ابداعات مشكلجي لكن بادب

[طـارﭮ]

الجامعة الديونجية المفتخرة




بسم الله الرحمن الرحيم



ارتأت جمعية مشكلجي لكن بأدب إخوان إقامة صرحها العلمي الشامخ لتعلّم و تعليم الديونة ع أصولها .... بحيث يتخرج الطالب (( الديونجي )) بعد قطعه ساعات الخطة الدراسية
علما بأن المادة الواحدة 3 ساعات معتمدة التي هي كالآتي (( ملاحظة تؤخذ بعين الاعتبار :شهادة القبول صف رابع ابتدائي راسب ... واذنه فش معك شهادة بكون احسن )) " :

** متطلبات اجبارية **

1_ أساسيّات علم الدواوين
2- حركشة ( 1 )
3- ثقافة ديونجية
4- لغة دواوين ( 1 ) للمبتدئين
5 - علوم عسكرية

** متطلبات كلية **
1- فن التشبير وطعجات الثم
2- مقدمة في علم الدواوين
3- حركشة( 2 )
4 - علم مواس ( نظري و عملي )
5- أساليب gزدرة و تطgيس
6- هندسة شوارع
7- مهارات التشليف من دوريات الشرطة ( بتتذكروا قعدة شباب ... صح )


** متطلبات الجامعة الاختيارية ** يقوم الطالب باختيار 9 ساعات دراسية معتمدة


1- ندوة في التطعيج وقلة الادب
2- تنسيق حدائق (( بالغلط)) ... الا اذا كانت حديقة حشيش (( صح ))
3- أساليب التحدُّث والحوار
4- فلسفة حياة الدواوين (( تقوم المادة على شرح المقولة الفلسفية المشهورة
"" انا أديون ... إذن أنا موجود "" ))
5- مدخل الى مصطلحات الدواوين
6- أصول السيطرة و التشفير (( بالفرنسي : كيف تكون كونترولا او شوفيرا ))
7- نذالة

** متطلبات تخصص اجباري **


1- استماع أغاني الدمار الشامل (( ابو وديع .. حسن الاسمر ... حاتم العراقي ...... الخ ))
2- حركشة ( 3 )
3- فن استخدام الاسلحة البيضاء والزرقاء .. وبكافة الوان الطيف (( شباري .. Gنوات .. طورية .. مسدسات .. مواسير .......... الخ ))
4- نصوص أدبية ولغوية باللغة الديونجية
5- موضوعات خاصة
6- سهرات صباحي ( 1 )
7- دgدgة (( يتعلم فيها الديونجي اصول الدق ويقوم باختيار الدق المناسب كل حسب شخصيته
مثل "" ممنوع التسوّس "" تدق على الصف الامامي من الاسنان .. "" رظاكي يا امي "" ..
"" لطفا ابتسم "" على باطن القدم من الاسفل .. "" انا لست حاقدا .. بل أكره الجميع ""...... الخ ))


8- أدب جاهلي (( على اعتبار ان كل الجاهليين كانوا ديونجية على غرار : عنترة بن شداد
يقول في معلقته يتهدد لابني ضمضم (( الشاتما عرضي و لم أشتمهما ... والناذرا إذا لم ألقهما دمي وقوله في قصيدة اخرى "" سلي يا ابنة َ العبسيِّ رمحي وصارمي ... وما فَعلاَ في يوم حَرْبِ الأَعاجمِ
سقيتهما والخيلُ تعثرُ بالقنا ... دماءَ العدَا ممزوجة ًبالعلاقم
وكم فارسٍ يا عَبلَ غادَرْتُ ثاوياً ... يَعَضُّ على كَفَّيْهِ عضَّة َ نادِمِ
وغيره من الشعراء كطرفة "" وإن يَقذِفوا بالقَذع عِرْضَك أسقِهمْ ... بشرْبِ حياض الموت قبل التهدُّد""
"" وظلمُ ذوي القربى أشدُّ مضاضة ً... على المرءِ من وَقْعِ الحُسامِ المُهنّد ""
"" إذا ابتدرَ القومُ السلاح وجدتني... مَنِيعاً، إذا بَلّتْ بقائِمِهِ يدي ""
والامثلة لايستطاع لها حصر

9-مقاومة أمن
10- لغة دواوين ( 2 ) متقدمة
11- تحشيش (1)


** متطلبات تخصص اختياري ** يقوم الطالب باختيار 12 ساعة


1- تحشيش ( 2 )
2- حركشة ( 4 )
3-ابعد عني تراني مgلّع
4- فقه الدندرة
5- حبوب وشرب
6- كتاب خاص بالديونة (( يتم تناول كتاب الامين في لغة الدواوين دراسة متأنية ))
7- سهرات صباحي (2 )
8 - لغة دواوين ( 3 ) احتراف


وهكذا نكون قد انتجنا ديونجيين واعين لمتطلبات العصر .. مدركين هدفهم في الحياة .. والله ولي التوفيق
تحياتي مشكلجي لكن بأدب

[طـارﭮ]

الكل ع البطل





بسم الله الرحمن الرحيم




كان في شب اسمه سلامة تسلمك .. طالع من الامتحان وكان مخبص فيه .. ومكوع :u: ... راح مكزدر وخافف عقله .. وظايله 5 دقايق وبعترف :die: ..

( بحكي مع حاله : بدي اعترف : بعترف اني طول امبارح وانا قاعد بدرس وبالآخر جابلنا الدكتور اسئلة هو نفسه ما بعرف يحلها :mob: ..

وبعترف انه الامتحان الي بدرس عليه برسب مع مرتبة الشرف cry ..

والامتحان الي ما بفتح فيه كتاب ببدع فيه وبجيب علامات بالعلالي http://vadrouilles.moto.free.fr/smileys/studsmatta.gif

وبعترف اني مبارح كثرت قطايف http://vadrouilles.moto.free.fr/smileys/eating.gif .. آآآآآآآ هي الي جابتلي الحلقة الاخيرة القطايف :shy: ..

لا حول ولا قوة الا بالله :sad: ..


وهو بتمشى في الجامعة حيث تهدي ساقــَــه قدمــُــه http://vadrouilles.moto.free.fr/smileys/zombismiley.gif .. ومش عارف وين يروح وشايف البسة حلزونة http://vadrouilles.moto.free.fr/smileys/nutssmiley.gif .. . وسمعلك شلة قاعدين بتصهونوا http://vadrouilles.moto.free.fr/smileys/hyenas.gif .. لف وجهه لقى واحد قاعد بضحك و بيأشر عليه :mal5oom:


سلامة تسلمك (بحكي بعقله ) : يعني بكفيش طالع مطبل من الامتحان ..

وماكل قطايف مبارح تمني مفلس ..

والدكتور سحب الورقة من ايدي قبل ما اخلص ..

وشايف الجاجة سحلية .. و طالعينلي انتو كمااااااان .. ولكم شو اساوي فيكم .. اعملكم فريكة يعني .. والا اقبركو في ارضكو http://vadrouilles.moto.free.fr/smileys/digginsmile.gif ؟؟ وراح متجها نحوهم http://vadrouilles.moto.free.fr/smileys/pickfightsmile.gif ..


سلامة تسلمك : شو يا شباب ع ايش بتضحكو ؟؟ .. ضحكونا معكم :ag:..

الأول : لأ ولا اشي .. شفناك ماشي بتحكي مع حالك صرنا نضحك http://vadrouilles.moto.free.fr/smileys/pirates.gif ..

الثاني : والله شكلك كان تحفة وانت بتحكي مع حالك .. ( ولف وجهه ع اصحابه : كمان بشبر بإيديه .. هههههههههههه http://vadrouilles.moto.free.fr/smileys/cuckoo.gif..

الثالث ( هاظ العاقل فيهم ) : الله يسامحكم يا شباب يعني هاظ مش منطق :-o: ..

سلامة تسلمك : عليك نووووووور .. احكيلهم http://vadrouilles.moto.free.fr/smileys/stopsign.gif ..

الثالث : لازم صورتوه ع الخلوي وبعثتوها للجامعة كلها .. وخصوصا لتخصصه http://vadrouilles.moto.free.fr/smileys/bokmal.gif ..

سلامة تسلمك : شو قلت يا عمتي :ang: ؟؟ .. عن جد انت بتحكي بدك تصورني ع الخلوي وتفضحني في الجامعة وخصوصا بين ابناء تخصصي ......الله أكبر .. حيًّ على الجهااااد http://vadrouilles.moto.free.fr/smileys/swordfightsmiles.gif ...

بلــّــش بالثالث .. قوّمه من شعراته وكبسه كف ع خده الشمال طيره مترين .. قلب ع الارض وصار يعيط http://vadrouilles.moto.free.fr/smileys/crybaby.gif .. وبهذه الطريقة انهى ثلث المهمة ..

مسك الاول ( قلتلي شفتني بحكي مع حالي صرت تضحك .. والله الا مش اخليك تحكي مع حالك .. غير اخليك تسولف مع سيل الزرقا و تشكيله الي رح يصير فيك هسه yaaai ...

طراخ .. شلوط ع بطنه .. طمل راسه .. اجا سلامة بحركة توماتيكية شمطه ركبة ع صباحه .. ارتمى ع الارض جنب صاحبه http://vadrouilles.moto.free.fr/smileys/deadthread.gif ..

فقد سلامة صاحبهم الاخير لقاه فاكح آخر ما عمر الله http://vadrouilles.moto.free.fr/smileys/mcsmiley4.gif ..

سلامةتسلمك : تعال بلاش ابنشرك ولا http://vadrouilles.moto.free.fr/smileys/furious.gif ( اللهم اني صائم)

الثاني : شباب يلا اصحو .. نجحت الخطة كل اشي مصور ع الخلوي وهسه بنزله ع اليوتيوب http://vadrouilles.moto.free.fr/smileys/french.gif ..

( صحي الاول وعبط سلامة وقال له يللا امشي انروح .. مفكره صاحبه الثالث . فتح عينيه شوي لقاه سلامة .. حكى له لأ .. انت مش ماما انتا دراكولا ودقو ببعض مرة ثانية http://vadrouilles.moto.free.fr/smileys/sissyfight.gif )

سلامة تسلمك : ولك روووووووووووووووح .. وشمطه بكس ع مناخيره ورماه ع الارض مرة ثانية http://vadrouilles.moto.free.fr/smileys/voodoodoll.gif ..

[طـارﭮ]

تشليف




بسم الله الرحمن الرحيم


في يوم من ايام المدرسة ... وفي ساعات الصباح الباكر يا بكـّـورتي ... شلف مشكلجي من المدرسة .. وتخيـّـل الاساتذة مع المدير و والطلاب كلهم بركضوا وراه عشان يمسكوه ويحطوا فيه ما شاء الله من كتل و لطوشة حتى الثمالة yaaai ... ( ظل مشكلجي طاير طاير .. بلعب في هالظفاير .. وكل شي مربـّـع ع الداير .. زهـّـر ايلول ) ... وصل أرض الحارة استوقفه منظر مطعم ابو السعيد .. ذاك المنظر الجذاب برائحة الفلافل السلجوقية .. وقال في عقله : ميـّـل يا غزيـّـل .. ويا غزيـّـل ميـّـل :6arban: ..

فريد : ابو السعيد ..ربنا يسعدك ويجوزك هاتلك سندويشة :hug:
ابو السعيد : شو اللي مروحك بدري .. آآآ يا ولد :144:
فريد : ولا اشي .. بس كان في علينا واجب عربي وانا ما حليته .. نصاب كل سؤال مش محلول 29 عصاية .. وعلينا 7 اسئلة يعني بطلعييييين ... 29 * 7 = يا حبيبي :eek:

ابو السعيد : بس 29 عصاية :-o:
فريد : :eek: ...
ابو السعيد : والله زمنكو زمن الرحمة :mbdy: .. احنا ع أيامنا كان اللي بشاغب في الحصةأو ما يحل واجباته يبطحه الاستاذ ع الارض ويقول ( حلال الله اكبر yaaai ) بعدين يفوت كندرته في حلق الطالب بعدين يرفش في بطنه نص الحصة بعدين يتريحوا 5 دقايق بعدين يكمل عليه مرة ثانية فلقات .. وبعدين الاستاذ بكون مستني الطالب ع الترويحة ويطجه علقة نصها موت .. وبعدين يشحطه ع الارض ويوصله ع دار ابوه للولد وأبوه يكمل عليه ويعيد نفس الفلم :saba7ooo:

فريد : واااااااااااااااااال :eek: ... كل هاظ :*oh: .. طيب والله العظيم ايامنا ارحم بكثير .. اقسم بعزة جلال الله انها ايامنا ارحم بكثير .. والذي لا اله الا هو انها ايامنا ارحم بكثير cry

ابو السعيد : ها والا يا رجل .. يا زمة اللي بتحكي عنه لعب اولاد زغار :-o: ... قال اضرب 29 عصاية ب 7 :mbdy: .. أخ بس لو لحــّــقتوا ايامنا بس :loveshowe
فريد : صاير مشكلجي يا عم ابو السعيد .. شو نلحق ايامكو .. انت حاقد عليي اشي :cry:

ابو السعيد : آآآ صح ولا ذكرتني .. بدي اسألك عن واحد اشوف بتعرفه والا لأ :ag:
فريد : اسأل :sc:
ابو السعيد : بتعرف واحد مشطوب في منتديات ابو محجوب اسمه مشكلجي لكن بأدب :cfe:
فريد : مين :sofera: ؟؟
ابو السعيد : ولك واحد مشطوووووب اسمه مشكلجي لكن بأدب :-o: ..

فريد :انا اللي بعرفه :-o: .. هاظ بكون ابن صفي وانا واياه الروح بالروح آكلين شاربين نايمين مع بعض يعني بتقدر تعتبره توأم روحي :peace:
ابو السعيد : طيب منيح .. سلم عليه كثير السلام وقول له ابو السعيد مبسوط منك كثير .. يعني صار نص ابو محجوب زباين دائمين عندي .. يعني ازعر فلسطين بيجي من العقبة بس عشان يشتري من هون سندويشة وبظل كاويها ع العقبة مرة ثانية :-o:

وقبل اكمن يوم اجى مشاغب واشترى من عندي صحن حمص وكانت واصليته برقية مستعجلة من مشكلجي ومكتوب عليها ( العم ابو السعيد ... يرجى تسليم هذه الرسالة يدا بيد لمشاغب .. وتقبلوا فائق الاحترام :-o: )

فريد : طيب كيف ما بتعرفه وهو اعطاك الرسالة :sc: .. بعدين هو كاتب محل الاقامة (اســألــوا أبو الـسـعـيـد و هــو بدلــّــكو )
ابو السعيد : يا زم يوميتها كنت قاعد لسه بفتح في المحل وبتفاجألك والا الرسالة مدحوشة من تحت الباب .. انا فكرتها بالأول الجمرة الخبيثة :-o:
بعدين انا عارف وين انا ساكن بالأول عشان اعرف وين هو ساكن :-o:

فريد : قلتلي :*oh: .. طيب اغلبك يا عم ابو السعيد تلفلي سندويشة خليني افطر وارد ارجع ع المدرسه خلي الاستاذ يجبدني 29 عصاية * 7 az3ar .. بس كثـّـرلي الحامض ربنا يسعدك يا عم ابو السعيد :sc:

ابو السعيد : اما شو جبتلك حتة حامض .. بجنـّن .. اسمه ( HCl ) بحكو عنه اقوى نوع :-o:
انا فكرته اول اشي نوع عطر زي ( ck ) وهالقصص :arg:
فريد : :mal5oom: .. طيب انت جربته لهاظ الحامض :sc: .. لأنه مش غريب عليي .. كإني سامع اسمه بحصة الكيميا
ابو السعيد : لا والله لسه .. بس بما اني استفتحت فيك فقلت يا ولد فرصة وأجت ع اجريها خليني اجربه عليك :-o:

فريد : بالله شو :jgm: ...
أراك لاحقا عمي ابو السعيد :wvsmile: ... يللا عشان قربت الحصة تخلص وبدي الحقها
سلاااااااااااااااااام :ya fakeek:

( الحمد لله رب العالمين )

[طـارﭮ]

الـمـحـاجـيـب يـقــتــحـمـون الـــحــصـــن _ 1 _ ...




بسم الله الرحمن الرحيم


الحصن

المرحلة الاولى : مرحلة فرودة المي :ta5: ...


(المحاجيب بدهم يقتحمو الحصن ويفوزوا بالجائزة الكبرى .. صحن حمص من عند ابو السعيد :e: .. وكلهم ملتمين حوالين مشكلجي وهو بحمــّــس فيهم )

مشكلجي لكن بأدب : يا محاجيب هذه الساعة تسمى بساعة الشدة فإما أن نكون يدا بيد و إلا لن تقوم لنا قائمة أبدا :*oh: ...
المحاجيب : عجب ٌ عجب :clapper: ... عجب ٌ عجب :clapper: ... عجب ٌ عجب :clapper: ...

مشكلجي : يللا يا محاجيب العالم بدنا نعلم المدافعين الأدب والشعر و القصة القصيرااااااااااااا http://vadrouilles.moto.free.fr/smileys/pirateshipff.gif ... ورح نمسح في أهاليهم الارض az3ar ...

( مشكلجي مسك المايك وراح على احد المهاجمين المحاجيب )

مشكلجي : نتعرف عليك :b: ...
رد عليه : معاك أزعر فلسطين :hi: ..

مشكلجي : ممكن تعطينا لمحة عن الي رح تسويه فيهم :bg: ..
أزعر فلسطين : والله إن شاء الله غير أعملهم صحن مسبحة http://vadrouilles.moto.free.fr/smileys/varulv.gif .. وراح قرب عليي و وشوشني ( بالله عليك يا مشكلجي هاي اللعبة مسموح فيها استخدام المواس والخناجر والا شو الوضع http://vadrouilles.moto.free.fr/smileys/dodensmiley.gif ؟؟ )

مشكلجي : له يا أزعر له ... احنا جايين نلعب والا انحارب !! ... طبعا جايين نحارب http://vadrouilles.moto.free.fr/smileys/pirates.gif .. مش تسدقوا .. احنا جايين نلعب حتى الموت بس :*oh: ..
أزعر : لأ مهو اطــّــلع عليهم .. معاهم فرودة مي وبلاوي زرقا :-o: .. يعني مجهزين حالهم الجماعة :sc: ..
مشكلجي : لا ما تخاف محنا معنا أسلحة زيهم بس فرود المي الي معنا متطورة .. اتفقت مع المطعم الي في حارتنا يحط بدل المي كتشب و مايونيز .. يعني اي محجوب بحس بالجوع اثناء المعركة بقدر يفقع حاله رصاصة في نص ثمه و خسا الجوع :nana: ..
أزعر : طمنتني :shy: ..


مشكلجي : يا محاجيب ... عليهوووووووووووووم :h+: ...
( وهجمو كل المحاجيب على المدافعين وهمه لابسين الخوذ الي عليهن كرتونة من فوق عشان اي رصاصة مية طايشة هيك والا هيك تثقبها..
والمدافعين معاهم فرودة المي المحشية مية ملونة (( مية الغسيل بدال ما يكبوها عبوها جوات الفرودة ))

والتقطت الكاميرا هذه المشاهد الملحمية من ساحة المعركة :

*( انريتشبل سابقا وسنو لاحقا هاجمة بأقصى سرعة وهي بتسرخ: (عاليهوم عاليهوم .. غير انطبــّــش رجليهم ... وفجأة راحت مشندلة على الارض وغــزّت راس في الطين واللبصة )

* ( sword وجهه كله مايونيز وكتشب وقاعد بلحوس في ايده مفكرها سيخ شاورما )

( crazy * guy ماسك احد المدافعين وبشلــِّــح فيه البوت http://vadrouilles.moto.free.fr/smileys/dontgosmiley.gif .. بعدين اجا ابو حميد بحركة فــذ ّة عــظــّــه من ذانه وبطحه ع الارض وفــضـّـى فرد المي ع وجه المدافع وع كرتونته وظل فاكح ..)

هكذا ايها المحاجيب انتهت المرحلة الاولى من الحصن .. انتظرونا في المرحلة الثانية ...

[طـارﭮ]

الــمـحاجـيـب يــقــتــحــمـون الــحــصــن( 2 )




بسم الله الرحمن الرحيم


المرحلة الثانية : النط عن السور az3ar ...


مشكلجي : يللا هسه ببيــّــن معانا مين هم ابطال الملاعب وبروفيشنالات التشليف من المدارس ... واللي لازم تعرفوه انه في ورا السور مطعم حمص وفول واللي بنط وبجتاز هذه المرحلة له جائزة صحن قدسية + 5 حبات فلافل محشي + كاسة شاي دبل ... يللا ورجوني شطارتكو يا جدعان ...
عليهوووووووووووووووم http://farm1.static.flickr.com/199/536083833_a61aeeca5f.jpg?v=0

المحاجيب : هيييييييييييييييييييييييييه ..

وما يشوفولك الا akramooo ناطط عن السور بحركة وحدة .. خبرة ما شاء الله عليه :a030: ... وراح ركاض ع المطعم ونسف نص الأكل نسف ...

.........................


Moon : راحت بدها تلف من ورا السور وتمزط بالعقل ردوا رجعوها المدافعين :no: .. وقالولها ع صفك يا شاطرة .. قصدي يللا روحي نطي من على السور ..

Moon : الله يخليكو يا gـــماعة ... دنا معرفش انط من فوء كاسة مية :cry: .. ( وقعدت تتمسكن وبعدين راحت شامطة واحد بكس :boxing: وقـّـعتله سنين ثلاث ع الارض وظلت شاردة .. وقعد المدافع يلملم فيهن عن الارض .... طلعت موون بطلة في الملاكمة وماخذة الأولى ع الــgـــمهورية واحنا مش عارفين ... نصيحة لوجه الله تعالى ما حدا يثقــّــل مزح معاها :-o: )

.........................

زعره : عشان الله يا كوين اف جنين .. ساعديني مش عارفة أتشعبط cry ..

Qween of jeneen : يللا هيني ماديتلك ايدي كربطي بيها كويس وهسه بنتعك لعندي ..

( زعره ما كذبت خبر مسكت بإيد كوين .. وكوين حاولت ترفعها مش انها ما حاولت يا حرام .. بس ما كانت مثبتة حالها منيح وشندلن الثنتين مع بعض ع الارض وخسرن ...)


................................

المرحلة الثالثة :
مرحلة مصارعة السومو yaaai ....

مشكلجي : هذه اللعبة هي لعبة الأقوياء والشجعان والمشكلجية و شبــّــيحة الحارات :e: .. بس نظام مختلف شوي انها في لغتنا العربية الفصيحة تسمى بالمباطحة .. أخ لو تطلعلي الطبة البنفسجية :shy: .. اذا سحبتها الي الضدي بكون هاي اللعبة الي بتتدحدل لحالها :-o: .. أقل نقرة بتكون قالبة ع الارض زي الذبانة الي ماكلة شبشب ... ما علينا ......

معانا اول مشترك من المحاجيب .. تعرفنا على نفسك :

معاك اندريا بيرلو .. انا جاي افزع ..

مشكلجي :انو تفزع :b-: ؟؟!!! ... احنا جايين انحارب yaaai .. بدنا همتك معانا .. بدنياك تسحب طبة من هالسندوق وانت وحظك اذنه طلعلتك الطبة الحمرا أو الصفرا بتكون امك داعييتلك في ليلة القدر .. لإنهم الجوز من طنطات عبدون .. يعني أحسن من هيك عبث ..
أما إذا طلعتلك الطبة الخضرا لا قدر الله .. يعني معاك حقّ كفن والا أداينك ؟؟؟

اندريا بيرلو : لا يا خوي يا مشكلجي ... خلص بطلنا الشغلة من أساسها :*oh: .. خليني اروح اشتغللي في عصابة المافيا او اتاجر في السلاح أو اسلـــّــم حالي لعبده فطعة لسه أضمن لي ..

مشكلجي : ولك تعال جرب حظك :-o: ..
الظل : بديش أجربه عارفه منيح :-c: .. هسه مشكلجي باصات عمان رصيفة الزرقا .. ع ايدك اليمين والا الشمال وانتا طالع هيك ؟؟

مشكلجي : ولك تعال متفظحناش مع المدافعين :144: ..
( اندريا بيرلو قال : يا دايم وظل مشلف ووراه غبرة :super: )

مشكلجي : وهكذا خسر اول محجوب في المسابقة الثالثة (والله مني عارف اذا ظلينا على هالرشة كيف بدنا نوصل مرحلة سيارات فرودة الليزر)

انتظرونا وسوف نتابع ما تبقى من المرحلة الثالثة بالاضافة الى المرحلة الرابعة في الحلقة القادمة ان شاء الله ...

لا تنسونا من صالح دعائكم
مشكلجي لكن بأدب

[طـارﭮ]

المــحــاجيــب يــقــتـــحمون الحـــصــــن ( 3 )




rبسم الله الرحمن الرحيم



ننتقل الى المتسابق الثاني ... يارب ما يفضحنا زي ما فضحنا اندريا بيرلو الله يسهل طريقه ...... اتفضل عرفنا ع حالك يا كبتن :hi: ...
معاك ع الخط الظل سابقا :e: ..
يا 100 هلا فيك صديقي :a030: .. شو لساتك زعلان والا شو ؟!!
الظل : له يا مشكلجي أزعل عشان شو ؟؟ عشان المدافعين بهوقونا وبهدلوا صحتنا :-o: ؟؟ لا انا هسه بفرجيك فيهم بس وسعلي شوي وعد الجثث يا معلم yaaai ..

مشكلجي : برافو عليك :a030: .. افــلــت عليهم وقرقطلي اياهم تقرقط وحشــّــلــّــي الأخضر واليابس :-o: .. انطلق على بركة الله بعد ما تسحبلك سحبة .. وبلكي بلكي طلعلك زميرة .. فش اشي مستبعد هون :bg: ..

الظل : طيب بصيرش اسحب سحبة يطلعلي فرد خرز ؟؟؟
مشكلجي : بس انت اسحب وما عليك .. و بعدين لكل حادث حديث ..

الظل : وهي سحبنا :love: .. إي .. طبة حمرا .. شو اعدام يا مشكلجي :mob: !! .. والله ورحنا اعدام ولسه ما حققت حلم حياتي ( أزور مطعم العم ابو السعيد واتعرف عليه من كثر ما حكيتلي عنه يا مشكلجي .. و الله العظيم خايف تطلع انت هو ابو السعيد واحنا مش داريين :sc: ) ...
مشكلجي : لا ما تخاف .. انا بكون ابن خالة مرت ست عم ابو جده السابع عشر ( مش اتسدقوا .. عارفكو ) .. وبعدين ولك هاي الطبة الحمرا بتعني انك رح تواجه هظاك الطنط اللي واقف هناك ... يللا افرح وغــنــّــي وعش متهنــّــي .. ما حدا قدك :-o: ..

( كبست مع الظل وصار يطقطق بأصابعه واتذكر اصبع النملة .. وانه كيف النملة بتقدر اتطقطق أصابعها !! سبحان الله !! )
1 ... 2 ....3 ابتدي

و اشتعلت ساحة المعركة وظل الطنط اللابس أحمر يركض و الظل مشدّر وراه .. الحق وهظاك يركض .. الحق وهظاك يركض بالآخير شندل المدافع ( طنط عبدون ) عالأرض وانحسبت للمهاجمين نقطة az3ar az3ar az3ar ..

.................................................. .......................
فاصـــــــــــــــــل اعـــــــــــــــــــــــلاني

( متلقي الضربات :144: )
لقد أمسك المدافعون بجاكال واعتقلوه على شكل رهينة وقاعدين بعملو عليه تجارب وأبحاث منها على سبيل المثال لا الحصر :
1- هل الإنسان قابل للتمدد والتقلص بفعل الحرارة والبرودة في غرفة 82 درجة سْ و -73 سْ تحت الصفرعلى فترتين متقاربتين :eek: ...
2- هل يتوجع الإنسان إذا شدته سيارتا ديانا في اتجاهين متعاكسين من قدميه أم لا :-o: !!؟؟
3- هل يستطيع الإنسان حمل ثقل يماثل 3 أضعاف وزنه إذا ألقي عليه ذاك الثقل من فوق 3 طوابق بسرعة جنونية تساوي 10 مرات سرعة السقوط الحر :cool: ..
ولقد التقطت كاميرا ابي محجوب هذه المشهد المثير ... خلينا نشوف مع بعض شو سووا فيه ..
(كانوا معلقينه من رجليه ومدندلين راسه لتحت وحابسينه مع 10بسس مجنونات في غرفة مغلقة ومطفية فيها الضواو ... وما قدرت الكاميرا تشوف اشي .. بس كان هناك في سرخات و ولاويل خرقت طبقة الأوزون .. لا حول ولا قوة إلا بالله ..

عـــــــــــــــــــدنـــــــــــــــــــــــا


( اظحكت عليكو :bg: ... خلـــوا العودة بعدين يا جماعة الخير انتظرونا في المرحلة التالية (الدهليز إن شاء الله ))

مع تحيات اخوكم مشكلجي لكن بأدب ( فريدريكو .. هاظ اسمي بالإسباني)

[طـارﭮ]

الـــحــصـــن ( 4 ) ...




بسم الله الرحمن الرحيم




الحصن ( 1 ) (http://www.mahjoob.com/ar/forums/showthread.php?t=304721)
الحصن ( 2 ) (http://www.mahjoob.com/ar/forums/showthread.php?t=305816)
الحصن ( 3 ) (http://www.mahjoob.com/ar/forums/showthread.php?t=307081)


المرحلة الثالثة : الدهليز


عدنـــا من الفاصل .. وها نحن نواصل ..
مشكلجي : يعني كدّيش راقبت هاي اللعبة عن بعد .. بخف عقلي بس أسمع اصوات المحاجيب المهاجمين وهمه بسرّخوا من جوة .. الله يلطف فينا ..

مشكلجي : يا هلا بيك يا أمير تعرفنا على اسمك ..
رد عليي : ولك ما عرفتني يا مشكلجي ؟؟ انا هوريزون .

مشكلجي : أهلين و مرحبتين صديقي .. والله العظيم إني خايف عليك من هالخشة اللي رح تدخلها ..
هوريزون : لا ما تخاف عليي .. قدها وقدود ..
مشكلجي : طيب .. انطلق على بركة الله .. عليهووووووووووووووم ..

( فات هوريزون باجره اليمين وقعد يتسلبد اتسلبد.. نونة نونة .. والمدافعين العرصات مشلفة معاهم ..
المدافع ابو الشعر الأحمراسمه http://t1.gstatic.com/images?q=tbn:qfxr2pdowsc2ym:http://i257.photobucket.com/albums/hh229/mrwq/untitled_cnv_440x279.jpg ( علي عــَــلكــّة ) : هاتلك نفس حشيش قبل ما ييجي هاظ المهاجم ويطلع من الباب الثاني .. بعدين بخصموا من راتبنا 15 قرش ونص ..
المدافع ابو قرعة ( أشرف كـُـخــّــة ) : يطلع مين والناس نايمين .. هو دخول الحمام زي خروgــه .. سدقني الا امسكه واشحبرله وجهه تشحبر .. واخليه اذا شافه ابو السعيد ما يعرفه ..

( هوريزون يتابع تسلله ومش عارف انه .. انه .. انه الباب اللي رح يفتحه وراه علي علكة نقل حي و على الهواء مباشرة )
وشاف هوريزون هالشوفة وحط أول وقال يا روح ما بعدك روح وظل فاكح .. وعلي علكة وراه والزمن قصير .. ييــgــي كده .. ييــgــي كده ... أطيعة تئطع الشبان واللي بيعملوه في الأوتوبيسات) بعدين بعد ما شاف هوريزون انه الوضع مقفــِّــل نط ع الباب ع سبة انه يتعربش فوق .. أجا اشرف كخة بعد ما اجاه اتصال هاتفي من علي علكة ودلــّــه على احداثيات المكان ..
ومسكوه الجوز من البوت وظلهم يشدوا يشدوا لمن شلحوه الفردتين ..
هوريزون : شو .. بدكم اتخلوني اروح حافي .. هاي ما صارت لا في سيل الزرقا ولا في اسبانيا .. والله ايش وايش .. ونط عليهم زي المصارعين .. إي والا هو بالحضن .. ومسكوه الجوز وقعدوا يلولطوا في وجهه بالشحار وسخام البين اللي معاهم ..


( بعدين الكاميرا من برة جابت هوريزن وهو حامل بوته ووجهه كله اسود بأسود ومش مبين منه الا عينيه واسنانه و مصهللة معاه ع الآخر ( شكلهم هملوه وخلوه يحشش معاهم )


مشكلجي : ننتقل إلى المتسابق الآخر .. أهليييين ابو شريك .. كيف أخبارك يا أميييير ..
Osama b : تعال ولك يا مشكلجي .. هات بوسة .. شو رأيك نطلعلنا طشة هيك على شارع الوكالات .. خلينا نتحسر ع شبابنا شوي .. وبلكي نقينالنا عروستين من هناك ..

مشكلجي : ولك شو لزومه هالحكي هون في المنتدى .. فضحتنا ..
خلص ان شاء الله بنطلع تاسع يوم العيد .. خلينا نرجع لموضوعنا .. يعني الله يسامحك .. ما اجى دورك الا على لعبة الدهليز ..
Osama b : ليش شو في ؟؟؟
مشكلجي : لا ما في اشي .. خش ع الدش وبعدين بتعرف ..

Osama b : طيب بصير اختصر واقسم ع 17 واروح ع الدار طرانزيت .. لا خلص بطلت شو رح يصير يعني .. بدهم يسرقوا ال 3 قروش اللي في جيبة الجرابين والا رح يوخذو حبة الحلو الأندلسية مني ؟؟ ..

مشكلجي : يللا خش يا صديقي .. ومتيأسش ... اقرأ سورة البقرة قبل ما تفوت ..

فات اسامة بكل جرأة و خوف وظله كابسها ركاض و ركاض وركاض .. طــُــب ّوالا هو في بركة المية .. وصار علي علكة واشرف كخة يضحكو ويتلاوقوا عليه :-b: ..

اسامة : ولك يا ملطوش انت واياه .. بدال منتو قاعدين بتتهبلوا مدوا ايدكو وطلعوني .... ما بدكو .. خلص بعطي كل واحد حبة توفة .. بس طلعوني ...

أجو طلعوه ونشلوا الفانيللا والبتاع
علي علكة : ظل معاك شحار ؟؟
اشرف كخة : ولو يا علكة ولو .. انا عمري خذلتك .. هي كيلو ونص شحار وشحمة وزيت سيارات .. استنا علي شوي ع بين ما اخبصهن في الخلاط .. وتصير الوصفة جاهزة ..

علي علكة : يللا هات وايد بإيد خلينا نطرش وجهه ..

اسامة : ولك انت واياه .. لأ .. لااااااااااا .. ولاااااااااااااا .. ولكو هسه امي بتشوفني على هاي الحالة بتسلوخني كفوف .. ولكو والله امي رح تذبحني ..
( بعدين جابت الكاميرا اسامة وهو طالع من الباب الخلفي وهو قاعد بمسح بدموعه .. يا حسرتي عليك يا ابو السوم )

تم بحمد الله .. انتظرونا في الحلقة القادمة مع متسابقين جدد .. ومراحل جديدة .. هذا مشكلجي يحييكم .. والسلام عليكم ورحمة الله وبركاته ..

[طـارﭮ]

الــحــصــن ( الــجــزء الاخـــيـــر )




بسم الله الرحمن الرحيم




وننتقل الى مرحلة اخرى ومتسابق آخر ... رحبو معي بتروكسا ..

كيف حالك تروكسا :hug: ؟؟
تروكسا : الحمد لله يا مشكلجي .. انت شو أخبارك .. وقال هاي هي الحلقة الاخيرة في الحصن ؟؟

مشكلجي : ربما ...... والله شكلها اليوم الحلقة الاخيرة لأنه ما صفــّــى من المحاجيب الا انا واياك .. شكلنا رح ننقرض يا حصتي :*oh:

تروكسا : بالله عليك بتحكي جد !!! ... يعني خلص راحت علينا cry
مشكلجي : لا تخاف .... شو بعرفك يا صاحبي .. ( كم من فئة قليلة غلبت فئة كثيرة بإذن الله ..)

تروكسا : يللا توكلنا على الله .. افتحلي طريق يا مشكلجي .. قصدي يللا شو المرحلة اللي بدنا
نغامر فيها :shy: ....
مشكلجي : مرحلة الخمس حفر وبدك تنقي حفرة دافية وخالية من الكوليسترول .. قصدي خالية من الرصاص .. قصدي اللي هو ... يللا ادحل يا تروكسا
تروكسا : Az3ar

( فلت تروكسا ولسه بحكي هييييييييه والا المارد اخو الشلن طلعله من بين الخبيزة :ag: ...
تركسا : تنحى عن طريقي يا ابن المجنونة .. والا فطعت رأسك الذي يشبه جاط الحمص تبع ابو السعيد .. )

المارد : :*oh:
تروكسا : ما بك يا ابن ابي بلتعة ... تبا لك ولقومك أجمعين :-o:
( المارد سحب الخلوي : مــِــن المارد اخو الهبلة الى رئيس المدافعين . لقد استعان فريق المحاجيب بأحد جنود الفتح الاسلامي .. قل لي ما الحل دام فضلكم :-c:
زعيم المدافعين : الله لا يوطرزلك ... ولك لساتك واقف محلك انفذ بجلدك قبل ما يقرقطك تقرقط ترانا مش قدهم جنود الفتح الاسلامي .. هذول الملائكة بتحارب معهم )

بعدين المارد فتح لتروكسا الطريق زي كإنه بفوت سيارة رئيس الجامعة ع الجامعة الهاشمية وظل معطيها ع دارهم ركاض .... وفعلا تروكسا كمل حالة الفلتان وظل مكمل طريقه .. تفاجأ انه في 5 حفر وكل حفرة زي اختها .. قال بعقله مفش حل احسن من هالحل .. حادي بادي صلى النبي على هادي ما بختار الا هاذي ونط في هالحفرة ......... )

سمع مشكلجي صوت سراخ تروكسا من بعيييييييد .. وسمع صوت الحوار الي دار بينه وبين المدافع الذي هو كالتالي :

المدافع : ولك يا ملطوش شو اللي فوتك علي :mob: ..
تروكسا : ليش يعني باقي تتحمم لا سمح الله :-o: ..

المدافع : لا ما بتحمم بس افرض . افرض افرض انه ... ولك تعال جاااااااي .. شو خصك في أهلييييييي :mob:
تروكسا : لا تزعق عليي :sc:

المدافع : ولك تعال جاااااااااااي
( وبعدين مسك تروكسا وقعد يزغزغ فيه لمدة ساعتين ونص حتى اغمي عليه )

وهكذا تم الجزء الاخير
أرجو ان تكونوا قد استمتعتم .. :ff:

[طـارﭮ]

حوار فايع ...






بسم الله الرحمن الرحيم




مرة في شباب ( انا واصحابي ) طالعين طشة هي مش طشة طشة ... يعني شغل في مدينة الامير محمد الرياضية ... قاللنا ابو كرم ( الحج المسؤول عنا ) روحو اقعدو ساعة زمن في الستاد .. واحنا ما سدقنا مساديق الله .. رحنا وبطحنا المرح ُ على الحشيش .. رامي اقترح علينا نلعب لعبة ( لقاء مع بني آدم من الرصيفة ) بما انه الكورس كله من الرصيفة _ 078 منا وفينا _ وانا أخذت الفكرة وزبطتها ع شكل بوست .. يللا نفيع مع بعض ...

رامي : الأول , بنبلش من اليمين .. يعني من عندك معلم حمزة ..
حمزة : تفضل :hi: ..
رامي : شو افطرت الصبح ؟ :bg:
حمزة : والله مني ذاكر :idk: .. بس ع الأغلب حمص من عند ابو السعيد ( بدي ادفع ابو السعيد عمولة من كثر ما عملتله دعايات في ابو محجوب .. بس اشوفه في الحارة بتنفاهم )
رامي : مين ابو السعيد ؟؟
حمزة : واحد في حارتنا ببيع حمص وفول ..
رامي : معقووول !!! ... لا خلص هسه بدنا نبلش جد .. ماشي .... شو اكثر شغلة نفسك تعملها في حياتك ؟؟
حمزة : نفسي .. نفسي اعمل دوا يخلي الناس وفية ما تخون .. سادقة ما تكذب .. تحب ما بتكره..
رامي : الله .. يا سلااااااااااااااااااااااام .. شباب الي بيعز الله يزقف ..
الشباب : هييييييييييييييييييه :clapper: .. احلى حمزة والله ما عرفناك:clapper: .. تكبير .. الله اكبر .... تكبير .. الله اكبر ..


رامي : طيب .. نلتقي مع الشب الي جنبه .. وذنبه ع جنبه ... بنتعرف عليك .. بعرف انك رح تقول انو بنعرفك وقرفانين بعض .. بس شو بدنا نسوي .. هيك اللعبة ...
رد عليه .. جابر .
رامي : الله يجبر بخاطرنا و خاطرك ... هسه يا جابر بدي اسألك سؤال سهل .. حلو .. لطيف .. خفيف .. نظيف .. ...
جابر : يا رجل خلصنا خلينا نشوف شو هو السؤال .. حرقت دم اهلي ..
رامي : لك ما شئت يا اخا العرب ... افتح ايدك عشان تلقف السؤال ودير بالك يوقع ع الارض وينكسر .. ماشي ... السؤال يقول ... ما هو المبدأ الذي تتبلور عنه ردات فعلك السكونية عندما تكون في حالة لولبية من الانبهار العاطفي غير المتزن ؟؟؟
جابر : :eek:
رامي : شكله السؤال ما وصل .. طيب .. ببسطلك اياها ... يعني .. ما الهدف الدراماتيكي الذي تتمركز حوله العلائق الفسيولوجية العميقة التي تتخلل تفكير العقل اللاواعي عندك ؟؟؟ :ag:
جابر : :eek: :eek: :eek:
رامي : مع الأسف الشديد شكلك مش نافع :144: .. يعني اذا معرفتش تجاوب على اسئلة بهذه البساطة والسهولة ... يعني سامحني بهاي الكلمة .. كيف بدك تتجوز ؟؟؟ :-o:

رامي : يللا نلتقي مع المتسابق الآخر .. اعطيه المايك يا جابر .. تعرفنا ع نفسك .. رد عليه : اسمي بسام
رامي : عاشت الاسامي اخ بسام .. سؤال يبطح نفسه ع الحشيش زي حالاتنا هيك .. شو آخر أخبارك ؟؟
بسام : والله قاعد انا واصحابي وبنلعب لعبة حلوة من قاع الآخر ..
رامي : ما شاء الله .. ما شاء الله .. طيب هسه بدي اسألك سؤال ... افرض واحد قززك ... عيفك عيشتك ... خلاك تشوف الديك ارنب ... شل املك ... يعني شو بدي احكيلك ... فاهم علي انت صح ؟ ! شو بتسوي فيه ؟؟؟؟؟؟

بسام : بسوي قهوة بالحليب ... شو بدي اسوي يعني :ang: ... طبعا بقوم ببوسه من بين عينيه .. وبقوله شكرا ..
رامي : وهو بقولك لا شكر على واجب :cfe:
بسام : ايوا :)
فريد : اسطب ( stop) اللعبة .. شو شو حبيبي شو بتسوي :mob: ؟؟ ..
رامي : شو مالك يا فريد ؟؟؟
فريد : اهدا شوي يا رامي بدي اشوف شو قصته .. هسه سؤال فني مزدوج الشخصية ... شو تفضلت يا خالتي بسام ؟؟ ... ولك بدك تجلطني .. ولك بدك تطير عقلي من برجه ؟؟؟ ولك...
استنى استنى قبل اي اشي في اني جامعة او كلية انت بتدرس ؟؟
بسام : في كلية كذا ( بديش احكي اسمها بلاش يحبسونا قضية اشهار وتشهير )
فريد : لا اذنه هيك الوضع عادي ... لأ محلك مرخــّــص يا عمي ... معاك حق في الي بتعمله فينا :*oh: .. هلا عمي ..
بسام : شو مش عاجبك ؟؟
فريد : لأ عاجبني ومعبي حضني .. يللا شباب امشو خلينا نروح لانه قلبي ناقزني وحاسس اشي بدو يصير ... يللا افعطو ..

[طـارﭮ]

حبي الأول .. وشبه الأخير ...




بسم الله الرحمن الرحيم





ياااااااااااه على أيامنا واحنا في مدرسة خولة بنت ثعلبة تلك المدرسة الجميلة البهية الدائمة الطفولة :hug: ... رتعنا فيها من الصف الاول حتى الرابع ... وقد تعرفت في الصف الاول على حبي الاول وشبه الاخير ... كانت قصة حبي لفتاتي ( الطفلة في ذلك الوقت حالها كحالي )

دفشني صديقي علاء ( الله يدفشه ع الخير ) عليها وهي جالسة في درجها ... وبلــشلك بأعلا صوته .. فريد بحب فلانة ... فريد بحي فلانة ... اجيت انا كبست معاي .. وصرت اصرخ معاه .. ايوا انا بحب فلانة az3ar .. انا بحب فلانة ( بصوت ملؤه الطفولة والبراءة ) ...
اتطلعت في عينيها اللتين تشبهان نهري عسل .. ووجهها الذي يشبه قطعة من ضياء الشمس ...
و اتكأت على الدرج بيد و قعدت العب بشعري بالايد الثانية ;)
وقلتلها : ( قولي لبوكي .. انا قاصد بيتك هالليلة ... هلي يريدوكي .. تكوني لولدن خليلة :+d: )
حصتي ( فلانة ) : توكل ع الله :fofo: ...
قلتلها ونعم بالله :6arban: ....
ثاني يوم أجت السكرتيرة ( وهي نسخة مكبرة عن المصارع big show .. مبين من اسمه .. بدوش تفسير .. عملاق يعني ) أجت والصبح لسه بشاور حاله يطلع والا لأ..
السكرتيرة : في عندكو ولد عرص .. ومشكلجي لكن بأدب ومش عارف ايش .. اسمه فريد ...
المعلمة : هيو ... ألقو القبض عليه قبل ما ينط من الشباك yaaai ... حـــوّطوه يا اولاد :233: ..أوعو اتخلوه يهرب ..
( كل هاظ وانا قاعد في مطرحي ما تحركت :-c: .. بقول : معقول يكونو بحكو عني :eek: !! ... انا شو سويت ؟ )
أجت السكرتيرة حطت الكلبشة بإيدي .. قصدي مسكتني من بلوزتي من فوق ( انا لساتني ولد زغير :sad: ) ..
السكرتيرة : ولك يا حيوان yaaai ... شو مسوي للبنت ؟ احكي يا كلب ...
الطفل الوديع المشكلجي (فريد ) : أني بنت ؟؟؟ :idk: .. و حياة الله العظيم ما سويت اشي :cry: ....
السكرتيرة ( وهي تنظر إليّ بكل حقد و غضب و غلّ وغيظ ولؤم ) ثم أصدرت صرخة اهتزت لها أسوار المدرسة وقلبي انشلع من مكانه .. وحكت لي : ولك قوم معاي يا حقير :mob: ... ومسكتني من بلوزتي من ورا وشحطتني ع الارض وكان هدفها انها 1_ تمسح فيّي الارض ..
2_ توصلني ع غرفة الادارة ...
وهي بتشحط فيّي ولساتنا ما ابتدأنا رحلتنا المكوكية برات الصف ... قعدت اتطلع ع اولاد الصف وهم بضحكو وبلعبو .. وواحد حاطط ايد فوق راسه ووحدة تحت وبزرق راسه رايح جاي بطريقة فنية ...( بتعرفوها ..هاي الي برقصوها بالافراح والمناسبات ) ... وصاحبي علاء أساس البلى قاعد ولا زي كإنه الو خصّ :sofera: .. والمعلمة الوضع عندها طبيعي .. قاعدة بتكتب على اللوح ...
قعدت السكرتيرة تشحط فيّي في الكارادور وهي بتسرخ بكلام غير مفهوم ... أظن انها كانت مسبات وبالعضل كمان..
وكل ما تمرق من قدام صف تطلع المعلمة هي واولاد صفها يتفرجو ( يللا فيع يا فريد باشا صرت فرجة وفضيحتك في المدرسة بجلاجل :6arban: ) ... المهم مسحت ( بجنابي ) المدرسة مع انها غرفة المديرة مش بعيدة :*oh: .. بس قالت يللا هيها فرصة واجت لحالها بلاش انوسخ الممسحة ...

فاتت ع غرفة الادارة و زتتني عند اجرين المديرة ( لا أدري كيف أتيت وكيف رماني الموج على قدميك ِ ( من قصيدة لنزار قباني ) وقالت للمديرة هيني جبتلك اياه هالحقير :ag: .. ( مش ملاحظين اني تبهدلت كثير في هاي القصة cry ) .. أجيت بتطلع ع المديرة و قاعد ببتسم بعيني طفل بريء :p: ( دحنا عيال صغيرة وما نعرفش حاgـــة يا بيه )
المديرة : وقاعد بتتبسم كمان؟؟ :ag: ...آآآآآآآآآآ ؟؟ .. انا بفرجيك ... وراحت داعسة ع اصابع ايدي :cry: ( خلص يا فريد الزغير هيني كبرت ولو امسكها بفرجيك فيها خلص ما تعيط :7anoon: ) ... وانا ساكت ومش راضي أطلــّّــع صوت ( ابوي دايما كان يقول لي الرجل ما بعيّط ولا بسرّخ yaaai )

بعدين مسكتني من قبة البلوزة ورفعتني في السما عشان أصير انا واياها ( face 2 face ) .. وقالت لي شو يا روحي ....... ( بقول في عقلي : كل هاظ و بتقول لي روحي ... (أي روحي فكي عني) .. كنت أفكرها بتحكي عن جد .. بعدين لمن كبرت عرفت انها تقال للتهكم والسخرية )
الطفل المشحر ( فريد ) : نعم يا سعادة المديرة :sc: ..
مسكتني ولفـــّــتني وقالت بتعرف هذول الناس ؟
كنت انظر الى امرأة عينيها بقدحن شرر وبتطلع عليّي وشكلها ناوية توكلني لحمة خضرا .... قلت لأ ما حصلي الشرف ..
قالت لي طيب والبنت هاي الي جنب امها كمان ما بتعرفها؟؟؟

قلت لها اني بنت ؟؟

المديرة : شو .. بطلت تشوف .. هيها ..

اتطلعت لتحت ( مهو حضرتي معلق بين السما والارض .. وشكلها المديرة باقية تلعب حديد في زمناتها ) ... اتطلعت عليها وقلت : آآآآآآآآآآآآآ .. هاي البنت حبيبتي :hug: ..
امها سمعت هاي الكلمة وشمطتني كف ع ثمي طجــّــيت على إثرها على الارض .. ونزلن فيّي شلاليط هنّ الثلاث ( السكرتيرة والمديرة وام حبيبتي) ... ومنيح انها حبيبتي ما شاركت معاهن في البدن الي فقعوني اياه عشان ما تقلبش يوليوس قيصر ( حتى انت يا بروتوس ) ...
بعدين قومتني المديرة وكتكتت أواعيّي وقالت لي يللا روح نادي امك .. قلتلها هيك هيك لإمـِّــك ... بديش انادي امي وبس .. بدي انادي خالاتي كمان .. انا بورجيكو يا ( ..... )
وظليت مشلف ع الدار ... روحت ع الدار الساعة 10 ..
ما شاء الله الكتلة استمرت ساعتين متواصلتين ( زي برنامج لمس أكتاف تبع ممدوح فرج ) ...
لقيت امي قاعدة بتغسل ... قلتلها يمــّــا ..
امي : شو بدك ؟؟ وإيش الي مروحك بدري ؟؟؟
الطفل فريد : المديرة بدها اياكي :cry: ...
امي اتطلعت عليّي ... هيييييييييييي :eek: .. شو الي ساوى فيك هيك يا حزين ؟...
الطفل فريد : يما :cry: ... يما :cry: ... المديرة والسكرتيرة وام .. وام .. وام :cry: ( شكله علـــّــق الزمور ) ... ( امي قاطعتني .. ولك ام مين ؟ خلصني yaaai ..)
رديت عليها روحي ع المدرسة وانتي بتعرفي :*oh:...

راحت امي بعد ما لبست ... وانا قعدت أطعمي الحمام ( كنت معلمهن يوكلن من ايدي .. وكنت مطلــّــع ع كل حمامة اسم واصحاب انا واياهن .. )

رجعت امي بعد ساعة ..
امي : لعاد هيك القصة :ag: ؟.. روحي شوفي وبعدين بتعرفي آآآآآآآآ :ag: ؟.. مسكتني وكانت بدها تحطني في الغسالة.. لولا ما فكحت برة الدار طيار ...

ياااااااااااااااااااه على هذيك الايام .... الطفولة الحزينة ... المحطمة ...

تحياتي مشكلجي لكن بأدب

[طـارﭮ]

شــلــن ديــــن ...




بسم الله الرحمن الرحيم


كان حسن عوكش داير في الشوارع بعدما تسلقط سيجارة حشيش منيلة بــ 60 نيلة ..
عوكش : تعال يا سمير يا سمكة :-o: ..
سمير السمكة : ايوا يا عوكش .. خير .. شو في ؟؟

عوكش : بدي سلامتك .. بلاقي معك شلن دين ؟!! وبسدك اياه مبارح ولا يهمك :smoking: ..
السمكة : آآآ .. إذا ع هيك .. مش معاي شلن .. معاي بريزة :-o: .. اتفضل ..
عوكش : معوضين ان شاء الله .. انــgطك اياهن بعرسك يا رب ..

السمكة : تسلملي يا احلى وردة .. بتؤمرني بإشي ثاني ..
عوكش : بلاقي معاك فردة شبشب زيادة ؟؟

السمكة : شو يا عوكش .. بدك اياني امشي في الشارع ومعاي فردة شبشب سبير ..
عوكش : ليش لأ ؟؟ .. ولك مرّة صحيت الصبح كالعادة ورحت ع مطعم ابو السعيد .. وفي الطريق شفت واحد رايح يشتري حمص ومعاه 3 صحون .. فتحت الموس وقلت له : شو يا معلم مساء الصباح الجميل .. شايفك حامل 3 صحون .. طيب كيف بدك تحملهن وربنا خلقلنا ايدتين ثنتين بس :idk: .. رد عليي : مهو الثالث سبير للي زي أشكالك .. وكبسني الصحن في نص وجهي وظل فاكح .. شفت gـــلة هالحيا ..

السمكة : آآآ .. والله انه قليل حيا وما بستحي وما بشم :ang: .... انتا محشش اشي يا عوكش :jgm: ؟؟
عوكش : هو فش اشي بتخبــّــا في هالبلد ؟؟!! .. ايوا محشش الك عندي :ag: ..

السمكة : لأ .. بس قلت إذا في عندك حشيشة زيادة تعزّ صاحبك وسمكتك فيها :sc: ..
عوكش : ولك انتا بتتخوث عليي !! .. بدك اتحملني جميلة بالبريزة الي اعطيتني اياها .. خذ .. وهي بطلنا بدنا نشتري شبس ليز .. انبسطت هسه !!

السمكة : ولك لأ .. انتا فهمتني غلط .. ولك بدي اشتريها شرية ..
عوكش : ببريزة بدك تشتري yaaai ؟؟

السمكة : بــgــد ما بدك ..
( مع مرقة دورية شرطة )

السمكة : ولك هسه شو بدك تحكيلهم :-c: ؟؟
عوكش : شو يعني .. عادي .. بحكيلهم انك خطيبتي :*oh: ..

السمكة : ايوا :) ... ولك شو بدك تجيبنا سلب ع كلب :ang: !! ..
الشرطة: هوياتكو يا شباب ..

السمكة ( بحكي بينه وبين حاله ) : لا حول ولا قوة الا بالله .. ولكم مين مسلطكو علينا !! .. بكفــّــيش gـــزّزتونا بقصة قعدة شباب (http://www.mahjoob.com/ar/forums/showthread.php?t=264171)((لمزيد من المعلومات يرجى الاطلاع على الرابط ) ... انا بفرجيك يا فريد .. كله منك .. آآآ والا .. منتا نازل تكتب قصص وما بتراعي اوضاع الشخصيات ومشاعرهم .. يعني نفسي اشوفك كاتب : (( وها هو سمير السمكة يتناول طبقا من الكنافة .. والا حبة قطايف :lolypop: .. بس حاططني للحشيش و البلاوي الزرقا .. الله يسامحك :cry: .. ))

عـــدنـــا <<<

( السمكة أخذها من gــــاصرها وظله مشلف .. ولحقه الشرطي .. وظل شرطي مع عوكش ... )

الشرطي : كيف حالك :b: ؟؟
عوكش : والله الحمد لله رب العالمين .. هينا بنشوّط في هالشوارع :h+: ..
الشرطي : مالو صاحبك ليش شرد :-o: ؟؟

عوكش : والله مني عارف عنه .. قال معاه بريزة وبدو يروح يخطب فيها والا يشتري كلب .. مش عارف :idk: ..

الشرطي : شو شارب يا ابو الشباب ؟؟
عوكش : شارب شاي باللبن :shy: ..

الشرطي : طيب يللا .. توكل على الله .. ادحل ..

اجا الشرطي الاول وهو ماسك سمير السمكة من قبة البلوزة من ورا .. والكلبشات بإديه .. وزته جوات السيارة ..
وتوكلت سيارة الشرطة على الله .. ولف سمير السمكة وجهه وصار يتطلع من الــgـــزاز الخلفي ع عوكش وهو بحكي كلمات غير مسموعة :ang: ..

وكمل عوكش الرحلة تبعته وظل داير في الشوارع بدور ع أي اشي زيادة ..

وهاي هي كصة عوكش والسمكة ..


وصلى الله وبارك على خير الأنبياء والمرسلين ..

[طـارﭮ]

مــشــاطـيـب ... والأجــر عــلــى الله





بسم الله الرحمن الرحيم




كان يا ما كان لدى شلة مشطوبة حتى النخاع _ تقطن في أرض الوطن الحبيب بلاد المحرقة :e: .. بلاد السيل والليل والبيداء تعرفني _ رغبة عارمة فارمة كرغبة طفل صغير مجنون ( إلا حبة ) بقطعة هرايس ساخنة .. كانت رغبتهم تتمحور حول الخروج عن نطاق تغطية المدينة اللعوب الزغنونة المجنونة ( الرصيفة ) :hug: ...

جلسوا ذات يوم ( علاء كريم :hug: .. فريد مشكلجي :144: .. علي نسنوسة :hug: .. مالك ملــّــوشة :hug: ) قعدة صفا ليحددوا مكان الطشة السنوية التي تأتي مرتين في السنة الدراسية ..

ملــّــوشة : شو رأيكم نروح على حديقة الحيوانات :meow: ؟
فريد : حيوانات اللي تلطشك :saba7ooo: .. احنا ناقصنا .. يا بني آدم نحن نصنع خطة سياحية ذات استراتيجيات عميقة تتواشج مع مقتضيات المرحلة التنموية للوضع الاقليمي للرصيفة .. يعني بالعربي الفصيح بدنا نطلع من الرصيفة يومين في السنة مستكثرهن علينا !! .. انت فاهم والا ايه :*oh: ؟؟

علاء كريم : طيب شو رايكم لعاد نروح على ... على .... والله مني عارف .. لوييييين :sad: ؟
نسنوسة : نروح ع الجبيهة :sc: ؟!

( وافق الجميع على هذا الرأي السديد وصاروا يتقافزون كالقرود في موسم شرب العصير az3ar )
وفعلا ً.. صلــّــوا صلاة العيد .. واتجهوا من فورهم إلى عمان .. وصلوا الساحة الهاشمية ونزلوا هناك ..

فريد : يااااااااه :) ... يا وارادييييييييييي :eek: .. ولك ملــّــوشة .. ولك مش هاي ساعة (big bin) اللي أخذناها سبايا بعد ما اتحررنا من الاحتلال البريطاني ؟!!!
ملـّـــوشة : آآآ .. هي بشحمها ولحمها :-o:
فريد : شفتوا قديش انا شاطر بالرياضيات والفيزيا az3ar

وبالمناسبة كانت شلة الملاطيش_ مع مرتبة الشرف _ تلك لا تشرب السجائر الا في الاعياد والمناسبات .. ولذلك قرروا ان يذهبوا الى احدى بسطات العراقيات في صباحية العيد ليؤمــّــنوا نفسهم ويعدّوا ما استطاعوا من عدة .. اشترى كل منهم باكيت سجاير ما بين ( كمال .. كريم .. فيلادلفيا .. ريم ) .. كانوا في الصف العاشر آن ذاك وكان طموحهم الاساسي هو ان يمارسوا العبث بالفشــّــة ( الرئتين ) عن طريق استخدام السجائر كوسيلة فعــّــالة .. بعيدين كل البعد عن رقابة الاهل والاقرباء و العم ابو السعيد ..


سحب فريد إحدى السجائر وتذكـّـر عيدان الملوخية التي كانت تداعب شفتيه في زمن غابر .. وقال في نفسه ( والله و كبرت يا فريد اللوح وصرت اتدخن سجاير ريم يا عرص :smoke: .. ما حدا قدك يا ولد ) .. وحطّ السيجارة في ثمه وصار يبعبش على الولاعة اللي سرقها من ابوه قبل ما يطلع ( مش تروحوا تقولوله .. لهسه محروق دمه عليها :sc: )
اgدح اgدح اgدح .. مش راضية تgدح ... علـــّــا الغاز ع الأخير yaaai
gدح هاي المرة ورضيت تgدح( واعطيعا بتعطيك .. وزرّ عليها بتgــلب فيك cry )
بس ياريت السيجارة ولــّــعت وبس .. هو ما صارلها اشي اصلا :-o: .. بس نص شواربه اللي يللا امبينات انحرقن .. كان يفخر بالشوارب لأنهن رمز لوصوله لمرحلة النضج والطنج والهاند والتريكس والطرنيب :mbdy: ..

طجــّــوا الاصدقاء الثلاثة على الارض كصراصير تناولوا رشــّــة جريئة من مسحوق الغسيل ( بيف باف ) وصاروا يفرفطوا ع الارض من الضحك :oooops: :oooops: :oooops: ...

فريد : الله لا يقيمكم cry .. مش قلتلكو اني بعرفش ادخن .. وانه خليني اجيب معاي عروق ملوخية بس انتوا ما رضيتوا :144: .. وانت بالذات يا نسنوسة .. آآآ انت السبب.. انت اللي ظليت تزنّ فوق راسي عشان اشتري بكيت سجاير :mad: ..

نسنوسة( لمعن عينيه) .. بالمناسبة كمان .. هاظ الولد نسنوسة استغلالي لدرجة) : طيب خلص هات بكيت السجاير ما دامه مغلبك .. وبعطيك حقه 20 قرش شو قلت :-o: ..
فريد : ولك مش قدامك مشتريه من العراقية بــ 45 قرش .. بعدين انا لسه ما شفــّــيت ولا شــَــفــّة :mob:.. كل اللي سويته في مسيرة حياتي اني حرقت شواربي وشعر خشومي ... بس ...

نسنوسة : انت حرّ :bg: ..

( انتظرونا في الجزء الثاني مع الاحداث المهمة :

هل سيوافق فريد ان يبيع باكيت السجاير بأقل من نصف الثمن :-c: ؟؟

ما هي الاحداث التي سوف يمرون بها في طريقهم الى الجبيهة وداخلها :6arban: ؟؟

هذه الاسئلة وأكثر تبحث عن إجابات لها ان شاء الله في الجزء الثاني)

اتظرونا :m:

بي كيرفــُــل 1 : ارجو ان تكونوا قد استمتعتم اصدقائي المحاجيب :e:

بي كيرفــُــل 2 : هذا البوست اهداء لصديقي (عدي troxa :hug: )

بي كيرفــُـل 3 : تم نشر هذا البوست في تاريخ 19/1/2010
في تمام الساعة 8:16 مساء ًحسب توقيت مدينة الرصيفة وضواحيها :saba7ooo:

[طـارﭮ]

مـشـاطـيـب ... طـشـة ع الـجـبـيـهـة ( 2 )




بسم الله الرحمن الرحيم




الشطورين الي ما شافوا الجزء الأول تعالوا هـــــــون (http://www.mahjoob.com/ar/forums/showthread.php?t=322728)


نسنوسة : تبيع باكيت السجاير ب 20 قرش ؟؟ .. شكله متعـّـبك .. بعدين بصراحة .. السجاير مضرة بالصحة :-o: ...

فريد : دار مين بدك ولا ؟! ..... بعدين صرت احكي بعقلي ( اول سيجارة استفتحت فيها انحرقن شواربي .. الله اعلم السيجارة الثانية شو تساوي فيي .. بجوز تبطحني ع الارض وتنزل فيي شلاليط cry .. بسّ استنى شوي .. نسنوسة العرص بضحك عليي .. وبحكي انه السجاير مضرة بالصحة .. طيب لو هالحكي مزبوط .. ليش كاتل حاله الا بدو يشتريه مني :jgm: .. وكمان الناس روح قلبها السجاير .. طلت باكيت السجاير عشان اودّعه .. والا مكتوب عليه (ولك يا جحش .. التدخين سبب رئيسي لأمراض القلب وتصلب الشرايين :144: )

فريد : ولك نسنوسة .. هاظ السم الهاري بلعن ام القلب وبيبنشر الشرايين :sc: ..

نسنوسة : هات اشوف بالله .. آآآ .. فعلا :-o:ً .. طيب يللا هاته وخلـّـصني .. والا بطلت تبيع :mbdy: ؟؟
فريد : يا نسنوسة خليني ادير عليه كاز واحرقه .. بدكاش اياه :-o: ..
نسنوسة : ولك شو تدير عليه كاز وتحرقه :mob: .. أي تسدق وتآمن بالله ..
فريد : لا إله الا الله
نسنوسة : سدقني الا أكون مقرقشك بسناني هذول yaaai .. بعدين خلص خذ هي ربع ليرة واعطيني اياه .. قال يحرقه قال :ag: !

فريد : يعني تحرق رئتينك احسن يا نسنوسة :144: .. ويمكن تحرق شواربك زي هالواحد :shy: ..
نسنوسة : هذول الهواة والمهويين اللي زيك بحرقوا شواربهم :saba7ooo: ..

ملوشة : ولك هو فش عــنـّـا الا قصة باكيت الدخان تبعكو ملعون هالوالدين :mob:؟
يللا بدنا نلحق نروح ع الجبيهة ..

( وصاروا يركضوا في نص الشارع محاولين العثور على تكسي والركوب فيه .. والسيارات تزمــّر وعلاء كريم بسرّخ عليهم وبقول : ولكو حرّين احنا ما بدنا نركب معاكو :mbdy: .. بدنا نركب في تكسي ...
بعض المارّة الذين شاهدونا ظنــّــوا أنّها محاولة جادّة للانتحار :sad: )

( الحمد لله .. وقف تكسي وركبنا فيه .. كانت اول مرة بحياتي بركب فيها تكسي .. كنت اسمع الناس بتظلها تقول تكسي ومش تكسي .. أتاريه زيو زي اي سيارة ثانية .. اللهم الا انو لونه أصفر ( زي لون بلوزة بنت حارتنا مجدلين ..
أمــّــا شو هالبنت مجدلين ! سبحان الذي خلقها ما أحلاها :m: .. مرة اطــّــلعت من الشباك لقيتها قاعدة بتلعب الزقوطة مع خيالها ... الله على هظاك المنظر الرومنسي .. أباييي ما أذكاها وما أزكاها هالبنت :-emb: ) .. قلت لحالي هسه أول ما اروّح ع الدار بدي أقول لأبوي يدهن البكم تبعنا أصفر وبنصير نركـّـب الناس بمصاري .. فش حدا أحسن من حدا :6arban: )


وصلنا الجبيهة az3ar ..


نسنوسة : كديش بتؤمرنا ياحج ؟؟
الشوفير : خلوا علينا :hi: ..
حكيناله : كثر الله خيرك .. وسحبنا حالنا ورحنا ..
والا الشوفير قاعد بنادي : ولكو تعالوا .. هو انا باقي شوفير اللي خلـّـفكو :mob:..
ملوشة : مش قلتلنا خلوا علينا ؟ .. طيب كديش بدك منا :-o: ؟
الشوفير : 3 ليرات ونص .. وعشان ابو نص شنب هاتو 3 ليرات :saba7ooo: ..
فريد : :mob:

بعدنا شوي عن التكسي والا الجبيهة قاعدة بتزغرت .. وصارن عينينا يدبكن من الفرحة :6arban: ..
ولسه بدنا نحط اجرينا على ارض الجبيهة .. والا نسنوسة قاعد بيصوّت :sc: ..

انتظرونا في الجزء الثالث ان شاء الله :rgs:


30/1/2010
8:27 مساءً حسب توقيت ساعتي

[طـارﭮ]

طــشــة ع الــجــبــيــهــة ( 3 )




بسم الله الرحمن الرحيم




الجزء الأوّلاني (http://www.mahjoob.com/ar/forums/showthread.php?t=322728)
الجزء الثاني (http://www.mahjoob.com/ar/forums/showthread.php?t=324444)
وصار نسنوسة يسرّخ ويولول : ولكو الحقووووووووونيييي .. الشوفير سرق الخمس ليرات وظلو حاط أوّل :basss: .. ولك فرييييييد cry ...

ويا حرام راحت عيدية نسنوسة في لمح البصر :sad: ...

نسنوسة : صار يتطلع علينا وعلى وجهه علامات الهسترة والهلوسة والضياع ..

نسنوسة : شو أساوي هسه ... اروّح كزدرة عالدار يعني .. راح حلم حياتي cry ..
ملوشة : خلص هسه كل واحد منا بعطيك 75 قرش .. ولا يهمك يا علي :7anoon: ..

نسنوسة : مش بكيفكو غصبن عنكو cry

وفتنا ع الجبيهة .. وشفنا هناك العجب العجاب ... بنات كثار زي الرز :m: .. بقولن لمجدلين المجنونة قومي واحنا بنقعد محلك :-o: ...

وصرنا نركض بسرعة في الجبيهة من الفرحة ومش عارفين وين نروح az3ar ..

علاء : يللا انروح على مدينة الاشباح az3ar .. هذيك اليوم اركبنا فيها وواحد التمس من الخوف :6arban: ... تروحوا :-o: !!

ملوشة , نسنوسة , فريد : :sc:

علاء : طيب يللا نروح على السفينة :mbdy: ..

فريد : تالله من زمان نفسي اركب السفينة .. بس بحكو عنها بتخوّف :-c:

علاء : ولك ولا بتخوف ولا نيلة .. انت بس اركبها وما رح تندم :mbdy:
فريد : على مسؤوليتك :shy:
علاء : يا رجل على مسؤوليتي :bg:

نسنوسة : يللا على السفينة :e: .. يا علاء سيبك من فريد .. هاظ خوّيفة :144: .. ولك هو في حدا في الدنيا بخاف من السفينة :-o: .. ولك السفينة حلوة :-o:

ألقينا نظرة عليها من بعيد والا في عليها قرصان من فوق وشكله بتحلــّــفلنا وبقوللنا والله لأشرتحكم تشرتح بس انتو تعالولي جاي yaaai

اوصلنا السفينة .. بحكي لحالي هاي هي السفينة اللي بحكو عنها بتخوف .. نفسي اعرف شو اللي بيخوّف فيها :-b: ..

واطلعنا آآآ والله اطلعنا .. علاء كريم سحبنا معاه لآخر السفينة وقعدنا ع الطرف .. ولذلك حكمة cry ..
ولسه السفينة بتحكي يا هادي .. والا ملوشة ظله راكض ونط من السفينة :mal5oom: .... صحيح انمزع بنطلونه العيد وطجّ على وجهه بشكل يدعم نظرية السقوط الحرّ .. بس يا أخي قاعد بضحك ومبسوط :-o:

انا وعلاء ونسنوسة حششنا من الضحك على هالمنظر :bg: ..
صبرنا شوي والا السفينة كل مالها قاعدة بتعلا وتعلا وتعلاااااا .. صرت احكي لنسنوسة ظايلي شبرين وبمسك القمر :arg:..

ولك السفينة انجنّــت :h+: .. صارت تخابط .. وصرت اشوف الدنيا شخابيط وخرابيط .. والدنيا بتلفّ بيـّـا :die: ..

نسنوسة : اطفووووهااااااااااااااا :mob: .. ولكو لساتني متجوزتش .. حرام عليكم cry
فريد : عشاااان الله تطفوها cry .. تحبــّــوا النبي اطفوهاااااا cry ... والله ما سوّيت اشي 3ayoo6 ... اطفوهاااااا الله لا يوفقكم :mob: ...

وصرنا انا ونسنوسة بدنا انعيط .. وبنشوف الدنيا بتنزل وبتطلع .. ولكو احنا راكبين ع الحفة .. يعني على شفير الهاوية .. والمســّــاكات بتخلخلن .. وخايفين نوقع ونروح ع الآخرة عن طريق البحر ..

وملــّــوشة : :oooops:
بضحااااك الله لا يجبره .. اتاريه اللي صارله ولا اشي بالنسبة النا وهو اللي كسبها وأنقذ حياته:144: ..

بتطلع ع الشمال والا علاء كريم الثاني كابسة معه ع ضحك ومنشكح :144: ..

حسيت حالي روحي رح تطلع وانا بقنع فيها .. خليكي شوي .. وين بدك تروحي وتتركيني ..
خليكي شوي هسه بننزل من السفينة وبرجع كل اشي ok :hug:
لا تنسيني .. لا تنسيني
وان افترقنا ... ابقي اذكريني

وانزلنا من السفينة واجرينا بيرجـّـن .. ونسنوسة شكله بنطلونه مبلل مع انه الدنيا ما كانت تشتي :shy: ..

علاء كريم : يللا نركب في السفينة كمان مرة :6arban:
هجمنا عليه انا ونسنوسة ولطوشناه تلطوش عشان يتربى yaaai



تم بحمد الله في تمام
12/2/2010
9:40 مساء ً .. يللا فيعوا :saba7ooo:

[طـارﭮ]

طوشتي ( ذات الملاعب )




بسم الله الرحمن الرحيم





قبل اكمن يوم كنا قاعدين في الحارة انا وشلتي والا واحد منهم بيقول لي .. بتتذكر يوميت الطوشة الي شلخت فيها جميل جمال :bg: ( جميل جمال اسم مستعار غير حقيقي وصاحبه في الواقع مساو ٍ لي في العمر .. وساكن في الحارة الي جنبنا .. كانت الفرصة السعيدة الي تعرفت عليه فيها هي هذه الطوشة المباركة ) عدنا .... حكيتله آآآآآآآآآآ ... بيقول لي انا بخاف امزح معاك من يوم ما حضرت هذيك الطوشة :u: ..
مشكلجي لكن بأدب : ليش ؟؟ خير ان شا الله :eek: :re: ..
صاحبي الملقب بفــَــنــَّــص :كل ما أتذكر هظاك الشب كيف كان ينظرب بصير انا اتوجع :re: ..
مشكلجي : ولك هاظ في ناس كثير باقية حاضرة الطوشة .. وانا الي كنت افكرهم قلة منحرفة :p: ... اتاريها نص الحارة :shy: ...

فــَــنــَّــص ( لف وجهه ع ناحية صاحبنا غسان ) : يا رجل اول مرة بشوف واحد بخش ع الطوشة زي هيك :*oh: .. احنا بنخش بنضرب بكل سرعة ... هو لأ .. يعني بتقدر تقول بين كل بكس والثاني 5 ثواني يعني فايت ع الطوشة رايق .. وهظاك كل ما يوكل بكس بطير عن الارض شبرين وبرد ينزل ع السطح كمان مرة ...

مشكلجي : انا عندي اخواني خط أزرق .. قصدي احمر .. بنحرق دمي اذا شفت واحد أزعجهم او ظايقهم :mob: ... وأزفّ اليكم تفاصيل القصة فاسمعوا وعوا يا محاجيب ...



كنت مرة وانا في العطلة الصيفية تاعة الصف الثامن قاعد في الدار وبلعب اتاري :computer: ... وإذ بجرس الدار يرن بقوة تقول واحد داعس ع ذيله ... نزلت الدرج اركاض عشان أشوف مين هالملطوش الي كاد ان يحرق الجرس .....

حمادة حمودة : الحق يا فريد جميل جمال ماسك اخوك الزغير ونازل فيه كتل في ملعب النقابة ... طلعت انا واياه الي بيشوفنا بيفكرنا في سباق عدو 100 م رجال ... وصلنا باب الملعب .. قال الي انزل ( نسيت احكيلكو انه حمادة حمودة قصير وانا والصلاة ع النبي طويل ) أشــّــر لي بسبابته وقال هيهم هناك .. عند العارضة الي في آخر الملعب .. ركضت بأقصى سرعة وفعلا كان الوضع مأساويا كما وصفه حمادة ... :ag:
( كان باطحه ع الارض ونازل فيه شلاليط وكفوف ومبسوط ع حاله .. القيت نظرة على المنظر العام حسيت بغيظ وغضب عارمين yaaai :mob: ... وصرت اضحك ( انا هيك طبيعتي سبحان الله ... لمن اعصب بصير اضحك .. وفي سبب ثاني ألا وهو
انه هاي اول مرة بيصحلي اظرب واحد من دون ما يكون ماخذ باله ( عادة بلعب .. قصدي بظرب ع المقصود .. يعني بقول له هاظ بكس ع خدك اليمين :boxing: .. وهاظ بكس ع نص بطنك :boxing: ... ملاحظة : بظربش شلاليط في الطوش وهذا أمر انتبه له أصدقائي من قبلي ... الشلاليط بس في اللعب والمزح ) وتصدى للظربة إن كنت رجلا ..

عـــدنــــا ...... جمدت إيدي واعطيها بكس ع نص ثمه ..

جميل جمال : اثتنى اثتنى ( يعني استنى : تمهل او تريــّــث ) ( شكله اول سنين من الطقم الأمامي راحن )

فريد : وين اثتنى ؟؟؟؟ :mob: ... هو انت خليت فيا اثتني :ang: ... والله لأعدمك عافيتك .. انت قد اللوح وقاعد بتتزعرن ع واحد زغير .. والله لأشردنّ بك من خلفك يا ابن (......) yaaai
ومسكت راسه وحطيته عند المرفق وانزلت فيه بكسات بكل غـــلّ وزي ما حكاكلكو فنص بس على ما اعتقد كانت المدة 3 ثواني مش 5 .. و وين ما تيجي الظربة تيجي ع وجهه و ع بطنه ... المهم نفــّــخته تنفيخ ... و بعدين انا كنت متعلم اكمن حركة مصارعة بطبقهن في الطوش في الحالات الطارئة .. مسكته من رقبته وحطيت ايده ع كتفي عشان تسهل عملية الرفع وكنت بدي ارفعه و أطجه ع الارض بس اجو اولاد الحارة في تلك اللحظة وصاروا يفزعوا ( ولك عشان الله يا فريد خلص موته ... خلص سيبه ... وانا لسه ما فشــّــيت غلي .. ( ملاحظة : اخوكم في الطوش بعرفش ابوه ... خلص طوشة يعني طوشة .. اكون الظارب ولا اكون المظروب )
بعدين ( الي شبكنا يخلصنا ) .. قصدي اولاد الحارة فلتوه من ايدي وهو روّح قبلنا كمان شوي بده يزحف ع الارض وفجأة صار يركض ...
مسكت اخوي وروحت انا واياه وحمادة ...

قعدت انا وحمادة في الحارة ..
حمادة : والله أبدعت يا فريد :a030: .. يعني قديش مرق علي طوش .. زي طوشتك هاي لا عيني شافت ولا رأت :hi: ..

مشكلجي : أخجلتم تواضعنا :-emb: .. له يا ابو حميد .. هاظ انت لعاد ما شفتش طوشاتي الثانيات :-o: ..

حمادة : لا والله ... هاي اول مرة بحضرلك طوشة ..

فريد : يييييييييييييي .. ولك راح عليك نص عمرك يابا ( بتفخيم الباء ) :bg: .. وقاعد بديون في الحارة :cool: ...
( مع مرقة شب طويل عريض في - العشرينيات من عمره - جاي من بعيد وكابسة معه ..
حمادة قرصني من رجلي وقال لي قرب ذانك ... قربت ..
حمادة : شايف سور الصين العظيم الي جاي ..
فريد : آآآآآآآآآ :jgm: ...
حمادة : شايفه ؟؟؟ ..
رديت عليه ولك شايفه واحد بنشاف عن سطح القمر بديش اشوفه :ang: ...
حمادة : هاظ بيكون اخوه لجميل جمال فبدك اتدير بالك :lolypop: ....
والا هو جاي متجه نحونا ( وكانت البلطة بتلمع من تحت البلوزة وتتمازج مع ألق أشعة الشمس ) حاشيها اخونا بالله في البنطلون ..
( قلت بعقلي : أحساااااااااااااان .. رحنا في خبر كان وخواتها وامياتها وكل قرايبها :-c: ... أشهد ان لا اله الا الله وأشهد ان سيدنا محمدا رسول الله .. (يا ايتها النفس المطمئنة .. ارجعي الى ربك راضية مرضية ...... )
اخو جميل جمال : السلام عليكم ...
رديت انا وحمادة : وعليكم السلام ورحمة الله وبركاته :b: .. تفضل .. أي خدامة :give: ..
اخو جميل : بتعرفوش مين هالــ( .......... ) الي ظرب اخوي :mob: ؟؟
فريد : آآآآ يا معلم انا حضرت طوشة اخوك المحروس عن قرب :shy: ... والكلب الي ظربه هيو لساته في الملعب روح الحقه قبل ما يروح .. وهظاك سمع هالكلمتين وظل كابسها ركاض ع الملعب ..

فريد : يللا يا حمودة .. أشوف وجهك ع خير ان شا الله ..
حمادة : شو وين بدك تروح ؟؟
فريد : لا ولا اشي بدي اروح اكمل لعبة الاتاري .. ورحت لميت اخواني الزغار وفوتهم ع الدار وسكرت الباب باللقاطة وبالمفتاح وطلعنا فوق ع الطابق الثاني وصرنا نتفرج من شبابيك دارنا .. ( الحلو في شبابيكنا انو بنقدر نشوف الناس الماشية في الشارع بس همه ما بقدروا يشوفونا .. يا عمي تكنلوجيا :bg: ) فش دقيقتين الا وعيلتهم ملتمة قدام دكانة ابوي وبيجي 60 واحد من الحارة جمهور ..
وابو جميل جمال قاعد بيسرخ ولكو هاظ ابني اطلع يا رجل شو صار في وجهه .. ولكو في الوان اول مرة بشوفها في حياتي ..
ولكو 6 هاجمين عليه بالقنوااااااااااااات ... ( صرت احكي في عقلي ولك من وين اجو ال6 ؟؟؟ انا لحالي قمت بالواجب .. بعدين انا واخواني كلنا ع بعظنا 5 من وين اجا السادس؟ :ag: )
المهم .. ابوي حلها بأسلوبه ( ما شاء الله عليك يابا :sa7bi: ) ...
رن ابوي الجرس بعدما راحو الجماعة .. نزلت فتحت الباب و زي ما قلتلكو كنت ملقطه باللقاطة ومسكره بالمفتاح 3 طقات ... فتحت الباب من هون وظليت فاكح ع السطح من هون .. وابوي طيار وراي ع الدرج ... سكرت باب السطح وصار ابوي ينادي علي ولك افتح الباب بلاش اخلعه واخلعك .. افتح احسنلك .. سلم نفسك المكان محاصر yaaai ..
فريد : مش فاتحه :sc: .. عارفك متهور :shy: .. يا أبتي خلص سيبني عشان الله 3ayoo6 ..
خلص المرة الجاي بخليهم يلطوشونا ويدعسوا في بطونــّــا .. وبديش أدافع عن حالي ولا عن اخواني عشان ترضى ..
ابوي : ولك شو حكيت ؟؟ ما سمعت .. افتح الباب ...
فريد : بفتحلك الباب بس بتوعدني انك ما تصيبني :sc: ..
ابوي : خلص افتح وبوعدك ما رح اصيبك :-o: ...
فتحت الباب وفات ابوي وقال : آآآآآآ .. فهمني شو القصة :ag: ..
فريد : يابا ( وحكيتله القصة من طقطق لسلام عليكم )
وبعدين يابا مش انت قلتلنا الي بيمد ايده عليك والا ع اخوانك شل عرظه ..
ابوي : صحيح ان قلتلك هيك .. بس انت مش شالل عرظه ..
انت ( &*_+*&%%^ ) عرظه :ang: ... وبعدين يابا مش هيك الواحد بظرب .. الولد جاييني وجهه 60 لون ما بين ازرق سماوي و أخضر حشيشي وبنفتحي غامق وألوان لحد هسه ما اكتشفوها وما حطولها اسامي .. ولك هريت الولد هري..
يللا قب من وجهي

تحياتي مشكلجي لكن بأدب

[طـارﭮ]

طوشة




بسم الله الرحمن الرحيم


في ليلة صيفية مقمرة ... والنجوم تتلالأ وي كأنها دموع عاشق هجرته محبوبته البارحة ..
الشارع هادئ مطمئن كطفل نائم في أحضان أمه الحنون ... فجأة إذ بصراخ بسبوسي يجتاح المكان ويقلبها دندرة ... وقد حصل الحوار التالي :

البس الاسمر : ولا .. اكمن مرّة قلتلك ابعد عن منطقتي :mob: ؟ ... ترى كل الحاويات الي في حارة سحلول ابو الحلول مسجّلة باسمي .

البس الاشقر : بالله عليك ... شكلك شارب حبتين على هالمسا .. علينا يامندلينا
ومن وينتى يا روح امك سجلتهن باسمك !!

ابو سمرة : هو ما وصلك الخبر !!! ... غريبة عاد امبارح اجا خبر حاجل ع قناة الجزيرة ... امبارح رحت ع البلدية وسجلتهن باسمي .

ابو شقرة : عن جدّ .. طيب إذنّه هالحكي صحيح ... اعتبر مرتك "" امبسبسة "" هاي اللي طول انهارها دايرة في الشوارع وغاطسة في الحاويات .. ومن بيت شgاع لبيت ارgاع انظربت في وجهها .. ما دامك مش قادر تظبها انا بدي أظبلك اياها... وابنك هاظ بسبوس الي حاطط واكس ومسحلّي ذنبه ... هيني بقولك انا مش مسؤول عن اللي راح يصيرله ... الا هل بلّغت اللهم فاشهد ...

ابو سمرة : هسه هاظ الحكي من كل عقلك والا من نصه ....

ابو شقرة : لا من ربعه ...

ابو سمرة : من ربعه ... بتتخوث يا ملوث ... والله غير اقطع ذنبك وأبلّعك اياه يا كلب يا ابن الكلب..

ابو شقرة : شو شو .. ولا ... كلب ابن كلب لحالك ... انا بس أقوى نوع .. هسه بنشوف انو بدو يقطع ذنب الثاني يا ......
(( واشتعلت المعركة ... والصراخ يلعلع في سماء الحارة ... والتمّت الحارة على أنغام طبول الحرب
وصارو يصورو الطوشة عالخلويات ... هاظ بدال ما يكونو محضر خير ويفزعوا بيناتهم ))
بعد عدة دقائق ... أسفرت المعركة عن :
البسين قاموا ينفضوا حالهم من الغبرة .... وأصدرا ضحكة مزدوجة "" هاهاااااااااااااااااااااااااو ""
معاكو الكاميرا الخفية ... اضحك للكاميرا تضحكلك
وحط كل واحد ايده ع كتف البس الثاني وهما يتحادثان ويضحكان فيما بينهما .
تحياتي مشكلجي لكن بأدب

[طـارﭮ]

عشان كاسة عصير ام البريزة




بسم الله الرحمن الرحيم


جبتلكو شوية قصص طرمة من وحل الخيال الفتهن وان شاء الله تعجبكو....

بنبلش بالقصة الاولى وهي :

عشان كاسة عصير ام البريزة


كان يا ما كان , دواوين ماشي عطشان,
وقف عند بياع عصير من ابو البريزة , قال لصاحب المحل:هاتلك كاسة عصير يا معلم تراني شايف الديك جاجة,
صاحب المحل :خست الجاجة ... قصدي خسا العطش خذ هاي كاسة عصير عحسابي ولا يهمك .

الدواوين : إي ولك شو مفكرني بشحد منك ؟

صاحب المحل : له يارجل شو بتحكي انت , بس هيك انا حبيتك .
الدواوين : شو مفكرني طنط عشان تحبني ؟!

صاحب المحل : له يا طيب شو طنط و ما طنط !
(( صار صاحب المحل يحكي بعقله شو هالعلقة اللي علقناها هاي شكلي سحبت سحبة بالغلط طلعلي هاظ منها ))
أقولك خلص ولا تزعل هات بريزة.

الدواوين : بس انا معيش بريزة بدي اوخذها خاوة .

صاحب المحل : له يارجل شو خاوة و ناوة !

الدواوين : ليش بتطلع في هيك تراني مش رايقلك , وشكلك مش عاجبني مع احترامي الشديد الك . وعليّ ماعليّي إن صرت واصلك (عاد هو فش بيناتهم بلاطتين) بعمل منك عشرة زغار يدوروا على بعض ( وهاظ صاحب المحل جاب كرسي وقعد يسمع الحكي اللي عمره ما سمعه ) وتابع الدواوين سيمفونية ضوء القمر
(( بريح امك من غسيل أواعيك ... ولك فورت دمي وعبيته بقزايز ... (( سوف يتساءل سائل ويقول بعض هذه الحركات مذكورة في احدى نهفات ابي محجوب (( نعم اوافقه الراي واشد على يديه ..... بنكمل القصة ...)) ولك مش عارف ليش مكيّفلي عحالك ناتعلي هالراس اللي زي راس الشارع ... وبضايع ضايع ))

( صار صاحب المحل يحكي مين هاد الثاني بضايع شكله واحد من العيلة )
المهم والا الناس التمت وصارت تفزع والدواين سحبلك الموس و صار يتسلبد من بين الناس زي المي من بين الاصابع فش حد قادر يمسكه...
وشمط صاحب المحل موس بشفته فلقله اياها نصين
وظل شارد وروّح عفرشته بعد ما ريّح ضميره وعمل اللي عليه ونام .... والسلام

تحياتي مشكلجي لكن بأدب
يتبع باقي الدواوين والقصص ....
To be to continue

[طـارﭮ]

طيش شباب




بسم الله الرحمن الرحيم




صبّح صباح ... فتّاح يا عليم .... والــــــgيب مفهش ولا مليم
والديك بينده كوكو كوكو بالفجرية ... ويللا بينا يا صنايعية ... وابصر ايش لآخر الاغنية الي انا مش حافظها

في احدى صباحات الرصيفة الجميلة قام الحمامة (( شخشلّة = ابو حمزة = )) من النوم ع صياح الديك ابو حسن حسّونة
شخشلّة : أصبحنا و أصبح الملك لله ... وبعدين معاك انت ... شو قصتك ؟ .. قرقعتنا كل يوم .. كل يوم بتظلك تسرّخ زي المطلّقات .. فظحتنا في الحارة ...
ابو حسن : طب يللا قوم ..قوم احسنلك .. فزّ وراك شغل .. شو بدكاش تجيب أكل لزغاليلك ؟ ..
يللا بلكي مرتك خلعتك :bg:
شخشلّة : تخلعني :ag: ... وقاعد بتضحك مكيفلي ع حالك .. وجع يخلع نيعك صحيح انك ديك ما بتستحي ..
ابو حسن : باق باق بقيق ... لا حول ولا قوة الا بالله .. الحق ّ علي بعطيك نصائح ...:idk:
شخشلّة : وفـّــر نصايحك لحالك يا أفندي .... والا أقولك .. في بقسم الالعاب لعبة اسمها (( انصح العضو اللي أبلك )) روح واعطيهم نصايح من نصايحك .. تراني مش رايقلك ..yaaai

(( و إذ بسمارة أبو الليل صاحب الحمام يأتي لابسا ً بنطلون ايطالي وبلوزة (( كت )) لزوم الشغل واللولحة و الكشّ يعني))
سمارة ابو الليل : الســــــــــــــــــلام عليكم يا أحلى حمامات في الدنيا كلها ..
الحمام بصوت جماعي : و عاليكوم السلااام ورحمة الله وبركاته .. حيّاك الله ..
سمارة : كيفكم اليوم يا زغانيط ؟..
الهمر ( نوع حمام ) : شو يا معلـــّم :ag: ... وبعدين مع اخت هالقصة yaaai... صار لي سنتين بترجّــى فيك تجيبلي (انثاي همر بنت حلال محندقة ) ... والا وعزّة جلال الله بقلبلك الخــــمّ دندرة
لوينتا بدّي أظل ماسك حالي انا ؟:mob: ... سدقني يا بنحرف يا بخليلك الخم طعـــــّــــــة وقايمة ..
سمارة : له له ... هاظ انت كابسة معاك ع الأصلي ...طيب روقلي حالك خذلك دش في السطل وارجعلي وما بيصير الا الي برضيك ...
الهمر : يعني وينتى الله بدو يفرجها عليك وبتجوزني (( طير اخضر طير مبرقع .. طير اخضر طير مبرقع ... يا بتجوّز يا بفقع .. بالليل يا عيني بالليل ))
سمارة : خلص .. ابشر بكرة يا بعد بكرة بالكثير بتكون بنت الحلال في بيتك ..
الهمر : وعد ارجال :ag:
سمارة : وعد ارجال :-o:
الهمر : الله يخلّيك النا .. يا أموور انت :love: .. عقبال عندك :give:


نط له النوري ( نوع حمام كمان ) : ايش يا ابو الشباب ... بدك ايانا انعيش بعل :cool: ؟ ..
وين القمح ؟ صارت الساعة 10 الصبح ولساتني علحم مُحصلتي .. واولادي فظحو اهلي .. صوتهم وصّّل للجبل الشمالي ..

سمارة : يا حبيبي :eek: ... ولك يا نوري يا ابن النوري .. مش شايف هاظ الكيس الي بإيدي .. شو بدو يكون يعني .. جايب امي وحاطها في كيس ... هيني جيبلك كرسنة .. وقمح .. وذرة
ايش بدك كمان ؟؟ .. بدك بجيبلك لوز واصنوبر شو رايك ؟:*oh:

النوري : خجــّــلتني :shy: .. بس لليش اتأخرت لهسه ؟
سمارة : ولك شو بدك اتحقق معاي ؟... انت بدك العنب والا بدك تكاتل الناطور .

إي :eek: :eek: :eek: ..
والا ""الذبــــّــــاني "" بتطاوش هو و ""القراقطة "" على مرأى ومسمع من الحمام وصاحبهن "" خشّ سمارة ابو الليل ع الخم اركاض عشان يفزع .. مسكهن "" ولك شو مالك انت و اياه ؟
القراقطة ( وهو قاعد بفعفط وبتفلـّـــــت ) : ولك هاظ الذبانة بستحيش ع دمّو خلاني رايح اجيب قش للبيت وبلّش يعاكس بمرتي "" قراقطاية "" :mob: ..
سمارة : قال يا ذباني ؟:ag: ... شو هالسمعات العاطلة هاي ؟ :ag:

الذباني : :shy: ... خلص يا سمارة .. طيش شباب .. و بوعدك ما تتكرر :re:
القراقطة : شو طيش شباب :mob: .. سامعه يا سمارة :mob: ... يعني هسه شو بدو الحمام يحكي عني .. يا بتذبحه وبتريحني منه يا إماااااا .........

سمارة : خلص خلص يا قرااااقطة .. الشب اعتذر وقال عمره ما بعيدها ... خلص امسحها بدقني هالمرة ...

قراقطة : خلص ... عشانك هاي المرة ... بس إذا عادها سدقني لاعلق مشنقته و ارفّش ببطنه ...
الذباني : خلص يا معلم اغلطنا ومنك السماح ..
القراقطة : اخرس يا حيوان ... بديش اشوف وجهك ... .
سمارة : (( حكمت المحكمة حضوريا بالصلح و كتابة تعهد من الذباني بعدم التعرض للقراقطة وعائلته المحترمة واذا حدث ذلك سوف يباع الذباني لواحد كحيان معوش يوكل بسعر رمزي لا يتعدى الشلن.. كما و يدفع غرامة قدرها 50 حبة قمح للقراقطة ... رفعت الجلسة ))

النوري : يللا بدنا نوكل .. شو بدك ايانا نعيش بعل ؟
سمارة : خلص ولك قرقعت راسي خذو .. خذو ... وصار يعفق عليهن ما لذ وطاب من الطعام .. والحمام بلش يوكل .. وعم السلام والوئام ..... والسلام

تحياتي مشكلجي لكن بأدب

[طـارﭮ]

قال المحششون فأبدعوا ...




بسم الله الرحمن الرحيم



من اقوال مشاهير التحشيش :

* حسن عوكش : إننا لا نبتكر جديدا إذا قلنا إن الحشيش يدفع النشاط الانساني دفعة هائلة نحو التطور .. وهذا يؤكد العلاقة بين المجتمع من جهة .. وطفاية الحريق من جهة ثانية :-o: ...

* تامر الترللي : الحشيش ليس سوى انجاز خاص نابع من قدرة الانسان على أن يعطب نفســَــه بنفسه :e: ..

* العالم ( دوّر علي بتلاقيني ) : إن مشكلجي لكن بأدب حتى وهو يتحدث عن الحشيش إنما ينفــّــر الناس منه فاحذروا يا شعب المحششين العظيم من هذا البني آدم ...

* الفيلسوف ( طفيني بشوية كاز ) : العملية التحشيشية هي نظام من الابصر ايش مخزون في أذهان الجماعة التحشيشية ..

* سحلول ابو الحلول : الحشيش هو الحشيش .. ( هاظ الي ربنا قدره عليه .. شو بدنا نساوي :sc: )

* فؤاد الدكش : لماذا نحشش ؟؟ .. لماذا نسطل أنفسنا ؟؟ .. لماذا نفعل كل هذا ؟؟ ...... انا عن نفسي .. لا أعلم :idk:

* المصلح الاجتماعي ( صالح الطافش ) : عندما حاولت اصلاح المجتمع لم أجد وسيلة أفضل من الحشيش :*d: ... واياكم واحد يسألني لليش :jgm: .. لأني ححرق صالح وابو صالح وام صالح وحارة ابو صالح كلها :ang: .. ويللا بديش ولا حدا هون :mob: ..


*نكوود : لو أعطاني الله عمرا جديدا لأنفقته في شرب الحشيش ..
وانشد قائلا ( عمرين وانا بشرب حشيش .. اصلا من غيره مئدرش اعيش az3ar )

* الخبير الاستراتيجي الحيوي النفسي ( ربحي ) : إننا عندما حاولنا تفسير العملية التحشيشية وجدنا ان الطريقة المثلى هي الدخول في صلب العملية التحشيشية .. ولحسن الحظ أدمنــّــا على الحشيش .. وصرنا في حالة لا يعلم بها الا الله سبحانه وتعالى ..


* osama b : يالها من حياة متعبة من دون حشيش :( .. ( وزاد قائلا : الراس الي ما في حشيش حلال قطعه)


* mad 4 ever : أوصيكم بشيئين اثنين عبارة عن خمسة أشياء :) : الحشيش فالحشيش فالحشيش :cfe:..

* شحرور : لم أكتشف طعم الحياة الا عندما وضعت الحشيش في فمي .. ومن وقتها لا أدري اين انا :sad: .

* شحبور : الله يبارك في شحرور الي دلني ع هاي الطريق الهاملة وهينا بندور ع أهالينا .. انا ناسي وين كنت ساكن .. بس آخر مرة سألت فيها واحد وين احنا ؟؟ .. قال لي : احنا ع حدود ليبيا cry

* شرفنطح : ان علم الحشيش هو اشرف علوم النبات .. لذا اوصيكم بتعاطي هذا العلم المدمر :give:


*سبهللة : شربت الحشيش مرات لا تحصى ... وكلما أردت الدخول الى البيت أجد نفسي خارجه .. بالله عليكم قولوا لي .. انا ساكن برة الدار والا جوا :cry:


وأخيرا وليس آخرا ( سواربينا ) : أعطوني سيجارة من الحشيش أعطيكم 1000 حكمة ..

[طـارﭮ]

عيدان ملوخية




بسم الله الرحمن الرحيم



كان هناك طفل زغير مشكلجي مؤدب يبلغ من العمر 3 سنوات :sad: ... كانوا رايحين زيارة لبيت سيده ..
فجأة فقدت الام طفلها و راحت تدور عليه .. لقته قاعد في حوش الزريعة ( وكان مشكلجي الزغير حاظر مذبحة الارانب الي عملها سيده ابتهاجا بزيارتهم له .. وحب يطبق عملي بس ع ايش؟!!! )

كبست عليه امه وهو ماسك بسة وحاططها في حضنه وقاعد بذبح فيها .. لكن لحسن حظ البسة انه كان ماسك السكينة بالشقلوب .. و البسة متجلية ما شاء الله عليها وبتتبطح وبكامل نشوتها و تألقها ...
مسكته امه وقدحته كف ع بوزه :144: وقالت له : وبعدين معاك يا مشكلجي yaaai .. وينتى بدك اتبطل تلعب بالأدوات الحادة ..آآآآ ولك .. هاي المرة بدك اتضحي بالبسة .. وقبل اسبوع رافع شفرة قصاصة الاظافر ع بنت الجيران .. والله أعلم بكرة شو مخبي النا ...

ودارت الايام ........


مشكلجي رايح زيارة كالعادة لبيت خالته .. صلى هو واولاد خالته العصر جماعة وفلتوا في حارتهم ..

علي : شو رأيكم اندخن عيدان ملوخية :arg:

مشكلجي : اول مرة بسمع فيها هاي :idk: ... انا بسمع الناس بتدخن حشيش .. بانجو .. اشي زي هيك .. اما عروق ملوخية :cool:

يوسف : ولك ما هي الملوخية مش من مملكة الحشيشيــّــات ؟؟ .. فتحلي مخك يا ابن خالتي ..

مشكلجي : طيب .. هيا بنا نلعب ... ( وقعدو يدوروا ع عيدان ملوخية ناشفة ويلقطوا رزقهم من خشاش الارض ... )

علي : في واحد صاحبي اسمه حسن عوكش حكالي هذيك المرة انهم بجيبو صراصير و بحمصوهن
و بعدين بطحنوهن و بلفوهن سجاير وبعدين اتلقى ع راسك يا خال ..

مشكلجي : يعــّــووووووو .. الله يقرفه .. شو مالك يا علي اني المح بعينيك العسليتين اشي بقول انك ناوي اتطبق هالحكي الفاظي ... سدقني يا علي بطبق راسك اتطبق :mob: ...

علي : :nana: ...مني طبقتها وخلصت ...وناوي أعيد الكرة مرة ثانية az3ar ...

يوسف : ولك ان شاء الله الي خليتني هذيك المرة اتسممه لما حكيتلي جبتلك صنف جديد باقي صراصير محمصة :ang: ..

علي : ولك ومحمصة ع الفحم كمان مش اي تحميص :e: ..

يوسف : أحبيني لطهري أو لأخطائي ......... أحبيني لطهري أو لأخطائي ......... ايا ثلجا من البارود يا كاسات حناء ِ

( علي مسك عرق ملوخية اطول من يوم الجمعة ... شكله غريب شوي من النوع الحلــّــوف .. وقال ولك هاي الملوخية اخرى سنتين ثلاث بتصير شجرة وبتبطل من السرخسيات ... و قطعها 3 قطع وأعطى كل واحد منا جزءا )

يوسف شمط نفس وبعدين قال حكمته المشهورة :
ولقد لمحتك و الخراف رواكض ٌ مني ... ودخنة الملوخية تخرج من فمي

مشكلجي بعد النفس الاول :انا مش عارف اتدمر .. كل ما اقول ح اتدمر .. تحصل حاجة اتدمرني .

( وشكلهم هاي المرة بدل ما يدخنو عيدان ملوخية دخنو اشي ثاني مجهول الهوية بنكهة شكي ويقيني .. وبنفس جودة الحشيشة وتأثيرها ..)

علي : حبة فوق وحبة تحت ... و هات بوسة لو سمحت :love:

يوسف : وتلولحي يا دالية ... يا ام غصون العالية :loveshowe

مشكلجي : بحبك .. ضربتيني ... ضربتك .. وانتي شفتيني .. لو انتي شاطرة اديني :ag: ...
بعدين كبست مع مشكلجي راح راكض بسرعة البسكوتة : اولاد خالتي .. اهربووووووووووووو
الجبل فاتح الموس و هاجم علينا ...

يوسف ( قعد ع الارض وهو مسخسخ من الضحك :hahaha: ) : هههههههه ... الحقونييييييييي .. اجريي مش راضيات يردن علي ... ولكو تعالو اشحطوني قبل ما تيجي البسة وتوكلني cry ..

علي : ولك يا مشكلجي شو الي جاب عمرو دياب ع حارتنا ؟؟ yaaai

مشكلجي : ولك يا علي هاظ مش جورج وسوف ... هاظ ابوك :lawa7: ..

علي :ولك هاظ مش ابوي ... انا غشيم عنه ... ولك هاظ انتا :ag: ...

مشكلجي : زيح شوي خليني القي نظرة ....ولك فعلا هظاك انا :-o: ... كيف ما عرفتني :shy:

( وبعدين طجو ع الارض نايمين بفعل تلك العشبة الشجرية المباركة ...)

نستنتج مما سبق .... :a030:

1_ اوعو اتدخنو عن الارض اي اشي لا سبارس ولا اشي ... حشيش عادي ما بيأثر :cfe:

2_ الطفولة تلعب دورا هاما في الحياة المستقبلية :-o:

3_ الحشيش ممتع ومفيد ... لكن علينا الا نجعله رفيقا في كل الامور :arg:

4_ اياك ثم اياك ان تستمع الى نصائح حسن عوكش :no:

[طـارﭮ]

كان لنا صولات وجولات




بسم الله الرحمن الرحيم




كنــّــا في الزمنات نلعب لعبة شرسة و جميلة على مرّ سنتين ع التوالي ( ايّام الصف الثامن والتاسع )
في مدرسة جابر بن حيان ,...تقوم هذه اللعبة على مبدأين بسيطين ( 1 - اظرب واهرب ) واختلس الفرصة المناسبة لتوجيه ضربة فنيــــّة تنسي بعا الخصم اسمه او الحليب الي رضعه من امه ( هو اصلن في حدا ذاكر ... ما علينا ) ...

( 2 - اوّل ما يرنّ جرس انتهاء الفرصة تخلص اللعبة على الفور .. وبدون نقاش ) ....
كنّا ننقسم الى عصابتين كل عصابة مكونة من 5 لعـــّـــيبة .. ويظل افراد العصابة هم .. هم .... ولا نغير اي لاعب من اللعيبة تحت اقسى الظروف بحيث لايتم انتقال فرد من العصابة الاولى الى الثانية وبالعكس ... المهم
ومفش في هاي اللعبة زعل ايش ما انظربت او تبهوgـت او انشل أملك ... ( نحن نوفر لك جو اللعب المناسب .. وانت عليك ان تنفذ بجلدك وتحافظ على صحتك .. فكن حريصا على حياتك )

وبلّش اللعب يا معلم ... بننزل ع الساحة ( الساحة ..و ما ادراك ما الساحة .. ( وانتو مش غرب ع جو المدارس في الفرصة .. طعة وقايمة و الواحد يللا عارف وين الله حاطه .. طب كيف لمن يكون الواحد متوقع تيجيه الظربة من تحت الارض .. او ظربة غدر من الخلف .. ومش بعيدة تلتمّ العصابة الضد عليك لحالك وجماعتك بتدور عليهم ومش لاقيينهم وهم بيكونو حاشرينك الله اعلم وين ..( عصابتنا الي كانت تقوم بهذي الحركات وجاييكو بالتفاصيل ) )

اتفقنا انا وصاحبي حسام انو كل واحد يحمي ظهر الثاني ( زي الأفلام ) ... وإذا صحتلنا فرصة الاستفراد بأحد اعضاء العصابة المناوئة ما بنقصّر ,.. بنقوم معاه بالواجب ( وأحسن من اولاد ابو اسماعيل كمان ) كنا انا وحسام متعطّــشين نمسك ( سمير بيك ) لانه إلنا 3 ايام ورا بعض بنفقده و ما بنلاقيه ( الله اعلم بتصرمح فين ) دوّر لاطش انا وحسام عليه مش ملاقيينه ... نفلنا الساحة واحنا نبعبش .. مش مبين معانا .. زي اللي بدور ع ابرة في كومة قشّ ...
Az3ar az3ar .. الحمد لله كشفناه ع الرادار .. طلع العرص قاعد هو وكمان اثنين عند المنصة تبعت سارية العلم ( أمر ببناء هذ المنصة المدير الحقير الملقّب بــ ( الذبابة سوسو ) عشنّه كان يلبس نظارات سودا ماكلة 3/4 وجهه و طالع فيها زي الذبانة الذكر ... قعدنا نتطلع عليه وكابسة معانا ع ضحك ( اخيرا يا حسام عرفنا وين هو :bg: .. الحمد لله .. الله منّ علينا يا خوي يا فريد :bg: ) كانت فرحتنا ولا زي كأنه بكرة العيد ...
وما شاء الله ع سمير بيك كان هو وهذولاك الثنين ( طبعا ً ملهمّش علاقة باللعبة ) بتناقشو
في امور الأمة وهو يستمع إليهم باهتمام ووقار ... وما شافولك الا زي كإنو 2 هاجمين عليه
وشحطناه من رجليه و طجـــّيناه ع الأرض واعطيها شلاليط ع نص بطنه انا وحسام ( رفــــّـــشنا فيه ترفــــّـــش ) والاحلى من هيك كنــّـا مسخسخين ع حالنا من الضحك ( مش مسدّقين حالنا انو احنا اقدرنا نمسكه ) اكل الي فيه النصيب من الشلاليط,ولا شلاليط سيزار في الكابتن رابح ...
بعدين احزنــــّا عليه ( يا حرام بهدلنا صحته ) قوّمناه ( عالاول ) ..قومناه وقعدنا نكتكت بأواعيه ...
وبعدين ردّينا بطحناه ع الارض وانزلنا فيه كمان مرة ... ظلينا ندبك ع بطنه ندبك ندبك ... بس يا أخي طول ما انا قاعد بدبك حاسس اشي بشدني من بلوزتي من ورا ... ( بقول يا فريد انسى شكله بتهيألك ) ..
فريد ( مشكلجي ) : بدي أوريك نجوم الظهر يا سمير بيك ...
بعدين صار الشدّ من البلوزة يزداد على شكل بكسات ... لفيت وجهي اشوف مين بدق ع ظهري
( ميييين ؟ ) ... طـــُــبّ .. والا هو سمير :eek: ... ولك لعاد احنا صارلنا ساعة بنظرب في مين !!!؟؟
... أتاريه واحد من الي كانو قاعدين معاه وبتحاوروا في شؤون الأمة والمجتمع المدني ...
كل هاظ من الفرحة عشان قدرنا نعرف وين هو سمير ( بطلنا نشوف قدّامنا ) وصار في خطأ في انتقاء الفريسة ... قوّمنا الشب وقعدنا نكتكت اواعيه ... واعتذرنا لـــه ... والحمد لله قبل الاعتذار
وصار يضحك ( تقول واحد بشّره ب مليون ليرة) . وصرنا نضحك عشنّه ضحك ... اتاريه الأفندي بضحك عشان مساعد المدير كان واقف ورانا وحضر الحفلة من أولها لآخرها ... احنا اول ما شفناه ابتسمنا
ولكن بعد ثانيتين و 47 جزء من الثانية صرنا بدنا انعيـــّــط
بسّ الشب الله يحميه اسقط حقه ... وقال شو المساعد بدو حق عرب ( الحق العام )
قال يللا كل واحد 30 عصاي ع الحارك ... جبد حسام اول 21 عصاي .. والا جرس انتهاء الفرصة قاعد برن ّ ... قلت للمساعد خلص
المساعد : ايش الي خلص
فريد : خلص رنّ الجرس .. والا انسيت ... القانون :bg:

[طـارﭮ]

قعدة شباب




بسم الله الرحمن الرحيم


قعدة شباب عائلية

( 1 )
مرّة شلة دواوين قاعدين قعدة عائلية, شرب على حشيش والواحد منهم لو يشوف ابوه قدامه ما بعرفه , واحد من هالشباب ( شباب المستقبل ) بحكي أما صار لكو معاي موقف ولا موقف عمان- رصيفة- الزرقاء , قال شو! كنا ماشيين انا " فؤاد الدكش" وبكل تواضع و فخر مع
"سمير السمكة"
والا هالدورية مارقة , وقفتنا : هويّاتكو ؟ . قلت له : انا هوايتي السباحة خصوصا في سيل الزرقا , قلي صاحبي وكان طافي اكثر مني , ولك هاظ بسأل عن اسم شركة , اسمع سيدي : شركة هوياتكو بتلاقيها عند جسر ماركا هان مفش شركات للاسف الشديد , و معلش المكان مش بعيد .
( الشرطي بيقول لصاحبه : وهو المطلوب ) ردّيت عليه قلتله : ليش سيدي هو احنا بنحل مسألة رياضيات ؟؟!!!
نطّوا اثنين من الدورية قلت خلاااااااااااااااااص شكلنا أكلنا هوا , و فطّ الشبشب من رجلي وظليت فاكح و وراي غبرة ولا تقول قاعد في كسّارة. وسمير السمكة فكح قبلي بس هظاك تقول اتبخر ... المهم الشرطة ظلت تركض ورانا وحنا نتزروق في الزقق عبين ما تاهو عنا ... كل هاظ عشان قلتلهم هوايتي السباحة ... طب لو قلتلهم ركوب الخيل كان شو سووا فينا !!!؟

( 2 )


نط واحد من آخر القعدة ألا وهو ماريو (( سمّوه هيك من كثر ما كان يلعب ماريو )) قال : شيلو عني هالحكاية ..
مرة كنت ماشي بسوق الحرمية بدوّر على موس الي انسرق واحنا بطوشة مع احدى حارات المدن المجاورة... قلت بعقلي احسن مكان ادوّر فيه هو سوق الحرمية ... وهناك كل اشي ثلاجات ... فريزرات ... برّادات , يعني كل ادوات المنزل , دوّر لاطش على الموس مش مبين ... إي ... والا هو هناك على احدى البسطات , وكنت معلّمه تحسبا لهكذا ظروف كاتب عليه " mario " بشفرة حلاقة , قلت لصاحب البسطة بقديش هاظ الموس يا ابو الشباب ؟
وهو بشرحلي بميّزاته , قلت هاظ الوجه شايفو وين شايفو وين ؟ آآآ اتذكرت ... هاظ كان مع الحارة هذيك ... شمطني 13 بكس على 9 شلاليط وكف على رقبتي من ورا ,و سحب الموس مني ... قلتله وك هاظ انته ؟!! قل لي ولك هو انته؟!! ... وقام وسلّمنا على بعض مباوسة ... وقعدنا نتذكر
في الطوشة , وكل واحد شو ضرب وشو انضرب ..
قل لي بالله عليك اذنك شفت حالك فاضي تمر علي ..
قلتله ما انت عارف أعمالي و مشاريعي , قل لي ولك
بدك تضحك علي محنا كلنا شوفيرية فرشات بشركة ريّح جسمك المساهمة المحدودة ...
قلتله خلص من عيني هاي قبل هاي .. و اعطاني الموس
و كان فارد عالبسطة شغلات حلوة كثير عرض علي اوخذ أي اشي بعجبني قلتله لأ خلص .. بكفي الموس .

والسلام عليكم ورحمة الله وبركاته

[طـارﭮ]

ليلة القبض على التوجيهي (الجزء الأول)




بسم الله الرحمن الرحيم



(( تحذير : يرجى من الي بدرسو توجيهي من المحاجيب وخاصة "اصبع النملة" عدم قراءة هذا الموضوع حرصا على سلامتهم العقلية و النفسية
بدك تقرأ .. اقرأ على مسؤوليتك الخاصة .. روح ادرسلك كلمتين ينفعنك أشرفلك .. والي خلص توجيهي ( اقرأ يا مان.. عليك الأمان ))


بحمد الله وكرمه كنت توجيهي علمي :6arban: ... ( وقد كانت الليلة التي تسبق امتحان الرياضيات ليلة لا تـــــُــــغتفر ) وبيقولولك التوجيهي حالة طوارئ و ساحة حرب :mbdy: .. تردّوش على هالحكي .. أصلا ً في دارنا و ع حظـــّـــي بطـــّـــل في عزايم و لا ولايم إلا ع سنة التوجيهي تبعتي cry ... وفي تلك الليلة البائسة الحزينة المبكسة .. أجولك اخواني الكبار ومعاهم اولادهم ( القرود اهدى منهم بشوي :h+: ) وكنت قاعد في غرفتي وفاتح الكتاب وطاير مع التفاضل :super: وبسبح مع المعادلات المرتبطة بالزمن
وفي وحدة ثانية ناسيها ( والحمد لله ) .. الله يقطع التوجيهي وساعته .. ( عشان الله دلــّــوني مين هو الي اخترع التوجيهي بلكي رحت حرقت حريشه:boxing: .. و ريــّــحتكو من التوجيهي وقرفه ) ..


عـــــــد نــــــــا <<<
انا حاقد على الرياضيات من أيام الصف الرابع وأشكر الله وأحمده انه صارت عندي عقدة اسمها رياضيات .. أمــّــا عن الفيزيا فلا تــَســَــل .. ( أطقع من الرياضيات ) :*oh:

قلت لأبوي : يابا هات مفاتيح المكتبة تبعتك الي فوق ... :sc:
ابوي : شو بــد ّك فيها ؟؟ :ag:
رديت عليه : ولا إشي بد ّي أروح أحشــّــش :*oh: .. قصدي بدّي أروح العب في أتاري السيجا :233: مورتال كومبات ( بعدين اللعبة جاية مع امتحان الرياضيات تمام .. يعني بتشوف مصيرك وانت بتلعب ) .. يابا شو بدي أكون رايح أسوّي يعني بدي ادرس علي بكرة امتحان رياضيات توجيهي .. :-c:

ابوي : عن جد :7anoon: .. طب ليش ما خبرتني قبل بوقت ؟؟ :7anoon: خذ هي المفتاح بس أوعى اتخرّب إشي :7anoon: .. والا بطبشك تطبيش .. فاهم :144:

فريد : طيب يابا بس انت ادعيلي انه مخــّــي ما يخرب :shy: .. وتظل قدراتي العقلية سليمة وما أفلــّــت :sc:

وانا طالع ع الدرج بقول في عقلي ( الساعة 8 المسا وصارلي 3 ايام بدرس ع التفاضل ولسه مش مخلصه ..
وينتى بدي ألحــّــق أدرس النيلة والغتــّــة ؟ ( الغتة : كلمة مجهولة الهوية بتظلها امي تحكيها لم أعثر لها على معنى لا في لسان العرب ولا في القاموس المحيط بس اكيد معناها سلبي ) ..

قعدت في غرفة المكتبة .. ادرس ادرس ادرس ... الحمد لله خلصت دراسة بس يا أخي بس خلصت دراسة الوحدة الأخيرة التي فتكت بمئات الآلاف من الطلاب ( المعدلات المرتبطة بالزمن ) حسيت حالي انسيت كل إشي له علاقة بالوحدتين الي قبل :6arban: .. قلت يللا ربك بفرجها .. اتطلـّـعت ع الساعة لقيتها 2 بعد نص الليل ... زبــّـطـت المنبه عشان اصحى الساعة 9 وكان الامتحان يبلــّــش ع ال11 .. ثم طجــّيت ع الفرشة ونمت بعدما انهارت قواي .. :slp:


اصحيت الصبح .. أفطرت :*d: .. وشــخــّصت .. ما شاء الله ولا ابو فايع .. مش عارف اني رايح ع الطامة الكبرى :-c: ..

وصلت مدرسة الرصيفة الثانوية وحاسس الدنيا متغيرة و في اشي غريب والمدرسة فيها أكمن شرطي انا بس شفت الشرطة خف عقلي .. ( قصدي اتطــمــّنـت ) دخلت الحرم المدرسي حوالي الساعة 10:20 ص .. قعدت انا واولاد صفي وهم قعدو يتناقشو وانا ساكت لا من ثمي ولا من كمي ( يقطع عمر التوجيهي شو بذل ّ ) .. :shy:
والا نطلك واحد من جماعتنا اسمه لطفي بيقول اسمعو يا شباب مجنون يحكي وعاقل يسمع ... قلنا له شو يا لطفي .. هات ما عندك ...
لطفي : امبارح الساعة الساعة 12 بالليل وانا قاعد بدرس والا جرس البيت قاعد برن .. قلت لحالي مين قليل الحيا الي جاي في هاي الساعة :ag: ... بكفيش توجيهي .. طالعلي انت كمان!!! :mob: ... انزلت اشوف مين والا هو واحد ملثـّــم ولابس اسود بأسود ومعاه سيجارة مارلبورو قلي تسحب سحبة؟ ..
قلتله هسه بالله عليك جاييني الساعة 12 في نص الليل عشان تعطيني سحبة دخان اقولك هاتلك سحبة .. :smoking:
بس مين حضرتك ؟؟ :idk:
رد عليّ الرجل الملثم : انا فلان الفلاني جايب معاي نسخة من امتحان الرياضيات تبع بكرة ..
قلتله : بالله عليك !!!! .. إيدي بزنارك أبوس رقبتك .. اعطيني اياها .. صارلي 4 ايام بدرس ومش فاهم اشي cry
تحب الله ... بشرف الشريف بعيلتك تعطيني اياها ..
قال لي : كل شي بحسابه ...
قلتله .. بقديش تؤمرني ؟ .. قال لي : 500 دينار و 35 قرش
قلت له : طيب 500 دينار وفهمنا و ال 35 قرش لليش ؟؟؟
وإذ بأحد المراقبين يقاطع لطفي قائلا .. يللا ع قاعاتكو...
( طبعا ً احنا عارفين انه بمزح بس عشان كنا خاف عقلنا .. ساق حبيب قلبي لطفي هذه الحكاية لإضحاكنا و التخفيف عن نفسه وعن انفسنا )

قعدت الطلاب تفوت ع القاعات ((( كأنهم يساقون الى الموت وهم ينظرون ))) ... دخلت انا وعلي نسنوسة ..( ونسنوسة هاظ اسم الحركة في شلتنا وان شاء الله رايح ييجي علي نسنوسة في قصص ثانية .. انا واياه اصحاب الروح بالروح وهو نابلسي واولاد خالتي نابلسية :hug: ( يللا فيع يا عبادة :hug: ) ..

فريد : الله يلطف فينا يا نسنوسة cry .. حاسس حالي فاصل شحن :-c: .. وقلبي بطبل عالقفص الصدري بدو يطلع يشم شوية هوى .. وهيها سحلية قاعدة بتكزدر قدام أهلي ..والسيارة هيها بتستنا ستيف اوستن ع باب المدرسة ...

علي ( نسنوسة ) : ولك شو مالك يا فريد ؟؟ .. شو شكلك محشش !! ..

فريد : ولك انو حشيش ؟؟ انا شكلي شكل حشيش ؟... انا بشرب بس ( بشرب مية مش تفكرو اشي ثاني لا قدر الله )
ولك يا علي هو في حشيش والا نيلة منيلة ب 60نيلة بتطلع براس مع الورق الي كنا ندرسه ؟!!!!!!

علي : هي الشورمة بقديش هاليومين ؟ .. وليش حاسس الارض بتمشي تحتي ؟ .. ولك هيني شايف بس بلحق ورا كلب ...... قاطعته قائلا : ولك انا الي محشش والا انت ؟
يللا افعط .. ورحنا كل واحد ع قاعته ...

انتظرونا في الجزء الثاني

[طـارﭮ]

ليلة القبض على التوجيهي (الجزء الثاني)





بسم الله الرحمن الرحيم


sms : الزغاليل الي ما تابعو الجزء الأولاني ييجو هون (http://www.mahjoob.com/ar/forums/showthread.php?t=284475)

دخلت القاعة وقعدت أحكي (( سلام عليكم دار قوم مؤمنين ... انتم السابقون ونحن اللاحقون )) .. والا المراقب بيقول لي يللا ع درجك يا شب .. قعدت أدور ع الدرج الي عليه صورتي ورقم الجلوس ... حتى ( من اللخمة ) صرت ادوّر في الدروج الي قاعدة فيها طلاب ... عاد والله كنت عارف وين هو الدرج cry ..
فريد : استاذ ... :sc:
الاستاذ : نعم .. :ag:
فريد : نعم الله عليك ... الدرج انسرق .. :shy:
الاستاذ : انسرق!! ... مين الي بدو يسرقه ؟؟
فريد : وانا شو بعرفني ؟
الاستاذ : طب انتا شو اسمك ؟
رديت عليه : اسمي ؟ ...
الاستاذ : لعاد اسمي ؟ :*oh:
قلت له : وليد ... قصدي وحيد .. لا لا .. فريد خلص فريد جواب نهائي ...
قال لي : هيــّــك هون اول درج قبال اللوح ..
قلت بعقلي ( اخلع ... قبال اللوح ... وانا بخف عقلي من القعدة قبال اللوح :frustrate بعرفش ليش )

المهم ... قعدت .. و أجا مشرف القاعات ومعاه اوراق الامتحان و فتحهن قدامنا ... ( اتذكرت قصة لطفي وصرت اضحك :nana: .. وكنت عارف انو هاي أخر ضحكة رح اضحكها من هون عابين ما تطلع النتائج :6arban: ... )

مسكت الدرج وكنت بدي أخلع ( أشرد ) :out: ... واتذكرت القصص الي كان يحكيلنا اياهن استاذ الرياضيات عن الي كان يصير في الامتحانات .. ( مرة طالب بعد ما مسك ورقة الامتحان صار يسرّخ ( ولكم مش شايف اشي .. الورقة سودا .. شايف كل اشي إلا الورقة .. كلها أسود بأسود .. وبعدين غيــّب ..))

(( القصة الثانية : واحد من الطلاب أوّل ما لقف ورقة الأسئلة اتطلع فيها شوي .. بعدين مسكها هي ودفتر الإجابة و ظله فاكح ولحقوه المراقبين برة المدرسة وما وصلوه الا وهو مولع دفتر الاجابة وقاعد بضحك بشكل هستيري وهو ينظر الى الدفتر وهو مكربج ))

عــــدنــــا <<< قلت في عقلي ( ممكن يكون مصيري زي هذولاك الطلاب الأسطوريين :mal5oom:؟!!!) ... ما شاء الله .. كيف الهمة ؟ ... عالية ...

أعطاني ورقة الاسئلة قلت احسن اشي بعمله اكتب اسمي قبل ما انساه زي قبل شوي .. لا حول ولا قوة الا بالله ..
اول ما بلشت بلشت بالضع دائرة .. ( ولك هذول الاسئلة من وين بجيبوهن ؟؟؟ .. أي والله لو انهم يهود الي بحطو الأسئلة ما هو هيك ) .. والأحلى من هيك انه المراقب واقف فوق راسي .. وبتطلع عليي كيف بحل .. و مفكرني بدي أغش .. صحيح انا مشكلجي بس والله العظيم أكره ما علي الغش :cry: .. كل الي غشيته في حياتي مرتين .. مرة وانا في الصف الثاني كان علينا تسميع سورة الماعون وكنت مش حافظها .. مسكت (( جزء عم ّ)) وحطيته جوّات الدرج .. وصرت أقرأ .. والمس مكيفة علي .. أكثر واحد حافظ :6arban: ..

والمرة الثانية في الاول ثانوي في امتحان الأحياء وبالغلط .. اسمعت جواب سؤال كنت حافظه زي اسمي .. (وانا قاعد بدرس في المادة قلت هاظ السؤال شكله رح ييجي في الامتحان ورح انسى الاجابة .. وحدث ما توقعت :*oh: ..)
بس كنت بدي اروح اقول للأستاذ هيك هيك القصة .. بعدين بطلت :mbdy: ..

عـــــــد نــــــــا <<<


بتطلــّـَـع ع الاستاذ بحكي بيني وبين حالي ( هسه هاظ مش جاي يوقف الا فوق راس أهلي yaaai ؟؟!!!! )
فريد : أستاذ ... لو سمحت ممكن تبعد شوي عشان أعرف أحل :sc: .. بكفيش مقعدني قبال اللوح:p: ؟

الاستاذ : نعم يا حبيبي ... انا واقف في ملك الحكومة :144: .. بعدين انت شكلك مشكلجي وبدك اياني ابعد عشان تعرف تغش ( لا بأحلامك .. ولا بأوهامك ) ..

فريد : يا حويوي :*oh: .. شو هالوقعة الي وقعناها .. طيب يا حبيبي ظلك واقف الله يخليك لإمك :mbdy: ..

الاستاذ : شو حكيت ؟ :ag:

فريد : ولا إشي ... بحكي ما أخف دمك :sc: ..
قلي طب يللا حل .. حل أحسن لك ..

حطيت راسي في ورقة الأجوبة .. حل حل .. الحمد لله خلصت الضع دائرة .. اطلعت ع الساعة والا هي 12 :eek: ...
يعني صارلي ساعة بحل في الضع الدائرة ومش متأكد ولا من وحدة ( يا ذكر الله ) .. وظايل علي يا 5 أسئلة يا 6 مش ذاكر وكل سؤال يتراوح ما بين 3 الى 4 فروع ..

بصراحة عينيّ دمـّّــعن وصرت بدي أعيط 3ayoo6 .. يا عمي ليش الحكي .. عيّــطت cry ..
قعدت أناور بالأسئلة .. حل حل .. وسبــّــح واستغفر يا فريد.. سبــّــح واستغفر يللا تا حليت نص الامتحان .. خلص الامتحان .. واطلعنا من القاعة ..
واحنا طالعين كان نسنوسة بستنى فيي تحت ( احنا ساكنين في حارة وحدة واحنا اصحاب منذ الطفولة )
بتطلــّع عليه والا عينيه حمر .. بقول له آآآآآآآآ يا نسنوسة :hug: .. بشــّــر :a030: ...
نسنوسة : إيش أقشر ؟ ( شكله العصب السمعي تبعه ضرب مع الامتحان )
بقول له شو يا نسنوسة ليش عينيك حمر ؟ :idk:

علي (نسنوسة ) : انا الي عينيي حمر .. طيب روح شوف حالتك ع المراية:*h: ..

فريد : والله يا نسنوسة تبهوقنا .. فش كلام .. صرت أعيط في الامتحان ..
علي نسنوسة : وانا كمان صرت أعيط ..

واحنا في طريق العودة .. بيقول لي نسنوسة بدي أقترح عليك اقتراح :-o: ..

فريد : هات اقتراحك .. انت عليك اقتراحات ( تـــgـــنــّــن)
يعني أفكارك التي لا تجيئ إلا بخير ... ولك آراء سديدة في مواقف عديدة .. تفضل يا نسنوسة ...
نسنوسة : شو رأيك نزت حالنا من فوق جسر الجبل الشمالي ؟ :loveshowe

فريد : بالله عليك .. شو شكلك ناوي تجيبلنا الحلقة الأخيرة :ang: ؟



علي : بلاش ... طب شو رأيك انطبق المثل الشعبي الي بيقول (اشرب عرق وانسى الي مرق:a030:)

انا خرطت مشطي الشغلة ... وكانت كابسة معاي .. انا عمري ما عملتها بس هاي من فوائد التوجيهي ( من فوائد التوجيهي : جلطة دماغية :die: .. اضطراب عقلي :5ayal: .. انحراف كلي أو جزئي في المعايير الأخلاقية ( زي ما كان رح يصير معاي انا ونسنوسة) .. سكتة قلبية .. احولال في حدقة العين اليسرى :mal5oom: .. وغير ذلك الكثير الكثير من الفوائد )) بس لا يا عمي انا مش بتاع الكلام ده :mbdy: ...

فريد : يا نسنوسة خلي أملك بالله كبير .. بعــوّض الله ..


يوم النتائج :e:

وهظاك الحكي كوم ويوم النتائج كوم ثاني ... رحت عالمدرسة عشان اعرف النتيجة ... حالي حال كل الطلاب ..
وصلت مطرح ما هم معلقين ورقة العلامات .. بس كانت عجقة ..أمة سيدنا محمد _ صلى الله عليه وسلم_ كلها هون ... بتطلع ع شمالي لقيت نسنوسة قاعد بردح ...
علي ( نسنوسة ) : تعال ..... ( رحت عليه بيقول لي .. يللا فيع هيني انا واياك حملنا الرياضياتaz3ar .. قلتله : ايش جبت من عندك ؟!! مني عارف من قبل ما اخلص الامتحان :*oh: ..
المهم .. شو صار في الفيزيا ؟؟ ...
علي : الحمد لله .. انجحنا انت جبت 55/110 ... وانا 57/110 ... سجدنا سجود شكر لله تعالى انـــّــا خلصنا من الفيزيا وقرف الفيزيا واستاذ الفيزيا ...

واحنا في الساحة بيقول لي صاحبي اسمه أنس ...
آآآآآآآآآآ يا فريد قديش جبت في الرياضيات ؟

فريد : صلي ع النبي .. أنس : (اللهم صلي وسلم على سيدنا محمد)
فريد : جبت 21/100 :-c: ( ما شاء الله نيرد ونيرد هاي كلمة متداولة في الجامعة وتعني : الانسان الذي يحطم الارقام القياسية في العلامات)

أنس : ولك لو اني حليت الضع دائرة لحالها بجيب اكثر :mbdy: (عاد الضع دائرة عليها 20 علامة بس هو قاعد بتخوث :mad:)

فريد : ما شاء الله عليك yaaai .. طيب انت قديش جايب :ag: ؟

أنس : وحــّــد ربك ..

فريد : لا إله إلا الله ... قديش يعني ؟

أنس : ولك بقول لك وحــّــد ربك .... يعني واحد.. :p:
فريد : ومكيفلي ع حالك .. ومش عاجباتك الواحد وعشرين آآآآآآآ يا عرص ؟ ...
أجا شرد .. لحقته وشمطته شلوط ولحــّــقته بكف :144: (عن مزح) .. بعدين ارجعنا وسلمنا ع بعض ..

لكن .. أبشركم .. قدمت الرياضيات المستويين 3 و 4 في الفصل الثاني علما اني قدمت المستوى الرابع قبل الثالث بيوم .. والحمد لله جبت في الرياضيات م3( 58/100 )
و م4 (50/100) az3ar
ملاحظة : حلفت يمين ما افتح وحدة المعدلات المرتبطة بالزمن وكان هذا هو سر نجاحي في ال م3
( احمدو الله واشكروه يللي انجحتو في التوجيهي
واللي لسه .. ربنا يوفقهم .. شدولنا حيلكم )

((( وآخر دعواهم ان الحمد لله رب العالمين )))

[طـارﭮ]

كمشتك يا شنكوتي




بسم الله الرحمن الرحيم

كان عمر عمرو عامر ابو عمرة بتمشّى في الجامعة .... و بستنّى محبوبته سالي في مكان كله عصافير و ورود وأشجار مثمرة و غير مثمرة ... اجت سالي وقعدوا يحكو بمواضيع مختلفة , فجأة و إذ بكف خماسي مخمّس يلطش عمرا فتطير ملامح وجهه هنيهات ومن ثم تعود اليه ... نظر اليها باستغراب لم يكن يعلم من اين جاءت بتلك القوة الجبّارة لتعطي هذا الكف المدوّي الي سمعه
حراس البوابة الرئيسية... نزلت دمعة ذل واحترام من عينيه .... و gام وكله حزن والم ... فإذا اخو سالي واقف .... فلم تكن يد سالي بتلك القوة العنيفة انها يد دبش بن حيطان (هيك كانو يلقبوه في الحارة) .... حكى لعمر شو gاعد بتسوّي مع اختي يا محترم .... بتحلّوا مسائل رياضيات ؟!!
رد عليه عمر : لا والله قاعدين بنحل مسألة فيزيا ...
اخوها : قلتلي فيزيا آآآآآآآآآآ !! طب فزّ خلني اشوف .
عمر : مني فازز .
اخوها : والله غير توكل ظرب .... غير اخليك تلقّط سنانك عن الارض وتعملهن مسبحة .
((فجأة و بعد ان كان الجو صحوا والشمس في كبد السماء ... إذ بالدنيا تنقلب ليلا دامساً وتستبدل الشمس بالقمر (( وتبرg وترررررررررعد على المنصة تبرg وتررررررعد)) ....... ويصدر صوت ( الي فيكو كان يلعب مورتال كومبات في زمناتو بعرفه) fenish hem
وعينك ما تشوف الا النور ..... والسلام
مع تحيات مشكلجي لكن بأدب

[طـارﭮ]

مأساة في المدرسة




بسم الله الرحمن الرحيم

شكلها سلسلة المآسي اشتغلت وبلشت تظهر على الساحة
ملاحظات :
1_ هذه الحكاية حدثت في صفنا بس يوميتها معرفتش اضحك والا اعيط عليهم
2_ أأكد لكم انني كنت متفرجا فقط (يعني ما كلتش ولا شلوط او بربيش او كف ناري او بكس...الخ)
وبلا من طول هالسيرة وخلينا نخش ع الدش (بضم الدال)


كان اياد اليوماتي جالسا في مقعده
و قد كانت للتو قد انتهت الحصة وجلس الطلاب ينتظرون الحصة المقبلة (الخمس دقايق يعني)
و كان العريف قد كتب قائمة طويلة من اسماء المشاغبين
و هواة المشاجرات والاشتباكات شبه العنيفة
التي تحرك الدماء في العروقaz3ar على حد زعمهم
وانهم قد ملوا الجلوس في المقاعد:idk: و كانهم مثبتين اليها
بمسامير (10) وفجأة !:eek::eek::eek: :ag:
واذ بالاستاذ المناوب يدخل الصف و قد كان هذا الاستاذ اخا
لاحد ابناء الصف ولكن الاستاذ كان على
العكس من اخيه
فقد كان الاستاذ شرسا:mob: غاضبا :mob:حاقدا:cool::mob: على القطط التي
تمر بجانب منزله لانها كانت تصدر اصواتا تزعجه:mob::mob::mob: ,
وما ان راى المشاغبين موقوفين عند الصبورة (صمبورا)
حتى جُنّ جنونه و هبّ مهاجما بقوائمه الاربع ضربا yaaai
ما لو وضع في جبل لاصبح هباء منثورا
و ما هي الا ثوان معدودات الا وقد صار الطلاب
المشاغبين مسويين في الارض كانهم آثار مدينة
تم قصفها بطائرة b52
لا يصلحون الا كمماسح للارض
و كان احدالطلاب المداهمين ( بفتح الهاء)
يزحف على الارض باكيا يتهدد و يتوعد ان يشتكي للمدير ما
حل يهم من نكبات وصعقات و ضربات قاضية
على يد هذا الاستاذ .
ولم ير ذلك الاستاذ في المدرسة ثانية
و يظن انه قد صار مدربا لفنون القتال بعد ان صبح متمكنا منها
جراء تدربه على الطلاب فترة ليست باليسيرة.:boxing: Yaaai

والسلام

[طـارﭮ]

مغامرات رمضانية




بسم الله الرحمن الرحيم



كانت شغلة معروفة في شلة المشاطيب في الصف الثامن الي كانت مكونة من 4 اعضاء ( علاء كريم ... و مالك الملقب بــ * مالش ملــّّــوشة * .. وعلي نسنوسة .. و فريد مشكلجي باشا ) .. عندما كان يحل شهر رمضان المبارك علينا كنا أول ما انروّح من المدرسة نظل مع بعض وكل واحد يزت شنتته جوا دارهم ويسكر الباب ويتوكل على الله ويكمل المسيرة .. وانا داري كانت ابعد دار .. اول ما اوصل ارض الوطن (حارتنا) انادي ع اخوي الزغير واخليه ينتع الشنتة ويطلعها ع دارنا .. صحيح انها الشنتة كانت قد وزنه 3 مرات بس قوة الايمان وقوة الصيام كانن يوقفن معاه :sc: .. وبعدين انظل معطينها ع ملعب النقابة ( بتعرفوه مرق معنا قي حلقة سابقة من السلسة وسوف نتعرض له الآن بشيء يسير بعون الله وقدرته) ونقعد في المدرج و انسولف في الطبايخ والمناسف ونصورها تصويرا فنيا دقيقا تقول سدر المنسف قاعد معانا .. وصنوبر ايش ولوز ايش ( عاد كنا نسمع عنهن سمع ونشوفهن ع التلفزيون ) وفخذة عجل ولبن المنسف لازم يكون الجميد كركي .. وأبصر ايش لآخر سواليف الطبيخ .. وبنكون مش جعانين.. و مع هالسير بنجوع جوع اخو هبلة :*oh: ..


وبعدين نفتح ملف ثاني .. ايوا شو هو يا حزركو ؟؟؟ ايوا احسنت يا akramoooo سيرة المدرسة والدراسة ..
((مــَــلــّــوشة : بتتذكروا كيف اليوم علاء فضح أهلنا !!! :shy: .. قال ايش زهقان من الحصة وبدو يطلع يشم شوية هوا وبتحجج بقول للاستاذ : استاذ بدي أطلع برة ..
الاستاذ : ليش ؟؟
علاء : استاذ .. كابسة معي ع عطش بدي اروح اشرب ..
الاستاذ : يا نهار اسود .. شو بدك ولك حيوان yaaai ؟؟ .. أعد على مسمعي الجريمة التي تفوهت بها منذ قليل :ag: ..
علاء : استاذ بدي اروح اشرب .. هسه صار شرب المية جريمة :idk: !!
الاستاذ : ولك جريمة ونص و خمسة :mob: .. ولك انتا ناسي انو الدنيا رمضان؟؟))

نسنوسة : هسه يا علاء يا مشطوب .. مع حفظ الالقاب طبعا .. مجيتش تتحجج الا في قصة المية يا تيس :144: ( اللهم اني صائم ) ..
علاء : آآآ والله .. والله اني نسيت .. بعدين اصلاتن الحنفيات مسكرة .. وبعدين والله نسيت انو الدنيا رمضان .. مهو ملناش 3 تيام صايمين.. راحت عن بالي :sc: ..

وما شفنالك الا اولاد حارتنا حاملين معاهم الطابة وجايين وعاملين زفة :6arban: .. رحنا عليهم

فريد : السلام عليكم يا قوم :b: ..
اولاد الحارة : وعليكم السلام ورحمة الله .. أهلييين مشكلجي ..
فريد : حظكم من السما .. زي ما بتعرفوا يا زغاليل اني في السنة مرة بلعب فطبل .. وهاي السنة اجت من نصيبكو .. وبدي اولاد صفي يشاركونا .. وطبعا نسنوسة مش غريب عنكو

اولاد الحارة : يا 100 هلا فيك وفي صحابك .. وقســّــمنا حالنا فريقين.. واعطينا يا لعب ... ويوميتها ركضنا ركاض البين .. واخوكم مشكلجي ما الو ع الفطبل الا شغل تشويط بس ..
(( كنت في الزمنات الغابرة : صف اول وثاني .. اولاد الحارة يخلوني العب ( دور البطولة ) الا وهو لحــّــيق طابات .. هذا الدور الذي استفدت منه استفادة عظيمة .. كنت الحق ورا الطابة .. بعدين اقعد أسحب في الطابة و احروث ع حالي وأحاول الإبقاء على الطابة أكبر وقت ممكن لإنه هاي الفرصة الوحيدة الي بقدر المسها فيها .. ويصيروا اولاد حارتي يسرّخوا : ولك يللا يا روحي ... شو مفكر حالك مردونا :ang: !!! شوط الطابة وخلــّــصنا عاد ..
آجي بكل حقد وروح رياضية بشوط الطابة بكل ما اوتيت من قوة ..
بس كانوا يستغربوا من ذاك المشكلجي الزغير كيف كان يشوط هيك شوطات سرابية :shy: ..
و صار لازم نشرحلكو شوية عن ملعب النقابة .... الي فيكو زار الرصيفة يمكن شافه او حكى معه .. من باصات عمان _ الرصيفة _ الزرقا .. قولوا للكونترول نزلنا ع المشاغل ( وفي قول آخر المشاكل) .. امشولكو ابو 20م بتلاقوه وبالاحضان .. ويعد ملعب النقابة من عجائب الرصيفة السبع:
1_سيل الزرقا العظيم :hi: ..
2_ الملاهي ( ارض الفرح az3ar .. وهي حديثة البناء )..
3_ حديقة الحيوانات ..
4_ ملعب النقابة :a030: ..
5_جبل التب (teb mountain ) وسوف يأتي بإذن الله في قصة لاحقة..
6_ المحرقة سابقا :-c: ..
7_ الفوسفات

عــدنــا <<<


العبنا والعبنا حتى غابت الشمس عن الوعي .. وروحنا اركاض عشان نلحق الفطور .. بس كان المؤذن دايما بعملها فينا وبيأذن واحنا لساتنا في الطريق .. وكان الحظ معي لانه دارنا اقرب دار ع الملعب و قبل ما افوت الدار كنت اودعهم و القي نظرة ع الشلة وهي بتغبر وحاطين خامس وطايرين :super: ..
اول ما افوت ع الدار .. طبعا بيكونوا اهلي مادين هالسفرة( الصفرة) وقاعدين بفطروا .. بروح بغسل ايديي و بقعد بدون لاسلام ولا كلام (وأواعيي كلهن تراب تقول باقيين في جبلة ) بس عادي هذول اواعي المدرسة..
بنسف الاكل نسف من الجوع والركض الي ركضناه .. بعدين بقلب ع ظهري زي السلحفة .. مش بكيفي .. الاكل وصل لحد زوري ومش قادر اتنفس ..


وبعدين نرد نتجمــّــع ع صلاة العشا وانتروح ( نصلي التراويح ) .. وكنا متعودين انه بعد الصلاة نحمل حالنا ونشمطها قزديرة لجسر ماركا .. وكنا نعمل للحارات الي غاد جولة تفقدية .. كنا انشوف مناظر عمرنا ما كنا نحلم نشوفها في الرصيفة شجر ايش .. وعمارات ايش .. يعني كانت الرحلة بتستاهل تعبها..
أجينا تنروّح وكان هظاك اليوم يوم مفش فيه ضو قمر .. واغلطنا ومنكم السماح
نسنوسة : شو رأيكم انجدد .. بدال ما انظل انروح من نفس الطريق .. نيجيها كوربا .. ونمرق من شارع الميكانيكية ..
مشكلجي : والله انك جبتها يا نسنوسة :a030: .. خلينا انجرب شو بدنا نخسر يعني ؟؟ هي موتة والا اكثر .. وقعدت أحمس فيهم وشعللت روح المغامرة في صدورهم ..
نسنوسة : يللا فوتوا فوتتكم :233:..
طبعا احنا بعد ما وصلنا نص الطريق ( طريق اللاعودة) اكتشفنا انه فش ولا ضو يوحد ربه..
وانه ولا محل فاتح .. وبلشنا نسمع صوت عويات كلاب مصروعة)

ملـّـوشة : الله لايوطرزلك انتا واياه .. مليش دخل يللا امشي خلينا نرجع من مطرح ما اجينا cry .. لف وجهه .. والا كلب طلعله من السحبة ( وزي كإنو الكلب بقول له : حتتباس يعني حتتباس .. حنئفل عليك بالدرباس و تتباس يا عباس ) .. قال خلص بطلنا نرجع .... المجهول من أمامكم والكلب من ورائكم .. وانا لله وانا اليه راجعون :re: ..
( كملنا طريقنا واحنا اصلا مش شايفين بعض الدنيا عتمة والقمر ماخذ اجازة ) طلعلنا كلب .. قــُــلنا ماشي .. اجا كمان كلبين قوة دعم ومساندة .. قلنا: (وماله).. اتاريه هاظ الشارع ملغم كلاب من اوله لآخره ..
واعطيها بتعطيك .. اركاض انا واصحابي ( يا فكيك) ..
وكان في جيبتي 30 قرش محوشهن مصروف 3 تيام رمضان ( كنت حاسبها منيح .. يعني في النهار صيام ... وفي الليل طبايخ وقطايف .. لليش البعزgــة .. خليهن بصير معي 3 ليرات ع العيد بعمل فيهن البدع :-o: ) ..
ومع الميمعة وقعن ع الارض .. وفش لا ضو ولا سخام بين .. قعدت ع الارض وصرت اردح ..
نسنوسة : خلص يا فريد :7anoon: ... تعال خلينا انروّح وبكرة بنرجع وبتوخذهن ..

فريد : ولك شو ارجع وما ارجع :mob: .. فكرك يا حبيبي رايحات يستنــّنــّي ويظلهن مطرحهن ... هذول 30 قرش مش لعبة .. تحويشة عمر ..
وصرنا نلم شلن من هون وقرشين ونص من هناك ع ضواو السيارت الي بمرقن كل ربع ساعة مرة وبسرعة خاطفة .. ولمينا ربع ليرة وروحنا ركاض بعد ما الكلاب صارن يعوّن علينا و فهمنــّــا انهن نعسانات وبدهن ينامن بدري عشان عليهن دوام بكرة .. ولو انها الدنيا مش رمضان كان صار في حكي ثاني .. المهم شردنا ووينك يا دار!!!

[طـارﭮ]

مــشــكــلــجــي وازعــــــــر




بسم الله الرحمن الرحيم




وطلعو من ساحة المعركة مرهقين وعزم مشكلجي ازعر ع كاسة تمر هندي من عند ابو العبد عشان يبلوا ريقهم اللي نشفوه اولاد اللذين :144:

وفجأة سمعوا صراخ من وراهم بحكي ( عهلاربعبلرغلفغللارل ) ..
مشكلجي استل سيفه و 5 حبات بزر بطيخ وقال ... تعالوا يا ابناء بني ربيعة :5ayal: .. سوف اسقي تلكم الزريعة من دماء دمائكم :ag: ...

ازعر كشر عن انيابه .. وطال موسين وحبة علكة منطاد ( الحلقة اليوم برعاية علكة منطاد و 5 حبات بزر بطيخ :sc: ) ... وقعد يعلك فيها .. بعدين رماها ع الارض ... وحكى ( اي واحد بتسمحله نفسه الردية بالاقتراب .. بدي اجعلكه زي حبة العلكة هاي yaaai )

والا واحد نط وظل يهذرب بهذه الكلمات ( لازم واحد فيكو ينشمط بوجه :-o: .. لازم واحد فيكو يتعلم عليه :-o: ... لازم واحد فيكو ينشمط بوجه :-o: .. لازم واحدفيكو يتعلم عليه :-o: ... لازم واحد فيكو ينشمط بوجه :-o: .. لازم واحد فيكو يتعلم عليه :-o: ... لازم واحد فيكو ينشمط بوجه :-o: .. لازم واحد فيكو يتعلم عليه :-o: .......... الخ )

مسكه مشكلجي وقال له : ولك بعدين معاك قرفت بسة دار عمي :ang: .. هات ورجيني وجهك ... بس عدم المؤاخذة مين انت ؟؟
... رد : انا عبد الحليم :love: ...
مشكلجي : لا حول ولا قوة الا بالله .. انت مش متت ؟؟!! .. شو جابك ع حينا يا زغيريييييييي yaaai..

ازعر : خلص حرام عليك يا مشكلجي :-o: ... هيك خوفت الولد :no: ... خلص تعال .. خذ هي شلن روح اشتري بكيت شبس من هذيك الدكانة وبعدين روّح ع داركو :7anoon: ... والا اقوللك تعال :ag: .. هات الشلن ... وبعدين شمطه من الذان للذان :e: ..
عبد الحليم : Cry

اطــّــلع مشكلجي وازعر حواليهم ولقوا الدنيا ازمة .. ينعن ولاياهم ما اكثرهم !! .. وسمعوا زي كإنه اغنية ( حاصر حصارك لا مفر ) شغالة ..
( حط مشكلجي ايده ع الجيبه ... لقي الجيبة مفروطه :*oh: ) قصدي طال علبة ( مكتوب عليها .. هذا هو غذاء الابطال والشجعان .. انه يمدك بالطاقة .. ويجعلك بركانا ثائرا .. انه يصنع منك سيارة مصفحة انه يجعلك .. بابباي .. انه ... السبانخ )

( زت مشكلجي علبة لأزعر وطال علبة ثانية الو وقربعوهن ع نفس واحد :*d: ) وولعت الموسيقى تبعة بابباي .. ( تيرت تيرت تيري تيري تريرري تيري ) وهجمو ع الاعداء ... طاخ طيخ طاخ طيخ .. وفي نص المعركة
شافو اشي لابس أبيض بأبيض نازل من السما بالمظلية ...

مشكلجي : هيييييييييييه ... الحمد لله .. اجى المدد az3ar ...
ازعر : شو يا مشكلجي ... الملائكة جاية تحارب معانا زي تروكسا cry

مشكلجي : :*oh: ... ولك لأ ... هاظ العم ابو السعيد .. مش شايفه مطنــّــط ولابس دشداشة بيضة زي الفل :-o:..

( ونزلـّـك ابو السعيد .. وشال الاعداء من ع الارض شيل .. حشــّـهم حشّ ) .. وبعدين روحنا بعد ما عزمنا ابو السعيد على جاطين حمص وفول ومسبحة az3ar

خلاص .. هيه دي كصة حياته :cool:

تم بحمد الله

[طـارﭮ]

را رو ري ... غا غو غي




بسم الله الرحمن الرحيم



ملاحظة 1 : ليس بالضرورة أن يكون كل ما ورد في هذه الملحمة الأمازيغية الكبرى قد حدث فعلاً :-o: ..

ملاحظة 2 : وا ساري سار الليل .. وا ساري سار الليل .. حب حبيبك سار الليل ..
وا ساري سار الليل :e:


في يوم بعيد من الأيام العنيفة برفق .. و الصاخبة بهدوء .. كان هنا ك مشكلجي صغير ساكن في الصف الرابع الابتدائي .. كان مشهورا في الحارة .. يعرفه القاصي والداني لأنه كان بقرط بحرف الراء وبحكيه " غاء " ..

مرة من ذات المرات كان لسه بحط اجره برات عتبة الدار والا ابن عمه الكبير وائل ماسكه :ag: ..
وائل : شو يا فغيد .. كيف حالك اليوم .. مبين عليك مسغوغ :smoke: ..
مشكلجي : ولك أول اشي أنا مش فغيد ..أنا فغيد :mob: ( قصده يحكي أنا مش فغيد أنا فريد .. بس العتب ع النظر ) ..
وائل : طيب هاي مش مشكلتنا .. بتعرف تقول كلمة " غرغرينا " :saba7o:
( سكت مشكلجي الزغير شوي .. عرف انه هاظ السؤال صعب جدا .. ويصعب على أمثاله حله خاصة في حالته القرقاطية .. اطلع يمين وشمال .. عشان يشوف اذا في حدا شايفهم أو بصور فيهم ..
ع كميرة خلوي والا حاجة عشان يذيعوها في البرنامج الجماهيري " عاهاتك يا وطن :3gl: " .. لكنه لم ير َ شيئاً من هذا القبيل .. بعد ما اطمن للوضع .. فتح ثمه شوي شوي .... وظل فاكح طوالي ع ملعب الحارة ..

كان يتطلع ع اولاد الحارة وهم بلعبوا فطبل .. استنى ييجي حدا يقول له تعال العب معنا ..( كانت أمنية فقط) .. بعدين قعد يفكر في اللغز .. استجمع قوته وبكل ثقة قال :-o: : غـغــّــغينا .. غـغــّــغينا .. لا حول ولا قوة إلا بالله cry .... ليش كل الاولاد الزغاغ بعغفوا يحكو حغف الغاء إلا أنا .. صغت مسخغة الحاغة والمدغسة :cry: ..
( وعندما قارب أذان المغرب أن يصدح في الحارة.. ويعطر جوها بذكر الله العظيم .. حمل الأطفال أنفسهم مع كرتهم .. وتوجهوا إلى بيوتهم .. تأخر مشكلجي الصغير قليلاً ريثما خرج الجميع من الملعب ..
كانت الوحدة ملعبه .. لا يختلط كثيرا بالناس حتى لا يسخروا منه.. عاد مشكلجي الصغير إلى البيت آملاً بشيء من الهدوء النفسي الذي يشكله المنزل )

قعد مع امه ..
مشكلجي : يما .. أما معلمة العغبي قالتلنا اليوم شغلة :) ..
ام مشكلجي : خير يما .. شو قالت :-o: ؟
مشكلجي : معلمة العغبي قالت انه اللي بقغط بأي حغف بكون علامة على انه ذكي و عبقغي az3ar ..
ام مشكلجي :بالله شو ! .. لعاد إذا على هالحكي بكون" علاء البَـَــتــّــوو " أعبقر واحد في تاريخ البشرية ..
لأنه ما بحكي ولا حرف صح :bg: ..
ولو يحول تركي أو ياباني أو حتى لغة من لغات جنوب افريقيا ببدع فيها بدون نقاش , أما عربي مستحيل يحكي هاظ الولد ..
( زعل مشكلجي الزغير من امه .. وراح ع غرفته وقعد هناك لحاله )
مشكلجي : يا الله ... كل الناس بتخوثوا عليي .. حتى في الحصص مش عاغف اشاغك ..
ولا قغآن كغيم عاغف أقغأ .. نفسي أعغف أقغؤه منيح عشان آخذ حسنات اكثغ .. لأنه أخذنا في المدغسة انه اللي بقغؤه وهو ماهغ به كان مع الملائكة السفغة الكغام البغغة .. وصار يعيط ..
فاتت عليه امه وشافته بعيط ..
ام مشكلجي : ولك شو مالك يا فريد ؟؟ .. ليش بتعيط !!
مشكلجي : فش اشي يما .. كنت قاعد بقطع بصل عشان هيك عينيي دمعن :*oh: ..

ثاني يوم راح مشكلجي الزغير ع المدرسة كالعادة .. صحي غسل وجهه و لبس الزي مشط شعغاته
ولبس بوته الأميــgـــو اللي بظوي وبطفي .. ظل أسبوع يعيط لأبوه عشان يشتريلو اياه .. وراح بخطوات مهترئة لأنه كان يعرف انه اليوم ( يوم جديد ) و (يسعد صباحك) مع مسخرة جديدة .. ولكن ....

أول حصة كانت حصة عربي..
قرأت المعلمة الدرس .. وبعدين قالت : يللا يا شطورين .. مين بدو يقرأ الدرس الجدييييد ؟
( كل الصف رفع ايده .. وكانت من ضمنهم ايد جديدة ( وكالة )نعم انها ايد مشكلجي :bye: .. المعلمة استغربت هاي أول مرة برفع هاظ الولد ايده عشان يشارك .. وبحركة لا إرادية قالت له صف ع اليمين واقرأ ..
مشكلجي : الدغس العاشغ .. جابغ عثغات الكغام :eek: ( سبحان الله فش كلمة الا فيها حغف غاء .. قصدي حرف راء :*oh: )
( الترجمة : الدرس العاشر .. جابر عثرات الكرام).. وقرأ الدرس كله بالمطبات الغائية كلها )

المعلمة : شو اسمك يا شطوووور ؟
مشكلجي : اسمي فغيد يا مس :shy: .
المعلمة : سقفوا لصديقكم فريد ( وصار الصف يسقف ويقولوا الله اكبر :6arban: .. والبنات تزغرت ..
اجت المعلمة حطت له نجمة ع صباحو وشبرة خضرة عالبلوزة :thx: ..
روح مشكلجي ع الدار وهو مبسوط لدرجة انه كان رح يندعس 15 مرة من كثر ما هو مش شايف الفضا ..

روح ع الدار وحكى لامه القصة كلها..
ولما أجا ينام كانت المعلمة أعطته ورقة وقالت له كل يوم قبل ما تنام بتقرأ هاي الآيات .. وان شاء الله بصير خير ..
اعوذ بالله من الشيطان الرجيم .. بسم الله الرحمن الرحيم ( قال رب ِّ اشرح لي صدري * ويسـّـر لي أمري * واحلل ْ عقدةً من لساني * يفقهوا قولي *)
صدق الله العظيم .. طه ( 25 – 28 )

والحمد لله .. انفكت عقدة هالمشكلجي الزغير المسكين az3ar



شكر خاص لصديقي mad 4 ever اللي ذكرني بهذيك الأيام .. من خلال احد بوستاته .. وهي أحلى بوسة :love:

[طـارﭮ]

نهاية دواوين شجاع




بسم الله الرحمن الرحيم


كانت هناك حارة هادئة مطمئنة يأتيها رزقها من كل مكان بكرة وعشيا
كان الاطفال الصغار يلعبون بها من بعد صلاة العشاء :h+: واذ بأحد الزعران الاشاوس :ta5: المشهورين في حارتهم وكان يدعى ب حمودة سعسوعة :اظرب: .....
شارد وواحد من الشرطة لاحقه :5ayal: ..... ووقفلك الازعر وقال للشرطي يللا قرب وورجيني زلوميتك:ag: ....
الشرطي : ولك سلم حالك اشرفلك :-o: .... سلم حالك وما بتندم :sc: ....
سعسوعة : ما انت هذيك المرة قلتلي نفس الحكي واندمت :*oh: .... وانا مش خاروف عشان تمشي عليي نفس الحركة مرتين yaaai .... أحـــّـــــا

الشرطي : هاي المرة غير عن كل مرة ( وبلشت الناس تلتم تقول في عرس ) ... ( والازعر شارب قنيتين عرق واربع حبات بانتانا :*d: ))
مع مرقة شحرور من ورا الازعر معاه صحن رايح يشتري حمص من عند ابو السعيد ....
شحرور : السلام عليكم :b: ....
الازعر : وعليكم السلام ورحمة الله وبركاته ... شو من وين رايح تشتري من عند ابو السعيد والا ابو علي ....
شحرور : لا من عند ابو السعيد ازكى ...
الازعر : طيب قولو بسلم عليك سعسوعة وبقلك توصى فيي وكثر الحامض .... وسلملي عليه كثير السلام ...
شحرور : ولا يهمك رح يوصل ....
( الشرطي موجه المسدس باتجاه الدواوين وايديه برجن من الخوف تقول ماسك كمبريصة ووقع المسدس من ايدو ورد طالو ع السريع ))
الشرطي : بديش ولا اخو (....... ) في الشارع ..... فاهمين يا كلاب ....
سعسوعة : تيجيش في اولاد حارتي ولك yaaai ... فاهم ؟؟؟ ( هنا ازدادت الحارة تعلقا وحبا ل سعسوعة :hug: )
الشرطي : ولك شو مالك :ang: ؟؟؟
سعسوعة : قلتلك مليون مرة اوعى تسب على اولاد حارتي :mob: خليهم يتفرجو ع قدوتهم .... ويللا يا شباب حارتي الي بحبني يرفع ايدو ....
وبلشتلك الحارة تصفر وتنده باسم حبيب الشعب (سعسوعة az3ar ...سعسوعة az3ar ..سعسوعة az3ar ..)
وأجتلك 3 دوريات شرطة وحوّطن المكان ( سلم نفسك .... المكان محاصر )
سعسوعة : والله العظيم ماني طالع معاكم :mbdy: .... يا بتتصلو بالحوت وبتخلوه ييجي يا اما بذبح حالي من الوريد للوريد وحط الموس على رقبته ( الحوت : صديق الطفولة تبع سعسوعة كانو ايام زمان يلعبو شرطة وحرامية ..... سعسوعة كان الشرطي .. والحوت كان مع الحرامية ..... وبس كبرو انعكست الاية ) ..
عدنا ..............
اتصل واحد من الشرطة بالحوت ....
اجا الحوت وسلم على سعسوعة وراح حطو في الطبون تبع الدورية وقبله من جبينه ( ولك بدكاش تعقل يا سعسوعة !!!!!! )
وصار سعسوعة يشاورملهم لاولاد الحارة ..... وولاد الحارة يشاورموله.



http://images1.fanpop.com/images/photos/2100000/vin-vin-diesel-2177834-451-517.jpg

[طـارﭮ]

مـــغــامـــرات شــــحــــرور ...




بسم الله الرحمن الرحيم




تســلـّــل شحرور الى بيت خالته في ليلة مقمرة ذات نجوم ساطعات .. وكانت عند عتبة البيت
قطة مجنونة ترضع صغارها .. فرفصها شحرور بحنــّــية بالغة على بطنها مما أدى الى طيرانها واستحمامها في نهر الفرات ... ثم تابع تسلله على طريقة الأفعى الخائفة المتسللة .. والا فجأة ابن خالته حمودة اللي في نفس الصف ( السابع ) طالع له من السحبة ...

حمودة ( صار يسرّخ ) : ولك شو اللي جابك يا شحرور على بيتنا
في هالساعة اللي زي وجهك :eek: ؟؟
شحرور : ولك وطي صوتك ضفضع عضــّــك :mob: ..

حمودة : ليش أوطي صوتي .. ولك شو اللي جابك ع دارنا الساعة 3 بنص الليل :ag:
شحرور : بدك الصراحة والا بنت عمها :-o: ؟؟

حمودة : لأ بدي بنت اختها :mbdy: ..
شحرور : بنت اختها نايمة هسه .. شو بدك فيها :144:
المهم .. انا جاي اسرق البليستيشن ثري تبعتكو بصراحة :-o:

حمودة : هييييييييييي :eek: .. الله لا يوفقك يا شحروووور .. صحيح انك ما بتستحي :144: ..
جاي تسرقنا يا كلب .. طيب مش انا عرضتها عليك هذيك المرة هدية وانت رفضت :144:
شحرور : هيك انا طبعي .. بحبش حدا يكون الو جميلة عليي :mbdy: .. وبعدين هاي البليستيشن حقي الشرعي والطبيعي :-o: .. هذيك اليوم حلمت انو ابوي اشترالي اياها منكو .. وهيني اجيت استرد حقي yaaai

حمودة : يا زم غور من وجهي غاااااااااد :mob: ..
شحرور : شو بدك ولا ؟؟ .. ليش طايل الخلوي ؟؟ .. ليكون بدك تتصل بالشرطة 3ayoo6 .. هاي آخرة العشرة والقرابة يا قرابة :hug:

حمودة : خلص .. بطلت بدي اتصل بالشرطة :7anoon: .....
شحرور : Az3ar
حمودة : بدي اتصل بمستشفى المجانين عشان يوخذوك على موطنك الأصلي :loveshowe

شحرور : أبوووووس ايدك يا حمودة لأ .. أبوس حفــّــايتك القديمة .. عشان امك اللي هي اخت امي يا حمودة :cry: ..
حمودة : هسه تذكرت انو امي اخت امك يا حيوان :-o:

شحرور : سامحني يا شحرور .. حبيبك انا :shy:
حمودة : طيب .. بسامحك بس ع شرط :-emb:

شحرور : اشرط واتشرّط يا ابن خالتي .. حتى لو بدك الشرط اللي انا لابسه :shy: .. انا تحت أمر عطوفتك cry
حمودة : شرطي هو انك تجيب الكومبيوتر تبعك :computer:مع كل سيديات الألعاب والبرامج اللي عندك :-o: وتعتبرهن قرض حسن الى أجلٍ غير مسمى .. شو قلت :ag: ؟؟
شحرور : لأ يا حمودة .. لأ ... انت هيك زودتها كثير .. وشو بدو يظللي يا ابن خالتي :basss:


حمودة : خلص لعاد .. بسيطة .. هسه بصحــّــي امي من النوم ... وبحيكلها احزري مين جاي عنا ضيف في هالساعة المباركة :-o:
بتيجي هي بتطول شبشب وبتشمطه في ثمي وبصير يطيح دم cry ..
وبعدين بتصير تزعّق وتنادي .. ولك انو اللي بزور حدا الساعة 36 في نص الليل :mob:
انا بحيكلها : هاظ ابن اختك شحرور .. جاي يسرقنا :-o:
بتيجي هي بتلطملها ساعتين زمن .. هاظ بدل ما تقوم تصليلها ركعتين في جوف الليل ينفعنها يوم القيامة .. وبعدين بتمسكك وبتشحطك ع داركو وبتزتك في حظن امك .. وانت مش غشيم عن خالتي يا شحرور .. رح اتطلــّــقك وتلعن امك بعزا ابوك وتحشي كل الكنادر والبوات في ثمك وهاي المرة بالعرض .. لأنو المرة الأولانية كانت بالطول :bg: .. وبعدين امك بتصحي ابوك .. وابوك بصحي اخوانك وسيدك .. وسيدك بصحي عمامك .. وعمامك رح يصحوا اولاد عمامك .. واولاد عمامك رح يصحــــ ( وهنا قاطعه شحرور )
شحرور : ولك خلااااااااااااااااااااااااص .. يحرق عرظك شو هاظ ... حاطط كل أفلام الرعب في جملة مفيدة :mob:

خلص من بكرة اعتبر الكومبيوتر وكل السيديات والثلاجة والفرن.. و الدي في دي كمان .. شو .. مش عايز دي في دي .. دي في دي ... والسطح تبع دارنا صاروا عندك
.. شو .. انبسطت هسه cry ؟؟

حمودة : لأ يا حبيبي .. انت انسيت كمان شغلة :-o:
شحرور : وشو هي الشغلة ؟؟ ليكون بدك الشلن اللي في جيبتي .. سدقني هاظ لواحد صاحبي مخليه معاي امانة .. مش رح اقدر اعطيك اياه .. الامانة غالية :-c:

حمودة : انو شلن هاظ :144: .. انسيت اني راسب في امتحان الرياضيات .. بدي اياك تعطيني اكمن علامة منك عشان انجح :love:

شحرور : شوووووووووووو ؟؟ طيب منا هيك برسب وانتا بتنجح :re:
حمودة : هسه بروح احكي لأمي وامك بتحكي لأبو.......
شحرور : خلص يا ......... بكرة بحكي لأستاذ الرياضيات يعطيك علاماتي cry
بس بدي اقول لك كلمة وحدة أرد فيها عليك عن كل العمايل اللي عملتها فيي يا حمودة ...

حمودة : تفضل :koooty:
شحرور : يمهل ولا يهمل cry

[طـارﭮ]

هلوسات واحد مشكلجي




بسم الله الرحمن الرحيم


هلوسات واحد مشكلجي

دخل حسن ابو الروس الى احدى المقاهي , كان نفسه يعيط و يضحك في آن معا , كان نفسه يشرب كتشب , بس لما نظر عن كثب , اتضح له انه كان يحب , ويا حزركوووووووووو
مين كان السبب ؟! المهم شرب و ذهب , وبعدها نظر يمنة ويسرة , و أيقن انه في حالة مبهرة , زحلق على جناح السرعة , و تعرقل بهذيك السلعة , البيت بعيد , والارض تعيد وتزيد , والماء أزرق كلون مشط قديم , طارت حبيبة من ماء الغبار , و تعذبت في الاسفار , وقفت امام منقار طائر , قال لها إني جد حائر , وصندوق من خشب مكتئب , كان على ظهره قد كُتب , امه تبحث بجدّيّة, عنه كي تعصر العصير , وتسقيه له في الحال , ظل الدب هاربا من الغابة , متجها نحو كرم العنب , وهناك كان له الارنب بالمرصاد , لكنه جاء من حيث عاد , اما نسرين وسعاد , فقد رحلتا منذ زمن بعيد , و الصومال بقراصنتها الاشاوس ,
اختطفوا سفينة روبن هود , و هيك هيك لليهود , الشرطة في خدمة الشعب , وكانت هناك رصاصة سمراء تحمل ابتسامة لوحاء , قد شطرت نملة الى نصفين , قالت اخت النملة هلمّ جرّا , الحزن داهم المدينة , لكن الفرح باغتهم على شكل مورينة , حضّرت الام الشطائر , و أطلقت ابناءها الاربعين , في الحدائق العامة , ثمن سيجارة الفايسروي في عصر قد مضى شلن , والبحار تكون 75% من مساحة الارض , والتعب أرهق الاسد النائم منذ سنين , والشارع يركض بسرعة , والرصيف يتنحى جانبا كي لا يصطدم به (( هاي النظرية انا اللي طلعتها )) , ومن جهة اخرى كي يفتح له مجالا لاحراز هدف في مرمى الخصم .

يللا روحوا , إذا حدى فيكو فهم اشي يقولي

[طـارﭮ]

زعرنة




بسم الله الرحمن الرحيم


كان يا ما كان في قديم الزمان

كان هناك بوستات مميزة .. تم انتشالها من الجذور بأيدي ناعمة .. .. ذهبت كأنها لم تكن في يوم من الأيام ..
كتابات لكتاب رائعين .. على سبيل المثال لا الحصر ..
ولادة طوبرجي
mad 4 ever
مواسرجي ازعر

وغيرهم الكثير .. وهاي بعض مواضيعي اللي تم حذفها ... قلت لازم أرجعها لموطنها الأصلي
اضحك وفرفش .. أغلى قسم على قلبي هو وناسه :hug:


جو النص ( زي اللي عن جد :bg:)
هذه القصة مستمدة من عبق الواقع و جنون الخيال
هاي القصة صارت مع احد ابناء حارتي وصاحبي وهو من المصادر الموثوقة عندي
و على ذمة الراوي حصل الآتي ... يللا خلينا انشوف القصة مع بُعُظ :

كان شحرور وصديقو شحبور قاعدين قبال مدرسة البنات
ومقظّيينها على ايش يا حلو و وين يا قمر ... انت بتبزّقي والا الدنيا مطر .... وحرايق ع الرايق ومن هالحكي الفاظي ...
وما خلّصوا تطgيس من هان والا هم مشفوطين من هان ( خير اللهم اجعله خير كإنها ايد شرطي متأكدتش من هذه الحقيقة الا لمن صحيت والقيت حالي انا وشحبور في المخفر)( قال لي الراوي )
المهم ....
الظابط : ولكم جننتونا معاكم:mob: ... ولكم بتتقوش الله .. ولكم مظلّش بنت تعتب عليكو
حلوة ... شنعة بتفرقش معكم ( ورجيني جاي انتو صلع اشي ... لا مش صلع ....) .. كله بتلطّشوه
طب الحلوات و أمر الله ... طب الشنعات شو بدكو فيهيييييييين :mob:yaaai؟

شحبور : عشان نرفع من معنويّاتهن سيدي ...:bg:

الظابط : قلتلّي بدك ترفع معنويّاتهن آآآآآآآآ:ag: ؟!!! ....... يا وليد ارفعلياه فلقة تا يقول بكرة العيد
والثاني هاظ اشبحلياه ع السلم .....

( و فلقوا شحرور وصار يعيّط و يترجى , وأعلن توبته امام الملأ توبة نصوح لا رجعة فيها
بس اللي أثار عجب و اعجاب الظابط انه هظاك المشحر شحرور ايش ما يسوّوا فيه بظل مبتسم
كفوف ...... مبتسم .. شلاليط ....... مبتسم شد ورخي على السلم ...... عبث .. أبداً ظلو مبتسم )

شحرور : عشان الله يا سيدي خلاااااااااااااااااص بكفي حرام عليكو ... لو اني قاتل قتيل ما هو هيك.

شحبور : سيدي خلص اعتقوه من شان الله...... اعتقوه هسّه بموت من الكتل .

الظابط : مش مفلته الا عبين ما يبطل توزيع ابتسامات ...:cool: بس شكله مش رح يبطل من هون ليوم الدين ... شو مشرّبه وله .... اعترف ( صليبا .. برزيلي .. ولكم ....... شو بالزبطyaaai ؟)

شحبور : لا يا سيدي هاظ هيك ربنا خالقه ... نايم .. مبتسم .. قايم .. مبتسم
بوكل .. مبتسم .. بعمل طوشة .. مبتسم.................

الظابط : طب يللا احملو حالكو و ع الدار بديش اشوف حدا فيكو طول مني عايش.

شحرور : بس اذا فش ثقلة ... يا ريت اتجيب وليد عشان يحملنا
منّي و عليّ ... مش شايف الفضا ... واجرينا مش حاملاتنا
الظابط : يا وليييييييد .... تعال انتعهم بره

المفاجأة او في قول آخر ( الصاعقة )
أبّهات شحرور و شحبور بستنّوا فيهم بره بعد ما بلّغتهم الشرطة بفظايح اولادهم
و في الدار ......... طبق الاصل العلئة اللي فاتت ... لا الم زاد ولا الم نئص ... بس في الآخر خدوهم فوء السطوح وكاينين عايزين ..... والبقية عندكو