المثل :bg:

[ام زيد]

خيتي ان اسعد

شيح بريح تقال عندما يكون لا لنا ولا علينا


عندما تردي لحدا خدمه او هديه نفس المقدار - هاي بهاي


:ff::ff::ff:

فالج لا تعالج

الحجر في مطرحو قنطار

[صعلوك]

قالوا للقردة اتبرقعي قالت وجهي متعود على الفضيحة

[um asaad]

ضيف يوم وبده يعمر بلد
وبنفس المعنى ضيف بايده سيف

[كريستال]

وجهه ما بيضحك للرغيف السخن
اذا ضحكت وبين نابها ا لحقها وما تهابها
بوس الأيادي ضحك على اللحى
كلها عن الضحك :-h:

[um asaad]

اذا ضربت اوجع واذا اطعمت اشبع :ag:

[um asaad]

اجت الحزينه تفرح ما لقت مطرح cry

[كريستال]

العقل زينه واللي بلاه حزينه :-b:

[كريستال]

وهي كمان ارمي حبك وتوكل على ربك :ff:

[um asaad]

زي الحمام المقطوعه ميته

[um asaad]

من قلة الدوله بتسلم عالنور
زي النور اللي طابخين كرشه
بين الزط والنور ما في تكليف
بقول للأعور اعور بعينه
هاي انا شخصيا انا ارفضها الأربعه لأنها تمس بمشاعر الأخرين ومنهي عنها بالاسلام :love:

[black swan]

لو الاسامي بتنشرا كان الفقير سمى ابنو خ.... :ops:

[black swan]

البشع بشع لو تحمم كل يوم ... والحلو حلو لو صحي من النوم

انا بعرف الزين زين لو صحي من النوم :shy: والشين شين لو تحمم كل يوم :sc:

[CloZ uP]

جبناك يا عبد المعين تعين
طلعت بدك مين يعينك

[كريستال]

اللي ما بطلع مع العروس ما بلحقها
ومين بشهد للعروس امها وخالتها وعشره من حارتها

[كريستال]

ستي جنبي من مبارح مستلمتها
زي البدر بطل مره بالشهر
اللي بوقع من السما بتتلقاه الأرض
خبي قرشك الأبيض ليومك الأسود :hi:

[um asaad]

خيتي ان اسعد

شيح بريح تقال عندما يكون لا لنا ولا علينا


عندما تردي لحدا خدمه او هديه نفس المقدار - هاي بهاي


:ff::ff::ff:

فالج لا تعالج

الحجر في مطرحو قنطار

فهمت عليكي وبنفس المعنى ( راس براس )

[um asaad]

يوم على الأرض ولا عشره تحتيها
يظهر اللي حكاه حياته حلوه كتير للاسف من اللي نراه اصبح باطن الارض اريح

[um asaad]

انا واخوي غلى ابن عمي وانا وابن عمي على الغريب
مثل يعزز التعصب الاعمى وهو مرفوض دينيا ومثله قال الشاعر الجاهلي
وما انا الا من غزية ان غوت
غويت وان ترشد غزية ارشد

[um asaad]

كريستال وينك شوفي ستك انا بستنى رح اكتب مثل
ام زيد وينك حبيبتي
خلي الزيت بجراره لتيجيه اسعاره :ff:

[ام زيد]

شحني هون:bg:

بعيد عن العين بعيد عن القلب

لا قلب يحزن ولا عين تدمع

دلل ابنك بخزيك

[صعلوك]

كرمال عين الحلوة تكرم مرج عيون

[صعلوك]

الف عين تبكى ولا عين امى

[صعلوك]

اجا يكحلها عماها
هظا انا :-o:

[um asaad]

هلا ام زيد خديلك كم مثل
عيار الشبعان 40 لقمه
المرضعه بتاكل قد 4
اكل الرجال على قد افعالها
آخر مثل لو كان صح كان احنا العرب صرنا مرجعين الأندلس وحاكمين العالم :-h:

[ام زيد]

مرة الاب غضب من الرب لا بتحب ولا بتنحب

لاتقول فول الا لما يصير بالعدول
اللي بالطنجره بتطوله المغرفه

لا مع سيدي بخير ولا مع ستي بخير

ريحه الام بتلم

كون نسيب ولا تكون قريب

[صعلوك]

قال شرفنى يبوى قالو تيموتو الى بيعرفونى

[ام زيد]

هلا ام زيد خديلك كم مثل
عيار الشبعان 40 لقمه
المرضعه بتاكل قد 4
اكل الرجال على قد افعالها
آخر مثل لو كان صح كان احنا العرب صرنا مرجعين الأندلس وحاكمين العالم :-h:

ذكرتني بالمثل القائل

كل مع المرضعه وما تماشيها

الدم بحن

يمكن حكيته لاني بطلت اجمع ( الزمن اللي ما بيجي معك تعال معه )

[كريستال]

بيت الضيق بوسع مية صديق
البيت بسكانه
الراس اللي ما في كيف قطعه حلال
آخر مثل نابلسي احنا بنحب الانبساط :ff:

[صعلوك]

لا تعايرنى ولا اعايرك الهم طايلنى وطايلك
لسان حال البالى بالكم :-o:

[um asaad]

ام زيد بسم الله ما شاء الله مش مخليه امثال مو حاله عنك الا لاستنفذ مخزونك الاستراتيجي
كريستال رائعه الهي يخليلك اياها ستك موسوعه
صعلوك والله على راسي كل الغزيين ما شاء الله مو مخلي برضو راح احاول استنفاد مخزونك من الامثال ومنك نستفيد :hi:

[um asaad]

هي مثل من الخليل
الخي خي مراته والرعنه بتحلف بحياته

[cheetos]

عدي رجالك عدي من الاقرع للمصدي.


مين بيشهد للعروس؟ غير امها وخالتها وعشرة من حارتها.


صار للشرشوحة مرجوحة ولام بريص قبقاب..


من دهنه واقلي له.

[ام زيد]

ام زيد بسم الله ما شاء الله مش مخليه امثال مو حاله عنك الا لاستنفذ مخزونك الاستراتيجي
كريستال رائعه الهي يخليلك اياها ستك موسوعه
صعلوك والله على راسي كل الغزيين ما شاء الله مو مخلي برضو راح احاول استنفاد مخزونك من الامثال ومنك نستفيد :hi:

بدي اروح اغيص على الشيطان الاكبر (جوجل) واجيبلك كومات كومات من الامثال

شو يا خيتي عامله دراسه من منازلهم للامثال الشعبيه

[صعلوك]

اكل الكرشة ب..... ودعى على شراها :bg:

[صعلوك]

الييت ضيق والحمار رفاص

[cheetos]

الجنة من غير ناس ما بتنداس


الولد لامه والرعنه اللي بتلمه

[ام زيد]

وهذا ما تمخض عنه البحث

ج1




1- جوا الدار قردة وبرا الدار وردة
2-طبخته على النار وعينه على طبخة الجار
3-قلل طعامك تحمد منامك
4-نام دافي بتقوم متعافي
5- بعد المعروف ضرب كفوف
6- ما يعلم حالك الا ربك وجارك
7- الانسان بالمحضر ومش بالمنظر
8- باع عمارة واشترى حمارة
9- الدار دار ابونا واجوا الغربية طحونا
10- من خان صديقه احترم عدوه
11- من عذب لسانه كثر إخوانه
12- ان غاب القط العب يا فار
13- حط العدس وانفخ تحته ما اعطل من الخال الا ابن اخته
14-العز لرز والبرغل شنق حاله
15- صار للشرشوحة مرجوحة وصارت تحلف بالطلاق
16- ضرب الحبيب زبيب وحجارته قطين
17- دلع ابنك بيرضيك دلع بنتك بتخزيك
18-في قلبي صدى ما بحبش حدى
19- من طلب العلا سهر الليالي ومن حشى الكوسا لف الدوالي
20- طب البريق على ثمه بيطلع الولد لامه
21- طب الجرة على ثمها بتطلع البنت لامها
22- القرد في عين امه غزال
23- ديك يوم ولا سنة فرخة
24- طخه وصيبه وقول نصيبه
25- ان ضحكت يوما تبكي سنة
26- اجريها عوج بدها بابوج
27-جبناك يا عبد المعين تتعين اطلعت يا عبد المعين بدك تنعان
28- احترنا يا قرعة من وين بدنا انبوسك
29- انا والغريب على ابن عمه وابن عمه والغريب عليه
30- خاف من عدوك مرة ومن صديقك الف مرة
31- ما اقدرش لحماته قام لمراته
32- الطبخة اذا كثره طبخينها بتخرب
33-المعدلة ابتطبخ قروش واللي حواليها بدوش
34-حامت الحايمة واجت فوق النايمة
35-عيش يا قديش تيطلع الحشيش
36- اجاك يا بلوط مين يعرفك
37-ارضينا بالبين والبين ما رضي فينا
38-جاجة حفرت على راسها عفرت
39-طب الجرة على شفتها بتطلع البنت لعمتها
40 - اللي بدري بدري واللي بدريش بقول كف عدس
41- كل فتاة بابيها معجبة
42- ومن الحب ما قتل
43-اجت الحزينة تتفرح قامت ما اقتلهاش مطرح
44-الطول طول النخلة والعقل عقل سخلة
45- طويل وهبيل
46- الطويل في السما نجمة والقصير في الارض فجلة
47- طلع من البليلا بدون حمص
48- بتحط في عبها وبتف من فمها
49- شحاد ومشرط
50- وين ذانك يا اجحا

[صعلوك]

هيك مزبطة بدها هيك ختم :-o:

[cheetos]

يا من شرى له من حلاله عله..

[ام زيد]

ج2


***
إبعد عن الشر و غنيله

إذا انت أمير و أنا أميرمين بيسوق الحمير

أكثر من الهم ع القلب

إن عاشرت عاشر أمير وإن إلبست البس حرير و إن عيروك بشي يكون يحرز التعيير

إن كبر إبنك خاويه

إجا مين يعرفك يا بلوط

إجو ليحدوا الخيل مد الفار رجله

إضحك بعبك

إطعم التم تستحي العين

أكل الهدية وكسر الزبدية

أهل الميت صبروا والمعزيات كفروا

أوعد اليهودي بالكفن بيموت

آخر العنقود سكر معقود

آخر الزمر طوط

آخر الدوا الكي

إبنه على كتفه و بيفتش عليه

إبنك على ما ربيتيه و جوزك على ما عودتيه

[ام زيد]

امثال على حرف (ب)



بدل الرز و الباذنجان إكسي حالك يا عريان

بده عرس يرقص فيه

بدي ياه و تفوه عليه

بزمان الخير ما غنينا يا ليل

بطيختين بإيد مابينحملوش

بعد ما شاب ودوه ع الكتاب

البيت ضيق والحمار رفاص

بيتعلم البيطرة بحمير النوَر

بيحرق حارة ليولع سيجارة

بيرقص بلا دف

بيركض بيركض والعشا خبيزة

بيفصل للبرغوت قميص

بيقتل القتيل وبيمشي بجنازته

بيلهي الحمار عن عليقه

بيمسح جوخ

بيموت الزمار و اصبعه بيلعب

[ام زيد]

تاجرنا بالكفان بطلت الناس تموت

تسمع صوته و تقول نيالك يا أطرش

التكرار بيعلم الحمار

تلاتة مابينطاقوا : الطق والنق والبق

جبنا الأقرع ليونسنا كشف طقيته و خوفنا

حاميها حراميها

حايص متل جاجة بدها تبيض

حط راسك بين الروس و قول يا قطاع الروس

خليها بالقلب تجرح و لا بين الناس تفضح

الدار دار أبونا و اجوا الغرب يطحونا

دمه تقيل متل دم البق

الدنيا ما بتخلي الراكب راكب ولا الماشي ماشي

راح العيد وفرحاته واجا المعلم وقتلاته

الرجال مش شكلة لتحطيه ع راسك

رجعت حليمة لعادتها القديمة

رخيِّص وكويِّس وإبن ناس

الرقاصة الغشيمه بتحجج بقشة الحصيرة

ركبناه ورانا مد ايده ع الخرج

رافق المسعد تسعد

رزق الهبل ع المجانين

ركوب و ركبتك و كمان تهز رجليك

زاد الطين بلة

زبال و شاكل له ورده

زرعنا اللوز طلع بقدونس

الزمار بيعرف دار الطبال

زمن غريب بيخلي القطة تشخر للديب

زوّج الفقيرة للفقير بيكتروا الشحّاتين

زي أباريق الجامع( كل واحد شكل )

زي الفراشة بتحوم حول السراج تاتنحرق

[ام زيد]

ساير العيار لباب الدار

شافت الخنفسه بنتها ع الحيط قالت الها: يسلملي بياضك ع سواد الحيط

شحاد و مشارط

شم ولاتذوق

شَمّام هوا وقطّاف ورد

الشهر اللي ما إلكش معاش فيه ليش تعد أيامه

شو أحلى من العسل قال الخل ببلاش

شو فهم الحمير بأكل الزنجبيل

شو هيّة لحسة حلاوة؟

شو دخّلك بيت عدوك ؟ قال حبيب قلبي جواته

صارت عظامه مكاحل و مصارينه حبال

الصباح رباح

صباحه بيقطع الرزق

صوته ملعلع للسما

ضربني و بكى و سبقني و إشتكى

طبني طبتك العافيه

طلع تحت لساني شعر

الطمع ضر ما نفع

طنجرة و لقت غطاها

عاشر المصلي بتصلي و عاشر المغني بتغني

العز للرز و البرغل شنق حاله

عصفور باليد و لا عشرة ع الشجرة

عقله براسه بيعرف خلاصه

علمناه الشحادة سبقنا ع البواب

على بخت الحزينه سكرت المدينة

على عينك يا تاجر

عليه مناخير زي كوز الصبر

عمر الشقي بقي

عمر مديون ما انشنق

عملوك مسحر خلص رمضان

العنزه الجربا ما بتشرب إلا من راس العين

عيش يا كديش ليطلع الحشيش

العين بصيرة و اليد قصيرة

غاب القط العب يا فار

غالي و الطلب رخيص

الغنى بالغربه وطن و الفقر بالوطن غربه

فخار بيكسر بعضه

[Ana Heek]

قال شرفنى يبوى قالو تيموتو الى بيعرفونى
حكيتها لهالواحد هون ...نط محامي الدفاع قلي اصلها عيب :-o:
قلتلو اصلها اللي بتقدم البست بتلاقيه الاحد ...برضو قلي عيب :-o:
نستنج مما سبق انا بفهمش بالعيب طلعت :bg:
ثانيا حكتلك صعلوك باليد ولا 10 احمد بالبند فرجاء حافظ على عداد يوزرك وما تتلفظ بشي عيب :-o:

[ام زيد]

لا لهدة...ولا لسدة...ولا لعثرات الزمان..."

[um asaad]

عدي رجالك عدي من الاقرع للمصدي.


مين بيشهد للعروس؟ غير امها وخالتها وعشرة من حارتها.


صار للشرشوحة مرجوحة ولام بريص قبقاب..


من دهنه واقلي له.

ما شاء الله عليك بس مين المصدر الوالده ولا ستك :hi:

[cheetos]

ما شاء الله عليك بس مين المصدر الوالده ولا ستك :hi:


المصدر الوالدين الله يرحمهم. :hi:

[ام زيد]

زينة الزين، الحاجب والعين
سمره ونغشه، ولا بيضة ودفشة
اللي بياضه ما هو من ربه ، يا رب تعب قلبه
خدها بيضة ولو انها مجنونة!
خود الحلو واقعد قباله ، وان جعت شاهد جماله
البشع بشع لو تغسل كل يوم، والحلو حلو لو فاق من النوم
الطويلة طالت التينة والقصيرة ظلت حزينة
يا ماخد القرد على ماله، يروح المال ويبقى القرد على حاله
جيبوا بنات ولا تقعدوا بطالات
القسمة والنصيب والحظ
بخت الرمايم قايم وبخت الوينات نايم
اقعدي في عشك تييجي حد ينشك
لما بيقع النصيب من السما بنصاب الخطاب بالعمى
اللي بحط فلوسه ، بنت السلطان عروسه

بدك تطرد صهرك غلي مهرك
اللي بدو يصاهر ما بيقاهر
يا محلى العرس، ويا مصعب طقاطيقه
عرس المجانين في الكوانين
العروسة للعريس ، والفرجة للمتاعيس
لبس البوصة بتصير عروسة

جوز عود ولا القعود
هم البنات للممات
يا بخت من وفق راسين بالحلال
الجوز رحمة ولو كان فحمة
البنت اذا كبرت يا الجبر يا القبر
امشي في جنازة ولا تمشي في جوازة
من طين بلادك حني خدادك
ان بدك تصون العرض وتلمه جوز بنتك للي عينها منه
زوان بلدنا ولا قمح الغريب
قبل ما تناسب حاسب
كبرت القرعه ودندلت اجراسها ونسيت الف رقعه بقنبازها
كيد النسا ما حدا قده لو مال على حيطها هده

[ام زيد]

يا جاي بلا عزيمه يا قليل القيمه
يضرب في الحث على الاحترام الذات


يوم عرسك عيرني دفك
وهو المستحيل


يوم عرسه وجعه ضرسه
هذا اذا تنكرت المقادير لأحدهما


ولا فاكه زي فاكهة العلروس وهي تتجلى
أي ليلة زفافها وساعة تعرض ملابسها


كنت ستها صرت ارقص في عرسها
أي تساوينا يوم عرسها فالكل فرحان


كل شيء قرضه ودين حتى دموع العين
أي حك لي لاحك لك


في الهم داعني وفي الافراح ناسيني
اي انك تدعوني ايام احزانك وتنسانسي ايام افراحك


عند الغوله عرس إلها ولبناتها
أي ان اهل العرس يأكلون ما يطبخون ولا يبقون للمدعوين ما يكفي



إالعرسان اثنين والمجانين الفين
يضرب في تجمع الناس حول العريسين اللذين يقطفان تعب الكثيرين يوم

[um asaad]

المصدر الوالدين الله يرحمهم. :hi:

الله يرحم والدينا ووالديك والله الوالدين هم البركه والالفه وفي مثل بهالمناسبه من بعد امي وابوي كل الناس جيراني والله دمعتي نزلت وبتنزل كل ما بتذكر والدي ووالدتي

[ام زيد]

ما بقطـع الراس الا اللي ركّبه

وجع سـاعة ولا كـل ســاعة

الحبس للرجال

القـــرد بعين امّه غزال

ياما خروف سبق امّه عالمسلخ

اللي ما اله قديم ما اله جديد

فضيحـة وعليها شهـود

التكرار بيعلم الحمار

السلاح بيد المرة بيجرح

فرعون تفرْعـن من قـلة ناس تضبه

الكــذب ملح الرجــــال

الطــــايح رايح

طعْـمي الفم تسـتحي العين

اللي بستحي بتـروح عليه

زي الأطـرش بالزفة

كل أكل الجمال وقوم قبل الرجال

اللي بـيلمّه السعدان .. بيوكله الجحش

بكره بيذوب الثلج وبـيـبان المرج

الحكي للجــارة واسمعي يا كنّـه

لا تـشـتري حماره وأمها بالحـارة

أكبر منك بيوم أفهم منك بسنة

اللي وراه امّه لا تحمل همّه

بيت السبع ما بيخلى من العظـام

حــاميها حــرامــيها

طلبتها المشتـهية ، أكلتها ام عين قوية

علمناهم الشحادة سبقونا على الابواب
مين أمنك لا تخونه ولو كنت خاين

فوق حــقـــه دقـــه

ان سلم عليك فلان .. عد أصابعك
راحت السكرة وأجت الفكرة
ما بضيع حق وراه مطالب
طنجـرة ولقت غطاها
اذا انحشــر البسْ بصـير سبع
يا ريت ما بتـعـمّــر بيت
جاجة حفرت .. على راسها عفرت
ريحة الزوج ولا قلته
منقول ثور بيقول احلبوه
ما كبـيـر الا المـزبـلة
كـبْــرة على خازوق
عشـــرين جمل بيسوقهم حمار
ايـد واحــدة ما بتـصـفـق
عيش يا قديش بـيـجـيك العليــق

[cheetos]

الله يرحم والدينا ووالديك والله الوالدين هم البركه والالفه وفي مثل بهالمناسبه من بعد امي وابوي كل الناس جيراني والله دمعتي نزلت وبتنزل كل ما بتذكر والدي ووالدتي


يا ستي.. الله يرحمهم جميعا.. هي الدنيا هيك.. والكل ماشي على الطريق.. هم بالامس ونحن بالغد وهكذا..

[um asaad]

100 جبان ولا الله يرحمه
اكيد قائل هيك مثل مهزوم نفسيا وذكرني بقول الشاعر
واذا كان من الموت بد
فمن العار ان تموت جبانا

[كريستال]

ما بتاكل غير التفاح وما بنخطبوا غير الملاح

[كريستال]

كل فوله الها كيالها وكل فرس الها خيالها

[صعلوك]

حكيتها لهالواحد هون ...نط محامي الدفاع قلي اصلها عيب :-o:
قلتلو اصلها اللي بتقدم البست بتلاقيه الاحد ...برضو قلي عيب :-o:
نستنج مما سبق انا بفهمش بالعيب طلعت :bg:
ثانيا حكتلك صعلوك باليد ولا 10 احمد بالبند فرجاء حافظ على عداد يوزرك وما تتلفظ بشي عيب :-o:

العمر سعر كلمة
والموت بالمجان :-o:

[صعلوك]

100 جبان ولا الله يرحمه
اكيد قائل هيك مثل مهزوم نفسيا وذكرني بقول الشاعر
واذا كان من الموت بد
فمن العار ان تموت جبانا

عند اليهود مثل بقول كلب حى ولا اسد ميت

[الشهيد...]

عند اليهود مثل بقول كلب حى ولا اسد ميت

وعند معظم العرب كمان:144:

[الشهيد...]

في مثل بقول ارنبنا بط ارنبكم بقدر ارنبكم يبط ارنبا زي ما ارنبا بط ارنبكم

[كريستال]

ستي صبحت جاي عبالها تحكي شربنا القهوه وبدت
يا بحدبها يا بؤدبها يا بلعن امها عابوها هذا المثل نابلسي عن يللي ببالغ بشئ :saba7o:

[كريستال]

عند اليهود مثل بقول كلب حى ولا اسد ميت

عجبني رد ام اسعد حكته عن هذا المثل قالت كم اسد ميت احيا امم وكم كلب ميت ضيع امم رأيي نفس الشي كله بلآخر ميت ولا يبقى الا ما قدم :ff:

[كريستال]

امك جابتك وانا احل وابدى
ومثل اله نفس المعنى الدايه احن من الولاده

[كريستال]

دقه عالحافر ودقه على المسمار دعوه لعدم المبالغه والتوسط

[كريستال]

يا جماعه وينكم ما في حد يلا اصحو
وينك يا ام اسعد دايما بشوفك بهيك وقت شو في ؟
انا بحب اعطي ملاحظه النقل عن الجوجل بتفقد البوست معناه وببطل الاعضاء يتشجعوا طبعا هدا رأيي شو رأي ام زيد وأم اسعد خلينا نتذكر بعفويه طبعا هذا رأيي مو الزام :koty:

[um asaad]

صباح الخير للجميع ما شاء الله نشيطه كريستال والله يا ماما مبارح سهرت صحيت عالفجر ورجعت نمت قولي لتيتا يسلموا
بالنسبه للاقتراح اكثر من عضو بعثوا عالخاص نفس الشئ خلص رح ابعث لام زيد هالملاحظه ومعكم حق شكرا للاقتراح :hi:

[صعلوك]

الاgـارب عـgـارب

[um asaad]

الأولاد اولهم فيران وتانيهم ثيران وآخرهم جيران
العزوبيه ولا الجيزه الرديه

[um asaad]

كل على زوقك والبس على زوق الناس :bg:

[um asaad]

صعلوك ما في غيرك ادعمني انا رح اتذكر مثل وبستنى تكتب
اعطي الخبز لخبازه ولو اكل نصه :ff:

[صعلوك]

صلى فرضك وامشى دربك
المثل المعتمد عند الاسياد :-o:

[صعلوك]

صعلوك ما في غيرك ادعمني انا رح اتذكر مثل وبستنى تكتب
اعطي الخبز لخبازه ولو اكل نصه :ff:

كل ما gـبلت هبلت :bg:
مثل اكيد ما حد سمعه الا اهل غزة لانو معتمد فيها فقط
معنى المثل كل ما اتجهت جهة المنطقة القبلية من قطاع غزة زادت نسبة الهبل
بينى وبينكم هل مثل فى منو :sc:

[um asaad]

كل ما gـبلت هبلت :bg:
مثل اكيد ما حد سمعه الا اهل غزة لانو معتمد فيها فقط
معنى المثل كل ما اتجهت جهة المنطقة القبلية من قطاع غزة زادت نسبة الهبل
بينى وبينكم هل مثل فى منو :sc:

يسعد صباحك
شو الحكمه من الامر يعني ليش؟في بالهوا جينات هبل ولا في زواج اقارب كثير ؟

[صعلوك]

يسعد صباحك
شو الحكمه من الامر يعني ليش؟في بالهوا جينات هبل ولا في زواج اقارب كثير ؟

الله يصبحك بانوار النبى
مش المقصود بالهبل انهم متخلفين عقليا لكن المقصود انهم مش عارف كيف اوصفهم بس تتحرر فلسطين وتيجى على غزة بتعرفيهم لوحدك :bg:

[um asaad]

الله يصبحك بانوار النبى
مش المقصود بالهبل انهم متخلفين عقليا لكن المقصود انهم مش عارف كيف اوصفهم بس تتحرر فلسطين وتيجى على غزة بتعرفيهم لوحدك :bg:

الهي يا رب تتحرر وكله بهون انا فهمت عليك شو قصدك احنا بالاردن بحكوا عن الطفايله هيك بس والشهادة لله مو صح والله كنت مديره بمدرسه معظمها طفيليات معظمهم كانو يجيبوا بالتوجيهي معدلات متفوقه

[um asaad]

العيار اللي ما بصيب بدوش
مطرح ما بترزق الزق

[صعلوك]

الهي يا رب تتحرر وكله بهون انا فهمت عليك شو قصدك احنا بالاردن بحكوا عن الطفايله هيك بس والشهادة لله مو صح والله كنت مديره بمدرسه معظمها طفيليات معظمهم كانو يجيبوا بالتوجيهي معدلات متفوقه

مش مهم الشهادات
مسئولى المباشر منهم معاه ماجستير فى علم النفس
لكن بينى وبينك هو اكثر واحد بينطبق عليه المثل :-o:

[cheetos]

يا مداوي الخيل ..داوي قرعتك..


باب النجار مخلع



الجمل صيته قتله

[um asaad]

مش مهم الشهادات
مسئولى المباشر منهم معاه ماجستير فى علم النفس
لكن بينى وبينك هو اكثر واحد بينطبق عليه المثل :-o:

اكيد الشهاده مو شرط لكن اكيد بدل انه ال آي كيو موجود
هههههه دايما المدراء ماكلينها وخدلك هالمثل من تأليفي
عمر ما موظف حب مدير ولو اعطاه بالكفكير :-h:

[um asaad]

يسعد صباحك شيتوس
وهاي مثل العبد بالتفكير والرب بالتدبير :ff:

[cheetos]

الله يسعد صباحك ام اسعد :give:



انا راح احكي لك قصة..

كان في رجل صالح دائما بيعزم صاحبه عنده على البيت وكان يذبح له ديك ويطبخه ويوكل هو وصاحبه.

الرجل هذا كان عنده ولد.. مع الايام كبر الرجل الصالح ومات وكبر ابنه..

المهم صاحب الرجل الصالح حب يزور بيت صاحبه ويشوف حاله ابنه من بعده..

الولد استقبل صاحب ابوه وعمل له غداء.. (عدس)


حط الولد العدس وبصل ولزوم الضيافة.. تطلع الرجل وتنهد قائلا..

رحم الله اباك كان يذبح الادياك.

رد الولد: عدس وبصل وانسى الزمان ذاك :bg:

[um asaad]

الله يسعد صباحك ام اسعد :give:



انا راح احكي لك قصة..

كان في رجل صالح دائما بيعزم صاحبه عنده على البيت وكان يذبح له ديك ويطبخه ويوكل هو وصاحبه.

الرجل هذا كان عنده ولد.. مع الايام كبر الرجل الصالح ومات وكبر ابنه..

المهم صاحب الرجل الصالح حب يزور بيت صاحبه ويشوف حاله ابنه من بعده..

الولد استقبل صاحب ابوه وعمل له غداء.. (عدس)


حط الولد العدس وبصل ولزوم الضيافة.. تطلع الرجل وتنهد قائلا..

رحم الله اباك كان يذبح الادياك.

رد الولد: عدس وبصل وانسى الزمان ذاك :bg:

:-h::-h::-h::-h::-h:

[um asaad]

وهاي مثل جحا اولى بلحم ثوره
اليوم كنت نازله اشتري كوسا الهندي مصر يعطيني من اشي مو عاجبني شفت سحاره عجبتني قال مدام هذا جوردان والله لا شعوري قلتله هات جحا اولى بلحم ثوره :-h:

[دايم السيف]

اتجوزنا لننستر سقالله ايام الفظيحة :p:

[um asaad]

اذا بدك تسأل عن بنت اسأل عن امها
وهاي مثل من تأليفي اذا بدك تسأل عن بنت شوف شو بتكتب عالنت :-h:

[دايم السيف]

اذا بدك تسأل عن بنت اسأل عن امها
وهاي مثل من تأليفي اذا بدك تسأل عن بنت شوف شو بتكتب عالنت :-h:
:-h: :-h:

من رقّع ما عري ومن دبّر ما جاع

[um asaad]

اتجوزنا لننستر سقالله ايام الفظيحة :p:

الله يسعد مساك هي مثل عند السخره زي المهره :ff:

[سمـــــارة]

يا جماعة فيه امثال صارت مكررة اكتر من مرة

مين بدو ينقحها؟؟؟

ولا بح هون مسئولية وامانة ادبية وعلمية وثقافية والخ الخ الخ

[um asaad]

بعد ما مات كفنوه بشراك
طبعا الشراك خبز المنسف يعني بتعبر عن اهمال شخص بحياته والاهتمام بعد فوات الاوان

[دايم السيف]

يا مساء الخيرات :ff:
ولا فهمتشي :sad:

[دايم السيف]

يا جماعة فيه امثال صارت مكررة اكتر من مرة

مين بدو ينقحها؟؟؟

ولا بح هون مسئولية وامانة ادبية وعلمية وثقافية والخ الخ الخ
احنا بحاجة لختيار تسعيني :ff:

[سمـــــارة]

احنا بحاجة لختيار تسعيني :ff:

اسأل الادارة بلكي لقت حدا :p:

[um asaad]

يا جماعة فيه امثال صارت مكررة اكتر من مرة

مين بدو ينقحها؟؟؟

ولا بح هون مسئولية وامانة ادبية وعلمية وثقافية والخ الخ الخ

يسعد مساكي سماره لاحظت بجوز اكون انا كررت لأني بنسى كتير لكن مفكره ننقح الموضوع ونرتب اللأمثال اللي على نفس الموضوع مع بعض بس انا بصراحه مو قد هيك مهمه بنشوف اذا في حد خبره يتبرع :hi:
المهم الآن تجميع اكبر عدد من الأمثال

[um asaad]

يا مساء الخيرات :ff:
ولا فهمتشي :sad:

السخره القيام بخدمة احدهم تطوعا هذا المثل يقال عن الشخص الذي يهمل اعماله ومصالحه ويؤدي للآخرين اعمالهم بخفه :hi:

[um asaad]

الشجره اللي ما الها ثمره قطعها حلال
ارفض هذا المثل لأني اعشق كل ما انبت الله على الأرض وقطع الشجر زي القتل الله ينتقم من اليهود كل ما اشوف شجر الزيتون المقطع بنسم بدني الله يسم بدنهم

[سمـــــارة]

يسعد مساكي سماره لاحظت بجوز اكون انا كررت لأني بنسى كتير لكن مفكره ننقح الموضوع ونرتب اللأمثال اللي على نفس الموضوع مع بعض بس انا بصراحه مو قد هيك مهمه بنشوف اذا في حد خبره يتبرع :hi:
المهم الآن تجميع اكبر عدد من الأمثال


يسعد مساكي بكل خير

كل الاحترام:hi:

[كريستال]

دلاني وخلاني وقطع الحبل ورماني
بنقال اذا حد تخلى عن شخص بعد ان يورطه

[كريستال]

مال الخسيس لموازين ابليس

[ام زيد]

مسا الخير للجميع

وحبيت استفتح بهذا المثل

البيت اللي رباني ما راح وخلاني

[ام زيد]

اعقد اعوج واحكي صحيح

[ام زيد]

لا يموت الذيب ولا تفنى الغنم

[ام زيد]

اكثر من القرد الله ما سخط ( مسخ)

[ام زيد]

بكره بنقعد تحت الحيطه وبنسمع الزيطه
الحكي الك يا جاره واسمعي يا كنه

[ام زيد]

مركب الضراير سار ومركب السلفات احتار

القرايب عقارب

الدم حامي

[دايم السيف]

السخره القيام بخدمة احدهم تطوعا هذا المثل يقال عن الشخص الذي يهمل اعماله ومصالحه ويؤدي للآخرين اعمالهم بخفه :hi:
مثله كمثل الجاجة الخائنة تأكل في بيتنا وتبيض عند الجيران :-h:
اسأل الادارة بلكي لقت حدا :p:
او ختيارة تسعينية :p: استعيني بصديقة :-o:
اعقد اعوج واحكي صحيح
أئف معووg و إكّلّم عِدِلْ:-c:

[ام زيد]

مثله كمثل الجاجة الخائنة تأكل في بيتنا وتبيض عند الجيران :-h:

او ختيارة تسعينية :p: استعيني بصديقة :-o:

أئف معووg و إكّلّم عِدِلْ:-c:

:ff::ff:

قلبي من الحامض لاوي

الزمن اللي ما بيجي معك تعال معو

ويا جماعه اذا كررت امثال العتب على السن:-h::-h:
لانه الواحد صاير عنده زهايمر:bg:

[CloZ uP]

سمره و نغشه...ولا بيضه و دفشه

[um asaad]

الصاحب ساحب :hug:

[um asaad]

يسعد مساكي ام زيد كيف حالك؟

[ام زيد]

يسعد مساكي ام زيد كيف حالك؟

يسعدلي هالمسا:hug:

خديلك هالامثال تذكرتهم وانا امسي عليكِ

يا رايح كتر ملايح - مع انه في ناس بيحكوه - يا رايح كتر فضايح

الغريب لازم يكون اديب

ما اكذب من شاب تغرب الا ختيار انقطعت اجياله ( هاد مثل سمعته من صاحبتي ايام التوجيهي وضل يرن ببالي)

[um asaad]

يسعدلي هالمسا:hug:

خديلك هالامثال تذكرتهم وانا امسي عليكِ

يا رايح كتر ملايح - مع انه في ناس بيحكوه - يا رايح كتر فضايح

الغريب لازم يكون اديب

ما اكذب من شاب تغرب الا ختيار انقطعت اجياله ( هاد مثل سمعته من صاحبتي ايام التوجيهي وضل يرن ببالي)

آخر مثل جديد علي وحلو ما شاء الله عليكي لسه متذكره من ايام التوجيهي اكيد متأثره فيه كثير لحتى متذكرتيه

[ام زيد]

آخر مثل جديد علي وحلو ما شاء الله عليكي لسه متذكره من ايام التوجيهي اكيد متأثره فيه كثير لحتى متذكرتيه


مع اني بانسى اسمي احيانا:bg:

بس يا خيتي في اشياء بتضل محفوره بالذاكره

على فكره معظم الامثال اللي كتبتهم سمعتهم من حماتي( طبعا ما عدا اللي عملتلهم كوبي اند بيست )
ولما اسمع مثل بضل اردد فيه حتى احفظه لاني بحب اطعم كلامي بالامثال الشعبيه بحس الها وقع حلو على السامع

[um asaad]

الاسكافي حافي والحايك عريان

[um asaad]

انا داير كتافي والله هو الكافي
يقال للتظلم والشكوى
صدقا احب الأمثال التي تحمل بطياتها مسحات ايمانيه :love:

[um asaad]

مع اني بانسى اسمي احيانا:bg:

بس يا خيتي في اشياء بتضل محفوره بالذاكره

على فكره معظم الامثال اللي كتبتهم سمعتهم من حماتي( طبعا ما عدا اللي عملتلهم كوبي اند بيست )
ولما اسمع مثل بضل اردد فيه حتى احفظه لاني بحب اطعم كلامي بالامثال الشعبيه بحس الها وقع حلو على السامع

على فكره هي مرتبطه بذكريات اذكر مثل كانت امي رحمها الله سبق وكتبته هنا :(بقول للأعور اعور بعينه ) الله يرحمك يا والدتي شو كنتي طيبه كان الي مرت عم عوره فعلا وكانت وهي تتحدث معها تقلها المثل بعدين تعتذر منها وتقلها صراحة والله ما بقصدك هذا المثل على لساني الله يرحمهم كلهم بدار الحق كانو طيبين وبسطاء

[cheetos]

في مثل : صح لها جوز قالت عنه اعور.


اللي بيوكل لحاله بيزور واللي بيطلع بيعور..


خذوا هالقصة..


صاحب بيت عزم واحد على غداء كان مسوي له دجاج و رز..

الرجل صاحب البيت حط سدر الرز وعامل الرزات مثل الجبل وحاطط فوقهن الجاجات المشوية..

الضيف عينه على الجاجات بده يوكلهم ففكر بطريقة كيف يوكل اكبر كم من الدجاج..

قام يحفر من تحت جبل الرز وينبش بكثرة حتى وقع الدجاج الى صوبه وانهار جبل الرز..


فصاح قائلا: فرح الطعام بأهله وتقدما..



فرد صاحب البيت: من كثر نبشك بالاساس تهدما :bg:

[um asaad]

في مثل : صح لها جوز قالت عنه اعور.


اللي بيوكل لحاله بيزور واللي بيطلع بيعور..


خذوا هالقصة..


صاحب بيت عزم واحد على غداء كان مسوي له دجاج و رز..

الرجل صاحب البيت حط سدر الرز وعامل الرزات مثل الجبل وحاطط فوقهن الجاجات المشوية..

الضيف عينه على الجاجات بده يوكلهم ففكر بطريقة كيف يوكل اكبر كم من الدجاج..

قام يحفر من تحت جبل الرز وينبش بكثرة حتى وقع الدجاج الى صوبه وانهار جبل الرز..


فصاح قائلا: فرح الطعام بأهله وتقدما..



فرد صاحب البيت: من كثر نبشك بالاساس تهدما :bg:

:-h::-h::-h::-h::-h::-h:

[um asaad]

الضيف اذا طول بتطلع ريحته
هذا مثل نابلسي:-h:

[um asaad]

دق الحديد وهو حامي

[cheetos]

عبدالقادر ناصب شادر في البيادر

قوم اشتغل ماني قادر

قوم ازرع ماني قادر

قوم انكش ماني قادر

قوم تزوج هيني حاضر

[ام زيد]

في مثل : صح لها جوز قالت عنه اعور.


اللي بيوكل لحاله بيزور واللي بيطلع بيعور..


خذوا هالقصة..


صاحب بيت عزم واحد على غداء كان مسوي له دجاج و رز..

الرجل صاحب البيت حط سدر الرز وعامل الرزات مثل الجبل وحاطط فوقهن الجاجات المشوية..

الضيف عينه على الجاجات بده يوكلهم ففكر بطريقة كيف يوكل اكبر كم من الدجاج..

قام يحفر من تحت جبل الرز وينبش بكثرة حتى وقع الدجاج الى صوبه وانهار جبل الرز..


فصاح قائلا: فرح الطعام بأهله وتقدما..



فرد صاحب البيت: من كثر نبشك بالاساس تهدما :bg:

ما شاء الله عليك:ff:

قصة جميلة:bg:

[ذاكرة للنسيان]

قرو ولا يعبد لعمرهم ما قرو

والله بجوز هالمثل ما بحكيه الا أبوي

قرو : قرأو .. يعني اتعلمو

[ام زيد]

اذا انت أمير وأنا أمير مين بدو يسوق الحمير

[um asaad]

ما بحرث الأرض غير عجولها
اي لا يقوم بشأن الأوطان الا ابناءها المخلصين

[um asaad]

حط الفول وانفخ تحته ما بطلع للخال الا ابن اخته

[كرمِـل]

لو بدي أحط من كيسي ما اخترتك عريسي :bg:

[um asaad]

خض المي وهي مي
ونقول فلان بنشرب مع المي العكره
ونقول فلان بتمشي المي من تحته

[um asaad]

على بخت الحزينه سكرت المدينه

[صعلوك]

السلاح فى ايد الهامل بيطول :-o:

[بياان]

يا ماخد الئرد على مالو بكرا بروح المال وبضل الئرد على حالو

[ام زيد]

خض المي وهي مي
ونقول فلان بنشرب مع المي العكره
ونقول فلان بتمشي المي من تحته

صباح الخير um asaad وكل اللي معانا

ليلة مبارح كنا في سهرة واثناء الحديث حكيت الله العالم اكتر من 5 امثال

ولما رجعت على البيت هات اللي يتذكر واحد منهم

لانهم بيجوا بمناسبة الحديث وفي السياف


وفي هذا الحين ومع عصرة دماغ تذكرتلك هذول


لا مع سيدي بخير ولا مع ستي بخير

على حظ الحزينه سكرت المدينه

كما تراني يا جميل اراك

بنقول ثور بقولوا احلبوه

عنزة ولو طارت
ورده من زرده

[um asaad]

الله يسعد صباحك ام زيد وصباح الجميع ان شاء الله جمعه مباركه :ff:

[ام زيد]

اللي في بطنه عظام بتكركع

[صعلوك]

على قد لحافك مد رجليك :ff:

[um asaad]

يالله الصراصير شو مقرفات وياعينى لما يمشى على ايدك وانت نايم :-o::-o::-o:
الثيران كثيرة ما بتنعد وكل ثور واله يومه او انه يقبل يكون ارنب مش ثور

كش برا وبعيد والله لو يمشي علي صرصور غير احد الأمرين يا جلطه يا انهيار عصبي
الكل جايه الدور سواء كان ارنب او ثور :-h: هذا مثل من تأليف ام اسعد

[ام زيد]

بسوق الهبل على الشيطنه

بوديك البحر وبرجعك عطشان

[ام زيد]

الصياد بيتقلى والعصفور بيتفلى

[ام زيد]

المال بجيب المال ...

[كريستال]

المال بجيب المال ...

هذا المثل بتقول ستي هه ستي انا ما دخلني شو بعرفني هيك بنحكى
المال بجيب مال والقمل بجيب صئبان :-h:

[كريستال]

لا تكن يابس فتكسر ولا لين فتعصر :ff:

[كريستال]

الجمل لما بيوقع بتكتر سكاكينه :a030:

[cheetos]

يا رب حجة والناس مروحة.


قاضي الاولاد شنق حاله

[um asaad]

يسعد مساك شيتوس
هاي مثل افوه عليه ونفسي فيه

[um asaad]

يا جبل ما بيهزك ريح :hi:

[um asaad]

سكر دارك وامن جارك :ff:

[cheetos]

يسعد مساكي ام اسعد :give:



القرش بيجر قرش والقمل بيجر الصيبان

[كريستال]

ثلثين المقابر من الحسد

[كريستال]

يا الله كبر وهيبه

[كريستال]

بدوب التلج وببان المرج

[um asaad]

الحزين بده يكون رزين

[um asaad]

كلشي سداد ودين حتى الدمعه بالعينين
المثل غير متوافق مع قول الرسول عليه السلام ليس الواصل بالمكافئ

[um asaad]

انا الآن رايحه للصلاه وهي مثل
يا رايح كثر ملايح :hi:

[cheetos]

احترنا يا قرعة منين نبوسك

[shatha]

صار للشرشوحة مرجوحة و لام بريص قبقاب :bg:

[shatha]

مافي شي ببلاش غير العمى و الطراش :-h:
هيك بابا بقول :bg:

[صعلوك]

شو جاب طز لمرحبا :sc:

[um asaad]

الصياد بيتقلى والعصفور بيتفلى

على حد علمي هذا المثل الصياد بيتسلى والعصفور بيتقلى :ff:

[um asaad]

طعمي ابنك وهو صغير ولبسه وهو كبير

[um asaad]

كل ما دق الكوز بالجره

[um asaad]

لا تقول اصلي وفصلي وقول هذا هو فعلي

[um asaad]

ام العريس عروس وام العروس بتنوس :bg:

[كريستال]

مساء الخير ام اسعد
ام العروس فاضيه مشتغله
العروس بتجيب عروس

[كريستال]

طلبتها المشتهيه واكلتها المستحيه

[um asaad]

يسعد مساكي كريستال ومسا الجميع وينكم ؟
اجاك يا بلوط مين يبلطك

[um asaad]

وهاي كمان مثل اعمى يقود ضريرا

[um asaad]

بتقول للقمر انزل لاقعد مطرحك

[ام زيد]

دوده من عوده


دوام الحال من المحال

كله عند العرب قطين

[ام زيد]

جاور السعيد بتسعد

[ام زيد]

العين ما بتعلى على الحاجب

[ام زيد]

الباب اللي بيجيك منه الريح سده واستريح

[ام زيد]

كرمال الورد ينسقي العليق

[ام زيد]

اللي بزيد عن حده بنقلب لضده
وبنفس المعنى خير الامور الوسط

[ام زيد]

اللي بريدك ريده واللي بيطلب بعادك زيده

[ام زيد]

لا تمدح ولا تشكر الا بعد سنه وستة شهور

[um asaad]

اللي بجرب المجرب عقله مخرب

[um asaad]

مثل من دير ياسين متذكرينها دير ياسين؟
ام القعود بتعود القعود طبعا بحكوها الكعود

[ام زيد]

الدنيا دولاب

[ام زيد]

على الحميد المجيد

[um asaad]

اللي الك الك واللي مش الك محرم عليك
متوافقه مع قول الرسول عليه السلام اعلم ان ما اصابك لم يكن ليخطأك وما اخطأك لم يكن ليصيبك

[ام زيد]

الغايب ما اله نايب

نومه الراعي احسن من عشاه

[um asaad]

المكتوب ما منه مهروب

[um asaad]

الديك الفصيح من البيضه بصيح

[um asaad]

كل شي بيعدي غير السعاده

[ام زيد]

لكل جواد كبوه

[um asaad]

هم البنات للممات

[um asaad]

المال السايب بعلم السرقه

[ام زيد]

لا ينفع حذر من قدر
وبنفس المعنى


إذا جاء الحين حارت العين

[ام زيد]

ما كل بارقة تجود بمائها

[ام زيد]

الموت نهايه كل حي

[ام زيد]

اضرب والحديد حامي

[ام زيد]

كل واحد بتعلم من كيسه

[ام زيد]

الحق دولة والباطل جولة

[ام زيد]

صاحب الحق عينه قويه

[ام زيد]

الله يسامحك يا um asaad

صرت ماشيه احاكي حالي
طول الوقت بحاول اتذكر امثال

[ام زيد]

البادي أظلم

[um asaad]

الله يسامحك يا um asaad

صرت ماشيه احاكي حالي
طول الوقت بحاول اتذكر امثال

تسلميلي ام زيد والله انا نفس الشي بس وين ما كنت قدامي اوراق واقلام -لأنه زوجي طول الوقت بكتب قرارات - عشان هيك اللي بتذكره فورا القلم موجود :ff:

[um asaad]

صاحب الحاجه ارعن

[um asaad]

بساعه من ساعاته بقضي حاجاته

[um asaad]

زي البسه اكاله نكاره

[um asaad]

اللي بشوفك بعين شوفه بالتنتين

[um asaad]

اللي بقدم السبت بلاقي الأحد

[um asaad]

اللقم بتدفع النقم

[um asaad]

اذا بدك تحيره خيره

[um asaad]

بوس الأيادي ضحك عاللحى

[cheetos]

خيرنا لغيرنا

[um asaad]

اعمل خير وارمي بالبحر

[cheetos]

أكثر من الهم ع القلب

إن عاشرت عاشر أمير وإن إلبست البس حرير و إن عيروك بشي يكون يحرز التعيير

إن كبر إبنك خاويه

إجا مين يعرفك يا بلوط

إجو ليحدوا الخيل مد الفار رجله

[ام زيد]

تسلميلي ام زيد والله انا نفس الشي بس وين ما كنت قدامي اوراق واقلام -لأنه زوجي طول الوقت بكتب قرارات - عشان هيك اللي بتذكره فورا القلم موجود :ff:


واللي سمعك:bg:

كنت عم بطبخ الغدا وتذكرت مثل كتبه على دفتر الطلبات:-h:

وصرت كل ما اتذكر واحد اروح اكتبه خوف انساه

[ام زيد]

صباخ الخير ام اسعد وكل الاصحاب

خالف تُعرف

[um asaad]

صباخ الخير ام اسعد وكل الاصحاب

خالف تُعرف

الله يسعد صباحك ام زيد ويسعد صباح الجميع
اللي بفلس بدور على دفاتره العتيقه

[um asaad]

على هامان يا فرعون

[um asaad]

غلب بستيره ولا غلب بفضيحه

[um asaad]

من طلع من داره قل مقداره

[um asaad]

الوجه مراية القلب

[um asaad]

شو الحاسد مع الرازق

[كريستال]

صباحكو سكر وورد
الحجر بمحله قنطار

[كريستال]

حط ايدك عقلبك كل القلوب واحد

[كريستال]

ما في دخان بلا نار

[كريستال]

من خلف ما مات

[um asaad]

قاضي الاولاد شنق حاله
هههههه زوجي قاضي بس الحمد لله ما بقضي بين الاولاد

[um asaad]

قبل ما تطلع من بيتك نظفه وقشه ما بتعرف مين راح يخشه مثل خليلي

[um asaad]

اول بختك كرسي تحتك مثل خليلي

[um asaad]

الغربه كربه
الغريب اعمى ولو كان بصير

[كريستال]

لا فرحت الرعنه ولا نبل شوقها
معناه عن الشخص الكثير الهم وما بعيش الفرح وبتروح فرحته وبتنغص عليه

[كريستال]

ما بعجبه العجب ولا الصيام برجب

[كريستال]

شايب وعايب
معرس ومفلس
غرقان لذينيه
صوفته مصبوغه
باكلها لحم وبرميها عظم
بصراحه الامور مع تيتا متجليه كرتهم من هون فورا كتبتهم

[um asaad]

العور ولا العمى

[um asaad]

ما بموت حدا واله عمر

[um asaad]

اللي بدي اتصدق فيه بتشردق فيه
هذا المثل من عرابه بتعرفوها
بالنسبه الي المثل هذا مرفوض
وبنفس المعنى خلي صدقاتنا على شدقاتنا

[um asaad]

بيخلط الطين بالعجين
بطلع زي الشعره من العجين

[ام زيد]

زوانا ولا قمح الغير

اللي بخلط حاله مع النخاله بياكلوا الجاجات

[أميرة الرومانسية]

ثور الله ببرسيمه
كنايه عن الغباء وقلة الفهم


انا بعرف انه هاد المثل حرام


كلمة عجيبة، هل هناك ثور لله !! وثيران أخرى للناس !!، ولماذا ثور الله يرمز له بالغباء والبلاهة من دون الثيران الأخرى ؟!! كلام محرم .. غير أنه سوء أدب مع الله تعالى ..

قال تعالى : ( مَّا لَكُمْ لاَ تَرْجُونَ لِلَّهِ وَقَاراً ) ( نوح - 13 ) .


لا تزعلي مني :hug:

بس رب كلمة يقولها صاحبها لا يلقي لها بالاً تهوي به في جهنم سبعين خريفاً

الله يجزيكِ الخير :ff:

[ام زيد]

انا بعرف انه هاد المثل حرام


كلمة عجيبة، هل هناك ثور لله !! وثيران أخرى للناس !!، ولماذا ثور الله يرمز له بالغباء والبلاهة من دون الثيران الأخرى ؟!! كلام محرم .. غير أنه سوء أدب مع الله تعالى ..

قال تعالى : ( مَّا لَكُمْ لاَ تَرْجُونَ لِلَّهِ وَقَاراً ) ( نوح - 13 ) .


لا تزعلي مني :hug:

بس رب كلمة يقولها صاحبها لا يلقي لها بالاً تهوي به في جهنم سبعين خريفاً

الله يجزيكِ الخير :ff:



جزاك الله على التنبيه

هي مما درج على اللسان نعوذ بالله من آفات اللسان
ونعوذ به ان نشرك به ونحن نعلم ونعوذ به مما لانعلم

[حنان فلسطين]

جبنا الاقرع يونسنا ،، كشف طايقتو وخوفنا :sc:

[ام زيد]

انا واخوي على ابن عمي وانا وابن عمي على الغريب

[حنان فلسطين]

من قلّة الخيل ،، حطو عالحمير سروج :]

[قهوة تركية]

تيتي مثل ما رحتي مثل جيتي

[black swan]

مثل فلسطيني عن الزوجات الاربعة
الاولى سكرة
التانية عنبرة
التالتة مرمرة
الرابعة عالمقبرة :ops:

[black swan]

قلبي على ولدي وقلب ولدي عالحجر cry

[ام زيد]

يا شايف الزول يا خايب الرجا

[um asaad]

انا بعرف انه هاد المثل حرام


كلمة عجيبة، هل هناك ثور لله !! وثيران أخرى للناس !!، ولماذا ثور الله يرمز له بالغباء والبلاهة من دون الثيران الأخرى ؟!! كلام محرم .. غير أنه سوء أدب مع الله تعالى ..

قال تعالى : ( مَّا لَكُمْ لاَ تَرْجُونَ لِلَّهِ وَقَاراً ) ( نوح - 13 ) .


لا تزعلي مني :hug:

بس رب كلمة يقولها صاحبها لا يلقي لها بالاً تهوي به في جهنم سبعين خريفاً

الله يجزيكِ الخير :ff:
حبيبتي الله يجزيك الخير اطلاقا ما خطر ببالي تفسير الامر بهذا الشكل رح احاول الغيه

[um asaad]

ام بريص شافت ابنها عالحيط قالت يقبر قلبي مثل اللوليه بالخيط :-h:

[um asaad]

اول بيت بتبنيه لا تسكن فيه

[um asaad]

سلاح البشت مرايه ومشط

[um asaad]

كلب الشيخ شيخ
المقصود من يعمل تحت امرة متنفذ يحاول يعمل شخصيه على الآخرين

[um asaad]

كأنه بيمشي على بيض
تقال عن البليد قليل الهمه

[um asaad]

حرامي البيت ما بنتطر
حاميها حراميها

[كريستال]

اتجوزنا لننستر ساقالله عايام الفضيحه

[كريستال]

لا تعتب على حبيبك اعتب على نصيبك

[كريستال]

الشر من شراره